من قال اني اهتم لامرك ،ع العكس تماماً
انا اتجاهلك جداً !! 🥀
والدليل في لامس حين فتحت الواتس كنت في الساعه ل١:٣٠اونلاين
وعندما اغلقت الساعه ل٢:١٣
وذهبت الى لانستا وتكلمت مع احدهن في الساعه٢:٣٠ثم ذهبت الى النوم
من قال انا اهتم لامرك
وخير دليل حين مررت بقربي اخر مره رأيتك فيها
مشيت خمس خطوات متوسطه والسادسه قصيره
واطبقت جفنيك مرتين ونصف
ثم مشيت ١٢خطوه سريعه وقلت لي الى اللقاء ولم اسمعك ،،، 🥺
هل هناك اهتمام اكبر من هذا ؟؟ 💔
...............
ابراهييم من بعد ما طلع من بيت ابو مرتضى وراح للشط وبقى هناك لحد الساعة عشرة بليل يحس الابواب كلهه انسدت بوجهه ،، يحس بألم فضيييع بكلبة وهو يشووف حب حياتة الي كل ما يشوفها تكبر شوية يزيد عشقهه الها اضعااف ،
راد اي شي ينسي الالم الي جاي يحس بي ، غوااه الشيطان لشي بحياتة ما مجربة الي هو الخمر راح لصاحب اله جان دائما يبتعد عنه بسبب هاي سوالفه مال الخمر ،، راحلة وكعد يشرب منا لمن شررب وانتهى طلع ،، وهو سكران مطفي ركب سيارتة وراد يسوي حادث اكثر من مرة راح لبيت الشيخ فيصل وهو ناوي يكتله لان هو السبب بكل هذا ، فتح هذا الي يصير ليكدام يم السايق حتى يضم حاجاتة بس ( نسسيت اسمه 😂😅) ،، اخذ المسدس ونزل يم باب بيت الشيخ فيصل وهو لازم بطل الخمر بأيدة ،،
مرت تقريبا نص ساعة وهو واكف وهو متاني يطلع من البيت حتى يكتلهه شاف ضوة مال سيارات ،، شاف السيارات بيهن وليد وفيصل ،،
فيصل من شافة وبيدة المسدس وبطل الخمر عرفة مو بوعية ،، خاف على اساور والبنات من انو لا يسوي شي او يضغط على المسدس ،، فتح الباب راد ينزل بدون ما يحس بي هستوة فنح باب السيارة ،، ابراهيم وجه المسدس علي ،،
وليد بسرعة نزل لا يسوي شي لفيصل وهو ما فاهم شنو القصة وليش ابن عم القاتل هنا وشيريد من فيصل ،، نزل بسرعة وصار كدام فيصل ،،
اساور وبنين وحسن بعدهم نايمين بس اريج الي خافت وجسمها كام يرجف من الي جاي تشوفة وشلون شخص شايل لمسدس وموجهه على وليد وفيصل ،،
فيصل يحجي وياا بهدووء حتى لا يفقد ويسوي شي : ابراهيم شنو هاي شجاي تسوي ذب المسدس من ايدك واحجي شتريد احجي ،،
ابراهيم فقد من الشرب وكام يضحك ويحجي : ههههههه لا شيخنة منا وهيج ماكو شي يمشي بكلامك ، الي راح تسوي باجر يكفي ،،
فيصل ويدري بي قصدة على الفصلية : شني شبيك تسودنت ،، فووك ما كاتلين ابن الناس ما تردونهم ياخذون حكهم منكم ،،
ابراهيم كام يصيح بصوت عالي فزز حسن واساور وبنين وحتى الي نايمين بالبيت ،، : ايييييي تسوودنت تسوودنت ، تسوودنت اي وهو يقرب المسدس كلش ويخلي براس وليد وكالة ، مثل ما حركت كلبي وراح تاخذ بت عمي وحبيبتي ونور عيني مني اني هم اخذ ابن عمك واخوك منك ،،
فييصل كلبه راد يوكف من خوفة على وليد اخووو هذا واغلى من روحة ،، كالة بعصبية : ابراهيم اذا صار لوليد شي قسما بالله احسبهه اخر لحضة بحياتك وحياة اهلك ،،
ابراهيم وكوة يحجي وهوة مطفي كلش من الشرب : ما يهمني انت موتتني من اطيتهه الهم بس خل اخذ حكي واحرك كلبك بعدين شتريد تسوي سوي ، وحس بأحد ورااه التفت بسرعة وهو بعدة مخلي المسدس على راس وليد شاف حسن وسجاد "الي سمع الصوت ونزل يركض هو وفهد وامه ونور واكفات يم الباب ويبجن "وكالة ،، لا تجيسني بس تجيسني اضربة طلقة ،،
