بقلمي
الكتابه غدير الحيدري
....
الحياة مرة
بكل حالاتها..
بفرحها بحزنها وحتى بهدوئها
لكن..!!
احنه اللي نصنع لنفسنه امل جديد
امل يعانق ارواحنه
ويكون قريب منا
قررررريب لدرجة النفس
يقال
ان الايام تصقل البشر
وتعلمه دروس هواي
تنطي مواعظ وحكم
وتنطي درووووس حتى لايثق بالبشر
صعب من يحكم عليك الناس
بنظره..!
تكاد ان تكون هذي النظره خاطئه
وماالهه مكان بالصحه
وجود اب صاحب مركز جبير بين الناس
شيخ معروف يدير امور العشيره
وجود اخوه 5 واحد اقوه من الثاني
وزوجاتهم واطفالهم
عائله جبيره ومتكامله
لكن
الينقصهه امي
امي المشلوله
اللي خلصت عمرهه وهي نايمه بذاك السرير
الكل يتعاجز منهه
الا اني بنتهه
اهتم بيهه واداريهه
لأنهه الجنه ومن دونهه مااعيش
اتعب واسمع كلام موجع من زوجات اخويه
بس اكتم ع جروحي واسكت
واكول
يجي يوم واتخلص من الالم
واصير اميره بيت حبيبي
صحيت الصبح
ع صوت بابا الشيخ
حميد:ولج سهررر تعالي بويه جيبي عباتي تأخرت ع الديوان وعندي طلعه للمزرعه
كمت من نومي بسرعه
ورحت حضنته
وجبت العبايه ولبستهه اله
تماما مثل متسوي ماما من كانت قبل
سهر:باباتي من تروح للمزرعه تعال اخذني
حميد:لايبعد ابوج هناك الفلاحين ومااكدر
سهر:اووف بابا مو تدري احب المزرعه
حميد:سهيره شنو قصتج جنتي ماتطيقينهه هسه شبيج متخبله ع المزرعه
سهر:ههههه لالا ماكو شي بس مخنوكه كلنه نرفه عن نفسنه
حميد:دولي عن وجهي خاف اخذج ويخطبوج الفلاحين هههه
سهر:شيخطبون مني جني خليجيه هم جمال عراقي مابيه
حميد:خايبه شبيهم الخليج حلوين مو امج اصولهه كويتيه بس ساكنين بالعراق وانتي طلعتي ع خوالج
سهر:اذا تبقه شوي بعد ابدل واروح للمزرعه قبلك تراا
حميد:اكسر رجلج غير
سهر:بابا اذا شفت هناك ام لطيف كللهه سهر تريد خبز تنور حار اوو شكد احبه
حميد:بعيوني واليوم لاتسوون غدا اخليهه تشوي دجاجات بالتنور واجيبهه واجي
سهر:يمه فديت شيخ كلبي
طلع بابا بعد ماعطرته
وبوسته
المصبرني ع عيشتي المره
وجود امي وابويه
ماعندي خوات بس وحده ومتزوجه بالناصريه
بالسنه يلا نشوفهه مره
ونسوان اخواني كل يوم لغوه وعد عليه من صباح الله
سويت اكل لأمي
ورحت صبحت عليهه وبوستهه
اشوفهه تبتسملي
واني احس ابتسامتهه عافيه
تذكرت كرار من قرر يخطبني
