الفصل الثاني عشر من اسيره بموافقه الجزء الثاني
__________________________
دخلت سلمي المكتب و ولي الامر كان قاعد
ايهاب لما شافها حس انه شافها قبل كده بس مش فاكر فين و قام سلم عليها جلست امامه
النائب عن االمديره : دكتور ايهاب ولي الامر الطالبه جنه اللي عملتي ليها استعداء ولي امر
سلمي بابتسامه : اهلا بحضرتك يا دكتور طول عمري مش بحب الموضوع ده اني اعمل استدعاء ولي امر لطالب او طالبة و بحب اجيب اخري معاهم بس للاسف فشلت فده فعلا مع جنه
ايهاب باستغراب : هي علمت ايه بالظبط لاني مش فاهم حاجه بصراحه
سلمي : الطفله عدوانيه جدا مع بقيه الاطفال و لماا الاطفال كانوا بيتكلموا عن عيد الام هو لسه بدري عليه جدااا بس كان موضوع الإذاعة عن الام فالموضوع جه كده بس الاطفال بيستعدوا للحفله اللي بتعمل كل سنه من قبلها بكتير اتخانقت معاهم و فضلت تزعق و كانت هتضرب بنت و هما اطفال بجد المنظر خلاني اصعق لان ده مينفعش ابداا ديه طفله عندها تمانيه سنين ايه اللي يخليها عدوانيه بالطريقه .. ديه و الاخصائيه النفسيه للاسف سابت المدرسه و منتظرين تعيين حد بدالها فانا معرفتش اعمل حاجه غير اني اعمل استدعاء ولي امر و اشوف ايه اللي موصلها لكده بما اني انا فشلت في اني احل مشكلتها
ايهاب باسف : هو انا بعتذر عن سلوكها بس جنه اجتماعيه جدا مش عدوانيه و موضوع عيد الام ده لان والدتها متوفيه و رغم انها بشوشه و بتحب الهزار و الموضوع بالنسبه لها وجع لما بتيجي حكايه الموضوع ده قدامها بتتنرفز و بعتذر مره تانيه علي سلوكها
سلمي : انا اسفه عموما اني تضايقت حضرتك بس المفروض في الحاله دي الاخصائيه قبل ما تمشي تكون معاها المعلومات اللي بتتسجل عن كل طالبه و انا شفت الدفتر لنفسي بس مش مكتوب كده بجد انا اسفه انا استنتجت كده برضو بس دورك كاب المفروض انه حضرتك تحاول تتكلم معاها بهدوء و هي هتستوعب مع الوقت
ايهاب بحرج : مهوا انا مش باباها
سلمي بصت ليه باستغراب
النائب : اومال حضرتك مين
ايهاب : انا خالها .. و عدوانيه جنه ديه بحاول اصلحها انا و جدتها احيانا بس مش بنعرف
سلمي : هو والدها متوفي هو كمان؟!!!
ايهاب في سره : ياريته كان متوفي فعلا كان ارحم من انه ميفركش يطمن علي عياله
ايهاب : والدها للاسف مسافر و بيشتغل برا و هي عايشه معايا انا و والدتي
سلمي باسف : مش عارفه بصراحه اقول لحضرتك ايه بس حاول تكلمها مره تانيه بهدوء و جدتها تحاول تكلمها اكيد هتستجيب هي بصراحه متفوقه جدا و انا اشهد بكده هي مشكلتها في الموضوع ده و بس
ايهاب : تمام .. انا بعتذر علي التصرف الي عملته و انا هخليها تعتذر لاصحابها و بستاذن منكم انها تغيب بكراا
النائب : و لا يهمك يا دكتور
ايهاب سلم عليهم و مشي و هو يتنهد باسف علي ابنه اخته اللي ضيع ٨ سنين من عمره بيهتم بيهم و بيعتبرهم ولاده و اتضايق علي حالها مكنش يتوقع ان الموضوع اتطور معاها كده و رجع لشغله و انه هيتكلم معاها بليل ......
