أخي الغيور

﮼البارت،الثالث

أخي _ الغيور
للكاتبة _مهرة

عزام
: فزيت من النوم، العصر، على صوت تلفوني
( قصي صديق عزام )
هلا يخوي ( عزام وبحت النوم بصوته )
اليوم رجعت الظهر
عجل انتظري اسبح وبدل واجيك للمكتب

هزار

: گاعدين العصر اني وخواني و خاله بالصالة
سيف
: هزار سويلنه چاي
هزار
: أسويلك بس بمقابل
: دروحي سويلنه وبعدين نحچي

: سويت الچاي وخليت الكوابه بصينيه وأخذتهم ، ويا مدخلت نزل عزام للصالة ( الصالة تصميمها دائري و الدرچ صاير بنص الصالة )
نزل كأنما شايل نسر على أكتافه ، يمشي بغرور ، ويبين اكبر من عمره ، على گد الرجولة لبشخصيتة ، مسبحته بايده لابس دشداشة سوده وغتره بيضة لافها على راسة ، شدعوه شگد شايف نفسه ، وزعت الچاي على اخواني وهو هماتين أجه گعد ، اخذت كوب الچاي مالتي انطي اله وراح واني اجيبلي غيره ، قدمته الصينيه حتى يأخذ ، رفعلي حاجبه وگال
: جيبلي جديد
: (عصبني بس حاولت أكون هادئة ) هذا جديد محد مشارب منه
: اريد جديد
( سيف و ليث منتبهين لآخوهم  يعرفون طبعه ضلون واحد يباوع للثاني و لازمين نفسهم حتى ميضحكون )

: (ممجبور اجيبله بس ميخالف بعد باچر واني راجعه لبغداد ما اريد اخلي بفكرة صورة محلوه عليه يبقى هو اخويه الچبير ) صبيتله كوب جديد وجبته انطيته اله

عزام
: نزلت و هزار طلعت من المطبخ ، ادحگ عليه بنظره ما فهمتها يمكن تريد تحلل شخصيتي ههه
انطتهم چاي وچابتلي كوبها ،  لان هي ما حاسبه حسابي بالچاي ، ردت انفزها ، بس ما گدرت طلعت عدها طولت خلگ ، بس مو ويه عزام ادري محد يتحملني هه ، شربت الچاي وطلعت ، تلاگت وياي بالطرم سمر بت عمي ، سلمت عليه ونشدتها على عثمان رفعت راسي لگيتها تدحگ علينه من شباك المطبخ ، بس من شافتني راحت ، انه هم مواعد صديقي ركبت سيارتي وطلعت

هزار
لميت الگواب وأخذتهم للمطبخ داخسل بيهم ع السنك شفت ابنيه لابسة عبايه اسلامية طويله ورفيعه ، دخلت سلمت على عزام وباست كتفه ، هو يحچي وياها ورفع رأسه شافني ، ما اعرف ليش نظراته  تخوفني ، رحت للصالة گلت لخاله
أگُلچ خاله دخلت بنيه دتسولف ويا عزام
: يمه هاي الا من بنات عمومتچ ، عجل منو يدخل علينا
( بهل اثناء دخلت سمر سلمت وباوعت لهزار بستغراب  وگعدت )

سمر
عمه منيلكم هاي البت ؟
: عمه هاي هزار بت عمچ مروان أخت الولد
: هااا عجل انتي بت عمي مروان الوحيدة
: اي اني وانتي منو
: انه سمر بت عمچ هارون ، بس شعجب هين اول مرة تجين !!!
: قبولي طلع بجامعة الأنبار واجيت
: هاا يعني تبقين هين
: ما اعرف والله بلكي عزام يگدر يدبرلي نقل ، وانتي وين تدرسين ؟
: لا انه خلصت متوسطة و گعدت اخوتي ما خلوني اكمل
عمه اجيت أنظف غرفت عزام
: يمه نظفتها اخته اليوم ، احنه هم تعبناچ
: لا عمه تعبكم راحة

