دائي و دوائي 🥀🖤 ( مكتملة )

الجمرة الواحدة والثلاثون

للأسف ما زال موجود من هو يكرهنا ويحقد علينا لسبب نحن لا نعرفه..🤦🏼‍♀😴

( من كتاباتي 👆 )

&&&&&&&&&&

وليد وما كدر يبقى واكف كعد عالكرسي وكال بخوف من رد الدكتور : شكو دكتور ،

الدكتور : الدكتورة اساور مريضة بالضمور المخيخي ،

ولييييد يباااوع للدكتور بصدمة ما مصدك ، اكثر شي يكرهه بالدنيا هذا المرض الي فقد بي اعز صدييق عندة مات بهذا المرض ، حس كل خلية بجسمه توقفت ، وكل اعضائة انشلت ، مستحيل يسمح لهذا لمرض ياخذ اساور منه مثل ما اخذ صديقة واخوه ، باوع للدكتور وكوة لازم دموعة وكالة : دكتور متأكد ،

الدكتور : للأسف اي ، اني من سولفلي اخوها على الاعراض شكيت ، بس جان عندي امل انو لا ، لان هذا المرض يصييب نسبه 0.5 بالمية يعني نسبته ضعيفة وما منتشر الا بالناظر انو يصيب احد ، بس النتيجة تأكد انو هذا شكي بمحلة ،

وليد من قهرة الي بي صاح بعصبيه : يعني من هال0.5 بالمية ما عرف يختار بس هي ، خلصت العالم يعني ، ونزلت دموعه وبسرعة مسحهن ،

الدكتور : كول الحمدلله على كلشي وهذا قضاء وقدر، وبعدين هذا المرض من اعراضه انو مات.... ، قاطعة وليد

وليد ويحس كلبي مشتعل نار : ما يحتاج تحجي دكتور اعرف اعراضة كلش زين ، وكام على حيلة وطلع وهو رجليي كوة شايلاته ما يكدر حتى يمشي ، وكلبة مجمر من القهر ويتمنى لو بي ولا بأساور عاش نفس هاي اللحضات وي صديق عمرة وعاش وياه المرض لحضة بلحضة ،

الدكتور : اوووف ، أستغفر الله العظيم ، الله يصبر اهلهه ،

(وضمور المخيخ هو مرض وراثي يصيب الدماغ ويؤثرعلى حركة الجسم وقد يقعد المريض عن الحركة، ويترافق مع أمراض عديدة مثل الشلل الرعاش والعديد من المشاكل التي تؤثر على قدرة المريض على أن يعيش حياة طبيعية ، )

اعراضه ،

( خلل في التوازن أثناء المشي أو الترنح، ويؤدي إلى كثرة السقوط ومع تقدم المرض يحتاج المريض إلى استعمال الكرسي المتحرك، وبعد ذلك يفقد المريض القدرة على الحركة
. عدم وجود تناسق بين الحركات العضلية للذراعين مما يسبب صعوبات في الكتابة ومن ثم يفقد هذه القدرة كلياً
. بطء حركة العينين وعدم القدرة على تحديد المسافات
. تشنج المريض وتعتبر هذه الأعراض من العلامات المبكرة لضمور المخيخ
. مع تقدم المرض يصاب المريض بصعوبة في البلع
. لا يستطيع المريض الحديث بصورة واضحة
. ضعف أو فقدان في الذاكرة
. الإصابة بالشلل الرعاش
. الإصابة بمرض التصلب
. الشعور بالاكتئاب
. يعاني المريض من إضطرابات النوم ،
. كثرة الاغماء المفاجئ ،
. وهذا المرض ما اله علاج ابدا والشخص بالمعجزة يلا يطيب منه مع انو ما سبق احد وتعالج منه )