مشاعرخارج دائرة الصمت

الكاتبة#فيّد عبدالله(١٢)

هلاووو شلونكم،طبعا حابة اشكركم من كل كلبي على دعواتكم الحلوة مثل قلوبكم الحمدلله تقريبا انحلت الامور اشكر تعاونكم وصبركم وياية يااروع نااس شكرررا من القلب،اليوم بارت طويل تعويضي وان شاء الله ارجع التزم وياكم بالوقت والمواعيد ،وبالمناسبة دخلنة بطل جديد للساحة اقروا وانطوني رأيكم وتوقعاتكم خل اشوف تقارب الافكار

البارت الثاني عشر
فيّدعبدالله

رغد:فجأءة حسن غلق الجهاز بوجه ايسر

حسن:فوك شنة قواة عينة فوك اذيتة الج يهدد مبين شايف روحة وما موكفة احد اسمعي خوية اني اعتبريني اخوج واي شي تحتاجي اني موجود ومااقصر وان ماوكفة احد اني اوكفة ومااتردد

زهرة:يمة شجاك عالرجال طلعتة موخوش مرة ورجال لاتتدخل

ام زهرة:لا زين يسوي بي فوك ما ضاربهة هاج شوفي مبينة ضربتة بوجهة

حسن:يمة ما شفتي شلون يحجي يستفز الواحد ماهامة هي وين هامة شجابهة يمي ومنو اني

زهرة:حقة يمة مرتة وعرضة مايدري وين ويحاجي رجال غريب شيتصرف

حسن:يمة معقولة تزوج ومايعرف مرتة شنو اذا ماالة ثقة بيهة ليش دخلهة بيتة

رغد:كل هالكلام يدور واني مثل المزهرية بالنص ماالي صوت احجي البكلبي واسكتهم واكللهم حياتي هاي ومالكم حق تتدخلون وحسيت روحي ثكيلة عليهم يجوز مسحت دموعي وبست خالة ام زهرة وردت اطلع وهي عاطت بية

ام زهرة:ياصخام الصخمني وين رايحة يمة

رغد:اشرتلهة اجيت اشوفكم ورايحة

زهرة:لايمة صدك جذب خوما ضجتي منة لان حشرنة رواحتنة مابالقصد والله بس لان نعزكم وبحسبة حسن وبناتي والله ماردت ينهد بيتج

حسن:اعذريني خيتي مو قصدي والله يمكن زايدة مني اتدخلت

ام زهرة:زايدة منكم كلكم مالكم علاقة تبقى فهية كاعدة ببيتي وبكيفهة تريد ترجع بكيفهة واظل اتفقدهة مااكطع منهة احنة اهلهة

سعاد:يايمة هاي اجتي صارلهة ساعة صار البيت ببتهة

ام زهرة:صخيمة ضبي لسانج وسلمي مثل الاودام اول والما يحترم ضيفي ما يحترمني

سعاد:هلا بيج 😒

رغد:اووي شو هاية مزعجة وتخنك متنحب ابد مو مثل امهة واختهة وما طايقتني مبينة بحيث كعدنة نتغدة وهي وبتهة ما شالن عينهن بس يخنزرن علية ويتبسبسن ويتشاورن

ام زهرة:اكوووول عوفن المشاور كدامجن نعمة واكلن وانتن ساكتات

حسن:بيبي مو اكو سوالف حش وكص ماتصبر

سهاد:خاب شو اسكت انتة نكصمن

عهود:ليش هيج تكول حسوني

رغد:اباوع لعهود شلون تتنعوص وتتماوع وابد مالايكلهة جنهة صخلة ماطرة عليهة الدنية من اجتي من المدرسة وهية لازكة بحسن ومن شافتني انجنت مني عبالك بينة ثار اخر شي عاط بيهة حسن اسمي حسن كم مرة كتلج لاتسميني حسوني