اسيره بموافقه أبي الجزء الثاني

الفصل الثاني

الفصل الثاني من اسيره بموافقه ابي الجزء الثاني
________________________
في شقه مازن و ياسمين

ياسمين: قوووووم

مازن قام  و علي  عكس العاده اليوم قام بكل هدوء

مازن بنعسان: ايه يا حبيبه قلبي  ؟! تعرفي انا عايزه اقولك حاجه واحده انا خلاص مليت من يوم ما عرفتك حتي من قبل ما اتجوز و انا بقوم من النوم مفزوع الحمدلله  اني عرفت اجيب  نرمين

""نرمين ابنتهم و سموها علي اسم اخته ""

اتغاظت ياسمين بحديثه  فهو يتحدث بكل راحه : نايم اووي و واخذ راحتك اتفضل

أعطته  التابلت التي كانت تحمله فراي خبر من احدي المجلات عن وجود الممثله داليا محروس  فهي كانت تحضر  حفل افتتاح فرع فندقهم الجديد في الاسكندريه

مازن  :خير ايه المشكله  ؟! كانت حاضره  الافتتاح و الصوره نزلت في المجله  اعمل ايه يعني

ياسمين:و انت تتصور معاها ليه

مازن : اسالي ابوكي

ياسمين بغضب : و ايه دخل  بابا في الموضوع

مازن:هقولك  ايه يعني انتي بتهزري علي الصبح مصحياني يوم اجازتي بالطريقه ديه علشان صوره تافهه زي ديه

ياسمين  : تافهه بالنسبالك  انت لما المجله تقول هل ستنطلق داليا بعد طلاقها الاول لتعيش قصه حب في الفندق الجديد!! او فيما معني الكلام ده معناه  ايه بقاااا

مازن :استهدي بالله علي الصبح كده صاحيه  تقولي شكل للبيع صوره زي اي صوره  و ابوكي و اخوكي كانوا  موجودين  علشان بدايه الافتتاح و المجله تكتب اللي هي عيزاه ما هما ٢٤ ساعه جايبين سيره اي حد فارقه معاكي ايه 

ياسمين بصوت عالي : طبعا مفيش حد اتجرا انه يعمل كده و ييتصور غيرك
مازن  حاول  قدر الايمكان ان يسيطر علي غضبه بعد ان نظر علي ساعه الحائط  : حبيبتي كويس انك صحتيني
زينب باستغراب :ليه ان شاء الله

مازن :في فيلم اجنبي اعادته دلوقتي ربنا يكرمك 
فدخل الحمام و هي صارت تصرخ باسمه

ياسمين  :ماااااااازن

مازن : وطي صوتك يا حبيبتي 

ثم اقترب منها و قربها منه  ووضع يده علي راسها من الخلف و نزل لمستواها و همس باذنيها بصوت يكاد يرعبهاا : ياسمين حبيبتي صوتك ميعلاش تاني علشان مفقدش سيطرتي و اعمل حاجه اندم عليها تمام  صوتك اياكي  يعلي  تاني و الا متلوميش الا نفسك 

و قبلها قبله سريعه علي رأسها مستجمعا هدوئه

مازن بكل برود و هدوء اعصاب: صباح الخير اولا الفطار علشان ماما  زمانها جايه في الطريق و مليش تفسير للصوره ديه انها صوره عاديه و كله كان دعايه مش اكتر و خلي عندك ثقه فيا و في نفسك اكتر من كده
ياسمين : قصدك ايه يعني

مازن بهدوء : قصدي واضح وصريح و اياكي مره تانيه تحاولي تقارني بيني و بين  اي حد مين ما كان  و الكلمه اللي قولتيها طبعا مفيش حد  قدر يعمل كده غيرك متتقالش تاني لان رسالتك و قصدك وصلوا منهاا يا حبيبتي و مش انا الراجل اللي اخاف  من واحده صدقيني و خديه وعد شرف مني يوم ما  هعمل اي حاجه صح او غلط بقولها لاني مش بخاف من حد  تمام و انتي عارفه كده كويس استهدي بالله  يا حبيبتي و ياله حضري الفطار و بطلي بواخه و تاني مره متصحنيش بالصوت المزعج ده علشان انا مش ناوي اقطع الخلف من دلوقتي