حسن ووليد رفعوا اديهم ورجعوا ليورة ،
وليد مو خايف على روحة لكن هو صاير كدام السيارة الي بيها اساور ويخاف يتحرك لو يقاومة وتطلع طلقة وتطيح باساور،
حجية خاجية وتلطم على وجهه : يمه دخيلك ياعلي اوكف وياا لوليدات يم يبو الحسن لاتعوفهم يالحسين دخيلك يمه وليداتي ،،
نور بس تبجي وخايفة على سجاد وفيصل وفهد ، اما الباقي بالنسبة الهه مو مهمين ،،
اساور ومن سمعت صوتهم وفزت كامت ترجف من الخوف ، ومن شافته وجه المسدس على راس وليد رادت تمووت من الخوف عليه وحس جسمهه يبس من الخوف ما بقى بي ولا قطرة دم ،، تريد تطلع التلفون من الجنطة ( الي جابته من البيت من راحت ولمت حاجاته ) لكن اديها ترجف ومن التوتر والربكة نفشت الجنطة اكثر من خمس مرات وما لكتة ،، بنين واريج خايفات ويشوفنهه تدور على شي ،،
اريج : شتدورين ؟؟
اساوور وكامت تبجي من خوفهه على وليد لان اذا صار بي شي تمووت : تلفوني ماكو ،،
اريج وخافت عليهه وكالتلهه : اساور حبيبتي تلفونج هذا بيدج ،،
اساور باوعت لايدها ، فعلا جان التلفون بايدها ومن التوتر ما انتبهت بسرعة فتحته ودكت على رقم مركز الشرطة الي بمنطقتهم ،، الي حافضته بتلفونهه للضرورة بعد شكم رنة وقبل لا يحجي اي احد هي كالت بخووف وتبجي : فدوة لحكونة لبيت الشيخ فيصل ، اكو واحد هنا سكران وبيدة مسدس وراح يمووت الشيخ ولليد فدوة لحكونة ،،
الشرطي : انششالله اختي هسه جايين ،،
اساور شمرت التلفون وكامت تدعي : دخليك يا علي ، وكامت تكرر ، نادي علياً مضهر العجائب تجده عوناً لك بالنوائب ، نادي علياً مضهر العجائب تجده عوناً لك بالنوائب ،،
فيصل وخايف على وليد وعلى الي بالسيارة ،، كاله : انت بس كول شنو التريدة ويجرالك بس ذب السلاح من ايديك ،،
ابراهيم وعاف وليد ووكع بالكاع وكام يبجي بصوت عالي : شتسويلي يعني شلون تطيب جروح كلب الينزفن ، وكام يضرب كلبة بالمسدس ، والله مااعتبرهه عاشت ببيت اهلهه كل عمرهه عايشة هنا ويأشر على كلية بالمسدس ، ليش اخذتوها مني والله احبههه والله اعشكهه من الصغر عيوني ما تشوف غيرهه جانوا يكلولي تكبر وتنساهه وما نسيت كالولي تطب كلية وتشوف اشكال انواع وتنساهه وما نسيتهه الله شاهد ،،
باوع لفيصل وهو يوجه كلامة اله يعني شحال لو ما انت متت ورة ما ماتت مرتك ،، وانت اكثر واحد تعرف فراك الحبيب شلون يجووي الكلب ويشعل بي نار لعد ليش تجووي كلبي بحبيبتي ليش والله حرام عليكم ، ورجع يبجي بصوت عالي ويشاهك ، ليكول طفل صغير
وليد من عافة ابراهيم وووكع بالكاع وكام يحجي ويبجي وهو يحاول ياخذ المسدس بأيدة من كمل كلامة وكام يبجي كظر يدنك يمه ويسحب المسدس منه ،، لكن ابراهيم ما انتبهله وكمل بجية
فيصل وما ادراك ما فيصل شصار بي وراا كلام ابراهيم هذا وهو يذكرة بالفترة الي مر بيهه وراا مووت فرح ،، حس كلام ابراهيم مثل السهام تضرب كلبه ، وشاف روحه بابراهيم وشلون سوة مثل واكثر وكام يعيط مثل النسوان من ماتت فرح ،،
