دائي و دوائي 🥀🖤 ( مكتملة )

الجمرة السادسة والعشرون

‏لاَ تجعل يومكَ يمضي خالٍ مِنْ الأجُور :
سبّح | أستغفر | وَصلِّ على الرسُول 💗.

.....................

السيد : يا بنتي يا اريج راح اسألج تلث مرات بالمرة الثالثة ردي عليه ، هل تقبلين الزواج بفيصل زوجا لكي بمهر معجله ...... ، ومؤجله ...... على سنه الله ورسوله وان اكون وكيل لكي ، وعادهه تلث مراات ،

حجيه خاجية : يلا يمه احجي ،

ارييييج دموعهه بعينهه بس قوت نفسهه وحجت : سييد قبل كلشي ، اريد هسه كدامك يحلف انو ما يتقربلي ويبقى الزواج على الورق ،

ام وليد : يااا ارييج شجااج مو عيييب ،

اريج ما ردت عليهه ومنتضرة رد فيصل ،

فييييصل عيونه صارن براسه فضحتهم كداام السيد ، راح يطلعلهه ولزمة ولييد ،

السيييد استغرب التفت على حجي صابر : شجاي تكول البنيه شيخ ، شنو هاي انت تدري بهذا الشي وجايبني اعقدلهم ، وانت كلش زين تدري هذا الشي حرااام انو الرجال ما يدخل على مرته وما يصير يهجرهه ،

حجي صابر انحرج من السييد وعصب على اريج : ها لا سيد ماكو هيج شي ، وهذا كله اني ادري بي ، بس شوية تدري البنيه خايفة وماتعرف شتحجي ، التفت لفيصل واشرلة ، روح بابا شوووف شكو ،
بس
فيصل ورادهه من الله على الله ، طلع بسرعة شافهه واكفه ، اريج من شافت فيصل نفسهه زاد وخافت ، بس هي من شافت دموع بنين قبل شوية قرررت انو بعد ما تضعف كدام اي احد علمودهه ، وهم علموود نفسهه ومثل ما هم مشوا الي يريدونه هي التمشي التريدة صح هم الي دخلوهه لبيتهم واستقبلوهه من جان محد الهه بس هم ما الهم حق يجبروهه على شي ، وما دام انجربت بحجة رد الجميل الي سوووه الهه هم لازم يصير بشروطهه ، صح هي خايفة لكن باوعت لفيصل بنضرة تحدي ورفعت حاجبهه ،

فييصل جان معصب وجاي حتى يطلع عصبيته بيها لكن الي صدمة هو نضرتهه الي تدل على انو هي ما خايفه منه ، وتدل على انو هي قوووت ،

فيصل بينه وبين نفسه " خوووش خوووش ست اريج اذا ما ندمتج على هاي النضرة " وحجه بصوت واضح : كولي اي لو لا وفضي الموضوع بدون هاي سوالفج ، ولا عبالج اني كاتل روحي حتى اتقربلج ، وباوع عليهه من فوك ليجوة وحجه بنضرة استصغار الهه ، وشنو البيج الي يخليني اتقربلج بعد ما جانت مرتي فرح فلا تهينين نفسج اكثر و ردي من الاخير ، وعافهه ودخل ،

حجيه خاجية : صدك يمه عيب من السيد يلا ردي ،

ارييييج انجرحت انوثتها حييييل وكلامه جرحها من صميم قلبها لانو حيل كلامه اذاها وهانها كأنثى ، بلعت الغصة وقوت نفسها وكالت : عيد حچييك سيد واني انطييك الرد ،

السييد : يلا بنتي هاي اهرة مرة راح اعيد ، بس قبل هاي اريد اكلج ترة حجايتج مسااع مال ما يوصلج وما يدخل عليج ترة حرام وتغضب الله لان الهجران حرام ،

ارييج تندمت على كلمتها ، بس هي جانت تريد تثبت لفيصل انو هي مو ضعيفه وتكدر تشرط وتحجي ، استححت من السيد حيييل ،

السيد : ها بنتي جاهزة ،

اريج : اي سيد تفضل ،

السيد : يا بنتي يا اريج ، هل تقبلين الزواج بفيصل زوجا لكي بمهر معجله ...... ، ومؤجله ...... على سنه الله ورسوله وان اكون وكيل لكي ، وعادهه تلث مراات ، وان كنت موافقه قولي نعم انت وكيلي ،