اوف ياكرار تايهه بين حبك وبين اهلي
شلون اعوفهم واجي يمك
وخايفه من ولد عمي لاينهون عليه
كل هاي المخاوف بكلبي بس ضامتهه
واحسهه تختفي بحجايه منه
وحده من نسوان اخويه اسمهه مها
وهاي مها لو جهنم
كشفتني عندي علاقه بكرار
ودوم تبسمرلي
واني ساكته ومااحجي شي
اقشمرهه بالرصيد وبالشغل ومرات انطيهه فلوس او ملابس حتى تسكت
اخوتي مينجرعون
اذا درو عندي علاقه يموتوني
كعدو الجناين وتعاركو بينهم
اني مدخلت
كلهم مجلوبات وكواي
باوعت لأمي مقهوره
شربتهه مي وبستهه من راسهه وكمت
صار الضهر واحنه ماسوينه غده
ننتظر بابا
والجناين اكلو كلبي
مها:هااا وين الدجاجات ست سهر
زينه:الجهال ماتو من الجوع كبر لو مسامعين كلامج
غلا:عزا هسه يجي مهدي يحرك الدنيا فوك راسي ماكو اكل
اسراء:افف اسكتو شوي كافي كركركر وسخات ع اساس مكيفتو خلصتو من الشغل
رسل:ولج سدي حلكج كوه متحملتج
مها:والله انتن مومال رحمه خلي يجي سامي
وحده ترفع وحده تكبس
5 ياربي 5 لاوحده ولا اثنين
اباوع صارت ب2 وبابا ماكو
اخابر ميرد
اكيد كرار بالمزرعه خلي اخابره واشوف
يمكن شافه لبابا
خابرت كرار هم ميرد
زاد القلق بداخلي
بقيت حابسه روحي
شوي وسمعت صرخة مها
مها:يبووووووووو عمي الشييييخ لااااا مايمووووت
انصعقت بمكاني واحس كل جسمي انشل
واطرافي متربطه
طلعت برا بالكوه امشي
واسمه اصوات صريخ ونحيب
فتحت الباب
وطحت
من شفت اخوتي يلطمون
وبابا نايم بالكاع غركان بالدم
صرخت مفزوعه
سهر:بوووووويه
...
كاريس
زاد الصياح برا وانكلبت الامه
اجه رامي شمر اغراضه وطلع يركض
وطيف اجتي مفزوعه
طلع الشيخ وهشام
وانكلبت الدنيا برا صياح وهوسه
وطلق !!
طلعت الحجيه تصرخ
زهره:ماتو ولدي يبووووو
ورنا تصرخ وجميله تكمز وتفتر بنصهم
واني بس صافنه مااعرف شدايصير
كل العرفته خايفه ع رامي
دخل رامي
وشعره مخربط
وبجبينه نازل شوي دم
باوع ع رنا وصاح
رامي:وييييين كرارررر؟
رجفت رنا حسيتهه خافت
تأشر ع السطح وترجف
رنا:فووك فوك بغرفته شكووو فهمني
دخل هشام وبيده الموبايل ويخابر
هشام:ولد العم الحكولنه مصيبه وكعت ع راسنه جيبو سلاحكم
هنا احس كولشي بيه برد
سطل مي ثلج وانذب فوك راسي
سلاح يعني قتل يعني دم
رجفت من خوفي
نزل رامي ويجر بكرار من قميصه
وكرار منتهي!!
