مساة الخير يا احلى متابعين واغلى ناس ارحب بكل افراد عائلتنة الجديدين واكللهم اهلا وسهلا بيكم بنصنة ونورتونة ،وهسة كلولي شلونكم شخباركم ،وهاي بارت هدية عنوني هسة كتبتةلخاطركم يااحلى عائلة😍 متابعة طيبة
البارت السابع
فيدعبدالله
سهى:ايسر جاوبني منو هاية البنية وشتسوي بالبيت
ايسر:هاية الممرضة الي راح تهتم بامي
رغد:باوعتلة بنضرة ممزوجة بين خيبة بين غضب بين ذل بين كره بالقوة سيطرت على اعصابي يمكن لو بيدي اسحب مسدسة من خصرة واضربة على هالاهانة يستنكف يعترف بية كدام زوجتة ميريد يجرحهة وهي الاذتة وعادي يجرحني ويدوسني واني ممسويتلة شي
سهى: انتي متزوجة لو لا 😡اباوعلهة شو هاي تخبل من كل عقلة اخلي هاية تداري امة واني هناك بالدوام يجوز يرجع من وكت يسولف وياهة وتجرجرة وتخلي يتزوجهة رجعت عطت بيهة انتي متزوجة لو لا
رغد:مبينة من نضرتهة ماطايقتني هاي لو اكللهة مامتزوجة تأذيني يجوز عبالهة اخطف زوجهة الي هو اساسا زوجي جنت اريد اكللهة مامتزوجة لان اذا هوة مامعترف بية وبزواجي ليش اعتبرة زواج بس كلت هاي تنغص علية كعدتي هنا واني ما طايقة هم جديد هزيت راسي بموافقة
سهى:شنو اسمج شكد عندج جهال
ايسر:سهى البنية فاقدة النطق
سهى:هاااا بداخلي كلت همزين طلعت مريضة ميباوعلهة ومتزوجة خلص ارتاح اشرتلهة تعالي اعلمج شتسوين
ايسر:وعلى اساس انتي تعرفيلة امشي رغد فوتي اكيد الحجية كعدت هسة
رغد:شي بداخلي ارتاح من فشلهة وماسمع حجيهة بس ابقى اكرهة😒دخلت جان البيت كلش حلو وحديث وجبير بس ما كو ترتيب مهووس دخلت لغرفة الحجية جانت ضلمة وضوة خفيف الظاهر لسة نايمة انتبهت فراشات بالكاع وبنوتات ثنين نايمات انتبهلي ايسر اباوعلهم
ايسر:بناتي الجبيرة ملاك ٦سنوات والصغيرة قمر ٤ سنوات☺
رغد:هزيت راسي واشرتلة👌💖حلوات بس انتبهت لنضراتة لبناتة كلهة حنية ودفئ وظل يتاملهن وهنة نايمات بداخلي شي فز وهيج الذكريات اتذكرت والدي وحنيتة ولمستة وصوتة وهوة يكعدني مسحت دمعة طفرت من عيني بسرعة مااريد يشوفهة بس هو انتبه
ايسر:ليش تبجين صار شي اذا متضايقة من وجودي اطلع واذا متضايقة من وجودج هنا فمااجبرج تبقين اني اخذي راحتج وتعالي باجر
رغد:هزيت راسي بلاااا وطلعت للصالة كعدت عالتخم وهو طلع علاكة بيهة ادوية وكال هاية ادوية الحجية وكعد يعلمني عليهة واني اسجل بالموبايل حتى لاانسى وانخبص لو اخربط وسهى ضلت تحوم تروح وترجع اخر شي عاط بيهة
ايسر:متركدين لخاطر محمد خبلتيني وثولتيني اصعدي بدلي اوصلج للمدرسة يلا لاتعطليني
سهى:لا مااداوم ماخذة اجازة تعال تريك مو علمتهة عالدوا لاتتاخر
ايسر:هاي هية افتهمتي موو دخيلج لا تخربطين اي خربطة تأذيهة اتريكت وطلعت للدوام وفكري بالبيت والوضع اخر شي اتصلت على امي وطمنتني انه كلشي بخير ورغد يمهة واتريكت واخذت علاجهة ورغد جاي تنظف بغرفتهة ارتاحيت وغلقتة واني اترحم لابو رغد على هالتربية
