دائي و دوائي 🥀🖤 ( مكتملة )

الجمرة الثالثة والثلاثون

لا يهمني ما يفهمه الناس من تصرفاتي ،ف أنا افهم ما افعله وهذا يكفي 😌💫

( كتاباتي 👆 )

&&&&&&&&&&&

اساور ، من فيصل كالي على وليد وشلون مرضة زايد ماادري شصار بيه احس المرض زاد بيه اني ، ربي فدوة لاسمك لا تختبر صبري بوليد والله اموت لو صارلة شي ( نفس كلام وليد 🥺 ) ،

بعدين صقعني وجمدني بمكاني من كالي على الزواج هذا الشي الي ما جنت حاسبتلة حساب ، من سكت وجان منتضر مني رد ، ماادري يمكن من خوفي على وليد او لان اريد اخذ حقي منه ، لان وضعنا هيج لا احنا ناسين بعض وعايشين كأي ثنين ولد ، ولا احنا ناسين الصار ومكملين حياتنا سوية ،

واني اكدر انساه واعتبرة كأي ابن عم ، ولا اكدر انسى السواه بيه ، بدون ماانطي لنفسي فرصة حتى افكر اكثر غمضت وكلت : موافقة ،

فيصل ، صحيح حجيت وياها على الزواج بس ما جنت مخلي ببالي ولا واحد بالمية انو توافق ، من كالت موافقة ما استوعبت وفتحت عيوني على وسعهن وكتلهه واني ما مصدك ،

فيصل : موافقة على شنو ؟؟

اساور : على الي كلته ، اني موافقة ،

فيصل ، بسرعة كمت من كرسيي ، وحضنتهه لان فعلا فرحت بشكل مو طبيعي واخيرا راح افرح بيها كعروسة والمن لوليد اخوي وصديق عمري ، كتلهه ،

فيصل بفرحة : مبروك يعمري الف مبروووووك ، والله فرحتي ما اطيهه لاحد ،

اساور : لهدرجة جنت ثكلية عليك تريد بس تخلص مني ،

فيصل ، صدمتني بردها بسرعة وخرت عنها ، وكتلهه : شني هالحجي هذا ، لا تخليني ازعل عليج ، بس لان طول عمري احلم اشوفكم انتي ووليد سوية لان ادري بيكم واحد يموت على الثاني بس تكابرون ،

اساور : هههه اي ادري اتشاقة وياك ، شحدك تحسني ثگل ،

فيصل : ههههه الله ينعل شيطانج ، يلا يروحي تعبان خل اروح ارتاح

اساور : تصبح على الف خير حبيبي ،

فيصل بحب : وانت من اهل الخير يعمري ،

فيصل ، طلعت من المطبخ واني هم وانزاح عن گلبي من وافقت اساور متأكد وليد راح يسعدها ، الحمدلله وهاي هي طلع ما بيهه شي ، بس اني لهسه ما مصدك لان وليد ما حلف باجر انشالله اروح للدكتور واسألة حتى اتطمن ،

بين ما اني افكر لكيت روحي واصل بباب الغرفة مالتي ، طبيت لگيت اريج نايمة على الجرباية وفاتحة شعرها ومبين عليها تعبانة ،

رحت امشي على كيف للكنتور فتحته طلعت تراكي منه وسديته بس واني جاي امشي رجلي طخت بالطبلة الموجودة بنص الغرفة ، ووكعت منها المزهرية العليها ، طلع منها صوت عالي شوية ، بس الي فاجئني ردة فعلها مو يعني ردة فعل واحد نايم وسمع صوت وكعد لا هي فزت بخرعة وخوف كلش قوي ،