هزار
بقت تسأل واجاوبها واني بصراحة ما حبيتها لان اني صداقاتي قليلة وعلاقاتي بالبشر محدوده لذلك البعض يأخذ نضره عني مغرورة ، بس اني مو هشكل اني إلا أتعود أو ارتاح للمقابل يله اگوم أخذ وانطي ويا  بأريحيه ، العصر اخواني يطلعون يرجعون بالليل سوينه العشا اني وخاله گعدنه نتعشا اني گاعده بين ليث وسيف گُتله
سيوفي عيوني خل نطلع
: اليوم الوكت فات باچر نطلع
: وعد
: افااا اكيد وعد

عزام
سيف نسيت ما سئلتك شنو المشكلة الصايره وياكم بالشغل
: خويه انت مو وديت صاحبك حتى نجهز نسيبه مواد من عدنه ويدفعلنا الفلوس دفعات
: اي
: صار شهرين مادافعلنا ونخابرو ما يفتح خط ، وصاحبك ما نعرفو ولا نعرف رقمو
: هسه اتصل عليه وأشوف شنو قصتو هذا

هزار
: خلصنه وخسلت المواعين، خاله راحت نامت ، رحت اجيب تلفوني من غرفت خاله ...

عزام
گاعدين و دخل علينا عثمان ابن عمي سلم و گعد لتفتت ادحگ هاي وين راحت بس لا تدخل علينا بهاي برمودتها وعثمان هين ، طلعت من غرفت امي وانه خزرتها

هزار
: طلعت من غرفت خاله اجت عيني بعين عزام خزرني ويأشر بعيونه عليه يقصد لبسي سمعت  صوت غريب انتبهت ، أكو ولد گاعد بس منطيني ظهره ليث گاعد بصفه ويأشرلي ارجع رجعت بسرعة للغرفة ، بقيت ساعة محبوسه بالغرفة مال خاله ، باوعت الولد يريد يطلع

عزام
گام عثمان وانه گمت اصعد لغرفتي انام ، بهل اثناء هي طلعت گالت ( منو هذا لنحبست .... عثمان رجع اسمعه يگول يخوي نسيت چكايري وهي بنفس الوقت طلعت وتحچي خطيت خطواتي بسرعة خليت ايدي على حلگها حتى ما تكمل وحضنتها من خصرها ضميتها بجسمي ودخلتها لغرفت امي ، (حچه بعصبيه)صوتچ .... لسان هذا لو برنو ،
بعدني مخلي ايدي على حلگها، انفاسها ،وعيونها فاتحتهن على كبرهن ، حسيت جسمي يرجف وانه ادحگ بعيونها ، تركتها بسرعة وبتعدت طلعت من الغرفه وصعدت گبل لغرفتي

هزار
: بعد هذا الموقف وعصبية عزام ، خفت منه ما طلعت لحد ما فتح ليث باب الغرفة وگال
يول نمتي ؟
:لا ليوث بس خفت من عزام شگد عصبي
: هههههه يول لو ما عزام چان سويتلنه استعراض الليلة
: اي شمعرفني عبالي راح
بقيت سهرانه ويه اخواني ل ٢:٠٠ وبعدين گمنه نمنه

صباحا ٧:٠٠
نايمه وجفلت مخروعة وصوت وليد يضحك عليه واني ناگعه مي ركضت ورا وهو يضحك عليّ وشارد
وليد والله إذا متچي وأبرد گلبي البيت أگلبه عليك
: عزام گال گعدها انه شعلي
: يعني هو گلك گعدها لو نگعها ؟!
:ول يمه ليش هيچ ويه أختك جفلتها بنومتها

عزام
وليد تعال اگعد يمي تريگ
( گعد وليد يم عزام وهو يرفع بحوجبه لهزار ويبوس بكتف عزام )
:تعاي گربي إذا بيچ خير
( هزار وهي تضرب رجلها بلگاع )
: ليوث يعني انت تقبلها هذا يحرگ گلبي
: بعد اخوچ هذا هسه عندو حصانه ما نگدر نگربلو
( عزام گاعد ولازم نفسه حتى ميضحك ، وهو يشوف شكلها وهي عصبية عبالك طفلة )
ليث : تعالي حبيبتي تعالي تريگي مو وراچ طلعه للجامعة
( خسلت وجهه ورجعت گعدت يم ليث وهي تخزر بوليد وهو يضحك حتى يغيضها )

