الفصل السادس من اسيره بموافقه ابي الجزء التاني
_____________________
في المستشفي تحديدا في غرفه الدكتور ايهاب
جنه واقفه علي المكتب
__ جنه فتاه 8 سنوات ابنه اخت ايهاب و والدتها ماتت اثناء ولادتها و لها اخ يكبرها بسنتان و يحبهم ايهاب كانهم اولاده الذي لم ينجبهم خصوصا جنه كل ما بيبص عليها بيحس انها نسخه من اخته ماخر جوازه و كل حاجه علشان مصاريفهم و تعليمهم مش عايز يحرمهم من اي حاجه و مش بيضايق من كده دايما فرحان ان عيال اخته عايشين معاه حتي مبيفكرش يرفع قضيه علي ابوهم بسبب المصاريف او انه يتكلم معاه لان كل همه انهم يفضلوا معاه حتي لو دفع عمره كله و برغم انه اتعذب كتير في ٨ سنين دول معاش والده مش بيكفي حاجه كان بيشتغل في المستشفي يروح ياكل اي حاجه و يرجع يقف في صيدليه و اشتغل كذا شغلانه و شغلانه مفيش الا دلوقتي لما اتعرف و كبر بقا مرتبه كويس في المستشفى و فاتح سوبر ماركت كبير مشارك فيه واحد صاحبه علشان المصاريف بس مبيقفش فيه __
جنه واقفه و قاعده تظبط لايهاب جاكت بدلته
ايهاب : يابنتي خلصي
جنه : لازم تمشي في كامل اناقتك
ايهاب : هو انا رايح اتجوز عايزين نروح قبل ما حد يشوفك
جنه : لازم تمشي في كامل اناقتك قولت ده انا مرضتش اتفسح في اسكندريه علشان اهتم بيك
ايهاب: انتي تهتمي بيا انا يا سلام انتي بتعرفي تعملي حاجه لنفسك اصلا
جنه : استني كده بس تتجوز ليه ان شاء الله اومال انا بعمل ايه يا بابي
ايهاب بغيظ ووضع وجهها الرقيق بين كفه : يابت بطلي لماضه و متقوليش بابا هتوقفي حالي اكتر ما هو واقف يا بعيده هتروحي من ربنا فين
فضحكت جنه ببرائه
جنه : اقولك يا خالوووو
فابتسم ايهاب لابنه اخته التي كانها نسخه مصغره من اخته الوحيده التي ماتت اثناء ولاده جنه و من ثم تزوج زوجها بعد وفاتها بخمس شهور و لم يصرف شيئا علي اولاده و ايهاب و والدته من اسره متوسطه و هما من ينفقان عليها هي و اخيها
ايهاب : قوليلي يا ايهاب يا هوبا زي ما بتقولي مش لايق عليكي الاحترام و ياله نمشي بقاا و نروح البيت علشان محدش يشوفك في المستشفي و تجبيلي خصم و نشحت انا و انتي عند السيده زينب
جنه بعبوس : الله بقاا يعني وجودي هيسببلك مشاكل
جنه بمكر :انا عارفه بس برضو هقعد بحبك و هقعد معاك في اي مكان
ايهاب : يا بت بطلي لماضه كنت رحتي ما اخوكي و ستك الاسكندريه عند اخت جدتك و اتفسحتي و انا ورايا شغل مكنش ينفع اروح
جنه و هي تحضنه : لا يعني لا مسبكش ابدا
ايهاب حملهاا و نزلها علي الكرسي و ربط لها حذائها
ايهاب : ماشي ياهانم الحمدلله كنت في استقبال النهارده و محدش شافك و انتي هنااا كنتي قعدتي عند طنط كريمه هي و بنتها زينب
جنه : لا يعني لا هتقعد تسالني خالوو عامل ايه و تقعد بقا تستفسر عن اخبارك مني انا
ايهاب : بطلي لماضه و طوله لسان يابت ديه بتحبك جدا و بتعاملك كويس جداا
جنه بغيره طفوليه : لا بس بتعاملني كده علشانك مش اكتر
ايهاب بحرج :طيب ياختي
YOU ARE READING
اسيره بموافقه أبي الجزء الثاني
Romance2019 موده: كان كل شي يسري علي ما يرام كان معي كل شي بيدي،ظننت ان كل شي بخير لن يحدث شي و صرخت و اخبرت الجميع عن سعادتي و لكن انقطع كل هذا في لحظه من الزمن تذكرت شيئا ان دوام الحال من المحال ! لم تنتهي قصتي كنت اظن مثلكم و لكن كانت البدايه حكايت...