و غمزها بوقاحه اتغاظت ياسمين و منه و من كلامه لها احست انها فعلاورجعت تسمع كلامه و لا تستطيع  الرد و البوح بما في صدرهاا  و هو ذهب و حمل ابنته من السرير و خرج و فتح التلفزيون ليشاهد ما يريده و هي بقيت واقفه لدقائق كالصنم لا تشعر بشي

و بعد فتره جائت سوزان و حاولوا هنا الاثتنان الا يبينوا حزنهم امامها..
________________________________________
في شقه هبه  و احمد  و كان يلاعب ابنتاه جاسمين البالغه من العمر ٤ سنوات و جيرمين تبلغ من العمر سنه واحده

هبه : حماده الاكل  جاهز

احمد : هي سلمي مجاتش من عند صاحبتها

هبه : غالبا لسه ماجتش  بتسال ليه  يعني
احمد: اصل قالت انها عيزاني  بخصوص حاجه

هبه:ممكن تكون  لسه مجاتش الساعه لسه ٢  انته علشان مروحتش الشغل فاكر ان الدنيا متاخر
احمد:يمكن

هبه: ايه اخبار التحاليل 

احمد:الحمدلله بخير

هبه بفرحه:الحمد لله   و قبلت راسه
ربنا يحفظك لياا هات جيرمين بقا بقالها كتير نايمه  علي رجلك

احمد  قبل ابنته و اعطاها  لها
احمد: جاسمين حبيبتي  ياله علشان الاكل
جاسمين :حاضر
جاسمين كانت تلعب علي التابلت  الخاص بأحمد 
هبه بغيظ :يعني هو مفيش فايده قولتلك متدهاش التابلت علشان عينيها و هي لما بتصدق و تفضل مبحلقه في التاب  ناقص تدخله جوه عنيها

احمد :مش هيجري حاجه  لما تلعب شويه يعني انتي شيفاني قاعد معاها طول اليوم

جاسمين:حبيبي يا بابا 

و حضنته و هو حضنها
هبه:يا سلام بقيت انا الساحره الشريره اللي في حياتكم
احمد مازحا بمكر :اصل انا باجي بالاحضان انتي عارفه و هي بتستغل نقطه ضعفي

هبه :ماشي  يا استاذ انت حر و انا داخله  احط جيرمين علي  السرير و ياله بطلوا جو العشق الممنوع  علشان الاكل هيبرد

احمد: بطلي انتي غيره الله
هبه :يا سلام هغير من بنتي

حمل ابنته
احمد مازحا :ياله يا حبيبتي  علشان ناكل ريشه  زي مامي بالظبط

هبه ضحكت علي زوجها الذي لا يغير اسلوبه ابدا مازحا رغم المه تعلم كثيرا انه دائما قلق يخاف ان يرجع له ذالك المرض الخبيث مره اخري فقط يرتاح قليلا  بعد كل كشف دوري ...
_________________

امام المدرسه التي تعمل بها سلمي  و كان عمرو واقف ينتظرها فجائت و ابتسم لها و هي اتيه من بعيد
فجائت و صافحته

سلمي : معلش يا عمرو والله عارفه انك وقفت كتير بس في بنت معظم المدرسه فضيت و انا كنت واقفه معاها لغايب ما مامتها تيجي  اسفه

عمرو : والله و لا يهمك يا حبيبتي انتي متاخره سنه بحالها هتيجي  علي الربع ساعه وله التلت ساعه ديه ياله علشان نروح

سلمي بابتسامه و فهمت مغذي كلامه و لكن حاولت ان لا تعطي رده فعل : طبعا انت عاجبك كل يوم توصلني رايح جااي مدام عربيتي بايظه

عمرو  ابتسم بغرور: طبعا ده احلي خدمه
سلمي : حاسه ان انت عندك مشكله  مع العربيات من يوم ما عرفتك و انت بتوظلي عربياتي

فابتسم عمرو قائلا : بس المره ديه بري براءه الذئب من دم ابن يعقوب  ... انتي اللي خبطتيها
سلمي : معاك حق

