#صفحات من الماضي
الكاتبة فاطمة عادل
ماجدة : اني وعلاوي وحسوني علاقتنة كلش قوية عبالك اصدقائي مو اولادي ومن همة وصغار علمتهم اي شي يجوون يسولفولي علية وحتى اني اسولفلهم واخذ رأيهم بأي قرار اتخذة
صارت سنة ٢٠١٤ داعش
علي : صرت سنة ثانية نجحت من الاول الحمد لله
نيرمين ممكن احجي وياج
نيرمين : بصوت خافت لاا
علي : دتمشي دارت ضهرها عني كتلها اني احبج نيرمين
رأسا وكفت بمكانها عدلت حجابها وهاي الحركة اعرفها من تنحرج تسويها عافتني ومشت اتخبلت مااعرف شنو اسوي وشلون اجذب نضرها
يومية اوكفلها او اتعمد اكعد بنفس المكان اللي هية كاعدة بي بس متباوع بعيني ابد أيست منها كلش
عندي زميلة وياية اسمها براء مثل اختي نكعد اني ومراد وصديقاتها اثنين ندرس سوة تعرف بنيرمين واني شكد متعذب وهية ممهتمة
براء : علي اذا اجيبلك نيرمين هية تحجي وياك شتنطيني
علي : لا بالله هههههههه نيرمين تجي تحجي وياية ليش انكلبت الدنيا من العام والسنة اركض وراها وهية ولا يمها
براء : واللي يجيبها الك
علي :ههههههه شتريدين انطيج
براء : اوووكي
علي : راحت براء يم نيرمين وصديقاتها حجت شي بس شفت نيرمين اوضاعها اتخربطت وتعدل بحجابها اني كلش ضال بالي كلت هاي اكيد سوت مصيبة اجتي براء ابتسامة من الاذان للأذان
براء : ههههههههههه عزة رح اموت من الضحك
علي : وج مصخمة شسويتي
براء : ههههههههه معليك انت
علي : احجي ولج شكتيلها
براء : صار وكت المحاضرة بيباي
علي : تخبلت هاي شكالت للبنية وهيج صار بيها رحت للمحاضرة نيرمين محضرت بالرغم نيرمين كلش شاطرة ومتفوت محاضرة كل شوية اباوع ع براء تبتسم هاي شبيها مخبلة
خلصت المحاضرة طلعت براء طلعت وياها براء مستمرة بالضحك واني اعصابي مفولة مااشوف الة صوت بي رجفة من وراية
نيرمين : علي .... علي
علي : التفتت مصدكت عيوني نيرمين
براء : اني رايحة علاوي تحتاج شي
علي : تحجي براء بخباثة وتضحك
هاااا لا لا مامحتاج شي
كولي نيرمين شبي صوتج يرجف
نيرمين : علي ميخالف اخذ من وقتك شوية
علي : تعاي لا كدام الطلاب امشي بالمكتبة
اخذتها بالمكتبة تمشي وتمسح بالكلينس بكلبي اكول اني اعلمج يا براء شمسوية بالبنية كعدنة بالمكتبة اول مرة نكعد بحدنة
نيرمين كافي بجي عيونج ذبلت احجي شنو اللي مضوجج
نيرمين : علي اريد اسألك سؤال وتجاوبني الصراحة
علي : كولي
نيرمين : بصوت متقطع
انت بعدك تحبني
علي : اخذت نفس ورجعت ع الكرسي
ليييش
نيرمين : لعد ليش خطبت
علي : انصدمت من اللي كالتة نيرمين وصوت البجي مال نيرمين صار بصوت والمكتبة هدوء بدة ينسمع
نيرمين اشششش صوتج فضحتينة
نيرمين : جاوبني معليك بية
علي : اباوع عليها العيون حمرة دم والخدود حمرة يالله مينطيني كلبي ابقيها تبجي بس لازم اكمل الكذبة واشوفها صدك تحبني