بنص هذا كله سمعوا صوت سيارة الشرطة اجووو واخذوا ابراهيم ومشوا ، الكل استغرب من جييت الشرطة لانو ما انتبهوا انو احد اتصل على الشرطة ،،
اساور بس شافت الشرطة مشت ،، نزلت من السيارة وكوة لزمت نفسهه انو ما تروح وتحضن وليد الي حست انو راح عمر من عمرهه وهي تشوفج جان راح يروح من اديهه ، باوعت لفيصل الي من بعد كلام ابراهيم ما تحرك ولا حجة ولا كلمة وحتى من اجوو الشرطة ما فتح حلكة بحرف واحد ،،
وليد وباوع لاساور وما صدك انو خلصت السالفة وهي بخير وهذا جان كل همه ،،
اساور راحت يم فيصل وهي تدري هذا حالة من وراا كلام ابراهيم ،، لزمت ايدة وكالتله : حبيبي فيصل يروحي تسمعني ،، بيك شي ؟؟
فيصل وكض روحة كوة لا ينهار كدامهم وهي يتذكر كل لحضة عاشهه بسبب فراك فرح ،،
فيصل وهو كوة يحجي : ما بيه شي يروحي بخير اني يلا خل نطب جوة ونرتاح ،،
دخلوا كلهم للبيت وتلكتهم حجية خاجية: يمممه فدوة لاسمة علي ابن ابي طالب ما قصر دخيلة وكف وياكم ما عافكم وحدكم فدوة لاسمه وشبكت فيصل وكامت تبجي ، حمدلله على سلامتك يبعد رووحي من عمري على عمرك يبعد عمري ،
فيصل وهو اكثر شي محتاجة حاليا انو ينام على رجلهه ويحجيلهه كل الي بكلبة ،، دنك عل ايدهه وحبهه وكالللهه : دخيلة امير المؤمنين ما يقصر ،،
حجية خاجية وراحت شبكت وليد ونفس الحجي ووليد هم دنك على ايدهه وحبهه ، وراحت سلمت على حسن وحضنته وهي تعتبرة واحد من ولدهه لانو ربة يمهه اكثر من ٥ سنوات ،، حسن وهو فعلا يحسبها مثل امه دنك على ايدهه وباسهه وباس راسهه ،،
راحت حجية خاجية لاساور وشبكتهه : يمه هلا بريحة العزيز هلا بيج يبعد عيوني انتي شلون يمه اشتاكيتلج شلونج يبعد عيوني ،،
اساور بحب فضييع لامهه الثانية : هلا بيج انتي يمه اني الاشوق يبعد عمرري وباست راسهه وايدهه ،،
حجية خاجية التفت على على البنات الواكفات يم الباب عبالهه جنيات نززززت وعاطت : يمه اسم الله دخيلك يا علي شني هاي جنيات ببيتي يمه دخيلج يزهرة سكنهم مساكنهم ورجعت ليورة وهي تعيط ،،
كلهم باوعوا وين تباوع و عرفوا انو عبالهه اريج وبنين جنيات ،، ضحكوا وتقدم عليهه فيصل وكاللهه : يمممه ذني بشر مو جنيات ، تعاي وياي واني احجيلج عليهن
وسحبهه على صفحة وهي بعدهه خايفة منهن ،، حجالهه قصتهن شلون ماتوا اهلهن وضلن وحدهن وهسه اكو واحد يريد يكتلهن بس ما حجالهه على سالفة الخطف ،،
فيصل : وهي هاي قصتهن يشيخة وبعد انتي وضميرج تخلينهن تطردينهن وهن دخيلات عندج ،،
حجية خاجية كامت تبجي على حالهن وشلون بعدهن بنات صغر وكل هذا صار بينهن كالتله : يا يمه شلون نطردهن وهن ما الهن بس الله واحنا والله لخلين بنص عيوني ،، ومسحت دموعهه،،
ودارت وجهه عليهن وباوعت على اريج وهي مستغربه ركزت عليها وصاحت : ولك فيصل يمه شو تعالي ،،
فيصل : ها يمه ،،
حجية خاجية: ولك يمه هاي البت ( قصدهه اريج ) مو جنهه مريتك فرح الله يرحمها ،،
فيصل بصوت ناصي وبقة يباوع على عيون اريج : اي يمه تشبهه وجنهه هي ،،
اريج وهسه يلا عرفت سبب صفنت فيصل عليهه كل ما يشوفهه ، ومثل ما عرفت من كلام ابراهيم انو هو جان يعشق مرتة ،، كالت بينهه وبين نفسهه ، معقولة لهالدرجة نتشابه ، يلا سبحان الله يخلق من الشبه اربعين ،، وتوترت وهي تشوف الكل الي انتبهوا بعد كلام الحجية وكاموا يركزون بوجهه ،،