رغد:ورة ما طلع ايسر شوية واجتي سهى عديمة الذوق عافتني وحدي بالصالة وهي راح تتزقنب بالجذب ماجابت كلاص مي كملت ريوكهة وصعدت ما نطقت حرف ورة شوية كعدت الحجية وتفاجأت بية خطية رأسا كمت سندتهة وهي صبحت علية وسالتني اذا زعلانة منهة وظلت تعتذر وكالت
ام ايسر:والله يايمة شكد حجيت وياه وكتلة اذا لخاطري تريد تتزوج اني فلا راضية عليك بس هو ميسمع وتالي هالزعلج وعلعلج وضوجني وماراضية عليه
رغد:اشرتلهة لاتهتمين ما زعلانة بس جذب بداخلي افوور يعني حتى امة منبهتة وهو حضرتة مالي ايدة مني عبالة راح اقنع وانجب واسكت وافرح بي وبتنازلة وزواجة مني يحلم ما تربيت هيج اخضع وارضة ريكت الحجية وغسلت وحضرتلهة ملابس بدلت وشوية كعدت بالكراج جان الجو حلو شوية وكعدن بناتة وفوة جنهن بزونات والشعر مكفش من النوم ابتسمت الهن الصغيرة ابتسمت وكالت هلاوو اشرتلهة هلاو🖐 بس الجبيرة سالت
ملاك: بيبي منو هاية البنية
ام ايسر"بيبي هاي صديقة عمة ريام وراح تداريني بدل عمة ريام
ملاك:وحبابة لو خبيثة مثل عمة ريام
ام ايسر:ولج ملاك عمة ريام خبيثة!!منيلج هالحجي مو عيب الااخلي بابا يلوي اذاناتج
قمر:هاي ماما دول(ماما تكول)
رغد:اتعجبت على امنن شنو من ملة حتى الاطفتل تحشي براسهم وتزرع كره وبغض من هسة متخاف ربهة
ام ايسر:يلا روووحن لماما خلي تبدللجن تريكجن بس فالحة بالنوم ،،،شفتي يمة رغودة حتى الصغار ماسلموا من شر سهى وبلتويهة شفتي شتعلمهم
رغد:اشرتلهة للسما انه اكو رب يجازي
ام ايسر:هو اني من زمان مسلمتهة بيد الله
رغد:دخلت الحجية للصالة كعدتهة ودخلت عزلت غرفتهة وفتحت الشبابيك تتهوة وبدلت الفرشة وعدلت الجرباية ومسحت الكاع والاخشاب رجعت تلمع ودخلت الحجية بيهة صارت ب١٢ وسهى ماكو زين الحجية شتتغدة هاي من كل عقلهة معادية مرة جبيرة بمقام امهة على شنو اذن وراحت الحجية تصلي رحت اني هم صليت ورحت للمطبخ دورت الخانات طلعت عدس وسلكتة وسويتة شوربة وشويت صدر دجاج جان بالفريز وخبز شوية اسمر وزلاطة ووديتهن للحجية
ام ايسر:يايمة صدك جذب انوب طابختلي هم جان خابرت ايسر يجيبلنة من برة
رغد:لا☝️👈انتي مريضة🤕لازم اكل زين👌
ام ايسر:روحي يمة الله يوفقج ويجعلج من نصيب ايسر المايعرف يتصرف عايف هالدلال والادب والشطارة وظال معلعل روحة ينام يمي
رغد:انصدمت ينام يمهة يعني مقاطع زوجتة ولو من اسلوبة مبين ماطايقة لعد ليش يتعامل وياية هيج كملت غدا الحجية ووكفت اغسل المواعين ومااحس الا سهى جرتني من ايدي حيل
سهى:انتييي هييي منو سمحلج تتصرفين بمطبخي بكيفج شلون تتجرأين وادتطبخين وتفتحين الثلاجة اهلج ماعلموج الادب وكالولج عيب
رغد:اشرتلهة للحجية مو الي مااكلت اني شي
سهى:وعوزج تتنزقنبين ابيتي انوب حتى اكطع ركبتج معليج بالحجية عود ابنهة يجيبلهة غدااا ممنوع بعد......