الصراحة اي امي خطبتلي
نيرمين : يعني رح تتزوج
علي : اللي يخطب غير يتزوج وراها هههههههه
نيرمين : اوكي الله يسعدك
علي : تعااااي وين رايحة
نيرمين : لنار جهنم شعليك انت
علي : حجيت وصكيت ع اسناني صووووتج نصي واكعدي
نيرمين : شنو تريد
علي : تحبيني
نيرمين : هذا السؤال مو من حقك لان انت خاطب
علي : نيرمين احبج
باوعت بوجهي ونزلت راسها وتبجي
ليش تبجين شلعتي كلبي
نيرمين : ليش خطبت
علي : اكلج ع سر ومدكولين الاحد
نصت ع الميز وحجت بصوت خافت
نيرمين : اييييي كول
علي : اني مخاطب وبراء كذابة واني احبج واموت عليج وانتضرج تحنين علية وانتي هم تحبيني بكد حبي الج
نيرمين : ابتسمت بفرح
علي اني كلش احبك بس غصب عني رفضتك
علي : الحمد لله اخيرا نطقتيها هههههههههههه
بس ليش منو جبرج
نيرمين : انت رح تفهم وية الايام
وصدك تعال ندور ع براء اريد اكتلها ع الفلم اللي سوتة بية
علي : عاشت ايديها هههههههه هسة عرفت انتي شكد تحبيني
نيرمين : باأبتسامة خجل علي كافي
علي : ههههههه كومي يلا ندور ع براء
دورنة ع براء ملكيناها وجان نهاية دوام
نيرمين : علي اني اروح الخط دينتضرني
علي : اوكفي انطيني موبايلج
نيرمين : نطيتة موبايلي سجل رقمة وسوة مسكول لنفسة ووصلني للخط يمشي وراية
علي : راحت نيرمين عبالك اخذت كلبي وراحت
رجعت للبيت منتعش وفرحان واضحك
ماجدة : خير ياطير اشو الضحكة واسعة اليوم
علي : ههههههه يمة لحكي ع ابنج غرك
ماجدة : هاا هم نيرمين
علي : باعي كلب الام يعلم يمة اليوم نيرمين هية اجتني وهية اللي كلتلي احبك
ماجدة : هههههه ليش شصار بالدنيا مو دكول خشمها عالي ومتتحجة
علي : تعاي اسولفلج شسوت براء اليوم
وكعدت سولفت الها شصار اليوم بالتفصيل
ماجدة : هههههههه الله يسعدكم يمة تريد اخطبها الك
علي : لا يمة من نتخرج مبقة شي ان شاء الله
ماجدة : ان شاء الله حبيبي
علي : يومية بالليل نتخابر ونعوف الخط مفتوح وننام ونروح للمعهد نتمشة سوة واخيرا اني ونيرمين صرنة روح وحدة بجسمين اموت عليها وتموت علية اخاف عليها من كل شي مراد عفتة صار الجو بس النونو مالتي
ماجدة : اوضاع البلد بدت تصير نحو الاسوء داعش دخل للعراق خالو هشام عاف الموصل وراح لديالى دوائر الدولة صارت يوم دوام يوم لا
بين يوم وليلة دخلو داعش ع تكريت ومنطقتنة حماد شهاب مقابل سبايكر كلش قريبة علينة
يوم ٢٠١٤/٦/١٤ تحديدا دخل داعش ل سبايكر
ماجدة : نزل علاوي ابني جوة للعمارة شوية وصعد يركض
علي : يمة يمة الحكي
ماجدة : اسم الله الرحمن شبيك يمة
علي : دخلو داعش ع سبايكر وبدو الطلاب ينهزمون مكلوبة الدنيا يمة
ماجدة : اصفك ايد باأيد مااعرف شنو اسوي اروح واجي بالشقة ضاكت الدنيا بعيني
