هلاووو،اوكفوا اكفوا اكلتوني وشربتوني عالبارت هذا وينة نزززززل يلا همتكم بالتفااعل القوي لان يستاااهل وطووووووويل اطول بارت كاتبتة لهسة ،متابعة طيبة
البارت الحادي والثلاثون
فيدعبدالله
رغد:قلقني وضع ريام كل شوية تطلع وترجع عبونهة مورمة،رياام بداعت ابنج احجي شبي ايسر والله ما متطمنة خاف عافني وحدي كولي ترة محد بقالي غيرة هو وابني اتخبل والله اذا بي شي
ريام:ان شاء الله زين والله عايش وداعت ابني بس بعدة بالعناية وضعة جان خطر والحمدلله راح الخطر بس يحتاجلة عناية خاصة
رغد:احسج ضامة شي
ريام:مااضم عليج شي ابد،سالت الدكتورة اذا ممكن اكول لرغد كالت باجر اذا نتطمن على وضعهة يلا تخبروهة هيج خبر مااريد منهة اي انفعال او جهد وشكد ما تعطلون الخبر افضل لصحتهة ولسلامة الطفل خابرت ايهم كال
ايهم:لاتجيبيلهة طااري ابد وممنوع تجن للمستشفى خلي ترتاح ونتطمن عالطفل مانريد ايسر ينفجع بخبرين عاد بلكي يفرح بابنة سديتة وطلعت للحديقة كعدت على مصطبة ضلمة وبجيت اييي بجيت من كل قلبي صعب اخووك تشوفة بهيج وضع متمدد وماتكدر تسويلة شي متمدد ما تدري اذا راح تشوفة بعد واكف او لا بس عهد علي اسوي المستحيل ياخوية وارجعك على حيلك بس كون الله يريد ويكتب شفائك احس خف الوجع البداخلي وارتاحيت ورجعت لامي الجانت منهارة وعالمغذي لان ضغطهة ارتفع وسعد السكرة تخربط من سمع بايسر يعني حسيت كل مسؤليتهم براسي وان شاء الله اني كدهة وكدود لليل كلش يلا فاق ايسر يوون بوجع متأذي فتح عيونة وصفن بوجهي شوية
ايسر:فتحت عيوني على وجع بكل جسمي يصل علية صفنت احاول استوعب اتذكرت اخر لحضات صوت الطلق الانفجار اصدقائي ضهري رجلي الدم وجه ايهم كبالي ايبتسملي ولزم ايدي شديت قبضة ايدي بس لحظة رجلي ليش مااحس بيهة عبالي راحت باوعت موجودة ومضمدة ليش مااحس باي وجع بيهة ليش مااكدر احركهة باوعت لايهم وحجيت بتعب البنج قوي موو مااحس برجلي
ايهم:اي انطوك جرعة قوية
ايسر:اييي مبين ايييي ورجعت نمت حسيت صوت الدكتور يمي فتحت عيني كالي الحمدلله عالسلامة يا بطل غمضتهن ورجعت نمت ماادري بروحي ما فزيت الا وجه الصبح فزيت الاذان يأذن مال الفجر شكرت ربي وحمدتة انه اني عايش انمردت روحي فجأة واختنكت اتذكرت جماعتي الراحوا فجأة هاجت اوجاع جسمي واحد كام يجر الثاني الظاهر خلص مفعول العلاج اباوع ايهم نايم عالكرسي اليمي خطية كعدتة بصووت تعبان
ايهم:ها خووية شبيك
ايسر:الوجع موتني جتفي وضهري
ايهم:هسة اصيح الدكتور صحت الدكتور واجة يفحص كتلة ترة ميدري بضربة ظهرة واثرهة لهسة
الدكتور:الافضل يعرف حتى نسيطر على وضعة لو فقد اعصابة لان الوضع صعب بالنسبة الة
ايهم:ان شاء الله
KAMU SEDANG MEMBACA
مشاعرخارج دائرة الصمت
Romansaقصة واقعية هي،بكماء،مضربة عن الرجال،خجولة،تنذر حياتهة لرعاية والدها لكن ماذا لو دخل هو،الضابط،الحاد الطباع،الجريء الى حياتهة ،ضروف تجبر الطرفين على الزواج دون مشاعر ترى ما مصير هذا الزواج
