دائي و دوائي 🥀🖤 ( مكتملة )

الجمرة الرابعة عشر

‏"الأهم أن تتذكر أنَّك تملك حق المُغادرة دائمًا.
‏مُغادرة كل ما يستنزف صبرك، كل علاقة لا تشعر
فيها بالرِّضا، كل من لا يُقدِّر قيمتك" ❤

..................

وصلوا للمستشفى ، بعدهه السيارة مواكفة فتكت الباب ونزلت ،،

اريج تمشي بشكل سريع تريد بس توصل لغرفة بنين سألت على رقم الغرفة انطوها رقم الغرفة ،، راحت تمشي بسرعة واساور تمشي وراهه ،

وصلت لباب الغرفة وكفت شوية بالباب اخذت نفس قوي وابتسمت وفتحت الباب ودخلت للغرفة ،،

بنين وجانت كاعدة تنتضر حسن لو اساور يكولولهه شصار على اريج ، حست الباب انفتح ، التفتت لجهه الباب ،

كلمة دكاتة وصلت ألف وهي تشوف اريج واكفة بالباب ، اول بداية عبالهه نفسهه جاي تتخيل ، غمضت عينهه ورجعت فتحتهه وهي كل وبالها انو جاي تتخيلها ،

دخلت اريج ووكفت يم الجرباية وباوعت على بنين ودموعهه كامت تجري على خدهه ،،، كعدت يمها على الجرباية ولزمت ايدها ،

بنين ولهسه ما مستوعبة انو هاي حقيقة بس من شافتها كعدت يمهه ولزمت ايدهه دموعهه اخذن مجراهن على خدهه وكامن ينزلن بهدوء وبسرعة شبكت اريج وكامن يبجن بصووت عالي وكأنما ، كل وحدة جاي تواسي الثانية على الي صار بأمهن واختهن ،،

اساور واكفة بباب الغرفة وتنزل دموعهه بصمت على حال هالاختين الي انكلبت حياتهن بيوم وليلة ،،

فيصل واكف يم الباب من برة ويسمع بجيهن الي كل شوية يعلى صوتة ،،

بنين وخرت من حضن اختهه ،، ولزمت اديهه وكامت تحجي وياها وهي تبجي : شفتي ،شفتي شلون عافتنه ماما وراحت ، هي جانت قبل كل ما يجي بابا ويضربنة جانت تكول تحملوا يجي يووم ونخلص منه ونرتاح ونعيش احلى عيشة ، هاي احنا هسه خلصنا من بابا وينها ما تجي وتوفي بوعدها ليش راحت ، هسه عرفتها تفرق بيننا ، اخذت بس ريماس وراحت واحنا عافتنا هنا ،، لو باقين على ضلم وقسوة بابا ولا هذا الي شفنا

اريج وهي طول الطريق توعد نفسهه انو تكون قوية كدام بنين حتى يكدرن يتخطن هذا الضرف سوية ، مسحت دموع بنين بايدها ورجعت ومسحت دموعها

وكالتلهه : لا تحجين هيج هذا الي اللله يريدة ، تتذكرين ماما من جانت تعلمنه انو نصبر على كلشي ونكول الحمدلله وهي علمتنا على كل هذا و عافتنا و احنا لازم نمشي على كلامهه احنا هسه لازم نكون اقوياء نكدر نواجه كلشي سوية ،، مو حبيبتي ،

بنين ودموعهه رجعت تنزل كالتلهه : وشلون راح نكدر نعيش واحنا لا وضيفة ولا اي شي نكدر نصرف منه ، وحتى بيتنه اكيد هذا الي خطفج يندلة يعني ما راح نكون بأمان ،،

اريج رجعت مسحت دموع بنين : ها شكلنه مو كلنه ماكو دموع بعد ،، واذا على الصرف انشالله اني اشتغل والله سبحانة هو يدبرها ويوكف ويانه ، اما عن سليم فهو هسه خلص راح ما بقى شي اسمة سليم خلص راح خلصنه منه ،،