دائي و دوائي 🥀🖤 ( مكتملة )

الجمرة السابعة والثلاثون

الكاتبة : اساور الياسري 🖤

****************

لا يوجد اي سبب مقنع بأن تيأس من
الحياة ، ان كان حزناً فـ كُن من الصابرين ،
وان كان فراق فـ كلنا راحلون'.. 🖤

حكمتي في الحياة 👆

****************

ام وليد ودموعهه ما وكفت : قبل واحد وعشرين سنة اني جنت هستوني داخلة شهر التاسع دگت عليه اختي حنان ام اريج تبجي واحنا النه سنه مقاطعينها لان من تزوجت حسان ابو اريج ابوي منعنه نتواصل وياها لان ما جان راضي على زواجهه وتبرى منهه بوقتهه ..

وجانت هاي اول مرة تتصل عليه بعد ما تقاطعنه .. وبوقتها بس تبجي ما فهمت شي غير انها تريدنا نروحلها لبغداد بوقتها عمك ما عارض ..

اخذني ورحنا لبغداد وصلنا رحنا للعنوان الكالتلنه عليه .. دكيت الباب عليها فتحته وهي دموعها مالية وجهها سألتها شكو كالت انو بعد ما تبرى منها ابوي اهل رجلها هم ما رضوا يتقبلونها لان عافت اهلها وتزوجت ، وانو لمن حملت يلا قبلوها لان حلمهم يصير عدهم حفيد ..

وراحت عاشت وياهم لكن من صارت بالشهر الثامن وكعت من الدرج وصار عدها اسقاط وترجت الدكتور ما يكللهم لان حياتها متعلقة بهذا الطفل .. وبقت تمثل انها حامل منا لمن دخلت الشهر التاسع وكالولهه انو لان اتأذة ضهرهه من الوكعة ما تكدر تجيب طبيعي وحددولهه العملية بعد يومين وهي ما تدري شتسوي ..

وما لكت غيري تطلب منه المساعدة وتريدني اساعدها ( طبعا من اجو ام وليد وابو وليد اطتهم عنوان بيت صديقتها لان ما تكدر توديهم لبيت زوجها ) .. حرت اني شسوي وكسرت كلبي واني اشوفها شلون تبجي وحايرة ..

باوعت لعمك وكتله شسوي هسه .. بقة يباوع عليه وبعد سكوت صدمني وهو يكول انتي حامل بتوم اطيهه وحدة وخلي عندج وحدة .. ( على فكرة ابو وليد وام وليد تزوجوا عن حب جان يدرس ببغداد وحب جنان يعني هو يعرف حنان وحيل يعزهه )

صدمني وموتني بردة هاي بتي قطعة من روحي شلون اطيها لكن من شفت اختي شلون تباوعلي ومنتضرة مني بس ارد والفرحة جنها ملت عيونها ما كدرت اكسر خاطرها دست على كلبي ووافقت و اتفق عمك وي واحد من الدكاترة وسوالي العملية وجبت فرح واريج ..

وبدون علم مني اطوهه وحدة منهن واتفقوا وي الدكتور انو من تصير عملية حنان يكول انو هذا طفلهه .. وبعدهه عمك خابر ابوك وجدك وكاللهم انو اني صارت عندي ولادة مفاجئة ووحدة من بناتي ماتت ووحدة ضلت ..

والمل صدك وبعدهه رجعنا للبصرة ومن يومها بعد ما شفت لا حنان ولا اريج ولا حتى جنت اعرف شنو اسمها .. وجنت الليل ما انامة بس ابجي اريد بتي تندمت لان اطيتهه الضنه غالي ما تحملت فراكهه ..

وكل ما اباوع لفرح اتذكرهه واموت الف موته اريد اعرفهه شسمهه شلون صار شكلعا شنو عيشتها شتاكل شتبرد دفيانة لو بردانه جان هذا كله معذبني وماخذ النوم من عيوني ..

وعمك جان دوم يصبرني انو عد حنان وراح تصيرلها ام وما تقصر بس كلبي يريدها وعمك هم ضل يدور عليهه كلب بغداد كلهه عليهه ما لكاهه ليكول انشكت الكاع وبلعتهم ..

