كرونيك بعنوان 😈😈#احببت_من_قالوا_عنها_اختي

الحلقة السابعة

#الحلقة_السابعة ايلول راحت ديراكت لشمبرتها سكرت الباب على روحها و بدات تبكي و تتفكر واش صرا اما هي مكانتش تبكي كيعاد باسها خوها كانت تبكي من احساسها لي حساتو و باسكو خلاتو مامنعاتوش و في لحظة كانت راحت تتجاوب ايلول : يا ربي واش هذا درت كيفاه نخليه يبوسني راهو خويا من دمي و لحمي واش هذا راني نحس بقات هكاك تبكي و خايفة من واش راهي تحس حتان داها نعاس و رقدت هكاك بدموعها نوليو عند ليث لي مكانش اقل منها اما هو تخمامو كان في حاجة اخرى ليث : ماتعرفش تبوس حبيبي جامي باست انا لول لي بستها يا ربي مانيش مصدق و قاعد يضحك و حدو كي المهبول دخل عليه باباه مصطفى : واش بيك ولدي لباس ؟ ليث : اه لالا بابا مكان والو كشما تحتاج ؟ مصطفى : لالا ولدي جيت نشوف اذا عجبك بيروك و الشركة ليث : عجبني كلش بابا غدوة نبدا الخدمة ان شاء الله انا دوك نروح و مبعد خرج ليث فرحان بزاااف اهم حاجة تاكد لي هو الاول في حياة حبيبتو ماخمم في حتى حاجة خلاف لا فاه راهي تخمم هي لا واش راح تقول تاكد من فرد حاجة لي هو خلاص طاح فيها حبها حب لي راهوم يقولو عليها ختو بصح هي عمرها ماكانت ختو هي حبيبتو صغرونتو هكا كان يقول جا الليل روح ليث و هو خايف يتلاقا معاها و واش راح يقولها دخل لقاهم ملمومين على الطاولة يسناو فيه غير هي مكانش سلم عليهم اوكل و قعد سكت سكت مبعد ماقدرش لازم يسقسي عليها ليث : وين راهي ايلول حسها غاب ادم : ههههه شفت خويا هذاك الهدوء كي ماتكونش فاطمة : راهي راقدة اي راحت الخدامة تعيطلها دوك تهبط هكا شوي و تهبط ايلول بالشورت و التريكو لقصير كالعادة تحك في عينيها من النوم تقلق كي شاف لبستها جا راح يهدر مبعد سكت ايلول : بونسواااغ و راحت باست ماماها و باباها و ادم لحقت عند ليث هبطت عندو باستو على خدو و رجعت بلاصتها تضحك و تحكي تتمهبل تقول ماصرا والو