عزام
الباحة انام وافز وهي على بالي ، كرهت روحي ، حتى بالحلم ما تركتني ، وهسه گاعده گبالي ومنتچيه على ليث ، شنو قصتها ما تعرف تگعد مثلنه وتآكل ، اوووف
يول عزام شبيك تخبلت ؟!!!!   ( يحچي بداخله ) عصبتني هاي گعدتها
من تخلصين حضري نفسچ حتى نطلع ، بلكي نگضي من وكت
: خلصت گايمه
: ول يمه كملي اكلچ
: لا خاله شبعت

هزار
لبست نفس ملابسي الي اجيت بيهم لان مجايبه ملابس وياي معبالي أبقى هنا ، بنطرون جنز حبري، قميص سمائي ، وستره خفيفه طويله  سوده ،خليت مكياچ خفيف ، بس عيوني رسمتهم ، وحمره لون صيفي فاتح ، لبست حجابي وحذاء گعب لان اني مو كُلش طويله ، واني احب الكعب عالي لونه أسود وأخذت جنطتي وطلعت لگيت عزام ينتظري ، اخواني كلهم طالعين

عزام
: استغفر الله هاي شطالعه هي بدون مكياج ، ما أگدر ادحگ عليها ،النوب هذا اللبس!!! شلون اخليها تطلع هيچ
( حچه بعصبيه )
هاي شلابسه ابويه شايفچ تلبسين هيچ ؟!!!
: (حچت بصدمه ) اي طبعا شايفني اصلا هاي ملابسي الي اجيت بيهم
: روحي غيري احنا مو بغداد
: مجايبه غيرهم شلون أغير
: وهسه شلون
أم عزام : ول يمه شبيك ليش تصيح
هزار : مو بلزوم ما اروح
: امشي گدامي يله فضيني

(طلع وهو وجهه ما يگصه السيف )

: صعدت يمه والطريق كُله هو ينافخ من العصبية اني محچيت شي ، هذا مو مال واحد يحچي ويا ، وصلنه ونزلت انتظرني حتى امشي ويا ، الجامعة عجبتني كُلش حلوة بس ما اريد أبقى هنا ، بهذا لبسي وعزام مقابل لعد شلون لو يشوفني اطلع بدون حجاب وبتنوره قصيره ؟!!! ، يمكن يعدمني هههه

عزام
تمشي وياي وعيون الخلگ عليها ، أكلوها بعيونهم ، هي ناويه تجلطني ، عجل ابغداد شلون ، بس هذا الحچي مايمشي عندي ، لازم أغير لبسها وخليها هين غصب عنها ، خابرت صديقي هين استاذ ، گال تعال انتظرك
رحت قدمتلها هين حتى ما سئلت يصيرلها نقل لو لا خلصت اوراقها بسرعة ما اريد تبقى هين بهذا لبسها
خليتها گاعده يم السكرتيرة وخلصت گتلها قدمتلچ هين مايصير نقل هي ضاجت هه

: گعدني يم السكرتيرة وأخذ اوراقي وهو راح خلص كُلشي ورجع والنوب نقل ميصيرلي ضجت كُلش يعني حبقى هنا اوووف ، صعدنه اني فاير دمي وهو ولا عبالك گُتله
: يعني شنو ما كو حل حتى انقل
: لا اكو اتركي الدراسة وگعدي بالبيت ( يحچي ابرود )
: انت صُدُگ تحچي ( تحچي بعصبيه )
: صوتچ ... لا تعلي
: تره اني مداعلي صوتي بس داسئلك وبعدين طبيعت صوتي هشكل عالي
: تعلمي لا تعلنو
اني فير دمي وهو شغل أغنية ويدندن وياها ومنتعش

مساء الخير أحبائي هذا البارت نزلته مثل ما وعدتكم ومثل ما طلبتو اتمنى يعجبكم علقو ع فقرات الحور ونطوني رائيكم صوتو أحبائي  احبكم ♥️😘
🥀دمتم في أمان الله وحفظة 🥀