( طبعا بعد ما تمت الشغلة وكلهم صدكوا انو هاي بتها وكملت حياتها وياهم لعدة شهور فقط لكن بسبب عملة سليم اهل حسان طردوها ورادوا ياخذون اريج منهه بس حسان ما رضى وراد ياخذ حقة بأيدة واشترالة بيت وحدة بعيد عن عيون الكل والي بعدة تعرفون بالعذاب الي عاشنه .. )

لحد ما ربي فتحها بوجهي وردلي بتي ردلي نضر عينه بعد ما اخذ اختهه ورجع عوضني بيهه .. وكامت تبجي بهستريا ،

لحد لحد ما اجيت الصبح وطبيت للمطبخ واني اشوف بتي ونسخة فرح وتومها .. وصبر سنين كدام عيني .. ورفعت راسها اله مستحيل بعد اخليها تضيع من ايدي هاي بتي هاي سهر الليالي السهرته واني احلم بس اسمع عنهه خبر لو اموت ما اعوفهه ..

فييصل وجسمه كله يرجف وكلبة دكاتة الف وصدمته تزيد وي كل كلمة من كلام ام وليد .. شنو يعني معقولة الي جاي يسمعه هذا الشي مستحيييل الي جاي تحجي ام وليد ما يتصدگ مستحييل اريج تكون اخت فرح حبيبته وروحة وحياته كلهه والشاف المووت بعد فراكهه يطلعلهه اخت تووم ...

لا يا ربي ليش هيج شنو يعني هسه اني شنو المفروض اسوي والله ماادري يعني افرح لان كأنما فرح رجعتلي بأختها التوأم .. لو احزن لان يعني اني ماخذ اختها التووم بعد كل حبي الها يا ربي شني هالحيرة ال اني بيها حاليا..

كام على حيلة وهو بعد ما يتحمل اي كلمة من ام وليد .. يعني هذا كله جان مضموملي انو تلكاهن اساور وتجيبهن وتطلع اريج اخت فرح ربي دخيل اسمك ما اعضم شانك على انك تسوي المستحيل والما يتصدك ..

طلعت من المكان كله واني مدهووووش ( ما انتبه لنور من دهشته ) ومصدوم ومتفاجئ وماكو كلمة توصف الي اني بي .. وصلت لباب غرفتي واني ماادري بروحي .. طبيت واني رجليه كوة شايلاتني ..

اول ما طبيت صارت كدام عيني صورة فرح .. انوب التفتت على اريج النايمة وضليت اباوع لاريج وارجع اباوع لفرح واقارن بأبسط الملامح البينهن نسخة وحدة ماكو كل فرق .. ربي والله اني مو جبل حتى اتحمل هذا كله ..

درت من الصفحة الثانية للجرباية وكعدت عليها وضليت صافن واباوع عليهه .. يعني هل انو الله عوضني بيها بعد الشفته ورة فرح .. ضليت كاعد واباوع بوجهه وهي نايمه واكول يعني لو هذا كله ما صاير واريج ضالة عد عمي ابو وليد هل ممكن انو جنت راح احبها بمكان فرح .. وضليت اكول لو ولو ولو معذبتني كلمة لو من زمان اااااااااه ..

لحد ما طلع الصبح واني اباوعلها منا لمن تعبت وخليت وجهي على شعرها الناثرته على المخدة ووالباقي منثور على الفراش كمت اشم بريحة شعرها واني ماادري ريحة شعرها شتسوي بيه وغفيت ..

***************

بعد مرور اسبوع .. يوم زواج 🥳

اساور ووليد ..

حسن وبنين ..

سووهه وتزوجوا بنفس اليوم 😂❤ ( ما عدا فهد الي رفض حجي صابر انو يتزوجون وهم ما مكمل دراسة ولان هو بعدة جاي يمتحن .. فأجلوا زواجهم بعيد رمضان بما انو هسه هو شعبان ما بقى شي للعيد .. )

****************

اريج كعدت الصبح او بالاحرى ما نمت الليل كله بس ابجي واني ما مصدكة اني راح اشوف بنين عروس وراح تتعوض عن كل العذاب الشافته بحياتهه ..

و مردت كلبي وهي تبجي خايفة من آثار الضرب والحرگ الي بجسمها من ابوي نومتها بحضني واني اهدي بيها واني احتاج من يهديني .. ااااخ لو اكول ما مسامحة ابوي دنيا واخرة على السواه بينه محد يلومني ..

