دائي و دوائي 🥀🖤 ( مكتملة )

الجمرة الثامنة والثلاثون

الكاتبة : اساور الياسري 🖤

*************

قال لها ؛ عينيگ قهوتي سألتهُ بتعجب ! مرة ؟ فأجابها مبتسما ً بل لا شيئ سواها يعدل مزاجي 🖤🥺

*************

وليد قاطعة بصوته الجهوري وخلى الكل يلتفتله : من سجاد بمهر معجله قرآن كريم ومؤجله قرآن كريم ...

الكل في حالة ذهووووول تام هذا شجاي يحجي ..

ابو فارس بصدمة : شيخ شجاي تگول ؟؟

فيصل بأستغراب: وليد شكو ؟؟

وليد بثقة التفت لابو فارس وابتسم : اتأسف منك ابو فارس بس ابن عمتها اولة بيها من الغريب ..

حجي صابر بعصبية : ولييييييد .. تخبلت

وليد بثقة : لا عمي ما اتخبلت بس سجاد اولة بيها ..

حجي صابر وفيصل شافو تصرف وليد كلش غلط بس هم عجبهم انو تصير لسجاد وما تروح للغريب سكتوا وانحرجوا من الناس ..

كلهه انصدمت شلون هيج يكول وهسه يلا يكول من اجو ويردون يعقدون يلا حجة ..

فارس بسرعة وبفرحة بعد ما جان فاقد الامل : صح حجايتك شيخ ابن عمها اولى بيها .. وباوع لابوه

ابو فارس ضاج بس ما راد يتفشل اكثر كدام الكل : اي صح .. الله يوفقهم

سجاد وحسن دخلوا شافوا وليد واكف بالباب ..

سجاد بأستغراب : وليد ليش واكف هنا ؟؟

وليد بضحكة راح يم سجاد وخلى ايدة على جتفه وابتسمله وكال : شيخ هذا سجاد العريس ..

سجاد عقد حواجبة بأستغراب : عريس ؟؟

وليد وما زالت الابتسامه ماليه وجهه : اي عريس .. انت اولى بيها ..

سجاد ما استوعب : اولى بمنو ؟؟

وليد : ببت خالك الي ملجتها اليوم ..

سجاد بحالة ذهووووول وصدددمة وفررررحة وتعجب واستغراب وكل احساس ما عرف يفسرة جاي يراود سجاد بهاي اللحضة ..

شنو يعني هذا الكلام يعني حب سنين ما ضاع .. يعني حب حياته رجعتله بعد ما جان فاقد الامل .. سجاد حس كأنو جان عطشاااااااان اله سنوات وهسه يلا ارتوى ..

لحد الان ما مصدك وما مستوعب .. لحد ما لزمة وليد ومشاه وصله يم الشيخ ووكعدة بمكان فارس الي من شافه اجه فسحلة المكان بفرحة كعدة وليد وهو لهسه ما مستوعب الجاي يصير ..

الشيخ بأستغراب : شيخ تحجي صدك انت ؟؟

وليد بضحكة : هه اي شيخ كمل شغلك ..

الشيخ متعجب .. لكن كمل وكال : هل تقبلين يا زهراء الزواج من سجاد بمهر معجله قرآن كريم و مؤجله قرآن كريم وان اكون وكيلاً لكي ان قبلتي قولي نعم وانت وكيلي ..