اريج بلعت الغصه وكالت: نعم وانت وكيلي ،، ونزلت دمعتهه ومسحتهه بسرعة ،

السيد : قبلت الوكالة ، مباركين انشالله ،

حجيه خاجيه بجت وكالت : بالعافيه يمه الله يسعدكم ،

ام وليد حضنت اريج وخنكتها العبرة : بالعافيه يمه ، اللله يهنيكم ،

اريج كوة عليهه ابتسمتلهن ، لان قررت يكون رفضهه وعدم تقبلهه للموضوع كدام فيصل وبس ، اما كدام البقية ما اله داعي تضهرلهم حزنهه وهي كلهه ست اشهر وتخلص ،

البنات اساور وزهراء بسرعة هلهلن ، التفتن عليهن اريج وام وليد وحجيه خاجية ،

حجيه خاجية : دهر شجابجن ،

اسااور : ههههه تريدني ما اسمع عقد اخوي وصديقتي ،

حجيه خاجيه : فلللك فلكجن ،

ام وليد : ههههههه يلا تعالن خل نطب ،

اسااور حضنت ارييج ونزلت دمعتهه : مبرووك حبيبتي، وحجت بصوت ناصي بس اريج سمعتهه ، صح مو برضاج بس والله ما تلكين مثل فيصل حنوون لا تخسرينه ، وديري بالج علي نسيي فرح وريحيي كلبه ، ووخرت عنهه ،

اريج ابتسمتلهه بدون كلام ، اجت بنين شبكتهه وكامت تبجي : حبيبتي اجه اليوم الشفتج بي عروسة حتى لو مغصوبة بس انشالله تتأقلمين وياا ويدير باله عليج لانج تستاهلين كل خير يروحي ،

اريج من حضنتهه بنين ما تحملت تلزم دموعهه اكثر وحجت بينهه وبين نفسهه " علمودج اتحمل كلشي والله " ، وخرت منهه ، وباستهه كالتلها : لتخافين عليه هو كله زواج وكلهه بيها ركص ، ودنكت على اختها وحجت بأذنها : مو جان حلمنه تصير حفلة ونحضرها وتركصين وهاي راح تحققين حلمج وتركصين بعرسي واني اركص بعرسج شكلتي ، اريج تحجي وتمثل انها فرحانه لكن من داخلها متدمرة ، وتريد بس تنعزل بنفسها وتبجي ،

بنين نزلت دمعتهه ومسحتهه : هايهيه اتفقنه ،

زهراء وخرت بنين : وخري خل اسلم على مرت اخووي ، وباركت لاريج وراحن كعدن بالصاله واريج كالتلهن راح اروح اسبح ، وراحت تسبح ،

فيصل من سمع اريج كالت نعم غمض عيونه ، وتمالك نفسه كدام السيد والسيد كمل وكاله بالعافيه صارت مرت على سنه الله ورسولة ، وطلع وطلعوا وياه وليد وحجي صابر ،

حسن راح يم فيصل : مبروووك عدييلي ،

فيصل خزرة ودخل للبيت ، وهو لهسه بباله نضرة اريج ،، ومتحلفلهه ،

باوع بالصالة اجت يمه حجيه خاجيه: بالعافيه يمه الله يتمملك على خير ،

فيصل فعلا عصب وصاح بصوت عالي ، : يمممه يا خير انتن صدك تحجن ، شوفن هاي انتن كلجن حاضرات وتسمعن التجي وتكول بالعافيه لو تبارك ما يحصللهه خيير كلجن تدرن الموضوع صار بالغصب ، فلا تسون رواحجن ما تدرن ، وصعد لغرفته ،

اسااور : اوووووف ما شايفة هيج شخص يحرم على روحة انو يجرب حتى ولو انو يكون سعيد ،،

وليد الي هستوه ودع عمه صابر ودخل وسمعهه تحجي ، كاللهه : اذا اردت ان تعيب صفه بالاخرين ، انضر لنفسك ثم تكلم ،

اسااور باوعتله ومن شافته كعد ، كامت : خل اروح اشوف مرت اخووي ،

بنين من سمعت كلام فيصل عرفت انو اريج ما راح تكون سعيدة ويااه حييل ضاجت ومن شافت اساور كامت ، كامت وياها ، ولحكتهن زهراء ،

