دائي و دوائي 🥀🖤 ( مكتملة )

الجمرة الثالثة والعشرون

لو أننا لم نفترق ...لبقيت بين يديك طفلة''عابثا...وتركت عمري في لهيبك يحترق....،ف لا تسأل الطير الشريد .. بأي أسباب رحل؟؟💔

...................

واكفة بالحديقة وخايفة وجسمهه يرجف ، دخلت تركض للبيت ، وخايفه على تلفونها من الصور البي والاهم صورها هي وصديقاتها وصور الشباب الي تحاجيهم تارسين تلفونها محادثاتها وياهم ، راحت للغرفة تركض وهي جاي تركض انلطخت بأحد رفعت راسهه شافته سجاد جسمهه كام يرجف ،،

سجاد مستغرب خوفها وتوترها ووجها اصفر وترجف كاللها باستغراب : نووور شبيج ترجفين وين جنتي ؟؟

نووور كامت ما تعرف تحجي : اااااااا ،،، هاي هناك برة واكفة ،، وو هو ، لا لا اني ،

سجاد ما فهم عليهه : شنو برة ، شجاي تحجين كلشي ما فتهمت ،، منو هو ،،

نور كامت تبجي : فدوة سجاد رجع التفون صوري كلهه بي ،،

سجااد حس بجدية الموضوع كاللها بعصبيه : يا تلفون احجي ،، ويين هوو ؟،

نوور : والله جنت اخابر بصديقتي واجه واحد دفعني واخذ التلفون مني ،، وتلفووني متروس صووور الي وللبنات ،،

سجاااد فقد اعصابة وكام يصيييح بصوت عالي ونسى انو كلهه نايمه : شنننننننني يااااا صوووووووور ،، احتركوا اهلج ما كدرتي تخلين العالم تمدحنه وتهاب اسمنه ، تردين توطين روسنه تردين تكسرين رگبنه ، وجرهه من شعرههه ، شكم مرة كايللجن التلفون لا تخلن بي صور ، بت النعال من اشتعلت عشيرتج هسه شنسوي بس كليلي وين نطي وجوهنه ،، جااااوبيني ،

نوووور بس تبجي ،،،

فيصل ما نايم ، كل ما يجي للبستان ما ينام ، لان جان اكثر مكان تحبه فرح هو البستان ، ويكعد يتذكرهه من تلح علي حتى يجيبهه للبستان ،،

سمع صوت سجاد يعيط ، طلع يركض شافه لازم نووور من شعرهه ومبين معصب حيييل ،،

اريج ما كدرت تنام وهي تفكر بحياتها اذا تزوجت بنين ،، هي وين تروح ، وهي اصلا مقررة تكعد هنا على ما تتزوج بنين وترجع لبغداد ما تكدر تبقى اكثر بمكان فيصل طردهه منه ،، سمعت اكو صوت جوة وصيااح ،، لبست حجابهه بسرعة ونزلت تركض تريد تعرف شصاير ،، وصلت شافت سجااد يسحب بشعر نور ويصيح عليهه ، هستوهه رادت تروح لنور وتسحبهه من سجاد ، بس شافت فيصل اجه وراح لسجاد يركض بقت واكفة بمكانها ،،

فيصل راح لسجاد وسحبه وكاله : شبيك تخبلت من يمته انت تضرب اختتتك ،،

سجااااد ويريد ينفجر من العصبيه : فييييصل هاي راح تنزل روسنه ، هاي راح تحني ضهوورنه ، راح تفضحنه ، عوفني خل اذبحهه واخلص من شرهه ،، ودفع فيصل ورجعلهه سحبهه من شعرهه وكام يضرب بيها ،،

فيصل كلشي ما فتهم ، وراحله كوة سحبه منهه ، كاله بعصبيه : شبييييك تخبببلت مو جاي احجي وياااك شكو شبيك ،،