اما بالنسبة لفيصل من اهد ما لفلي رجلي بالليل ونزل كعدت ثاني يوم الصبح ما لكيت احد بالغرفة واليوم كله هو ماكو استغربت و بما انو محد يصدني كمت انام يم اساور وهي يومية تغيرلي الضماد واستغربت انو تعرف بس كلت انو هي دكتورة وتعرف ..

وهو ما جاي افهمه صراحة يزعل وحدة ويرجع يرضى وحدة خلي براحته شعليه بي .. وحتى من يدخل للبيت يتغدة او يصعد لغرفته يجيب شي ما يطخ لسانة على لساني ولا يحاجيني .. والكل ساكت عبالهم يعني متعاركين .. وصار اسبوع مخبوصين بالتحضير لزواج الولد فيعني ما التقيت بي هواي

وبالنسبة للحنه ماكو شي مميز يعني عادي سوو حفلة واجن نسوان باركن وركصن والغريب انو نور طلعت وركصت بكل عين صلفة بعد كلشي خلت اساور ووليد يعيشوا تطلع وتركص بس احنا هدأنة اساور الي رادت تكمز عليهه بنص الحفلة .. وبعد الحفلة دخلت لغرفتها كأن شي لم يكن الله يستر منها ..

كعدن بنين واساور وتريكن .. انوب راحن للصالون ورحنا وياهن اني وخالة ام وليد وزهراء والاء اخت وليد الي لحد الان ما مستلطفتني ..

المهم خلصن شغلهن وتطلعن يخبلن خاصة بنين والله مو لان اختي بس فعلا طلعت تخبل .. واساو هم معايزة طلعت كلش حلوة فدوة لالله خواتي ثنينهن اليوم زواجهن ..

وصلنا للبيت بعد ما لبسن بدلاتهن بالصالون بس بدلة اساور احلى لان مو نفش جاية مخصرة على جسمهه ومن جوة كلش بيهه نفش شوية لذلك من طلعناهه من الصالون ذبينه عليهه عباية ، بس بدلة بنين لا بدلتهه نفش .. وبنين ذبينه عليهه بس البركع لان بدلتها ما تبين شي ..

اني خليت مكياج كلش خفيف وشعري خليته مفتوح بس لفلفته من جوة ( كيرلي ) .. ولبست فستان كلش بسيط ونازك من نيشاني لان ما لبست منهن ولا شي ..

المهم وصلنه للبيت وتلكنه النسوان يهوسن ويركصن واني كوة لازمة دموعي احس نفسي ام لبنين حاليا لكن الي جانت ام لاساور ولبنين بنفس الوقت خالتي ام وليد ما قصرت وياهن ابد وتركض منا وترجع منا بس تشتغل وهي حضرت نيشانهن ثنينهن واهتمت بيهن كلش يعني مو بس وياي هي هيج وي الكل ..

ضوجني كلام سمعته من شكم مرية وهن يكولن شلون رضوا يزوجنة وحدة ما يعرفون اصلهه وفصلهه ووحدة ثانية تكول يجوز كاول.. وهم ما يدرون ، ووووووووو الخ .. كلام الناس ما يخلص طنشتهن لان الي يمشي ورة كلام الناس ويضوج علمودة ما يلكة بس التعب والهم ..

المهم صارت الزفة وللعصر بقينه نهوس ونركص انوب كالو لبسوا حجاباتكم راح يدخلون الولد لبست حجابي بسرعة .. واجوو الولد وليد وحسن واحسهم من الفرحة الارض ما واسعتهم .. وجوههم تضحك ويتبسمون للبنات ودخلوا وياهم عمو صابر ووسجاد وفهد ..

ووراهم دخل فيصل الي من شفته بلعت ريكي من شكلة بالچماغ الابيض والدشداشة السودة ولابس فوكاهن عباية طالع يجنن بكل ما للكلمة من معنى .. انتبهلي انو اباوع علي وهم هم باوعلي ارتبكت ودرت وجهي عنه كبل ..

بعدين راح فيصل يم اساور وشبكها وباركلها وشفت الفرحة بعيونة وهو يشوفها عروس لوليد وهي دنگت رادت تبوس ايدة بس هو ما خلاهه ..

انوب صارت الدنيا المغرب كال عمي صابر يلا بوية كلمن ياخذ مريته ويروح .. وليد زفيناهم هو واساور لبيت وليد زفهم فيصل ورجعنه ..