وليد وتذكر اخته وهسه يلا انتبه لنسبة الشبه بين اريج واخته فرح ،، كلبة كام يوجعه وحس نفسه راح يبجي وهو يتذكر اخته ، جر نفس بقووة وهو يحاول يكض دموعه وكال الله يرحمها ،،
حجية خاجية راحت يمهه وشبكتهه وكالتلهه : هلا بيج ببيتي يمه هلا بيج عين غطة وعين فراش البيت بيتجن انتن الداشات ( الداخلات ) واحنا الطالعين ، يبعد روحي ييمه ،،
اريج وهذا الجو كله غريب عليهه ، الناس ، والعيشة ، والاماكن وكلشي كلشي غريب عليهه ، حست بحنية من هالانسانة الي مبين الخير بوجهه من اول مشافتهه وشافت خوفهه على اولادهه كالتلهه : مشكورة خالة تسلمين ،،
حجية خاجية ودارت وجهه على بنين وشبكتهه وكالتلهه : هلا بيج يمه هلا بيجن البيت بيتجن ،
بنين شافت الكل باس ايدهه هي هم سحبت ايدهه وباستها ،، اريج خجلت من نفسهه لانو ما باست ايدهه ،
نور تباوع لاريج بغيرة ما الهه مبرر وكرهتهه من اول مشافته ،، ما ارتاحتلها ،
فهد واكف يم حسن كالة : اياابة شنو هاي الحاتة التجنن الباست ايد امي تكتل ،، خرررب ، من هسه هاي الي
حسن حس بغيرة على بنين : احترم نفسك واخجل شوية البنات جايات دخيلات عدكم وانت من هسه تكول هاي الي وذيج الي ،، استحي شوية
فهد بمكر وباوع علي : جني اشم ريحة غيرة بالسالفة ، ها ولك حسيين طحت ، وغمزلة 😉
حسن : دنجب انجب ، اني كل قصدي انو البنات جاي دخيلات عدنا ما يصير هيج نحجي ،،
فهد : اي اي صح كلامك اني هم ادري 😏
حسن سكت عنه ما اله خلكة ،،
حجية خاجية: يلا يمه روحن انتن اليوم ارتاحن بغرفة اساور واساور تبات يمي على ما باجر نحضر الجن غرفة ، وانت يمه وليد هم بات هنا لان امك خطية دكت عليه وخايفة عليك كتلهه بايت يمنه ، وانت حسن يلا روح لغرفتك ،، يلا يلا كلمن لغرفته يلا تصبحون على خير ،،
الكل : وانتي من اهل الخير ،،
كلمن راح لغرفة وكبببل ناموا لان صدك تعبانين بسبب الي صارلهم اليوم ،، اله فييصل الي بس دخل لغرفتة وصارت صورة فرح كدامة ، راح كبل يم صورتهه المالية الحايط راح زاكف يمهه وتذكر كلام ابراهيم وتذكر ذكرياتة وياهه من بدة يحبهه لحد ما راحت وعافتة والفترة الي مر بيها بعد موتهه ،،
وكع كدام صورتهه ودموعة اخذت مجراها على خدة ، وكام يشكيلها على نفسه شلون ضعف كدام عيون ارريج وللحضة حس نفسة خاان فرح خان حبيبته وعمرة وحياتة لانو ضعف كدام عيون مو عيون فرح ، حتى وان كانت نضرتك الهه بسبب انو تشبه عيون فرح هذا مو مبرر ،، جان هذا مثل الصراع بين فيصل ونفسه ،،
حس بغضب من نفسه ومن اريج الي ما يدري من طلعتله وهو بسببها حس نفسه خاين لحبيبة عمرة والي ماتت بالنسبة للناس لكن هي بعدهه عايشه بداخلة وبروحة وبكلبة حس احد ويااه بالغرفة رفع راسه شاف اكثر انسانة بالحياة عاشت وياااه اتعس لحضات بحياته الي هي فترة وفاة فرح ،،
باوع عليهه ودموعه ماليه وجهة وهي الانسانة الوحيدة المسموحلها تشوف دموعة كاللهه : شفتي شلون تشبهها اني ضعفت كدام عيونها يعني اني هسه خاين فرح موووو ؟؟
