يا صَديقي تَذكر عندما تضيقُ بِكَ الحياة، بأنَ الحُزن خُلِقَ لِيغفوَا في صدورِ الأقوياء
"أنت قوي".
......................
اساور : الووووو ..
الممرضة : الووو دكتورة ممكن تجين بسرعة
اساور : خير شصاير ؟؟
الممرضة : المريضة بنين صحت وكامت تعيط وتكسر بالغرفة وتسأل على اختها اريج
اسااور غمضت عيونهه جانت خايفة من هذا الشي : اوكي يلا مسافة الطرية واني يمكم ،
كامت بسرعة بدلت ملابسها ولبست عبايتها واخذت تلفونها وطلعت اتصلت على السايق واستعجلته حتى يجيها بسرعة ، طلعت للمستشفى بسرعة وهي تفكر شلون راح تكول لبنين عن اريج اختها وانو هي مخطوفة اخذها التفكير شوية وشافت نفسهه وصلت للمستشفى نزلت تمشي بسرعة توجهت لغرفة بنين دخلت شافت اثنين ممرضات لازميها يحاولون يسكتوها وهي تعييط عيااط هز المستشفى هز وشافت واكو ممرض لازم الابرة يريد يضربها عاطت بي : هاي شتسوي ، عوف الابرة من ايدك اني شكم مرة كايلتلكم اي مريض يخصني محد ينطي من الابر المهدئة..
الممرض : بس دكتور خالد ( المدير ) طلب منا نضربهه ابرة ،
اسااور بعصبية اكبر بعد ما سمعت اسم خالد بالموضوع : هذا مو شغلك ومو شغل الدكتور خالد اطلع براا واياك تعيد هذا التصرف مرة ثانية ، التفتت على الممرضات يلا وانتو هم اطلعوا وتركوها الي ولتسمحون لاحد انو يدخل
وحدة من الممرضات : بس دكتور...
اساوور بعصبيه : اني شكلت كلت الكل برة ،
الممرضات تركوا بنين الي على الرغم من الحديث لدالي صار اساور والممرضيم مسكتت وبقت تعيط وبس فلتوها كامت تجر بالكانونة من ايدها تريد تشلعها ،
طلعوا الممرضين ركضت اساور لبنين بعد ما نزعت عبايتها وذبتها هي والجنطه على الكرسي ولزمتهه من ايدهه بس بلا فايدة لانو متكدر تلزمها وحدها اساور تحاول بكل قوة انو توكفها فكامت تحجي وهي تلزم بيها وتقرة عليها :
بسم الله الرحمن الرحيم
{الْحَمْدُ لِلَّهِ رَبِّ الْعَالَمِينَ الرَّحْمَنِ الرَّحِيمِ مَالِكِ يَوْمِ الدِّينِ إِيَّاكَ نَعْبُدُ وَإِيَّاكَ نَسْتَعِينُ اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلا الضَّالِّينَ}.
- بسم الله الرحمن الرحيم
{اللَّهُ لا إِلَهَ إِلَّا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلا يَؤُودُهُ حِفْظُهُمَا وَهُوَ الْعَلِيُّ الْعَظِيمُ}.