حجيه خاجيه بعدهن ما طالعات كالتلهن : يا برد شبيجن كلجن كمتن ،

وليد راد يضوج اساوور انتجه على القنفه وكال : شبيج عمه ما تدرين اذا حضرت الملائكة ذهبت الشياطين ، وابتسم وباوع لاساور ،

اسااور سكت مسااع هلى المثل الضربة بس هسه ما تسكت كالتله : لا وانت الصادك حضرت الشياطين وذهبت الملائكة ، والتفتت تريد تمشي ما حست غير وليد لازمهه من زندهه ويضغط عليها حيل ومبيين مفوور من العصبيه ،

وللليد من كالت الشياطيين عيونه صارن براسه من العصبيه طفر بسرعة وراحلهه ولزمهه من ايدة وبي وما يقوي على ضغطة ايدة بكل ما بي من عصبيه : منوووو الشييييطان ها وللللج كولي منو الشيطان ،

اسااور ما خافت منه بس اذتهه ايدهه كالتله : والله الحليم تكفيه الاشارة ما يحتاج اكول منو ،

وليد راد يحجي ، وسكته صووت ام ولييد الس صاحت بصووت حازم : وليييد عووف بت عمك ، عوف ايدهه اكلك ،

ولييد بعصبيه عاف ايد اساور ، والتفت على امه : يلا حضرن ارواحجن خل نرجع للبيت ، اني برة متانيجن بالسيارة ،

اساور خلت وراحت لغرفتهه ،

حجيه خاجية : يمممه ضلوا بس الليلة ، شعدكم رايحين هسه ،

ولييد مفووور يريد بس يطلع : لا عمه عليمن ، يلا يمه لا تأخرني تعبان اريد اروح انام ، والتفت على عمته وكاللهه : كلي لفيصل عمي صابر راح للعمارة هسه طلع ،
وطلع من البيت ،

ام وليد : يلا زهراء روحي جيبي عباتج وعود غراضج باجر نجي ناخذهن ،

زهراء : يمه خل اضل يم البنات ،

ام وليد : ذاك اخووج وروحي كليليه لا تورطيني ويااه ،

زهراء : لا يابة اروح ما تشوفينه مفوور ، خل اروح اجيب عباتي ،

وراحت جابت عباتهه ومشوا ،،

اجه فهد : يمه عود ليش قافله الباب على نوور شنو يعني تموتون البنيه ، اطيني المفتاح ،

حجيه خاجيه : اي يمه هاك افتحلهه وخل تاكل شي ما ماكله من الصبح ، اني مااحجي وياهه ، وراحت لغرفتهه وهي تندب حضهه على بتهه الي من يومها شالعه كلبها ، فهد اخذ المفتاح وراح لغرفة نوور وفتحه الهه شافهه نايمه ، راح يمهه ،

فهد مهما كانت غلطانه ما لازم نعاقبهه كلهه وهي تبقى اختيي وواجب عليه احميهه ، راح على كيف يحجي حتى لا تنز وتخاف : نور نور حبيبتي ، كومي اكلي ،

نور كعدت باوعت شافته فهد كعدت وكالته: ببيش الساعة ؟؟

فهد : كومي اكلي صارت الدنيا الليل ،

نووور : ايااابه هذا كله جنت نايمه ، واهلك حتى ما ذكروني ، شصار ماصار على سالفة الشيخة ،

فهد حجالهه سالفة عقد اريج وفيصل ،

نووور طفرت على حيلهه : شنو يعني ، هسه اريييج مرررت فيصل ،،

فهد : اي ، ليش شكو ؟؟

نوور راح تفقد عقلهه : شنو شكووو ، ما تدري بيه انه رايدة فيصل وما عاولت فرح تمووت ، حتى اتزو... قاطعهه راشدي من فهد لف وجهه لف ،

فهههد : لا تشوفيني اطيتج مجاال ووكفت بوجوهم وحميتج ، يعني تاخذين راحتج وتحجين هيج شوفي بعد خاف سجاد بس يضربج اني اذبحج والله ، اذا بس جربتي تسوين شي عرفتي لو لا ، وعافهه وطلع ورجع قفل الباب وراا وراح لغرفته ،

وكلمن دخل لغرفته ومنهم النام ومنهم الما كدر ينام ( اريج ، اساور ، فيصل ) ،

.......................

