مشاعرخارج دائرة الصمت

الكاتبة#فيّدعبدالله(٢١)

وجااان اصير حبابة كولش وانزللكم باارت عنوني هدية لرمضان،واتمنالكم متابعة طيبة ولاتنسووون صوووووتوااااااا شكد متكدرون واشكركم من القلب

البارت الواحد والعشرون
فيدعبدالله

رغد:صدمني سؤالة ماتوقعتة ابد هسة وبهالفترة اصلا كل مشاعري مخربطة ساعة احبة وساعة اضوج منة ماادري الي بداخلي حب لو اعجاب ويروح خاف اربط نفسي بي وابقة بعذاب مزاجيتة واعصابة وخااف ابتعد عنة ومااطيق بعدة ماادري شاريد وماردت اجاوبة بشي مامتأكدة منة هسة فسكتت وما انطيت اي رد فعل هو رفع وجهي وكاللي هالكد صعبة الاجابة وتحتاج وقت اشرتلة براسي بإي فابتعد عني وكال

ايسر:ماااشي براحتج اتوقع ضغطت عليج هووواي انسي الي كلتة كلة اني اسحبة واعتبري ماكو اي شي بيناتنة مجرد علاقة تبادل مصلحة اني احميج وانتي تساعديني وخلص وهسة اذا تكدرين صبي غدا لان تعبت واريد اخذ علاجي واناام،وطلعت من المطبخ اغللللي احس اريد انفجر من صدهة الي اني غبي تسرعت وحجيت كل الي بكلبي بسرعة بدوون ماافكر المفروض انتظر واتاكد من تصرفاتهة تحبني يلا اسالهة رحت غسلت وجهي ورجعت جانت دتنقل بالغدا هي كملت كلشي واجتي كعدت اكلت لكمتين واخس نااار ونزلن معدتي كدما انقهرت كمت غسلت وطلعت جانت محضرة العلاج اخذتة وكتلهة شكرا ودخلت لغرفتي احسن خليني اخلي علاقتي بيهة رسنية جظا ولا ابينلهة اني متأثر لو متعذب بسيطة اني صووجي ضليت اتكلب ما اجاني نوووم اخر شي خابرت جماعتي وبدلت وطلعت ظلينة سهرانين وسوالف وشقاهم وضحك واني بغير عالم احس كلساع الكة خيالي سااارح بيهة وبصورتهة وشكلهة وارجع لعقلي واكووول هاا مو حرمنا وتوبنة من حبهم بس كلبي يرجع يسحبني لمكانات عقلي مخزن صورهة بيهن اخر شي فززني صوت الولد يكولون يااابة اكو واحد صاير يهااف من مرتة الجديدة وما يطلع يسهر ادري عود يقصدوني ضحكت وكتلهم هي ولد ال....مو تدرون متصووب ومنجب وكاعد بالبيت بعد هاللغوة الزايدة عليمن وهاي اليوم خابرتكم وطلعنة كال صديقي مراد

مراد:وين هو انتة من اجيت لهسة سرحان ودايخ وسكران بلا شررب هيج اليجدد زواجة يظل مرتاح ومتكيف عليك الله انصحنة

ايسر:قصدك ماكل تبن وساكت خاااب دطيررر انتة والله تسوولف

مراد:لعد هااك اشررب كاس وانسة

ايسر:مالي مزززاج بطلت تدرون بية

مراد:مو ذيج المرة شربت دشرب يمعود بس شوية عووود

ايسر:لخاطرك بس هذا جنت ضاايج وشربت اكثر من كاس بس ماثكلت كلش وكمت من يمهم لان ماردت ابقى كاعد واشرب بعد خااف هم افقد واذيهة لرغدرجعت للبيت جانت الساعة ١٢ ونص دخلت شفت ضوة غرفتهة مطفي كلت لعد نامت يلا احسن خلينة نرجع للرسمية الجانت بيناتنة مااريد ابينلهة ضعفت بحبهة ولااريدهة تفهم اني اركض وراهة خلي كلشي بوضعة😞 رحت للمطبخ شربت مي ودخلت غسلت وطلعت من الحمام وانضربت ايدي وجتفي بالباب واذاني الجرح الي بجتفي وصحت اخخخ طلعت هي بسرعة من غرفتهة على صوتي باوعت ودرت نظري استغفر الله هاية ناوية تجنني مو كلنا نبقي كلشي رسمي جانت لابسة دشداشة قصيرة لجوة الركبة بشويةوفاتحة شعرهة وبي كسرات خفيفة مال ضفيرة وعيونهة نعسانة وشكلهة بريء وهاااادئ ضليت صاافن بيهة وهي اشرتلي زين انتة رجعت لوعيي وكتلهة مااكو شي فوتي نامي وتوجهت لغرفتي اناام جان اسمع شهكتهة وراية واجت علية تاشرلي على جتفي التفتت ولمحت بقة دم على قميصي من الجرح الظاهر نزف من الضربة كتلهة لاتهتمين مابي شي دخلي نامي