رغد:جانت تحجي وماانحس الا عيطة رجت اركان البيت سههههههههى ادب سز التفتنة ثنينة بذعر واشوف ايسر بباب المطبخ وعيونة حمر دم يريد ياكل سهى اكل هي بس شافتة ركضت للدرج هو جان شايل علاليك بين ما ذبهن عالميز وصعد وراهة ركض الااني جمدت بمكاني من الخوف واسمعة يدك بالباب حيل الظاهر مالحك بيهة سهى حيوانة المفج الكفج تردين امي تظل بلا غدة ببيتي والله الاارجعج لاهلج اخر شي الحجية صاحتة كم مرة وحلفتة لخاطر البنات يلا نزل
ايسر:جنت راجع للبيت اني متعود اخر فترة اجي ورة الصلاة اجيب غدا لامي دخلت واسمع صياح سهى وصوتهة من الباب الي افتهمتة متقبل رغد مسوية لامي غدا ومادة ايدهة عالمطبخ اتخبلت واني منا وياهة على شعرة عطت بيهة وهي شردت فوك من خوفتهة ردت بس الحك بيهة ماكدرت تالي امي حلفتني ازل ولخاطرهة نزلت جانت رغد خاتلة ورة امي وساندةوكفتهة كعدت امي تهدئ بية كوة هدأت اخر شي بست راسهة وكتلهة مسحيهة بوجهي هذا بيتج يمة ولو تفلشيه محد يفتح حلكة وكتلهة كولي لرغد معليهة بسهى لو حجت شتريد تسويلج بكيفهة ورحم الله والديهة
رغد:جنت بالصالة وسمعت كلامة حسيت انطاني قيمة ببيتة صح لامة هو بالاول والاخير بس عالاقل جاي يقدر تعبي وياهم ردت احضر الغدا الة بس كلت لا مايستاهل شنو نسيت اني شسوة بية ماعلية بي اني هنا عالمود امة وبس، صار العصر وايسر ماكو كالت الحجية خابرني يتأخر تعبتج يمة ارجعي لبيتج ماردت اكللهة عفتة خطية هي جاي تخطط وتبني امال من الصبح وعود تنصح بية متدري اني وياه وواصلين للنهاية من البداية😔بوست الحجية واجرت تكسي ورجعت لبيت خالة ام احمد
ايسر:بالدوام وصافن برغد حبيت موقفهة كلش اليوم ومداراتهة لامي وشلون واكفة وراهة وساندتهة فجأة لكيتني فجأة سرحان واتذكر بشكلهة باول ليلة زواجنة جانت طالعة تخبل خو شعرهة خبلني اتصلت على امي كتلهة خلي رغد تحضر نفسهة حتى اوصلهة جنت حاب اشوفهة مااعرف ليش واذا سهى هنا خلي تلتهي يلا تطلعلي رغد كالت رغد رجعت قبل شوية وسهى مانزلت اني سمعت راجعة وحظهة لو شطت للسما هاي متفتهم لو تعاند مو كتلهة الصبح متمشي خطوة وحدهة ووين راجعة ومفتاح الشقة عندي اكيد لبيت ام احمد كبلت خابرتهة اول ماردت عطت بوجهة ٥ دقايق الكاج لامة غراضج وتجين وياي ونفس مااريد لااسوي شي ميعجبج وسديتة واني فايرر نار شوية ووصلتني رسالة من رغد فتحتحتهة واني اقرة واحس شرار يطلع كام من عيوني و.......يتبع