كرونيك بعنوان 😈😈#احببت_من_قالوا_عنها_اختي

12

12 ليث من هاذيك الليلة لي عتارف فيها بحبو لأيلول خلاها على راحتها مابغاش يضغط عليها علابالو صعيب تتقبلو كحبيب بعد ماكانت مدايراتو خوها فاتت يامات و كلش كان عادي واحد النهار ليث كان فالشركة كالعادة لاهي بالخدمة و الصفقات حتان جاه اتصال ليث : الو مدير المدرسة : انت ليث *** اخ الطالبة ايلول *** ؟ ( ليث ماعجبوش الحال كي قالو انت خوها بصح كان خايف عليها وحاب يعرف علاه شكون لي راه يحكي معاه و علاه اتصل بيه ) ليث : ايه انا هو شكون انت المدير : انا المدير تاع الثانوية لي تقرا فيها ايلول حبيت نقولك راهي داخت اليوم فالفصل و رانا نقلناها للمستشفى اذا تحبو تجيو عندها ليث : واش راك تقووول علاه داخت واش بيهاااا المدير : والله ماعلابالي دوك يخرجو التحاليل و يعرفو السبب انا بغيت يجي واحد من طرفكم يستفسر و يستالم التحاليل ليث : كيفاه هذا ماعلابالكش و واش هي خدمتك مالا شوف والله و تصرالها حاجة الثانوية هاذيك نقلبها عليكم احكي ازرب واش من مستشفى راهي المدير : م مسيو ليث انا ماعنديش دخل ليث : شوف كي مزال يحل في فمو اربك ازرب قولي اسم المستشفى ولا **** المديي : راهي في ***** ليث كوبا عليه و طار للمستشفى قلبو قابضو راح يموت بالخوف على حبيبتو هو مايحملش فيها النسمة وينك يشوفها مريضة طار بالطوموبيل يحرق فالطريق وصل في دقيقة راح يجري سقسى على غرفتها و راح عندها دخل عندها لقاها راقدة ماهيش هنا طول قعر قدامها و حكملها يدها ليث : اه يا صغرونتي واش راهو صاري فيك و انا ماعلاباليش ندمت علاه بعدت عليك بصح انا كنت حاب نخليك براحتك شوي مكانش علابالي راح يصرا هك ايلول : ل ليث جيت ؟ ليث : جيت يا روحي جيت فقتي واش راكي تحسي كشما كاينة حاجة توجع فيك ؟؟ ايلول : نحب نحب نشرب ليث : دوك نجيب لعمري تشرب عاونها قعدها و جابلها كاس ما شربلها و مسحلها فمها ليث : ايلول انا نعيط لطبيب نقولو اكي فقتي و نجي ايلول : ماتخلينيش وحدي اهئ اهئ ليث : خلاص يا روحي راني هنا معاك اسكتي يا البكاية تاعي دوك علاه الدموع هاذو ايلول : خفت نكون مريضة بكاش مرض و نموت ليث : شششش واش الهدرة هاذي ماتموتيش انتي تاعي و بسيف عليك لازم تبقاي معايا فهمتي ؟ ايلول طلعت راسها و هبطاتو و ليث جبدها عندو حضنها و قاعد يمسحلها على شعرها حتان عاودت رقدت صح هو كان يطمن فيها بصح كان خايف كثر منها خاف تصرالها حاجة و يفقدها بعد مالقاها كي تاكد بلي رقدت تكاها بلاعقل في بلاصتها باسها على جبينها و خرج عند الطبيب يحكي معاه ليث : دكتور معليش نحكي معاك على المريضة ايلول *** الطبيب : ااا انت من عايلتها مزية جيت عندي هدرة معاك ليث : خير دكتور واش بيها ايلول الطبيب : اتفضل اقعد دوك نقولك قعد ليث و قلبو راح يحبس خايف من واش راح يقول الطبيب ( واش هيا توقعاتكم للاحداث القادمة ايلول واش بيها و ادم واش هيا نواياه و واش راح تكون ردة فعل سي مصطفى و لالة فاطمة كي يسمعو بالحب لي بدا يولد بين ايلول و ليث و اهم شي واش هو السر المخبى من 15 سنة نتمنى تعطيوني