________________________________________
في البيت كانت موده قاعده بتقرا كتاب و محمد كان قاعد و حاضنهاا
موده بتساؤل : ايه يا محمد مش هتنزل الشغل مش عمي قالك امبارح ان في شغل مستعجل و عايزك تنزل تعمله
محمد بلا مبالاه: بس قولتله مش رايح .. مازن هيعمله
موده : محمد انت بقالك اسبوع قاعد جنبي في البيت يا حبيبي مش هتعطل شغلك علشاني و انا كويسه انزل علشان عمي ميضايقش و خلص شغلك و تعالي
محمد : معنديش اغلي او اهم منك
موده بارهاق : يا محمد انزل بقا متتعبنيش والله انا زي القرده اهو مفيش حاجه مش عايزه عمي يضايق و يقول اني وخداك من الشغل متكبرش الموضوع
محمد : ياستي خديني من الشغل و من اي حد مش مشكله ديه امنيه حياتي و بعدين انتي زهقتي من قعدتي معاكي وله ايه
موده لفت له و اصبحت في مواجته و وضعت يديها علي وشه و قبلته من وجنتيه
موده : بذمتك انا ازهق منك ده انا نفسي اربطك جنبي بس انا كويسه الحمدلله و بخيى مفيش داعي تاجل كل حاجه و تفضل قاعد جنبي و كمان متقلقش النهارده مش هتسبني لوحدي فاطمه في الجامعه بتجيب النتيجه و هتيجي تقضي معايا اليوم كله
محمد شال ايديها من علي وشه و امسكها و قبلهاا و اخذها في حضنه و راسها بقت عند صدره و سامعه نبضات قلبه
محمد : طب بعد اللي عملتيه و قولتي عيزاني امشي برضو
ثم اكمل بخبث : ده انا جاتلي افكار حلوه جدا علشان اقعد
موده ابتسمت : لا روح الشغل و تعالي علشان عمي ميزعلش
محمد بحزن : للدرجاتي خايفه علي زعله منك
موده بابتسامه : طبعا خايفه علي زعله عمو معتز زي بابا بالظبط و حتي لو كام موقف ضايقني منه هفضل احترمه و احبه و مفيش بنت بتزعل من ابوها و انا بعتبره ابويا التاني و مرضاش يزعل مني
ثم اكملت بحب : و بعدين ده اكتر واحد ليه فضل عليا في حياتي مش هو اللي شافني و السبب في جوازناا فلازم كمان احترمه انه خلاني مراتك انت و حبيبتك و كل حاجه ليك علشان خاطري روح و خلص اللي وراك و خلص بدري و انا مش هكون لوحدي
محمد من جواه كلامها و طيبتها ديه بيحسسه بالذنب اكتر فكر يخلص بسرعه من المصيبه ديه و خايف يقولها تضايق و هو في حيره كل كلمه قالتها عن معتز وجعت قلبه للدرجه ديه بتحترمه اومال لو عرفت انه خلاها زوجه تانيه هتعمل ايه
و بعد وقت من المناقشه لبس و راح الشغل و ممشيش الا لما فاطمه جت و اطمن انها مش لوحدها
فاطمه كانت في المطبخ بتعمل نسكافيه و خرجت لموده
موده : ايه يعني بتنفذي الوصايا السبع
فاطمه بمزاح : اه ياستي احسن جوزك يقتلني وله حاجه انتي شفتيه قعد يوصيني قد ايه و اناا اخاف علي نفسي و علي شابابي انا لسه عايزه اتمتع
بجوزي ياختي ومش ناويه افيس و اسيبه بدري
فضحكت موده
موده : وحشاني اووي حاسه اني بقال كتير مشفتش ضحكتك ديه كنت بشوفك بس جواكي كلام كتير اووي
مخبياه عني حاسه انك فاطمه النهارده حاسه انك اختي اللي بتضحك و تهزر و بس صح نسيت
عملتي ايه في النتيجه
فاطمه بضيق من انها اتفكرت : جبت جيد بالعافيه و تقدير مش حلو و المشروع و اللي رافعني شويه و مضايقه جداا بس كويس ... اني نجحت ده انا كنت حاسه اني هعيد السنه
موده بدهشه: بتقولي كده ليه
فاطمه : بصي انا هحكيلك يمكن لاني عايزه احكي لحد و في نفس الوقت بحكي علشان فرحانه برغم النتيجه بس انا فرحانه و فرحانه جداا فانا هحكيلك لاني عايزه اعبر عن فرحتي و احس اني فاطمه بتاعت زمان اللي بتحكي كل اسرارها لموده