ففتح عمرو لها باب السياره فركبت و انطلقوا
و أثناء  ذهابهم للمنزل كانت سلمي تتصفح احد المواقع الالكترونيه علي هاتفها

عمرو : ايه يا سلمي
سلمي بانتباه : ايه يا عمرو في حاجه

عمرو : يعني مش ملاحظه ان كفايا كده يعني بقالنا سنه مخطوبين مع ان ساعتها المفروض كان يبقي فرحنا انا و انتي مع فاطمه و سليم و انتي قلتي لازم خطوبه و معترضتش  و بعدين مش شايفه ان كفايا كده ايه اللي يخلينا نستني مدام شقتنا جاهزه و كل حاجه تمام

سلمي : عمرو انا مش مستعده دلوقتي مش كل شويه هتبقي مشكلتنا هنعمل الفرح امته 

عمرو بغيظ : والله هي ديه المشكله اللي انتي مش واخذه بالك منهااا  اظن اننا بنحب بعض و شقتنا  جاهزه و انا ابن عمك مش غريب عنك و لا لسه

هتتعرفي علياا علشان نطول في الخطوبه اكتر من سنه و  متهياقلي معندناش مشكله خالص في اننا نتجوز الا لو في اسباب معرفهاش !!! لأن  انا بقالي 4 شهور بتكلم في الموضوع  ده و انتي كل مره بتعملي نفسك مش واخذه بالك و انا بحاول مضغطتش عليكي بس كده كتير 

سلمي : يعني هيكون في ايه يا عمرو عادي يعني
احنا مش محتاجين نتسرع  يعني محدش بيجري ورانااا و بعدين يعني هروح منك فين ليه الاستعجال مش عارفه

عمرو  بصوت عالي : اي واحد بيحب واحده و كل حاجه متوفره قدامهم انهم يتجوزوا اظن ان المفروض يتجوزوا و ميبقاش تسرع  ساعتها و انا علشان بحبك و عايز نتجوز ابقي بتسرع انتي غريبه جدا

فوصلوا للمنزل  فنزلت سلمي و هي مضايقه  و اغلقت باب السياره بغضب

عمرو : براحه شويه  بما اني مش عارف اتكلم معاكي فانا قلت لعمو يتصرف لغايت ما تشوفي ليا سبب مقنع اننا ناجل  او نتجوز

سلمي : يعني انا عيله صغيره يعني ما قلت انا مش عايزه اتجوز دلوقتي تكلم بابا ليه  مش فاهمه

عمرو: والله ده اللي المفروض كان يتعمل من بدري

و طلعت مسرعه  قبل انا يغلق السياره و يطلع

و دخلت لشقتهم و كان يوسف جالس يشاهد
التلفزيون

و لا تعلم لما هربت منها دموعهااا  و اول ما رائت والدها ذهبت و بكت في حضنه لم يفهم يوسف حالتهااا

يوسف بقلق : مالك يا حبيبتي 

سلمي : انا  مخنوقه جداا و مش عارفه ليه و تعبت 
يوسف : مالك بس في ايه استهدي بالله
سلمي : لا اله الا الله محمد رسول الله
يوسف : في ايه

سلمي :  قصت له ما حدث بالتفصيل

يوسف : عنده حق

فابتعدت سلمي من حضنه : ايه يا بابا مين اللي عنده حق ده كان بيزعق و مش عاجبه و عمال يقولي لغايت ما تلاقي اسباب

يوسف : عيزاه يعملك ايه يعني واحد بقاله سنه منتظر انك توافقي انكم تتجوزوا و الخطوبه ديه كلها ملهاش لزمه هو انتي محتاجه تعرفي عمرو وله عايزه تعرفي عنه حاجه ليه التاخير انتم و لا سنكم صغير و لا عندكم حاجه ناقضه انتم داخلين علي التلاتين

و في الاخر تقوليله انك مش مستعجله و ان هو اللي مستعجل عيب فكره ديه اكتر حاجه بتضايق اي راجل ان البنت اللي بتحبها بتاخر في الجواز من غير اسباب و كمان تتهميه انه مستعجل