• بنين من سمعت القرآن الكريم بصوت اساور الي كان صوتها روعة بالتجويد هدئت وبقت بس دموعهه تنزل وتبجي بصوت عالي ووكعت بالكاع وكامت تحجي وهي يلا يلا يطلع صوتها من البجي
: اول مفتحت عيني على الدنيا مشفت غير القهر
والظلم من اقرب الناس الي ابوووية حتى حسافة بي
كلمة ابووية جان عمري سنتين وبدة يكومني بكتله
ويكعدني بكتلة اني وماما مشفنه ولا يوم حلو بس من
يكون هو مو بالبيت جان قاسي وظالم جنت يومية بليل ادعي انو نكعد الصبح منلكاه بس ماكو فايدة يوميه هو الي يكعدني بالحزام او بالعودة جانت الوحيدة الي شايفة منه طيب هي اختي ارريج جان الوحيدة المدللة بس والله ما جنت اغار منها بالعكس افرح لانو ما تنضرب بس جنت دائما اكول ليش يضربنا اني وماما وبعدين صارت اختي ريماس وهم كام يضربها من صار عمره سنتين او ٣ سنوات وهي متتحمل جنت دائما اصير كدامهه من يريد يضربهه وهسه هذا كله هيج هسه اكوللهم اريد اروح لماما ميخلوني اريد اشوفها اريد اطمئن عليها اريد اشوف ريماس اكيد تأذت من الحادث بعدهه صغيرة جسمهه ميتحمل وارييج بقت وحدهه بالبيت هسه تلكيها متعرف وين احنا وهذا الحقير شصار بي ( تقصد ابوها ) فدوة خلي اروح فدوة دليني وين هم ؟ وهي منهارة على الاخر وتعيط وتضرب بوجها
• اساوور دموعها تنزل بصمت وهي تسمع بنين شلون تحجي على الضلم الي شافوه على هالشخص الي حرام يتسمى انسان على الكلب الي شايلة شكد عالجت ناس وسمعتومشاكلهم لكن هيج شي اول مرة يواجهه كالتلهه وهي تمسح دموعها: حبيبتي اهدئي اهدئي ، ابوج توفى على اثر الحادث وام...
• طفرت بنين وهي تحاول تتأكد من الي جاي تسمعه لزمت اساور من اديهه كأنما تترجاها تكول انو الي جاي تحجي صح: شنو شنو ،شكلتي منو مات منو عيدي منو مات ؟؟
• اساور : ابووج !!
• بنين كامت تبجي بفرج وسجدت بالكاع وهي تكول بصوت عالي الحمدلله يارب وشالت راسها على اساور ووكفت وهي تباوعلها وتحجي بفرح : واخييرا يارب واخيرا ، واخيرا خلصنه منه تخلصنه واخيرا اللله تقبل دعائي شكرا ياربي شكرا ، وين امي درت راح تطير من الفرح من تدري مع انو هي جانت متقبل من ندعي علي بس ميهم اهم شي تخلصنه منهه وينهه دليني بيهه بسررعة يلا بسرعة ، تحجي وتهز بإيدين اساور جنهه طفله
• اساور بموقف لا تحسد عليه متعرف شلون تكلله امهه توفت : حبيبتي بنين ممكن تكعدين ونحجي ،
• بنين : بعدين نحجي ، هسه خلي اروح لماما ابشرهااا
• اساور : حبيبتي بس اهدئي واسمعيني زين ، انتي هسه جبيرة ولازم توكفين ويه اختج وتتعدن هالمحنه سوية انتي تعرفين انو لكل أجل كتاب البقية بحياتج امج انطتج عمرهه هي واختج ريماس ، بنين هزت راسها ب لا ، اساور بحزم تكمل : اسمعيني لازم تتحملين الموقف وتوكفين ويه اختج وتتعدن هاي المحنه سوية عرفتي لو لا،
وهي تهز ب بنين الي صارت مثل المخبلة تهز براسها ودموعها ينزلون ، اساور تكمل : بنين جاي تسمعيني لازم تكونين قوية عرفتي لو لا ،
بنين كامت تهز براسهه بهستريا وتدفع بايد اساور وتعيط : انتي جذااابة ليش تفاولين على امي ، امي مميته ليش تجذبين ليييش هي وعدتنا انو مراح تعوفنا ابداً لتجذبين لتجذبين ، كامت تعيط وتضرب نفسهه
