كرونيك بعنوان 😈😈#احببت_من_قالوا_عنها_اختي

الحلقة الثالثة

#الحلقة_الثالثة ايلول : راني فرحانة بزااف ادم : هههه علاه يا المهبولة ايلول : فرحانة كي عندي خويا بقلاوة كيما هك راح يولي يديني نقرا باه نفوخ قدام صحاباتي بيه ليث ياك تديني نقرا ليث : ا اه هيه ادم : اااا شتي ليث نسيتيني خلاص ايلول : وانا نقدر ننسى حبوبي مصطفى : هههه و اخيرا تلمت عايلتنا و كملت فرحتنا فاطمة : والله فرحتي ماني عاطيتها لحد واش رايكم نديرو حفلة بمناسبة رجوع ليث ايلول : ياااااي نمووووت فالحفلات انا نروح نوجد روحي من دوك و طلعت تجري ليث : يما راني تعبان اسمحولي نروح نريح شوي و من بعد نحكيو فاطمة : روح وليدي رانا وجدنالك شمبرتك اصلا مزالت كيما خليتها ليث : اوكي صحا ليكم يا جماعة طلع ليث لشمبرتو و في طريقو فات على شمبرا تاع ايلول لي كانت قريبة من تاعو كان الباب تاعها محلول و هي لاتية خرجت قشها اوكل من الخزانة و تشوف فيه ماحستش بيه و هو وقف قدام الباب يشوف فيها شحال كبارت و زيانت طلعت ايلول راسها شافاتو يشوف معاها و غايص ايلول : ياااا خويا ماشتكش اسمحلي كشما بغيت ؟ ليث : اه لالا فت برك منا سمعت لحس طليت ايلول : هههه لازم توالف الحس تاعي انا هكا وين نروح ندير الفوضى ليث : نورمال انا نروح نريح مبعد نحكيو ايلول : اوكييي و تلاحت باساتو من خدو هو جمد بصح هي عندها نورمال موالفة مع ادم كثر من هك خرج ليث راح لشامبرتو تكسل على السرير حط يدو تحت راسو و عاود ولا بيه الزمان ل 15 سنة فاتو