سلمي : يا بابا انت معاه يعني  وله ايه انا اللي بنتك  مش هو

يوسف :  و لا معاكي و لا معاه انا مع الحق يا سلمي و انتي عارفه كده كويس  و هو النهارده اتكلم معايا في الشركه و هو نفسه عايز يعرف ايه سبب تأخير الجواز لغايت دلوقتي و لاول مره مش عارف اجاوب عن حاجه تخص ولادي عارف ان للقرار قرارك انتي بس من حقي افهم في ايه

سلمي : كده انا مش فاهمه الدنيا هتطير يعني في ايه
يوسف : انتي اللي فيه ايه اذا كان مش عايزه تقولي لعمرو ايه اسبابك فالنا من حقي ان اعرف في ايه

سلمي : معرفش بقا انا مش عايزه اتجوز دلوقتي يا بابا و اظن ده حقي و حريتي

يوسف :  متعودتش تكوني غامضه معاياا

سلمي : بابا انا تعبانه و نفسيتي مدمره ايوه معنديش حاجه للسبب ده بس كل اللي حواليا ميديش امل في ان جوازتي  هتكون ناجحه انا خايفه افشل في حياتي

يوسف : مش فاهمك يعني و ايه اللي يخليكي
تفشلي و اايه التفكير ده

سلمي  بحرج و ضيق : بابا انا صاحبتي جوزها مصورها معاه و بيهددها يفضحها بالصور ديه  تخيل  مبقاش في ثقه ف اي حد ازاي مش خايف علي سمعه عياله تخيل ان اعرف واحده  بس مش صاحبتي اووي بتكلم واحد متجوز و بيقنعها انهم يتجوزوا عرفي  و هو عرف يعلقها  و  بيخدع مراته ام عياله انا تعبت كل اللي حواليا فشل فشل فشل حاسه ان مبقاش في ثقه في اي راجل و لا حد مضمون انه كويس الدنيا كلها غش و خدااااع  انا خايفه افشل في حياتي لاني مش هتحمل صدمه

فسكت يوسف يفكر قليلا فيما قالته ابنته

يوسف : انتي مجنونه اكيد يعني ايه خايفه من الفشل انتي هتتجوزي واحد بيعشقك من زمان و شاريكي لابعد الحدود  انتي مش بتثقي في عمر و لا حتي 50 في الميه

سلمي : لا طبعا بثق فيه

يوسف : كدابه انا بقولك مش بتحبيه لانك عمرك ما تفكري بالشكل ده لو بتحبيه ان في امل ان حياتكم تفشل ؟!!! انتي  حتي لو بتحبيه بس مش بتثقي فيه يا بنتي الحب مش كل الجواز نهائيا  ... الجواز ثقه  ما بين الطرفين و مش مجرد ان فيه كم نموذج بنشوفهم وحش ان الحياه كلها وحشه مين قال ان الحياه كلها واحشه  ما انتي شايفه موده اتجوزت واحد متعرفهوش اصلا و ادي النتيجه حققلها كل احلامها و اخواتك و بعدين صاحبتك الاولي مغلطتش و اكيد ربنا هينتقم منه لكن التانيه غلط  زي ما هو غلط مدام عرفت انه متجوز تسيبه مش الناس تكون غلط و تقول انه عادي    مفيش حد بيغصب  يتجوز  مش عايزه  و خصوصا و هي هتتجوزه علي مراته هو خدعها اه بس هي اللي باعت نفسها و بتغلط في حق نفسها و في غيرها  انا كنت ناوي اقنعك انك تستعجلي ف الجواز علشان خاطر عمرو لكن بالطريقه ديه انا اللي هقول لعمرو بنفسي ميكلمكيش  الفتره اللي جايه و انتي تفكري كويس   و تتاكدي من قرارك و ثقتك فيه و  لاني عمرو ابني و انتي بنتي و انا مش هسمح انك تعيشوا تجربه فاشله و سايبه النماذج الحلوه لانها بتفكيرك ده هتكون فاشله فعلا انتي ازاي تفكري بالشكل ده يعني هي كل بنت شايفه نماذج قدامها وحشه مش هتتجوز ليه يعني ؟!
زي ما في تجارب وحشه في تجارب ناجحه جداا تفكيرك مش عاجبني  و لو كل واحد يروح لحالوا و  تنفصلوا دلوقتي و مخسرش اخويا او ابنه احسن ما  تتجوزوا و تتطلقوا فكري كويس ... و انا اللي بقولك ان الجواز لازم يتاجل فعلا ..