وجهه اصفر وبالكوه يمشي
وكع يالكاع ورامي يضرب بي راشديات
ويصيح
رامي:كووووول مو انت كول مووووو انت لك كووول مو انت قتلته كرررررار
الحجيه صرخت وطيف وكعت بالكاع ترجف
واباوع رنا وجهه انخطف
رنا:المن قاتل ولك يمه ابن بطني المن قتل
اباوع ع كرار دموعه تجري وفاقد وعيه يفتح ويغمض عيونه
زاد الطلق والهوسه
رامي فقد كسر الاغراض
وانكلب وحش
خفت من عصبيته صار ميشوف بعيونه
دفر كرار واخذ سلاحه وطلع
التمو كلهم ع كرار يصحون بي
ذبو عليه المي وهو يرجف
وجهه صار ازرك
وشفافه تغير لونهه
رنا تصرخ والحجيه مخليه راسه بحضنهه وتبجي
لحضات عالقه بالذاكره
مستحيييل تنسي
ومستحيل يتغير بيهه شي
هدأ الطلق
ودخل الشيخ بوحده
البيت تطوق وانترس زلم
بس مادخلو جوه
توزعو بالحديقه
احس برروحي كاعده بوسط فلم اكشن
لو بمسلسل وادي الذئاب
اجه الشيخ جر كرار من ياخته
وكومه للصاله
انتبهت كرار كوه يمشي
اريد افهم شصاير
دفعه ع التخم
وكع مهدود الحيل
رنا اجت تركض دفعهه الشيخ وصاح بيهه
لزم كرار من وجهه
الشيخ:انت قتلت الشيخ حميد؟
الكل مصدوم ويباوع وكرار بس دموعه تنزل
صاح بي الشيخ
الشيخ:جاوب اي او لا انت قتلت الشيخ حميد
كرار:موقصدي جنت اتصيد
كال هذا الكلام ويرجف
اباوع الشيخ لزم راسه
وكع بالكاع ركضو الكل عليه
واني ركضت جبت مي
شربو مي
حاله صعبه
خوف وقلق والم كلهه تسللت لروحي بذيج اللحضه
انفتح الديوان
وطلع الشيخ
واباوع اني وطيف من الشباك
انترس البيت زلم شيوخ وهوسه
صار الليل وطلق وصياح ومانعرف شكو
بذيج الليله اذكر الكل برا
بس كرار مغمى عليه ومتمدد بغرفة الحجيه
اجه هشام
جرته رنا ولطمت
رنا:ولك شمسوي اخووووك سولفلي حموت يمه
اخذ امه واجتمعو الكل بالصاله
كعدت يم طيف
ثنينه نرجف مانعرف شصاير
هشام:مصيبه يايمه الشيخ حميد جاي يفتر بمزرعته وكرار شايل سلاحه ويضرب ويصيد
جايه طلقه للشيخ براسه مكومته بالكاع
ومات الكل يكولون كرار الكتله لان شافو السلاح
والطلقه اللي براس الشيخ
نفس نوعية سلاح كرار
ولد الشيخ حميد يردون دم ورادو يكتلون كرار
مايقبلون يدفنون ابوهم الا ياخذون بثارهم
تدخلو شيوخ هواي
بس ماتنحل وخايف لا..
سكت ماكمل كلامه لطمت الحجيه
زهره:خايف من شنو يامسودن
هشام:خايف مايسكتون ويطالبون بدم كرار
بقينه واحد يباوع للثاني
مصيبه جبيره
مر الليل وكرار فاقد وعيه لايحس ولا يشعر بشي
طيف تبجي
واني ابجي وزاد همي من عرفت حميد هو ابو سهر يعني كرار قاتل ابو حبيبته
شنو راح يكون مصيرهم؟
صار الصبح
ووفد يدخل ووفد يطلع
وناس هواي تريد تصلح الموضوع
بس كل الادله والشكوك ع كرار
اخر حل تواصلو اله يسوون كعده باجر
واللي فهمته ولد الشيخ حميد
مايسكتون الا يهدرون دم واحد من اولاد الشيخ عباس
الخوف يكبر يوم بعد يوم
ورنا رغم المصايب تباوع وتكول وجه فكر
تقصدني الي
صعبه
احس بروحي غريبه بنصهم
الم يجر الم