انوب رجعنه زفينة حسن وبنين للبستان زفهم سجاد دخلناهم للغرفة والبنات يهوسن واني كوة لازمة دموعي هستونة دخلنه كال حسن ..

حسن بجدية : يلا الكطوا اللاين .. ( للي ما يعرفهه يعني روحوا او امشوا )

حجية خاجية شهكت : يمممه برد ما مصدك عرست طردتنه كبل .. شو اله مااطلع ، وراحت كعدت على الجرباية ، شو انه تعيبانه واريد انام ..

حسن عبالة صدك صاح بصوت عالي : شنننننني ،،
جااااا تعيبانه يمي .. ما تعبتي يم وليد لو بس حضي المصخم ..

حجية خاجية بضحكة : لا تنعى كمت كمت اخذ مريتك اخذهه شسوي بغرفتكم گليلة الغرف ..

حسن ارتاح : اي ديلا خوش امشن الله ومحمد وعلي وياجن ..

زهراء تباوع لحسن ، ورادت تنزل منهه دمعه متمردة لكن منعتهه وهي تدعي بداخلها انو الله يوفقهم لان حسن صار من نصيب بنين هسه .. واني باجر راح اصير بأسم واحد ثاني ..

حجية خاجية تضحك علي طلعت .. وطلعن البنات وام وليد وراهه ومرت عمو صابر هم هنا بس رونق ما جاية يكولون بقت بالبيت يم اختهه الصغيرة ..

( حجي صابر ما خلاهه تجي .. وفهد المسكين من الصبح يعدل بنفسه عبالة تجي وي اهلهه ..

اي وبالنسبة لموضوع فهد ورونق ثاني يوم فيصل راح لحجي صابر وقبل لا يحجي حجي صابر فيصل كالة انو فهد يريد رونق ..

فحجي صابر فضل انو ما يحجي لفيصل على علاقة فهد ورونق وسكت وقبل على موضوع الزواج لكن بعد ما يكمل فهد دراسته وامتحاناته .. )

رجعنه للبيت وكلمن راح لغرفته اني رحت لغرفة اساور لان رجلي هواي اذتني اليوم لان ما عقمتهه ولان مشيت عليها هواي دخلت للغرفة سحبت وحدة من دشاديش اساور ولبستهه ومسحت مكياجي ورحت انمطلت على الجرباية ..

وبقيت اتذكر شكل بنين بالبدلة وتذكرت امي وكمت ابجي بصمت منا لمن حسيت الباب انفتح عبالي زهراء لان كالت جوعانة راح اروح اكل واجي .. بس صدمني الي فتح الباب هو فيصل ،،

فيصل ، كعدت بيوم الي عرفت انو اريج اخت فرح من الصبح وهي نايمة وطلعت بسرعة من الغرفة وبعد ما رجعت وضليت طول هذا الاسبوع اني اتجنب انو نتلاگة اني واريج .. لان لحد الان ما مستوعب فكرة انها اخت فرح ..

انوب كامت تنام جوة رجعت لغرفتي وعلمت اساور شلون تعقم رجلها علمود لا تتلوث وسألتني اذا احنا متعاركين او شي كتلهه لا ..

اجه يوم زواج وليد واساور وحسن وبنين .. فرحتي لا توصف واني اشوف اساور عروس لوليد حسيتها صارت بأيادي امينه .. انوب زفيناهم ..

ورجعت للبيت ردت اصعد لغرفتي تذكرت اريج اكيد اليوم ما معقمه رجلهه .. ذبيت عباتي وجماغي المخليهن بأيدي على القنفة و ردت اروحلها وكفت روحي واني احجي وي روحي وين رايح واذا رجلها تتلوث انت مو ما تريدهه شعليك بيهه ..

بعدين لكيت روحي بباب غرفة اساور واني اقنع روحي انها امانه عندي .. ولازم اهتم بيها خاصة انها بت عمي واخت فرح اوووف ما جاي استوعب هذا الشي لحد الان ..

دخلت شفتها تبجي .. رف كلبي وي بجيتها كلت اكيد مستاحشة على اختها وصلت يمها .. والحمدلله شفت العلاج يم راسها لان مااريد احاجيها.. رحت اخذت العلاج ووكفت يم رجليهه وهي اصلا بس شافتني طببت .. عدلت روحها وكعدت على حيلها ..