و فعلا قصت فاطمه لموده كل ما حدث فهي حتي الان برغم علمها بالراجل اللي ضرب عمرو بس معرفتش حادثه محاوله اغتصاب فاطمه و حكت لها فاطمه حتي لما سافرت العين السخنه و المره ديه كانت بدمع من السعاده مش من الخوف و الألم
موده بحزن : للدرجه ديه انا كنت بعيده عنك لدرجه ديه مريتي بكل ده و انا اخر من يعلم ده انتي كنتي روحي كنت بحس ان فيكي حاجه و مش بترضي تقوليلي انا اسفه انا اثرت معاكي كتير اوووي للدرجه ديه انا كنت بعيده عنك في 3 سنين دول
فاطمه مسحت دموعها و رجعت ابتسامتها : انا مبسوطه تعرفي اني اول مره احكي الموضوع ده و اعيط بس من الفرحه مش اكتر انا فرحانه جداا ده انا لو كلمت سليم و قولتله انا فرحانه بالنتيجه القرف ده هينفخني ... بس عموما انا عاكه الدنيا بس مش زعلانه لان حاسه ان معايا سليم و ديه حاجه مقوياني و كمان انا كده ربنا كرمني انا مكنتش بعرف اذاكر و علطول كنت منهاره
موده بابتسامه و حضنت اختها : اهم حاجه تكوني مبسوطه و بعدين خلاص لسه في سنتين تعوضي فيهم و ان شاء الله خير يا بطوط اهم حاجه اني شفت ضحكتك ربنا يديمها
_________________________________________
في الشركه في مكتب محمد
ياسمين بالحاح : حمودي بقا ارجوك وافق و بابا مش هيقول لا لو انت وافقت
محمد بسام : يا حبيبتي انتي فارقه معاكي اشتغلي معانا في الشركه ايه علاقتك بالملابس
ياسمين بغضب : الله يا محمد ديه حاجه نفسي فيهاا و بحبها هو حرام اشتغل حاجه بحبها يا نااس علشان خاطري انت من زمان وعدتني بس معملتليش حاجه انا جهزت المكان والله و لقيته مكان في منطقه راقيه و حلو حلو جداا بشكل يخطف العقل والله ده انا اتفقت مع واحده صاحبتي ... علشان الديكور ارجوك متخجلنيش
محمد : خلاص يا ستي موافق و هقنع بابا
حضنته ياسمين : بجد انت اجمل اخ في الدنيا
محمد : علشان وافقت علي اللي انتي عيزاه ده انتي بكاشه بصحيح كبرتي و المفروض عقلتي و خلفتي و بقيتي ام بس الدماغ هربانه زي ما هي
ياسمين : ايوه مين هيتجنن عليك غيري الله ده انا بدعي كل يوم يرزقك ببنت و هتمسيها ياسمين
محمد مبتسما : يارب
محمد بتساؤل : بما انك عامله فيها كبيره و ابوكي مشجعك ومعرفش الخلاف بينك و بين مازن علي ايه بس انا عايزه اعرف و اطمن عليكي
ياسمين : انا بحاول اربيه شويه او هو اللي بيربيني مش عارفه بس هو لسه مشافش حاجه علي اللي هعمله فيه
محمد : والله انتم الاتنين مجانين زي بعض ياريتني ما سالت اصلا
ياسمين : متقلقش لما اعوزك هقولك
محمد : انا علطول في ضهرك مهما حصل اعرفي اني معاكي
______________________
خرجت ياسمين من المكتب و كانت رايحه مكتبها
و لقت رشا خارجه من مكتب مازن و هي في غايه السعاده ... اتغاظت جداا
_________________________________________
بليل جه سليم علشان يرجع هو و فاطمه للبيت كانوا في الطريق
سليم : الله و اكبر مبسوطه علشان شفتي موده
فاطمه : طبعا بقالي كتير مقعدش معاها الوقت ده كله و فرحانه و خلاص
ثم اكملت مازحه : صدق انا اكتشفت اني مش عجباك
حاجه اكون مبسوطه او حزينه برضو مش عاجبه
سليم ضحك : انتي عجباني في كل وقت و انتي عارفه كده عملتي ايه في النتيجه .. علشان سالتك في الفون و اتهربتي
فاطمه : هو انا جبت جيد بالعافيه بس الحمدلله مش زعلانه انا كانت نفسيتي مدمره الفتره ديه اصلا فمش مضايقه
سليم : يا سلام الله و اكبر بدايه الفشل جت
و وصلوا للبيت و ركنوا العربيه و كانوا ماشين مع بعض
و حملها اول ما دخلوا العماره