واجه ثاني يوم وتقررت الكعده
اخذتنه الحجيه وقفلت الباب الرئيسيه
وقفلت باب غرفتهه ع كرار اللي نايم وميدري بالدنيا شكو يمكن انصدم
رحنا بغرفه بيها باب صغيره تنفتح ع الديوان
وبدينه نسمع كلامهم
سامي:ابنكم قتل ابوي الشيخ واني مااتنازل ومااصبر الا اهدر دمه
الشيخ:سامي مو هيج التفاهم ابني ماعنده شي وي الشيخ حميد والرصاصه طايشه ومامقصوده
مهدي:هذا الشييييخ سندنه تعرف شنو والله مانسكت شنو رصاصه طايشه تطيح جبل
رامي:خلينه نتفاهم قانونيا الادله تشار ان اخويه القاتل بس ماكو شهود عيان
سامي:الكل شهدو وشافو كرار شايل سلاح
رامي:شافو شايل سلاح بس ماشافو من قتله بعدين منو كال الرصاصه من سلاح اخوي يمكن شخص ثاني عنده عداوه وقتل ابوك بنفس نوعية سلاح كرار
مهدي:انت ماتضحك علينه بقانونك احنه نريد دم وماننهيهه وياكم بفصل عادي
وبعد الصياح والهوسه تقرر ينطون عطوه كم يوم
مافهمت شنو عطوه
بس العرفته يأجلون الكعده
رجعو الكل للبيت واعصابهم تعبانه
رامي وجهه ميتفسر من الغضب
والشيخ كل شوي ضغطه مرتفع
وهشام انخبص بكرار
جابوله دكتور وصارت هوسه
اباوع طيف تتصل بالخفيه
بس مدخلت
همومي كانت اكبر
نمت بالليل بعد تعب شديد
حسيت ب 5 الفجر ع صوت الاذان وع صياحهم
نزلت مفزوعه
اباوع كرار يرجف ويصيح
وكلهم يمه
كرار:ماقصدي اقتله الرصاصه راحت بالغلط والللله
باوعتله حالته تكسر الكلب
انتبهت الروحي
ممعدله حجابي زين
وشوي ثوبي نازل ومبين شوي من الصدر
عدلته وانتبهت هشام يباوع بنظرات كلهه حقاره
كرهته وكرهت نفسي
بدو يهدأون بكرار
واني صعدت للسطح
احس مخنوكه
دموعي بدت تجري مااعرف ليش
بس الاعرفه مدااكدر اكمل حياتي هنا
حسيت شخص لمس كتفي
بقيت منصيه هذا اكيد رامي
لمساته صارت اكثر جرأه
التفتت بفزع
صار بوجهي هشام ..!!!
غمزلي وتقرب
هشام:شعدهه الحلوه بالسطح تنتظريني؟
خفت من عنده تراجعت للخلف
وهو تقرب لحد ماحصرني
صرت ابجي ومااعرف شسوي
كاريس:وخر عنيييي وخرررر
راد يبوسني دفرته برجلي بالوسط
ودفعته وكع بالكاع يتلوه
جريت النفس وانهزمت
مثل المسجون
مكان خوف ورعب
وين مااروح خوف خوف
بكل زاويه بهذا البيت موت الي
هو بوضع المفروض يفكر بأخو
بس هذا قليل الشرف كولشي يسوي
سديت باب غرفتة طيف
وكعدت ابجي
احس روحي اختنكت اكثر
مدااحس بأمااان
مامأمنه ع روحي هنا
صار الصبح
واني اون
بديت اسمع اصواتهم جوه
بدلت واني ارجف
خايفه شلون انقذ روحي
شلوووون؟
نزلت جوه
شفت الحجيه كاعده
ويمهه طيف نايمه بحضنهه
كعدت يمهم ارجف
بس احاول مااضهر خوفي
طيف تبجي وراسهه يوجعهه
باوعتلي الحجيه
زهره:اكلج يمه اطلعي من الحديقه ع الممر الخلفي جيبي مناك ملح خلي اقره ع راس طيف
كاريس:وليش مو من المطبخ اجيب
زهره:هذا مال اكل ذاك اني مخصصته لهيج سوالف
عدلت شالي وطلعت
الحديقه جبيره بنهايتهه الممر
الحراس برا
والبيت فارغ