دنگت شلت الغطى عن رجليها وشفتهه اصلا هي الحبابة لابسة كصير يعني ما يحتاج ارفعة .. كعدت يم رجليها وبديت افتح اللفاف وهي ما حجت ولا حرف بس تباوعلي ..

بديت اعقم برجلهه وچني اذيتها لان حركت رجلهه وكالت : ااااخ على كيفك عندك معركة وي رجلي ..

رفعت راسي عليهه ورفعتلهه حاجب ..

اريج بقوة تتصنعهه كوة حتى لا يفكرها تخاف منه : اي لا تباوعلي هيج عبالك خايفة منك ..

فيصل ما راد يتناقش وياهه رجع يعقم رجلهه وكال : اللهم صبرج يا روح ..

اريج نرفزهه لان طنشها ، كالتله : وشنو يعني اللهم صبرج يا روح ششايفني مخبلة كدامك وتتصبر عليه .. اذا ما عاجبك منو كالك تجي تعقمها اني اعرف اعقم ما محتاجتك مشكور ..

فيصل عصب منهه شمر عليهه الگطنة ( القطنة ) البيها معقم وكام ، وكاللهه : هاج عقمي رجلج كونج بيج خير عقميهه وعافهه وطلع صعد لغرفته ودخلت وراه كبل زهراء الي جانت منتضرتة يطلع حتى تدخل وشافت اريج تدردم علي عقمتلهه رجلهه ولفتها .. ونامن

****************

اسيل محضرة غراضهم كلهه حتى يروحون لتركيا .. كعدت على الجرباية هي منتضرة جية السيارة حتى نروح وحسين كاعد كدامي بالكرسي .. اخذت نفس واتذكرت قبل اسبوع ..

اسيل ، جمد جسمي واني اشوف ابراهيم كدامي وموجه المسدس على يوسف دخلت للبيت وجسمهه كله يرجف يعتي هو خدع مرتضى ..

دخل ابراهيم وبأيدة يوسف وسد الباب برجلة وخلى ابراهيم على القنفة وابراهيم بس يبجي

ابراهيم : كومي شوفي شبي بس يبجي ..

اسيل ما صدكت يكللهه كومي راحتله تركض اخذته من القنفة وشبكته بخوف شمت بي ريحة عرفته عاملها .. بس منين تجيبلة حفاضات واكيد جوعان منين تجيبلة حليب ..

باوعت على ابراهيم وهي بكل ما تكدرلة تريد تبين كدامه انهه هادية حتى لا يتخيل ويسوي شي ،

بلعت ريكها بخوف اكثر من مرة وكالتله : ما احححمم ما عندة حليب هنا اكيد جوعان يريد حليب ،،

عاط بيهه ابراهيم : مو مشكلتي شوفيلج جارة سكتي لو اني اعرف شلون اسكته ازعجني ..

اسيل نزت من عيطته ومن كلامه سكتت وهي تدور اي شي .. راحت للمطبخ دورت دورت ودعت انو يكون اكو حليب واخيرا لكت جيت باقي بي شوية قرت تاريج الانتهاء لكته بعدة ما منتهي حمت مي شوية وجسمهه يرجف تفكر شلون تتخلص من ابراهيم ..

بس ما راح تسوي اي شي لان مو بس هي بالبيت عدها حسين اخوها وعدهه يوسف ما تكدر تجازف ..

المهم خبطت حليب ومي بكلاص وخففته لان يصير ثكيل علي واخذت وياهه خاشوكة مال جاي وراحت يمه كامت تشربة بالخاشوكة منا لمن كمل حليبة كله جوعان خطية انوب حارت شلون تبدلة الحفاضة ..

راحت بسرعة جابت وصلة نضيفه ولفلفتها واجت اخذته غسلتله ورجعت خلتله هذي الوصلة بمكان الحفاضة ولبسته بجامته وكمطته يلا سكت ونام خطية تعب من البجي .. وهذا كله تحت أنضار إبراهيم ..

خلته بحضنهه وهي ترجف بس تحاول تبين انهه هادئة ..

ابراهيم حجة بعد سكوت : ليييش ؟؟

اسيل باوعتله بخوف واستفهام بنفس الوقت ما فهمت عليه ..