اسييل من طلع مرتضى مع انو هي سمعت هذا الكلام الضهر بس هسه من سمعته من مرتضى جرحهه اكثر وشكد ما كالت ما تهتم بعد لكن الاهانة تمووت وتجرررح ،

كعدت على كرسي الطاولة واجه ابوهه ببالهه كامت دموعهه تنزل وحدهه وخلت ايدهه على الطاولة وخلت راسها عليها وكامت تحجي وي ابوها : يكولون الميييت كلشي يشووف ، وانت اذا جاي تشوف حالي شلون هيج متحمل اني اضل هيج عايشة يهوون علييك ، ونشغت ، وكالت ، واللله تعبببت هاي عود ما صارلك هواي ميت وهيج صار بيه وبعدين بوية وبعدين شراح يصيير تتذكر من مرة سمعنه شعر على المووت اني ويياك واني بجيت على امي وانت سكتتني كلت اني يمج لا تبجين هسه حتى انت رحت هسه اجه وكته الشعر وكامت تحجي بالشعر وويه كل كلمه كالتلهه بالشعر نزلت دمعتهه وياهه ،

ﻣﺮ ﺑﻴﻨﻪ ﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ
ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺷﺤﺪﻩ
ﺍﺣﺒﺎﺏ ﻭﻛﻌﺪﻧﻪ ﻭﻛﻠﻨﻪ ﻣﻠﺘﻤﻴﻦ
ﻃﺒﻴﺖ ﻭﺧﺬﻳﺘﻪ ﻭﺧﺮﺑﺖ ﺍﻟﻜﻌﺪﻩ
ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ ﺍﻻﺣﺒﺎﺏ
ﻭﺗﺨﻠﻲ ﺍﻟخلگ ﻛﻠﻤﻦ ﺩﻣﻌﺘﻪﺍﺑﺨﺪﻩ
ﺷﺎﻫﺮ ﺳﻴﻔﻚ ﻭﺗﻔﺠﻊ ﺑﺎﻟﻮﻻﻳﺎﺕ
ﻭﻻ ﻓﺪﻳﻮﻡ ﺳﻴﻔﻚ ﺑﺎﻳﺖ ﺑﻐﻤﺪﻩ
ﻭﻳﺎﻣﻮﺕ ﺍﻋﻠﻰ ﻫﻮﻧﻚ ﺗﺪﺭﻯ ﺑﻴﻨﻪ ﺍﺿﻌﺎﻑ
ﻟﻮﻣﺎﺗلنه ﻭﺍﺣﺪ ﺣﻴﻠﻨﻪ ﺍﻳﻬﺪﻩ
ﻭﻳﺎﻣﻮﺕ ﺍﻟﺒﺸﺮ ﻣﻦ ﻋﺎﻃﻔﻪ ﻭﺍﺣﺴﺎﺱ
ﻣﻦ ﺩﻡ ﺍﻭﻟﺤﻢ ﻣﻮ ﻣﻦ ﺻﺨﺮ ﺟﺒﺪﻩ
ﻭﻟﻮﻣﺎﺗلنه ﻣﻴﺖ ﻣﻮ ﺳﻬﻞ ﻧﻨﺴﺎﻩ
ﺗﺬﻭﺏ ﺍﺭﻭﺍﺣﻨﻪ ﻭﺗﺘﻜﻄﻊ ﺍﻟﻔﻜﺪﻩ
ﺍﻭﺍﺣﺪﻧﻪ ﻛﻀﻪ ﻣﻦ ﻣﺮﺍﺩﻑ ﺍﻟﺼﺪﻋﺎﺕ
ﺟﺜﻴﺮﺍﺕ ﺍﻟﻨﻮﺍﻳﺐ ﺿﺎﻋﺖ ﺍﻟﻌﺪﻩ
ﻭﺍﻟﺮﺍﺣﻞ ﺗﺮﻛﻠﻪ ﺑﻜﻞ ﻛﻠﺐ ﺑﺼﻤﺎﺕ
ﺑﺬﺭ ﺑﺬﺭﺓ ﻣﺤﺒﻪ ﻭﺷﺠﺮﺗﻪ ﺍﻣﻮﺭﺩﻩ
ﺳﻮﺍﻟﻴﻔﻪ ﺗﺪﻭﺭ ﺑﻜﻞ ﺭﻛﻦ ﺑﺎﻟﺒﻴﺖ
ﻭﺣﻨﻴﺘﻪ ﺗﺪﺍﻭﻱ ﺍﻟﺠﺮﺡ ﻭﺗﺸﺪﻩ
ﻳﺎ ﺳﻠﻮﺓ ﻫﻠﻚ ﻣﺎ ﺍﺿﻦ اﻟﻴﻨﻪ ﺍﺗﻌﻮﺩ
ﻭﺍﺿﻦ ﻣﻬﺮﻙ ﺧﺬﺍﻙ وﻣﺎ ﺑﻌﺪ ﺭﺩﻩ
ﻭﺿﻠﻴﻨﻪ ﻧﺘﺎﻧﻲ ﻣﺠﺬﺑﻴﻦ ﺍﻟﺼﺎﺭ
ﻭاﺋﻴﺴﻨﻪ ﺻﺪﻙ ﻣﻦ ﻃﺎﻟﺖ ﺍﻟﻤﺪﻩ

