مشاعرخارج دائرة الصمت

الكاتبة#فيّدعبدالله(٢٦)

مساءء الخيرررر ورجعتلكم ببارت جديد مشوووق لاتنسون تصويتكم صوووووووتوووووووا لخاطر هالشهر الفضيل متدورون اجر ههههههه😁 هاا لاتكولون البارت صغيرر ترة طويل والله بس انتو تنشدون للاحداث وتقرون بسرعة ويخلص بسرعة فتحسوه شوية.وهسة اتمنالكم متابعة طيبة

البارت السادس والعشرون
فيدعبدالله

ايسر:ادك عليهة من المغرب وماككو مترد وريام تكلي مابيهة شي والله بس تعبانة اجتي ودخلت مددت انتظرت تجي سهى يم قمر ووكلتلهة شوية وراجع ركبت سيارتي وطلعت لبيت ريام مامقتنع بحجي ريام احس بيهة شي فرحتهة مال البارحة مو مال تنطفي هيج دخلت للبيت وكلت لريام وينهة كالت يمكن نامت خل ادخل اشوفهة ضليت كاعد بالصالة واسمع صوت بجيهة علة اتقربت يم الباب وسمعت كلامهة كلة مااعرف شنو الموقف الي احنة بيه ثنينة اريدهة ومااريد اجبرهة تريدني وهي دتحاول بس طاقتهة متتحمل اذتني دموعهة وضعفهة بسببي دخلت للغرفة وهي انصدمت بوجودي اعترف احبهة ومو عيب الحب بس مااريد منهة حب جذاب لو حب مجاملة باوعتلهة وكتلهة كاافي رغد مسحي دموعج ماكو شي يستاهل تنزلين دموعج عليه كلشي ممكن بالغصب يصير الا المشاعر واني مستحيل اغصبج علية حابة ترتاحين اخذي وقتج حابة نروح لدكتورة نفسية من باجر اوديج مااعرف شتريدين بس شتريدين اسويلج

رغد:صرت ابجي اكثر وتعبت احس كعدت عالرجاية وكمت اشهك لان اني نفسي مااعرف شاريد مالي احد وحدي بهالدنيا تايهة احس ومالي سند ولاالي بيت ارجعلة لو طلعت منا زين وين اطلع وهذا البطني شنو مصيرة اجة كعد بصفي وضمني لحضنة

ايسر:كااافي والله شعلتي عشيرتي بدموعج كلة بجي ماكو شي يصير بدون رغبتج وبست راسهة

رغد:مااجذب واكول ما هدأت بحضنة جانت اول مرة يضمني لحضنة محاوطني بايديه وضامني لصدرة شعور افتقدتة من راح ابوية ارتاحيت شوية وهدأت اعصابي استحيت كلت هسة يكول هاي ماعولت ابتعدت منة

ايسر:ها يابة احجي شنو تردين

رغد: جلبت صوتة الصار كوة يطلع من كدما بجيت وكتلة اريد تنطيني وقت اعرف شاريد واعرف نفسي اكثر اتقبل وضعنة

ايسر:كل الوقت الج كتلج مااضغط عليج كد الشعرة ضلي براحتج اتعرفي علية وعرفي طبعي واتعودي عليه اذا حسيتي مرتاحة ذاك الوكت نحجي

رغد:واني مااريد اكثر 😔

ايسر:لا انتي شنو تردين يجرالج اقل او اكثر

رغد:شكرا

ايسر:شلونة الطفل ووضعة

رغد:زين ،هاي الدكتورة مااروحلهة بعد

ايسر:صار بعد طلب ثاني

رغد:شكرا،قمر زينة

ايسر:اي زينة احسن بس كسر رجلهة مأذيهة وتبجي هواي