رغد:حسيت من مانطيتة جوواب انفعل كلش واتوتر بس حااول يخفيهة ومايبينهة حتى ماتغدة شوية وكعدت العصر هو طالع مع انه كال انام تعبان ضليت افكر بالصار ليش يريدني فجأة بمجرد ما كلي احبج انسة هو شكد اذاني وتهمني وضربني واغتصبني وماخلة شي ماسواه عبالة هينة انجرح منة وارجع اداوي الجرح وحدي بوسط كل تصرفاتة الي تفتح وتهيج الجروح القديمة وبوسط كل فظاظتة واسلوبة العصبي انسة وفوكاهة احبة ماانكر اكو مشاعر تحركت بداخلي اي بس ما تمحي السواه والي كل مااتذكرة احس يوجعني كلبي لحد هسة اثار ضرب الحزام بضهري وجسمي لونهن ومن ابدل عالمرايا اشوفهن مشوهات ظهري خصوصا ،شنو انسة منة هو ماطيبلي جرحي حتى احبة جرحي منة لسة موجود ومااحبة الا يلم هالجرح وانسة وجعة وهاي تعتمد على تصرفاتة سويت عشا ومااجة كلادت احسن شلتلة عشا ودخلت نمت حسيت بباب الشقة انطبك عرفتة اجة رجعت نمت وفزيت على ضربة قوية بباب الحمام وصوت ايسر كمت مفزوعة شفتة يفرك بجتفة اشرتلة اذا بي شي ظل صاافن بوجهي اخر شي رجع لاسلوبة البارد وكالي ماكو شي فوتي نامي والتفت يدخل لغرفتة وجاان اشووف قميصة مليان دم شهكت مفزوعة اتخبل من منظر الدم اشرتلة وتلمس المكان مااهتم وكال فوتي نامي ومشة والدم مستمر مشيت لغرفتي بسرعة لبست دشداشة استر من ذيج ورحت وراه دكيت الباب الجان مفتوح وفتت جان دايفتح قميصة رخت للميزوطلعت الشاش والبلاستر واليود واشرتلة اغيرلة عالجرح

ايسر:خاف هم تتخربطين مثل ذاك اليوم

رغد:🙅‍♀️اشرتلة براسي بلنفي كعد عالسرير ونزع قميصة والفانيلة الداخلية جان الضماد القديم غركان دم اترعبت من منضرة هسة انتي وكتج يارغد تبرزين عضلاتج عود متخافين والله انتي جباانة

ايسر:هاااا اتدبريهة لو اغير اني

رغد:نبهني صوتة وخلاني اتحدة نضرتة الي عود مااعرف😝فتحت الضماد القديم وذبيتة وعقمت الجرح ودهنتة بمرهم وخليت شاش ولصقتة بالبلاستر الطبي،افففف طول مااشتغل حابسة انفاسي من الرعب طلعتلة تراك نظيف وتشرتلة راح ارووح هز اشرلي بايدة وجاان مدنك مااعرف شبي رحت غسلت ايدي ودخلت غرفتي هستووني نزعت دشداشتي وبقيت بالداخليات وجاان يفتح الباب ويفوووت احسسس كمت ارجف وجريت دشداشتي اغطي بيهة جسمي اريد اندة منين تنلبس ماكو حاولت اشغلة و ااشرلة اذا محتاج شي

ايسر:احس محتاج شي اريدحضنهة احس مااكدر اكاابر بعد على بعدهة اريد انومهة بحضني وبس وباي طريقة طول ما ايدهة تلمس بضهري اني احااوى اسيطر على نفسي ومااااضغط عليهة بس خلص للصبر حدود فجأءة لكيتني فاتح باب غرفتهة ودخلت هي جانت تبدل وانصدمت بية وتحاول تغطي جسمهة بس اللفتني اكثر من منظر جسمهة المغري هوو اثاار الضرب بجسمهة جانت اثار شخوط الحزام طابعة بجسمهة احس استصغرت ررروحي كلش وحيلي كلة رراح من شفت بعيني شكد تحملت هالانسانة مني اتقدمت وسحبت الدشداشة من ايدهة وحضنتهة بقووووة

رغد: عزززا نضراتة الي سرحت تتأملني و انووب حضني بقوة اريد افلت مااكدر و جمالة شميت بي ريحة شرب جان يحاول يهدأني بكلام مااتذكرة ويلمس بشعري اتخبلت اكثر وصرت ادفعة بكل قوتي بس وين عبالك ادفع بجبل ولا اهتز ،مررر وخطر بذاكرتي كل السواه بية قبل بهيج لحضات مثل الشريط كداام عيني اتهسترت مو حيوانة اني كل مرة يتقربلي بهالطريقة كمت ابجي واشهك بقووة وفجأة كمت ارررجف كلش اريد اسيطر على جسمي من الرجفة مااكدر حتى شفايفي صاارت تررجف بقوة واتصككت اسناني وهوو يحااول يهدأني وهو حاااضني واخر شي.........يتبع