هلاووو ادري تعطلت وعطلتكم اسفة بس جنت ملتهية ادرس بالقراءة🥴ووين يلا بلشت اكتب بس كلت ماانام الا انزللكم باارت ،وهسة اعوفكم تقرون ومتابعة طيبة لاتنسووون صوووووووووووتوووااا
البارت التاسع عشر
فيدعبدالله
ايسر:شفتهة تمشي كوة صحتهة اسالهة شبيج راسا داخت ولزمت الميز وهي ترجف احس كلبي فز علهة كمت عالسريع ولزمتهة وكعدتهة عالجرباية انطيتهة مي تشرب كعدت يمهة وهي ارتبكت بالزايد اوووف ياخجلهة كتلهة بهدوء تعبتج اليوم مووو هزت راسهة وهي منصيةكتلهة ومتاكلين كومي وياي يلا اخذتهة للمطبخ وملحت الهة كلاص لبن وكتلهة شربي وخل اسويلج شي تاكلي هزت راسهة واشرتلة انه اللبن كافي واخذتة وراحت لغرفتهة
رغد:والله حيرني ساعة حنين وماكو منة وساعة عصبي ويخوووف شلون بشخصيتة المتقلبة شربت اللبن وشوية وطلعت غسلت وجهي وفرشت اسناني ورجعت باوعت بعدة كاعد بالصالة عالتلفيزيون رحت يمة واشرتلة راح ادخل انام تريد شي كال لا روحي نامي مشيت وصاحني رغد وكفت والتفتت عليه كالي ماكوشي روحي روحي اففف🤦♀️شكد متعب
ايسر:احس مااريدهة تفارك عيني صرت واثق انه هية عشعشت بنص كلبي وخضرت ومدت فروعهةبكل روحي كتلهة لا ماكو شي و راحت نامت ضليت كاعد عالتلفزيون بس بالي كلة بكلام خواني عنهة وهذاك النذل الي جان مبين اكو شي بداخلة الهة وجانت عيونة ووصياحة فاضحي اووف اتطخ ببالي اروح افرغ مسدسي براسة بس هين خل اخلص من سالفة هالنذل الصوبني واتفرغل للنذل الثاني الي تجرأ يفكر بشي يخصني وملكي ومالتي شوية ودكت زوجة اخو سهى وجانت تتوسل اتنازل عن زوجهة وكالت ابوية متوفي وخواني على كد حالهم وسهى الضحى بروحة عالمودهة ربع ماانطتني وفوكاهة عذبتني اني وجهالي بطلباتهة واذتنة حيل بس تتأمر الله يوفقك ويحفظ بناتك طلعلياه اني نخيتك ترة مالي غيرة كتلهة يصير خير وسديتة منهة وضليت افكر والله سهى قبيحة اخلاق وحرامات ربطت اسمي وجهالي بأسم هيج انسانة كمت طفيت التلفزيون لان وراية كعدة الصبح وفتت نمت فزيت على رغد كعدتني اخذ علاج ورجعت نمت مافزيت الا على طكطتهة بالمطبخ كعدت غسلت وفرشت ورحت كعدت عالميز اني طبعي من اكعد من النوم مزعوج وكوة طايق روحي كتلهة يلا بسرعة وراية طلعة
رغد: رحت انام واسمعة يسولف وية وحدة مبين من اسلوبة مرية ضليت احووس منو هااي اليحجي وياهة اففف ليش شاغلة روحي عسى نارهم تاكل حطبهم انخمدي يا رغد ونامي.كعد الصبح يتلاطم فوكاهة يلوك اففف شكد نحس دكول صباح الخير السلام لله😒خفيت😤 كملت الريوك وخليتة يمة وصبيت الجاي وكعدت يمة مااشتهي اني اكل من وكت فكلت اتريك بعدين وهم مااحب اكل كدامة حجة هو وياكل بدون ميباوعلي اكلللي لا هم يهبط ضغطج وتعال يا ايسر حير بية كلت بكلبي منو طالب منك شي اففف حتى الاكل بالغصب سويت رووحي اكل كال هو
ايسر كووومي صبيلج جااي ولاتقشمرين علي بهالاكل كامت صبت جاي ورجعت اخاااف عليهة خاف تتخربط واني برة البيت بس بنفس الوقت مااريد ابينلهة ضعفي بحبهة اني احس لهسة جرحهة بكلبي مانسيتة بس شسويلة لكلبة يرجف عليهة لو انشخطت كملت ريوك وكمت هي كامت كتلهة كملي ولحكيني للغرفة
YOU ARE READING
مشاعرخارج دائرة الصمت
Romanceقصة واقعية هي،بكماء،مضربة عن الرجال،خجولة،تنذر حياتهة لرعاية والدها لكن ماذا لو دخل هو،الضابط،الحاد الطباع،الجريء الى حياتهة ،ضروف تجبر الطرفين على الزواج دون مشاعر ترى ما مصير هذا الزواج