فاطمه : انت يا حبيبي نزلني في ايه ابويا وله حد هيشوفنا نزلني يا حج اللهي يسترك ما يفضحك
سليم بانزعاج : انتي وحشتينى ... يا جزمه و بطلي تبوظي اي لحظه بلسانك اللي طوله مترين ده
فاطمه : بس نزلني الله لا يسيئك افرض حد شافنا دلوقتي يا قولي ايه عليا لا مواخذه يعني ترضي حد يتكلم علي اختك
سليم ضحك عليها و كانوا وصلوا للاسانسير
و دخلوا
سليم : الله لا يسيئك و اختك ايه الله يحرقك بعد كل ده و لسه اختي ده باينه مرار طافح
و محدش يجيب سيرتك في حاجه وحشه انتي مش طبيعيه واضح ان النتيجه كلت مخك
فاطمه : عادي فكك يا برنس خدنا ايه من النجاح او الدح يا عم و بعدين انت المسؤول عن فشلي
سليم كان حاملها و خرجوا من الاسانسير و فتح باب الشقه
سليم : لا العبي غيرها يا حبيبتي متعلقيش اخطائك علي شماعه الاخرين انا السبب ياختي ديه بالذات
اجيب امك تشهد السبب في ايه يا عنيا ؟؟؟؟
فنزلها لما دخلوا الشقه فاطمه كانت عماله تضحك من قلبها بجد اول مره النهارده تضحك بالطريقه ديه و اول مره تقعد مع اختها لوحدهم كدا حست بايام زمان فعلاا
فاطمه : ولد عيييب والله هنعمل في بعض كده في الاخر ... اترقي
سليم غامزا و قلع تيشرته : بالنسبه للحاجه اللي لسه قايله الله لا يسيئك ديه ايه جايه من تركياا
فاطمه بدلع حاوطت رقبته : لا والله مش كل حاجه تقدلني فيها و بعدين انا عايزه انام انا كلت اكل مع موده يكفيني عشر سنين كلبظت شايف خدودي شايف موده كانت عامله الواجب و زياده
سليم بمكر : ما انتي حلوه هو و واكله بس جوزك مش مهم صح اخص اخص بجد علي الايام اللي تخلي الست تعمل في جوزها كده
فاطمه رفعت حاجب واحد : ما انا هحضرلك العشاء متزعلشي
سليم غامزا : لا اتعشي بيكي انتي احسن
فاطمه بدلع : لا و ربنا انا هتصل بابا لا كله الا كده انا الشرف ... هو انا ماليش اهل يسألوا علياا
سليم : هو بعد الفشل الذريع و بعد الدلع فانا متنبا بمستقبل باهر و بعدين اشتكيني مش مشكله هتشعي بيكي برضو لا احنا جامدين اووي و مش بنخاف
فاطمه بتفكير : مممممم خلاص طيب بس انا عايزه انام انا تعبانه يا سلومتي
سليم حملها الي غرفه النوم
سليم : انا برضو عايز انام و ايه سلومتك ديه بقاا محتاجه شرح و تفاصيل و مراحل كتيره و بعدين انتي نمتي سنه كامله يا شيخه اتقي الله
..........
________________________________________
في شقه هبه و احمد
كان احمد قاعد علي السرير و عمال يتصفح الفيس بوك و كانت هبه قاعده و شاردده
احمد بانتباه : مالك يا حبيبتي مركزه في ايه
هبه : مش عارفه يا احمد انا مخنووقه اووي
احمد : ليه مالك
هبه : حاسه اني مبعملش حاجه مفيده 24 ساعه في البيت بقالي فتره بندم اني ضيعت سنين عمري في دراستي من غير هدف علي الاقل كان زماني بشتغل حاسه ان مفيش حاجه بعملها غير طول النهار مع البنات حاسه بملل شويه و مبعملش حاجه جديده
احمد : خلاص يا هبه عايزه تعملي ايه يعني هو اساسا انتي عندك وقت لما بتخلصي مع البنات علشان تعملي حاجه تانيه
هبه حضنته علشان تنام في حضنه و أبعدت هاتفهه عنه
هبه : مش عارفه انا حبيت اتكلم معاك و خلاص
تصبح علي خير
احمد : و انتي من اهله يا قلبي
احمد فضل صاحي شويه عمال يفكر هي مخنوقه علشان كده وبس طب يفرحها ازاي و يكسر ليها الملل هو عارف انه اهملها الفتره اللي فاتت جدا شويه بسبب الشغل و شويه بسبب انه علطول مع يوسف بس كان غصب عنه و عارف انها مشغوله مع البنات فكان بيفكر يعمل ليها ايه
________________________________________