______________________________
و في شقه الحاج ابراهيم
سمر بعد ان كانت تستمع لعمرو و التي ساءت حالتها لا تعلم الا تحزن علي من و لا من لا تعلم لما كل أولادها  يشعروا بهذا الحزن فكانت موده ترن علي هاتف سمر

سمر قبل ان تجيب : ياله اسمع لحكايه موده بس اخد برشام الضغط الاول لان فاطمه  و بعديها
عمرو و كمان موده هتكمل علياا

فاخذت برشام الضغط ثم اجابت عليها

موده : السلام عليكم
سمر : و عليكم السلام يا حبيبتي
موده : ايه يا خالتو وراكي حاجه وله ايه
سمر : لا ليه يا حبيبتي
موده : ابدا اصل ختي وقت  عقبال ما رديتي
سمر : اه كنت باخذ برشام الضغط
موده : شفاكي الله و عفاكي
سمر : يارب  انتي ايه اخبارك و اخبار محمد ايه
موده بحزن : هو احنا الحمدلله  كويسين بس زي ما انتي عارفه موضوع الحمل شويه و كمان بنت عمه اللي جت ديه
سمر : انتي حطاها في دماغك ليه طيب يا بنتي
موده بغيظ : برضو انتي كمان  يا خالتو تقوليلي حاطها في دماغك زي محمد طب يا ناس حد يفهمني واحده  كل ما تشوفني تحكي عن نرمين و تصرفاتها و لبسها غريبه و انا قلبي  مش مرتاح ليها و حاسه انها مش ناويه علي خير لياا

سمر تنهددت بضيق من كثره ما تسمع  و بحزن ايضا علي  ابنتها و علي اولاد اختها

سمر: بصي سيبك منها و انتي  عارفه ان محمد بيحبك  قد ايه مش كل شويه تقوليله علي الموضوع علشان ميملش و يلاقيكي كل يوم بتتكلمي في نفس الموضوع و خليكي في جوزك و بس و كلميها و خلاص في حدود و سيبك منهاا  و كفايا تضايقي محمد انتي عارفه ان من ساعه  اللي حصلك و انتي علطول تعبانه و مخنوقه فكمان مش حلوه انك تشيليه هم بنت عمه و في الاول و الاخر ديه قريبته و كمان علشان عمك معتز ميضايقش  و غيري الروتين و فرحي محمد شويه

موده : هو النهارده عيد جوازنا و انا جبت ليه هديه و كده و بقالي   يومين موصيه علي تورته عليها  صورتي انا و هو و اتمني  انه ينبسط لاني نكدت عليه  بما في الكفايه

سمر: عين العقل يا حبيبتي ربنا يهديكم  و العمر  كله ما بعض ربنا يهنيكم

موده : تمام سلميلي علي بابا و علي فطوم و عليهم كلهم و انا هروح اخلص اللي ورايا سلام

سمر : سلام يا حبيبتي
فاغلقت الهاتف

سمر: ربنا يهديكم يارب و اطمن عليكم و مشوفش حد فيكم  مضايق

فجاء ابراهيم من خلفها : هو كل الدعاء ليهم و مش بتفتكريني خالص

فاخذت نفسها

سمر :  يعني انت عايز تموتني يعني كمان مره قولتلك متدخلش و تتكلم مره واحده كده

ابراهيم ابتسم  بشقاوه: اعمل ايه انا من يوم ما اتجوزتك و انتي قلبك رهيف

سمر ذمت شفتيها بضيق ممزوج بالمزاح : يا سلام

و كانت ذاهبه الي غرفتها

ابراهيم : ايه اخبار فاطمه و سليم لسه برضو ؟!

سمر بتوتر و  لا تعلم ما يقصده اهل يعرف شيئا  ماذا يقصد ؟!!!!

______________________________