كرونيك بعنوان 😈😈#احببت_من_قالوا_عنها_اختي

35

35 فاتت 3 شهور ايه 3 شهور ليث تقدرو تقولو عليه ولا مهبول ماخلاش بلاصة ماحوسش عليها فيها و لي مجننو كثر مالقى حتى تذكرة سفر محجوزة بإسمها هذا يعني مزالت فالبلاد حوس حتى عيا و فقد الامل رجع لعادتو يروح كل ليلة سكران لدارو مابغاش يروح لدار والديه بقى في دارهم هو وياها كل ليلة يهز حاجة من قشها يشم ريحتها و يحس بقربها والديه عندو قريب شهرين ماشافهمش يحكي معاهم زوج دقايق فالتلفون يطمن عليهم هذا مكان الشركة ماولاش يروح ليها همل روحو ولا يفوت نهارو يحوس عليها فالطرقات و ليلو فالبار يشرب جا الصباح فاق ليث و فاقت معاه مواجعو شاف الدار كيفاه مقلبة و ريحتها مليانة شراب ناض حل البيبان و الطواقي باه تتهوى الدار و بدا ينظف فيها قشو اوكل موسخ هزو حطو في كيس وراح يديه لدار باباه منو يمدو للخدامات يغسلوه و يجيب قش من لي عندو لثم و منو يشوف والديه لي عندو بزااااف ماشافهمش ، ركب فالطوموبيل يمشي و عينو على الطريق متأمل تصرا كاش معجزة و يشوفها بصح خاب املو كيما كل مرة ، وصل للفيلا دخل عطا القش للخدامة و راح عند والديه لقاهم يفطرو وحدهم تفكر كي كانو يفطرو اوكل مع بعضاهم تفكر هبال ايلول و غيرتو عليها كي كان يشوفها مع ادم ابتسم ابتسامة قهرة و اسف على واش صرا ليث : صباح الخير فاطمة : يا ربي مانيش مصدقة شكون لي جا صباح الخير يا الغالي صباح الخير يا نور عينيا اقعد تفطر معانا ليث : ( قعد ) واش راكي يما و انت بابا ان شاء الله تكونو لباس مصطفى : لباس وليدي لباس فاطمة : لا ماش لباس توحشناك يا وليدي الدار فرغت علينا من بعدك علاه رحتو اوكل و خليتونا ( و بدات تبكي ) ليث : خلاص يما ماتبكيش اسمخيلي عندك الحق ماكانش لازم نبعد عليكم بصح اكي علابالك بواش راني نفوت فاطمة : (بتاسمت و لمعت في راسها فكرة ) مانقبلش اعتذارك الا اذا بت عندنا الليلة ليث : بصح فاطمة : يا مصطفى احكي معاه او قسملي قلبي و دوك حتى ليلة مابغاش يباتها عند يماه ( و بدات تبكي في دموع التماسيح ههه ) مصطفى : اسمع ليماك عيش وليدي بات الليلة برك رانا متوحشينك و الدار فرغت علينا ( مصطفى ماعلابالوش بواش راهي تخطط مرتو ) ليث : اوكي يما مايكون غير خاطرك بصح انا دوك نروح عندي شوي شغل مبعد فليل اني نجي فاطمة : ماعليش يا وليدي ربي معاك رانا نسناوك على لعشا راح ليث كالعادة يحوس على ايلول و لالة فاطمة دخلت لشامبرة ليث (مبعد نعرفو واش دارت )