• اساور من شافتهه فقدت اعصابها ضربتها راشدي كلش قوية صحاها على نفسها سكتت بنين ووكعت بالكاع كامت تبجي وتحجي وي نفسها اساور كامت تبجي وياها وكعدت وحضنتها
بنين تحجي وكأنما امها دتسمعها : ماما لييش عفتيني انتي شكلتي مو كلتي والله مااعوفكم للمووت شنو هذا هو قصدج قصدج هذا الموت اجه واخذج منا هايهيه خلصت بعد كافي مو جنتي تكولين راح يجي يوم ونخلص من هذا الوضع ونعيش بسعادة واني جنت كل يوم من اكعد اكول باجر يجي هذا اليوم وميجي ، بس هسه اجه هذا اليوم اجه بس انتي ماكو وينج يلا وين وعدج ليش مااخذتيني وياج ليش اخذتي بس ريماس ماما اني هم بنتج حبيبتج اخذيني وياج ورجعت تبجي وتحجي كلام ممفهوم
• اساور تأثرت كلش بكلام بنين وتذكرت توفوا ابوهه امهه وشبكها فيصل وكاموا يبجون كامت تقرة عليها قرآن لحد ما حستها توقفت عن البجي وسكتت عرفت انو نامت من التعب لانو مصارلها هواي من كعدت من غيبوبة خمس اشهر وجسمها بعدة تعبان كدرت تكومها تخليها على السرير لانو جسمها كلش خفيف وضعيفة هي غطتها وراحت لبست عبايتها واخذت تلفونها وطلعت وهي تحاول ما تبجي ووعدت نفسها انو مراح تترك هالاختين الا لما تتطمن عليهم ، طلعت تلفونها واتصلت على حسن بعد اربع رنات اجاهه صوته : الووووووو ها ولج اسوو ، مرد الجلب على الكصاب دكتورة اساور ،شفتي افتر بيج الوكت ورجعتي عليه الدنيا دوارة ترة( وكام يغنيلها بأغنية علي السالم ) تدور الدنيا يا مغرور ، باجر هم يجيك الدووور . نسيت الدنيا غدارة وهاي الدنيا دواار.....
• قاطعتة اساور بعييطة خلت كل الي بالممر يلتفتلهه : بببببببببببببس كاااااافي ، شافت الناس تباوعلها ابتسمت باحراج ونصت صوتهه وهي تحجي وياا : اللله لا ينطيك فشلتني كدام الناس بس اريد اعرف بالع مسجل، عندك لسان عصفور ،لو حجيت بعد متسكت شنو قصتك كافي اووووي دوختني
• حسن وهو يوخر التلفون من اذنة من ورا عيطة اسااور : خرررررررب مو صوووت مرة ليكول عيطة ديج حبوبتي الله يرحمهه ويرحم ديجها ، ومرض اذا هيج ما ترديني ليش تدكين عليه خييير يا طييير ؟
• اساور : اللله ليرحمك انشالله لا دنيا ولا اخرى ، وشنو خير شصار على موضوع اريج ؟؟
• حسن يستضرف : منو اريج ؟ هاي وحدة حلوة مووو؟ جايبتها حتى تزوجيني موو ؟ بس انتي تدرين بيه مااحب الزواج التقليدي ، بس يلا مدام انتي مختارتها اكيد زينة الي كليلي منين هي ؟
• اساور مغمضة عيونها منتضرتة يكمل استضرافة ، تدري بي دوم هيج يحب ينرفزهه : حسن قسماً بذات اللله اذا مبطلت استضرافك وسخافتك اله اسد التلفون بوجهك
• حسن بضحكة : هههههه اوكي يلا شنو شتريدين
• اساور : شنو يلا ، شصار على موضوع اريج ؟
• حسن : انطيت الرقم للولد وكال الصبح يرجعلي خبر ،
• اساور : اتصل علي شوف شصار وياه ...
• حسن : شتصل علي انتي شايفة ببيش الساعة هسه ،؟
• اساور وهي تباوع للساعة وتشوفها ب١١ بليل : ايااابة ب١١ ولا منتبهه !
• حسن : اي ايابة ب ١١ الساعة ، صدك وين انتي مريت عليج للبيت ما لكيتج ؟؟
• اساور : اني بالمستشفى اخت اريج صحت من الغيبوبة ورحت اشوفها ،
• حسن : اسوووو ، لتورطين نفسج وياهن شكلهم ذني محيجين من وراهم غير وجع الراس .