المرآة شكد متكون قوية وعندي ولدي الله يحفظهم بس تحتاج سند اني ماعندي سند حسيت اني تايهة اريد احد يوجهني ضعفت وبجيت مااعرف شنو اتصرف ولدي اخاف عليهم حبستهم بالبيت مخليتهم يطلعون بعد وابجي
رحت توضيت ورحت فرشت سجادتي صليت ركعتين واندعيت من الله يقويتني لازم اصير قوية واصير سند الاولادي لان اني مصدر قوتهم
ماجدة : علاوي كوم ماما خلي ننزل نتسوك كل شي يصير نخلي اكل جوة ايدينة
علي : يمة داعش جوة
ماجدة : شنو يعني رح ياكلونة
ماما حسوني ابقة هنا
حسين : ماما اخاف يأذوكم
ماجدة : لا ماما ماكو شي حبيبي يلا علاوي
اخذت علاوي ونزلنة اكو اسواق براس الشارع رحنة تسوكنة وطلعنة بالفرع لكيت ولد طلاب بكصة ولدي يتختلون من مكان المكان وخايفين عرفت هذولة مهزومين من داعش
صحت منهم كم واحد كتلهم امشو ببيتي مشينة سريع اني وعلاوي والولد واحد يصيح الثاني صعدت للعمارة كلهم وراية كل شوية اندار وأأشر الهم بالسكوت صعدت فتحت الباب ودخلتهم
١٤ طالب من سبايكر ضميتهم يمي خفت عليهم مثل ماأخاف ع ولدي
اسمعوني ماماتي انتو كلكم مثل ولدي بس صوتكم نصو وابد لطلعون صوت مناك الجيران وهاي هدومكم العسكرية ذبوها
علاوي وحسوني ولدي رح ينطوكم هدوم تلبسوها مدنية
علي : اي ماما هسة اجيب هدومي
حسين : اي ماما اني هم
ماجدة : اخذو هدوم الولد ونزعو العسكري وخليت الهدوم العسكرية بجيس اسود واخذت هوياتهم هم وذبيتها
كاعدين الولد و خايفين كلش كتلهم يمة هذا بيتكم كومو اكلو فوتو حمام كلة كدامكم بيتتهم ليلة الفجر ورة صلاة الصبح كتلهم منو يريد ينهزم اني انزل وياه سبعة من الولد كامو وياية كل واحد نطيتة ٢٥ الف كتلهم امشو وياية
وطلعت وياهم بعدها الشمس مطالعة امشي وامشي لحد موصلتهم لنقطة آمنة سلمو علية وباسوني من راسي وقسم منهم حتى ايدي باسوها عبالك صدك ولدي بجيت عليهم واندعيتلهم وكتلهم روحو يمة محروسين وراحو لحد ماأختفة اثرهم رجعت للبيت بادية الشمس تطلع اول مدخلت للبيت سألوني الولد هاا يمة بشري كتلهم ان شاء الله طلعتهم أمان
طلعت الشمس وصار الصبح باوعت من الشباك الريات السود ومكتوب عليها داعش الموقف رعبني بس اتضاهر بالقوة لان هذولة الولد كلهم بركبتي
واحد من الولد كام وكلي خالة ابوس ايدج هزميني بعد مااعندي كلب كتلة كوم يمة وكام الثاني يمة اني هم اجي وياج كتلة كومو يمة محروسين بالله طلعت برة العمارة امشي والولد وراية يمشون لزمونة سيطرة
وين رايحين وهذولة منو
ماجدة : هذولة ولدي ويريدون يروحون لخوالهم بديالى
جيبو هوياتكم
ماجدة : بهل حجاية حسيت كلبي انقبض ......
الى اللقاء في البارت الاخر متابعة شيقة
الكاتبة فاطمة عادل
لتنسون تضغطون ع النجمة وتعليقاتكم حبايب