ابراهيم يكمل : ليش رضيتي ترحيلة فصلية .. ليش ما صرتي الي واني لكضيت عمري اتانيج تكبرين حتى تصيرين مريتي ،، طول عمري وانه كل همي انتي وعمي حتى ابوي جان مكاطع ابوج وكاطعني لان ما عفتكم وحدكم وضليت يمكم .. بس لو تدرين شصار بيه من رحت.... ، قاطعته فتحت الباب التفت بسرعة ورفع مسدسة للباب ..

اسيل طرحت يوسف بصدمة على القنفة وتكوم وتباوع للواكف كدامها ،،

اسيل دموعها نزلت بحنين وشوق : عمي ابو فاطمة ...

ابو فاطمة .. جان جاي لان مشتاق لاخو وصديق عمري اجه لبيته حتى يتذكرة وهو كل ما يشتاقلة يجي وهو عندة نسخة من مفاتيح البيت وي ما وصل للباب سمع صوت استغرب راح بسرعة لسيارتة سحب مسدسة وخلاه ورا وفتح الباب وانصدم وهو يشوف اسيل كدامة ...

اسيييييل بت الغالي شتسوي هنا .. ما انتبه لابراهيم ..راح قرب يمهه بس وي ما انتبه لوجود احد ثاني رفع المسدس بوجه ابراهيم ،، من شافة ابراهيم انصدم شيسوي هنا وليش لازم المسدس ما نول المسدس من ايده وهو يكله : ابراهيم شتسوي هنا .. نزل المسدس وانعل الشيطان

ابراهيم ورافع المسدس بوجه ابو فاطمة وكالة : انت ارجع منين ما اجيت احسلك ..

اسيل فتحت عيونها بفرحة وهي تشوف مرتضى يدخل من الباب الي بقى مفتوح ويجي من ورة ابراهيم الي اطه ضهرة للباب علمود يصير مقابل لابو فاطمة ..

مرتضى اشرلهه تسكت واجه على كيف ضرب ابراهيم من ورة ووكع المسدس من ايده ..

ابراهيم التفت على مرتضى وتفاجئ من شافه .. ضربة على وجهه قوية وطلع يركض يريد يشرد ركب سيارته بسرعة وراح ..

التفت عليه عمي ابو فاطمة وحضني عادي يعني اني اعتبرة مثل ابوي ، حسيت روحي حضني ابوي جلبت بي حيل وكمت ابجي وهو هم كام يبجي ..

وخر عني وكام يسأل بيه شلون اجيت وشصار .. التفتنه على مرتضى الي واكف وما حسينه بي باوعت على مرتضى ..

رجعت التفتت لعمي وحجيتلة كلشي صار وياي وعلى حسين وهلى كلشي كلشي .. ومن يومهه تعهد انو يكون هو ابونة وصدك اخذني سوالي جواز وجاب فاطمة يمي لان راد ياخذني للبيت واني ما رضيت .. وهو يبات يمنه ..

واحمد ابنه يومية من الصبح لليل يجي لحسين يبدلة ويغسلة ويوكلة وهسه على هاي سفرتنه هو راح يروح ويانه حتى لا نكون وحدنه .. وهستوهه فاطمة جانت هنا وراحت تقرة عدها امتحان فيزياء هذا اخر امتحان ..

ومرتضى ما شايفته من اهد ذاك اليوم بيوم كلت لعمي على حسين وكام يشوفة وكمت وياه رجعنه طلعنه ما لكيته لا هو ولا يوسف ..

سمعت الباب اندكت ، رحت وكفت بالباب كلت : منووو ؟

اجاني صوت مرتضى ، دك كلبي بفرحة جنت خايفة اروح وما اشوفة لان سفرتنه طويلة فتحت الباب بفرحة شفته واكف كدامي ..

مرتضى : السلام عليكم ..

اسيل بأبتسامه وعليكم السلام .. تفضل . بعد ما راد عليه اجت سيارة عمي ابو فاطمة نزلوا منهه هو واحمد عمي ابو فاطمة رغم كلشي كاره مرتضى لان ابو فاطمة مات من قهرة من وراه ،

دخل هو واحمد شالوا حسين خلوه بالسيارة واخذوا الجنط .. دخلت اني للبيت اطفي الاضوية واتأكد من الغاز ردت اطلع صار كدامي مرتضى ..

بلعت ريكي كتله : رايد شي ..

مرتضى بهميام : رايدج انتي ..

