كرونيك بعنوان 😈😈#احببت_من_قالوا_عنها_اختي

26

26 ايلول طاحت داخت من الشي لي شافاتو وهو كمل يكتب في اسمها و يضحك ليث وصل لدبي حجز في أوتيل و بدا يحوس عليهم راح لبلايص اوكل لي ممكن يكونو فيهم مالقاهمش حوس فالأوتيلات اوكل على حجز بإسمهم مكانش فاتو سمانتين و هو من بلاصة لبلاصة و مكان حتى خبر ادم مخلي ايلول عندو و يخطط كيفاه راح يتزوج بيها و ايلول خلاص فقدت الامل ضعفت ولات ماتاكل ما والو مصبرتها غير صورة ليث لي تجيها فالخيال تفكرت غيرتو عليها و عصبيتو تفكرت ضحكتو و لي فوسات تاعو و اهم حاجة تفكرت الليلة لي توحدت فيها اجسامهم كيما توحدت ارواحهم جا الصباح ناض ليث راح يلبس باه يبدا ثاني يحوس عليها شوي سمع تلفونو يصوني راح هز ليث : الو مجهول : بغيت تعرف ايلول و ادم وين راهم ؟ ليث : شكون انت و وين تعرفهم مجهول : بغيت تعرف ولا لا ليث : اكييييد باغي نعرف اذا علابالك قولي و نعطيك واش باغي مجهول : مابغيت والو راهم في مزرعة ***** وسكر تلفون ليث : الو الو خلاص سكر راح يجري للعنوان لي قالو عليه بعد نص ساعة وصل لقاها مزرعة وحدها في نص الغابة نزل يتفقد فالبلاصة لقاها فرغانة مكان حتى حس دخل بالشوي يمشي و يشوف في كل الجهات حتان لحق لدار لي فالمزرعة دخل يحوس كشما يلقى دار دار مبعد طلع الفوق هو يمشي و يسمع صوت شهقات تاع بكا يا دوب يتسمعو فتح الباب بالشوي الصورة تمشي و توضاح اخيرااا شافها شاف صغرونتو بعد شي 3 سمانات اخر كلمة سمعها منها نهار قاتلو اخرج من هذاك النهار و هو يتعذب تمنى كان ماخرجش هذاك النهار تمنى كان حضنها و راضاها لثم يا بعد قلبو وجعو من واش شاف الدم في كل بلاصة الريحة المعفنة قشها نصو مقطع مطايشة و مربوطة هبطت دمعة من عينو من واش شاف اما هي مهبطة راسها في بالها ادم كالعادة حتان سمعت اسمها خرج من فمو خافت طلع راسها خافت تكون اي تتوهم كالعادة بصح هاذي ريحتو ريحتو لي مكانش ريحة كيفها عند اي واحد تشجعت و طلعت راسها بالشوي نفس الوهرة نفس الوقفة لي كلها رجولة حاجة وحدة مختلفة وهي هاذوك الدموع لي ينزلو من عينيه بكا اليوم ليث بكا على حبيبتو و واش صرا فيها من نهار زادت و هي فالعذاب طفلة في عمرها 17 سنة عاشت واش ماعاشوهش تاع 100 سنة بكا عليها و بكا من شوقو ليها تلاقات عينيهم واحد ماقدر يهدر خلاو دموعهم تعبر على واش راهم يحسو