كرونيك بعنوان 😈😈#احببت_من_قالوا_عنها_اختي

15

15 بعد يومين فليل كانت الفيلا مليانة برجال الاعمال و اشخاص من الطبقة البورجوازية كانو الكل مجتمعين فالحفلة لي دارها سي مصطفى لبنتو و كانت ايلول اجمل وحدة فالحفلة لابسة غوب سواري مالقدام فوق الركبة و ملورا طوييلة فالغوج طالو و بوشات فالنوار و طالقة شعرها لي واصل لآخر خصرها و مدايرة خلخال في رجلها و شوي اكسسوارات هي هكاك تحكي مع الضيوف و تشوفو داخل من الباب بكامل وهرتو و رجوليتو كالعادة ريحتو سابقاتو بقات مركزة عينيها معاه توحشاتو بزاااف بداو يقدمو في زوج من بعضاهم متجاهلين لي فالحفلة اوكل ليث : ايلول قبل مايحكي تلاحت ايلول رمات روحها في حضنو دموعها كالعادة سابقينها و هو ماقدر يدير حتى حاجة عايش في صراع مع عقلو و قلبو قربت من وذنو و همست ايلول : توحشتك هو سمعها قالت هكاك كورون سرا في جسمو الطفلة هاذي هي الوحيدة لي تحرك غريزتو بصح مابينش تنهد و قالها : الف مبروك ايلول هو قال هكاك ايلول فاقت من احلامها حشمت من واش دارت و جبدت روحها ابتسمت ايلول : مرسي يعيشك بصح وين راهي هديتي ماتقوليش ماجبتليش ليث : كيفاه مانجيبلكش هذا بصح ماش دوك مبعد تعرفي واش هي باسكو هديتي مانقدرش ندخلها لدار ايلول : ييييي حمستني نعرف واش هي زعما تكون جبتلي طيارة ؟ ليث ضحك بأعلى صوت من تخمامها : ههههه انتي ماتحبسيش هبالك ؟ هيا امشي قدامي للحفلة كي تخلاص تعرفي واش راني موجدلك راحو في زوج للحفلة و كل واحد واش راهو يخمم ( حاليا هذا واش كتبت كاين بزاف احداث جاية زعما ممكن تكون حامل بايرادتها !! و واش راهو موجد ليث لأيلول و راح يسامحها ولا راح يحقد عليها كثر اسرار بزاف راح تتكشف بعد ماتخلاص الحفلة هيا حنا نخليهم يحتافلو في عقلهم