اسيل فتحت عيونها على وسعهن وهي تباوعله بصدمة ..

مرتضى يكمل وهو كلبة ينعصر لان راح يفاركهه وهو هذا الاسبوع كوة اتحملة كاللهه بحب واضح بعيونه : اسيييل احبببببببببببببج ......

*******************

وليد ، كعدت الصبح واني احس روحي طاير من الفرحة اخيرا اساور صارت الي ومرتي و بييتي .. كعدتها

وليد ويبوسها بخدها : اسوووو ....

اساور وهي نايمه : هممممم ...

وليد ابتسم وباس خدها الثاني : كومي يلا ...

اساور فتحت عيونها على كيف شافت وليد كدامها ابتسمت ..

اساور : صباح الخير..

وليد : صباح النور والسرور والورد والعسل وكلشي حلوو .. يلا حبيبتي كومي غسلي وبدلي حتى نروح للبيت اليوم يجون خطابة زهراء حتى يعقدون ..

اساور هزت راسهه وكامت ..

وليد يباوعلها وهي تمشي يعشقها يعشق كلشي بيها صوتهه مشيتهه كلامهه وجهه كلشي كلشي .... تنفس براحة وهو يدعي الله يشفيها ويتمم عليهم ..

**************

سجاد كعدت الصبح واني كاره روحي كوة نمت وجه الصبح يلا نمت راسي يريد ينفجر كمت سبحت وبدلت ..

وطلعت من غرفتي شفت هواي نسون طلعت من الباب الوراني لاكتني مرت فيصل سألتهه المن جاية هاي النسوان ،، كالت ،

اريج : علمود عقد زهراء لان راح يجون شوية بعد لان وليد طيارته بليل علمود يلحك يسوي عقد لزهراء ويلحك هم يريد يروح يكولون لسيد مدري شنو يزورة قبل لا يسافر ..

سجاد اختنگ نسى اليوم عقد زهراء او تناسى انو اليوم عقد زهراء .. عافهه وطلع بدون ما يرد عليهه حس الكون ضاگ بي اااااه ياربي ليوين يعني وينتهي هذا العذاب كلت من تنخطب انساهه وما نسيتهه وكلت من تتزوج وهاي راح تتزوج وانه مخنووك شلون حلتهه هسه ..

المهم اجو حسن وبنين ووليد واساور والبنات راحن لام الصالون لان هاي صباحيتهن وهي اصلا مبلشة بزهراء ...

والولد طلعوا برة ،، يستقبلون الخطار ..

اجو اهل فارس ورحبوا بيهم وصبولهم غدة وتغدوا وكملوا .. واجه وقت العقد الشيخ كاللهم يصيحون العروس حتى يعقد ...

سجاد ما تحمل يبقى واكف طلع من الديوان وانتبهله حسن وطلع وراه ..

شافهم طلعوا طلع وراهم .....

سجاد وكف بباب الديوان وجر نفس قووي اختتتنگ حيييل ...

حسن بقهر على صاحبة بس لازم يقوي نفسه : سجاد وتاليها يعني ليوين تضل هيج ...

سجاد بخنكة : حسسين مااكدر تعرف شنو يعني مااكدر احبها والله احبها شكد كلت لازم انساها و اشيلها من بالي ما كدرت ...

حسن : حتى لو لازم تصبر ..

سجاد بغصة : الحجي سهل بس الفعل صععععععب ...

سمعه وهو جان متأكد من هذا الشي ، رجع دخل للديوان وهو يسمع الشيخ يكول لزهراء ..

الشيخ : هل تقبلين يازهراء بالزواج من فا..... ،

قاطعة بصوته الجهوري وخلى الكل يلتفتله : من سجاد بمهر معجله قرآن كريم ومؤجله قرآن كريم ............

*************

للحكاية بقية .........

*************

توقعاتكم ؟؟

يا ترى منو هذا الصاح بالديون ؟؟

زهراء راح ترضى ؟؟

نور شعجب سكتت وما كالت لاريج ؟؟

فيصل وبعدين ويااا ، شراح يسوي ؟؟

سجاد يقبل بزواجه من زهراء لو لا ؟؟

****************

كشخة العريس وليد : 👇👇👇

***********

ههههههههه منو عاشها 😂👇 اني شبعت منها وعلي ما انام الضهر الا انكتل  💔😂😂