وما كدرت تكمل كامت تجر النفس كوة ، ضلت تبجي بجت وبجت منا لمن نامت ،( وهذا حالهه يوميه تنام ودموعهه على خدهه ) ،

.........................

طلعن الصبح وراحن للسوك حتى يشترن نيشان ( جهاز عرس) لاريج ورجعن العصر اخذهن حسن ( اخو خيته 😂) ،،

كاعدات ويفتحن بالغراض ويشوفن شبعد ناقص اريج تماشت وياهن وحسستهن انو هي فعلا متقبله الموضوع لكن هي كوة عليها بس متحملة علمود اختها ،

وفيصل من الصبح طلع وبعد ما رجع ،

اريج تباوع لبنين ومبين عليهه مشغول بالهه بشي ، راحت كعدت يمها كالتلهه : شبيها الحلوة ضايجة ،

بنين وتفكر بكلام فيصل وخايفة على اريج ، كالتلها : اريج اريد احجي وياج بموضوع ، خل نروح لغرفة اساور ،

اريج خافت : كومي يلا ،

راحن للغرفة وهن جاي يمشن لاكتهن نورر ، لان فهد فتحلهه الباب الصبح ،

نووور باوعت على ارييج بحقد وكالتلهه : لا تفرحين والله مااخليج تتهنين وكولي كالت نوور ، وعافتهه ومشت ،

اريج ما اهتمت لكلامهه لان هي اصلا من دون كلامها ما تريد تتهنى وي فيصل ولا راح تتهنى ،

بنين التفتت لاريج بخووف : شقصدهه ،

اريج : ختولي ، متكدر تسوي شي ، اي تعاي كليلي شبيج ، ودخلن للغرفة ،

بنين سولفتلها على كلام فيصل وانو هي خايفة عليهه من كلام فيصل ،

اريج ابتسمتلهه : خوفتيني عبالي شو شكو ، ومنو كالج اني اريدة زوج الي ،

بنين دنكت : بس اني اريدكم واحد يحب الثاني بلكي يكدر يسعدج ،

اريج انقهرت على اختهه ، ورفعت راسهه كالتلهه : وبعدين شدرانه شكاتب القدر يجوز احبه ويحبني الله اعلم ،

بنين ابتسمت : يعني ممكن ،

اريج ابتسمت وشبكتهه : كلشي ممكن ، واختفت ابتسامتهه ، من جان يتوقع انو ممكن نخلص من ذاك السجن الجنه عايشين بي ،

بنيين تنهدت : اي والله ،

...........................

بعد مرور اسبووعين ،،

...........................