اساور الي ما كدرت تنام بدون ما تطمن علي ، تباوعلة وتبجي ويااه كعدت يمه وسحبته من ايدة ونومته على رجلها وكامت تلعب بشعرة ، اساور بهيج لحضات تحس نفسها ام لفيصل حتى لو كان هو اكبر منهه لكن فيصل اي شي يخص فرح يرجعه كأنما جاهل عمرة عشر سنواات ،،
اساور : شفت حبيبي شفت شلون تشبهها ، ومنو كال انت جاي تخونها انت من شفت انسانة تشبها لهالدرجة ما كدرت ما تتذكرها وهي الله يرحمها متريدلك هاي الحالة لا والله متريدها الك هاي الحالة ،،
فيصل : يعني اني ما خنتها ،،
اساور : لا حبيبي ما خنتهه ،، وانت يلا هسه نام ولا تفكر بشي وكامت تلعب بشعرة وتباوع لوجهه بحزن على حالة ،، ورا نص ساعة تقريبا حسته غط بالنومة سحبت مخدة من الجرباية وخلتها جوة راسة وغطته ، ما رادتة ينام على الكاع خاف ضهرة يأذي لكن بس تكعدة علمود ينام على الجرباية تدري بي ما راح يرجع ينام طفت الضوة وطلعت ،،
جاي تمشي تريد تروح لغرفة عمتها حتى تنام لان اريج وبنين نايمات بغرفتهه ،، سمعت صووت بالمطبخ ، خاف حرامي او فد شي ، راحت للمطبخ تمشي على اطراف اصابيعها حتى الحرامي لا يحس عليها 😂 ، دخلت للمطبخ وشافت واحد ماد راسه بالثلاجة وممبين منه شي خافت وجاي تدور شي حتى تضربه بي ،( يعني مثلا الحرامي جاي يبوك اكل مشايف اكل هههه 😂)
حس اكو احد ويياه بالمطبخ رفع راسة شاف اساور مبينه انو جاي تدور على شي ،،
كاللهه : شتدورين ،؟؟
اساور من سمعت صووت رجال ما ميزت الصوت كبل عاطت لكن بسرعة هو خبه ايدة على حلكهه ،،
اسااور عاشت اللحضة عبالها صدك حرامي وراح يخطفها ،،
وليد دنة راسه وخلة حلكة يم اذنهه راد يحجي يكللهه اني وليد بس شم ريحة شعرهه الي يعشقها ويعشق شعرها (وهاي احد ممميزات اساور الي هو شعرهه الي يوصل لنهاية ضهرهه وهوة سرح بشكل ووليد وفيصل يتخبلون ولا تكص من سانتيم واحد )حس نفسه تخردل ونسة شراد يسوي بس من شافهه بعدهه تضرب بايدة وتريد يوخر عنهه ،،
وليد خله حلكة يم اذنها حجة بصوت مال واحد شلون المخدر الي كوة يحجي وبهمس : ااااااشششش اني وليد ،، لا تخافين منو يكدر يجيسج واني اشم الهووا ها كليلي ،،
اسااور وحست كلبهه راح يوكف من ضرباته القوية من ورا همس وليد يم اذنها الي خردلها ،، لكن بسرعة تذكرت منو وليد وشسوة بيها التفتت علي وابتسمت باستهزاء: هه يعني هسه اني المفروض احس بالامان لان انت موجود مووو ، اصلا تدري لو صدك طلع هسه الي بمكانك حرامي جان ما خفت على نفسي منه بكد ما اخاف من اكون وياااك ،
وليييد حس نفسه جان طاير بالسمة وفجأة وكع على الارض ، عصصصصصصب بشكل مو طبيعي باوع عليههه وحصرهه على الثلاجة وحاوطهه بايدة وصارت هي بينه وبين الثلاجة ، باوعت علي شافته مفوووول مثل النفاخة الي على وشك الانفجار ،،،
باوع عليهه بعصبيه وبنضرة خلت اساور ترجف وكاللهه بفحيح : ..............
،،،،،،،،،،،،،،،،
هلاو حبايبي شلونكم انشالله تكونون بخير ❤
اليوم طولت البارت علمودكم انشالله يعجبكم 🌺
توقعاتكم 🌹🤔
يا ترى شنو الي بين وليد واساور حتى سببت كل هل الجفاا بينهم ،؟؟
شنو الي منتضر بنين واريج بحياتهن الجديدة بالبصرة ؟؟
احبكم 💜💗
• الكاتبة: اساور الياسري 🥀
فهد : 👇👇👇