اخذت ملح من الممر
ورجعت بعدني بوسط الحديقه
سمعت اصوات رصاص قريبه عالبيت
وبدت تعلى وتقوى
وصوت صياح
حسيت النفس انكطع
وكلبي رجف
كمت مااكدر اسيطر ع روحي
صار رمي قوي وكعت بالكاع
لزمت اذني واحس بدوخه قويه
يمكن راح اموووت
تمددت يم الزرع وفقدت الوعي
طيف
طوال هذي الفتره علاقتي تطورت وي مراد
سوالف ومخابرات
صار يساعدني بكولشي
ومينقص عليه شي
صرت احسه شي ملاك ونزل من السماء
ملاك الرحمه الي
عشقته وعشقت كل تفاصيله
مافكرت بأي شي غير حبه
صارت شغله كرار وزاد الرعب
خابرت مراد
وهو الوحيد اللي كان يواسيني
ويصبرني
كنت اخابره واشوف خطه مشغول
واسأله بس كان يغلس
هذي كلهه مو مهمه
المهم حبي يستمر ويا
راسي وجعني هواي
وبديت ابجي
خايفه من كلشي
طلعت كاريس تجيب ملح
وبطلعتهه صار رمي قوي
فزعنه اني وبيبي وطلعنه برا نركض
ندور عليهه ماكو
اخيرا لكيناهه نايمه جوه الشجره يم الزرع
شكلهه مغمى عليهه
شلناهه واخذناهه جوه
خليت ماي عليهه بالكوه صحت
وترجف وتبجي
قهرني منظرهه
والدنيا معتلكه برا
تهسترت علينه وزاد رجفهه
حقهه تخاف مامتعلمه ع هيج اجواء
حضنتهه بيبي وقرتلهه المعوذات
هدأت شوي ونامت
مر وقت طويل ودخل رامي يصيح
وبابا وهشام وولد عمي وراه
انترس بيتنه
العرفته واحد من اولاد الشيخ هاجم علينه
الخوف سيطر ع الجميع
وماندري شيصير
تحددت كعدة تصير بعد يومين
مر الليل بألم
جنت اشوف كاريس بس تبجي
وحابسه روحهه بالزاويه
حتى مااكلت
خفت هواي
حالتهه تقهر
تقربت يمهه حضنته وزادت دموعهه وشهكاتهه
ماعرفت سبب دموعهه
بس اكيد خوف واكيد هي محتاجه اهلهه
صار الصبح
وانشغلنه
هوسه واحد داخل واحد طالع
كاريس تركتهه نايمه بغرفتي
كعدت جوه شفت رامي
سألني عن كاريس
رامي:طيف وين كاريس
طيف:يمكن بعدهه فوك نايمه
رامي:امشي صيحيهه عندي كلام وياهه
صعدت للغرفه ماكو
دورت عليهه بكل مكان ملكيتهه
حتى اغراضهه مختفيه!!!
رجفت وضربت وجهي
عزا بعينج كاريس
بس لا انهزمت!
نزلت اركض واصيح
طيف:بيبيييي بيبي شفتي كاريسس
زهره:شكو شبيج لا ماشفتهه بس قبل شوي كانت بالمطبخ شكوو
رامي:طيف شبيج شنو
طيف:رامي كاريس ماكو لاهي ولا غراضهه
بيبي شهكت
ورامي صارت عيونه حمره
طلع برا وصاح ع الحرس
وانخبصو يدورون عليهه
كلبي كان لازمني من هالموضوع
اكيد كاريس متحملت وضعنه وانهزمت
بس شلون ياربي وين راح نلكاهه
وهذا رامي شيسكته
كلبنه البيت كلاب وماكو
وين راحت
ورامي مثل المخبل بس يتعارك
ويصيح
اخير شي اخذ سيارته وطلع
وماندري وين راح
صرت احس بخوفه
الاوضاع تكركبت
وبيبي وجهه صار اصفر وانخطف لونهه
جميله راحت لبيت اهلهه تخاف
ورنا ملتهيه بكرار
واني اجتني مصيبة كاريس النوب
بقيت الوب وافكر بيهه بخوف
خابرت رامي ميرد
صار الليل ولا رامي موجود ولا كاريس
انتظرتهم لل1 ماكو
بيبي تعبت وراحت نامت
واني بقيت دايخيه
خابرت ع مراد مشغول
انصدمت !!