اسيل حالهه نفسههم عيشتها على التنضيف والطبخ والبجي هيج ماشيه حياتهه ، وكأنما وحدهه عايشة بالبيت لان مرتضى يطلع الصبح ويرجع بليل وام مرتضى بس كاعدة بغرفتها وتبجي ، ودوم مريضة واسيل ما مقصرة وياها من ناحية علاجها واكلها ، وبعدهم ما عاقدين عقد محكمة لان عساس بيوم الي يروحون اتخربطت ام مرتضى وبعد ما راحوا ، واليوم يجي ابن حنين سمعت مرتضى يحجي بالتلفون وي اخو زوج حنين ، وهي نوعا ما فرحانه بجيته على الاقل يصير حس بالبيت لان فعلا ملت من عيشتها وبس بجي ،،

مرتضى اني من خلصت فاتحة حنين لليوم ، اطلع من الصبح وارجع بليل ، الكه غرفتي نضيفة وملابسه مغسولة ومكوية ومرتبة ، والكاهه هي بالمطبخ نايمه ، وهذا حالي صار اسبووعين ، واليووم اجه موعد تخريج يوسف ابن حنين من المستشفى ، طلعته من العصر بس ممرته على اهل ابو يلا رجعت للبيت بليل ، لكت امي ماخذة مهدئ ونايمه اصلا ما تدري بي يجي اليوم لان جان مو اكيد يطلعونه اليوم فما كتلهه ، وهذا عاملهه واني حتى مااعرف اغسله ، شلون هسه ، وما اريد اسيسل تكض ابن اختي ، اوووف راح اجرب ،

فتحت الحضينه مالته الخيسة كفختني كفخ دخيلك يا علي شني هاي ،

مرتضى : يبعد خالك شني هاي اوووووف نووي ، شلون هسه اني خاف الزمك وتزرك من ايدي ،

اسيل اني يومية من اكمل غسل مواعين اطفي اضوية البيت ، رحت للهول واسمع صوت مرتضى يحجي وي احد بس منو هذا حتى امه نايمه يمه هذا ويامن يحجي ،

دخلت للصاله شفت مرتضى كدامه طفل ومبين يريد يغسله بس حاير شلون ،

ما تحملت ضحك وصدك ضحكت من كلبي ، وهاي اول مرة بحياتي اضحك من اجيت لهذا لبيت لحد الان ،

مرتضى سمعت ضحكة سحرتني ، رفعت راسي شفت اسيل واكفه وتضحك ووشعرهه الحاركعشيرتي نازل على وجهه ، وضحكتهه تسبيلها عشيرة كامله ، بقيت بس اباوع عليهه ومفهي نسيت روحي ،

اسييل بس خلصت ضحك ، باوعت لمرتضى شفته صافن عليه ارتبكت وبلعت ريكي ورفعت شعري النازل على وجهي ، وردت اطلع بس صوته وكفني ،

مرتضى من وكفت ضحك ومن رادت تطلع مااحسيت بنفسي اله واني اكللهه : اسيييل ممكن شويه ، ورحت مشيتلهه وكفت يمهه واباوعلهه

اسيييل ، كلبي كام يدك سريع من سمعته يصيح بأسمي هاي اول يصيح عليه بهاي النبرة دووم صياح ،، لكيت نفسي التفتتله بتلقائيا لكيته اجه وكف يمي ويباوعلي وبعدة صافن بوجهي ، ارتجفت كتله ،

اسيل : تفضل ،

مرتضى : ..............

*************

فيصل ، صار اسبوعين الدنيا طالعه من عيني ، وكل يوم عن يوم اختنك بالزايد ، وباجر الحنه ووراها الزفه واني كل دقيقة تمر تاخذ من عمري عمر ، وهاي الايام كلهه اطلع كلهه بعدهه نايمه ، وارجع كلهه نايمه ، رجعت للبيت اليوم من وكت شوية اريد احجي وي فرح مشتاقلهااا حييييل ، طبيت للبيت لكيته هووووسة ويحضرون وعبالك اول مرة يصير عدهم عرس ما يدرن بي هذا ياخذ حياتي مني وهم فرحانين ، وحتى وليد جان لازم يسافر علمود عمليته لكن اجلهه ورة عرسي ، عود مثل الصدك عرس ، اوووووف

صعدت كبل لغرفتي ، بس طبيت سديت الباب ، ردت اروح اكعد على الجرباية انصدمت بالكاعدة على الجرباية وشكلها كله متغيير حافه وطاله وجهه اكثر وما لابسه حجاب ،،

فيييصل بصدمة : انتي ؟؟

ارييج كامت يمه : اي اني ،

فيصل : شتسوين هنا ،

اريج تقربت علي كلش : .............

***************

للحكاية بقية ،،،،،،،

الكاتبة : اساور الياسري 🖤

وعندي طلب منكم الي هو التصويت بس صوتوا حبايبي انتو 💗💗

مرتضى : 👇👇👇