• اساور : حسن انت تعرفني اذا خليت شي براسي ، واني مراح ارجع للبصرة اله واني مطمئنة عليهن انو صارن بخير ،
• حسن : صدك جذب ، اني الي اعرفج كلش زين ؛ يلا اوكي انتضريني بالمستشفى جايج
• اسااور : يلا حبيبي اوكي ، انتبه وانت تسوق
• حسن : انشالله ، يلا باي
اساور : اللله وياك حبيبي ، وقفلت التلفون
ورجعت دخلت يم بنين لكتها جاي تفتح بعيونها راحت وكفت يمها ولزمت ايدها ، فتحت عيونها بنين وتذكرت كلام اساور عن امهه واختهه ونزلن دموعهه
كالت لاساور : وديني الهن ، فدوة خل اودعهن ، خل اشوفهن للمرة الاخيرة، وكامت تبجي بصوت عالي
• اساور كامت تبجي وياها كالتلهه: اهدئي اهدئي حبيبتي انتي ، سمعيني وتقبلي الي راح اكولة الج انتي من بعد الحادث دخلتي بغيبوبة لمدة خمس اشهر
• بنين رفعت راسها عليها وبصدمة : يعني امي وريماس صارلهم خمس اشهر ميتين؟؟
• اساور : اي صار خمس اشهر متوفين ، ارضي ب الي كاتبه ربج عليج وكولي انا لله وانا اليه راجعون ،
• بنين مااستوعبت الي جاي تحجي اساور يعني امي وريماس صارلهم خمس اشهر ميتين ومدفونين واري.. لحضة لحضة اي اريج وين اريج باوعت على اساور
وكالتلهه : عندي اخت اكبر مني اختي الجبيرة اسمهه اريج من طلعنه وصار الحادث هي بقت بالبيت وينها شصار عليهه صار خمس اشهر وينها شصار بيها درت بماما عافتنه وراحت وينها وديني الهه فدوة ،، وكامت تبوس بإدين اساور : فدوة وديني الهه
• اساور سحبت ايدهه منهه وشبكتهه وكالتلهه : اهدي حبيبتي اهدي اني اوديج الهه الصبح هسه هي نايمة الصبح نفاجأهه انو انتي كعدتي ( مرات تزيدها عليها وتكللها اختج مخطوفة الي بيها مكفيها ) هسه انتي نامي واني اوديج الهه ونومتهه على السرير
• بنين خلت راسها على المخدة وكامت تبجي بصمت
• فجأة انفتح الباب باوعت اساور للباب اما بنين مهتمت بقت تبجي دخل حسن واول ما دخل راح لاساور شبكهه ( لانو صارلها مدة نزلت للبصرة بالاجازة واليوم من اجت لحد الان مشايفها )
سلم عليها وباسها براسهه وحجة بصوت عالي ( نسة اكو مريضة بالغرفة 😂😂) : هااا ولللللج اسووو صايرة حلوة ، ها ها ها هاي على شوفة وليدان مووو مووو ،هاي شنو هاي خرب بيجن النسوان احوالجن كلهه تختلف من تشوفن شباب حلوين مثلنه وووووووللللك ولج......
• اساور تخلي ايدهه على حلكة بلكت يسكت وتأشرلة على بنين الي من كام يصيح رفعت راسها علي ومتفاجئة منة ومن صياحه ، باوع عليهه حسن وهو يحك راسة:العفو ،اسف ماانتبهت و الحمدلله على سلامتج ، ولتخافين للصبح انشالله نكون حددنة مكان خاطف اختج 😊
• اسااور خلت ايدهه على راسهه من غباءهه خلت حسن يجيهه للمستشفى لانو هي تعرف كلش زين الحجاية متبقى بحلكة يطشهه كبل
• بنين باوعت على اساور بصدمة وكالتلهه : شنو خطف ؟؟ دكتورة احجي منو انخطفف
• اساور : .....
توقاعتكم 🖤
• الكاتبة : اساور الياسري 🥀❤