هلاوو شلونكم،اعذروني اتاخرت بس والله مريضة وحساية مدمرتني تعرفون موسم الحساسية وعيونة كوة افتحهن بس كلت مااخذلكم وانزللكم بارت حلوو وطويل يعوضكم. وشكرا لكل تعليقاتك الحلوة مثلكم واشكركم واشكر دعمكم من كل قلبي،متابعة طيبة
البارت التاسع
فيد عبدالله
رغد:حضرت الريوك وضليت اتذكر بالسواه بية البارحة من كل عقلي افكر بي احبة لو انطي كلبي مرة ثانية شو اذاني وضربني وراد ياخذني بالغصب وافكر بي واميل الة من حضن واحد شكد ثولة اني لا مااريد اضعف بعدين منو سمحلة ياخذني يمة ويخليني بحضنة اووف شلون بية اني وياه بس لا يبطل ما يطلكني من تتحسن امة والله اموت روحي ولااظل وياه بهالوضع هو ومرتة الحقيرة كملت كلشي وهو اجة جان مبدل بزي عسكري ومزين وشوارب مال ضباط من صدك وشعرة مخففة وطولة وعضلاتة تارس البدلة وهيبتة تسطر انتبهت لروحي عزا اني شعندي صارلي ساعة ابحلق بي 😁مو اكرهة بس ابن الاودام والله ثاري حلو وكشخة خصوصا بالزي العسكري ولاجنت منتبهتلة اجة كعد عالميز وكالي عاشت ايدج هزيت راسي ودنكت اكل
ايسر:بيج حيل نروح للحجية لو تعبانة اليوم
رغد:🖐لا عادي راح المرض🤕
ايسر:يلا لعد كملي ريوكج حتى اوصلج بطريقي لبيتنة ذاك وانتظريني من اكمل دوامي العصر اخابرج اطلعيلي ارجعج هنا
رغد: اووف هذا ماراح يفك مني ويخليني ارجع لبيت ام احمد ولو هسة اني مثكلة عالناس وهذا بيتي هسة موجاي اداري الحجية اقل شي اكعد هنا لما الكالي مكان او شغل طلعت موبايلي وكتبتلة اروح لبيت ام احمد اجيب ملابسي وتعالي هناك وانطيتة الة قراه وعقد حواجبة بغضب وكال
ايسر:اني شنو كلت البارحة انتي متفهمين شلون اخليج تصعدين تكسي وحدج هيج ماعندي غيرة مخلي مرتي صاعدة وحدة وية السواق شمدريني التصعدين وياه شنو ومنو هاي السالفة متسويهة بعد عرفتي
رغد:هزيت راسي بتململ
ايسر:حتى لو ماعاجبج غصبا عليج تنفذين من جان ابوج عايش يخليج تطلعين وحدج؟
رغد:هزيت راسي بنفي واشرتلة وية خالة ام احمد
ايسر:لعد ليش بنضرج اني قليل غيرة لو ماعندي حرص والدج عليج ليش عبالج اني ما اهتملج انتي بعد صرتي باسمي ولازم تقدرين هالشي
رغد:مااعرف ليش نبرة صوتة وهو يحجي وياية ويبينلي انه يحرص علية مثل والدي خلت شي غريب بداخلي يتحرك حسيت بامان غريب اول مرة احس وياه هيج شعور اكتفيت باشارة تبين موافقتي وسكوتي وكام هوة وكاللي ارجع اخذج لبيت ام احمد وارجعج لهنا ورتح غسل ورتب نفسة كمت لميت السفرة عالسريع وغسلت وبدلت ومكياج مااخلي اني كالعادة لفيت شالي وطلعت لكيتة كاعد عالتخم ويكلب بموبايلة وكفت كبالة واشرتلة كملت
أنت تقرأ
مشاعرخارج دائرة الصمت
Romanceقصة واقعية هي،بكماء،مضربة عن الرجال،خجولة،تنذر حياتهة لرعاية والدها لكن ماذا لو دخل هو،الضابط،الحاد الطباع،الجريء الى حياتهة ،ضروف تجبر الطرفين على الزواج دون مشاعر ترى ما مصير هذا الزواج