وي منو مشغول يامراد
لحيت بأتصالي وفتح
اول ماردلي كان رده بغضب وصياح
مراد:خيييير طيف شبيج
طيف:وي منو جنت مشغول والساعه حتصير 2
مراد:شوفي طيف حركات الغيره والشك مااحبهه
طيف:بس اني احبك ودااغار عليك
مراد:كتلج هذي الحركات ماااااحبه شبيييج متفهمين
دمعت عيوني واختنكت
طيف:شبيك تصيح مراد
مراد:لتتدخلين بأي شي يخصني اخابر مااخابر معليج
طيف:شنو معليه انت شصايرلك اني وانت نحب بعض وهذا يعني كولشي نشتركه
مراد:اوووه انتي طفله والكلام وياج ضايع روحي خليني انهمد
طيف:ترا هاي مو طريقه تعاملن...
انغلق الخط بوجهي
نزلت دموعي المكتومه
هذي مشكلتي
لا اعرف احب ومااتألم
ولا اعرف اترك الحب اصلا
بجيت هواي
وكل لحضه انتظر يتصل
بس ماكو..
صار الصبح
وزاد اليأس اللي بداخلي
ردت اروح للكليه
هشام ماقبل
حياتنه مهدده بكل وقت
مااعرف شوكت راح ارتاح
كعدت اخوط بكوب الجاي
حتى ولا اكلت
وكل واحد بينه ملتهي بضيمه
كرار ميت بس يجر النفس
ونايم ع المهدأت
صرت اشوف حالته شلون تعبانه
واعرفه
مقهور ع سهر حبيبته
اللي راح تنصدم بي وهو قاتل ابوهه
صارت ساعه 10
واجه رامي
مثل الاعصار ودخل
مافهمت منه شي
لحكته لغرفته
لكيته مكسر الغرفه
طيف:وين كاريس؟
رامي:بجهنم الحمرا
طيف:رامي جاااوبني
رامي:مالكيتهه مالكيتهه كلبت الدنيا عليهه ماكو ولج تفكيري بيهه موتني نوبه اكول اخاف لكوهه عمامهه ونوبه اكول اخاف مخطوفه ولج افكار تخطر ع بالي راح تجنني
طيف:المختصر كاريس ماكدرت تعيش عيشتنه شالت اغراضهه وراحت
رامي:اني مو اوتيل شوكت ماتريد تبقه وشوكت مايعجبهه تروح اطلعهه من جوه الكاع واخليهه تحفر كبرهه بيدهه بس خلي الكفهه اذا مدمرتهه
طلعت من رامي وعفته
كل واحد اله مصيبته
ويتعاقب عليهه
رن فوني باوعت مراد
شغلته
رجع رن وهم شغلته
اخير شي خليته صامت
واراقب واحسب لأتصاله
رسلي رساله
مراد:ردي لا ومحمد اجي لبيتكم
باوعت بده الخبال
دخلت الغرفتي
اتصل مراد
وبنهاية الرنه يلا فتحت
طيف:شبيك اخذ راحتك اني مازاعجتك بشي واسفه ع ازعاج البارحه
مراد:احبج
نصيت راسي احس هدت اعصابي
طيف:مراد كافي
مراد:جنت مزعوج حياتي مااقصد هيج
طيف:مراد خليني مرتاحه منك وانت هم ارتاح مني بعدنه بداية علاقتنه
مراد:طيفي هيج سهله عليج نفترك
طيف:سهله عليك انت
مراد:كاافي انسي البارحه وجاوبي ليش مااجيتي للكليه واني ميت ع شوفتج
طيف:مااكدر اطلع الاوضاع متأزمه يمنه
مراد:العالكهه رامي المخبل شوكت يموت واخلص منه
طيف:مررراد لتدعي ع اخويه
مراد:اخوج صديقي
طيف:حتى لو لتدعي
مراد:اووو شوف الدلع طيفي اريد اشوفج
طيف:مااكدر هذي الفتره اجي للكليه
مراد:لالا مااقصد بالجامعه
طيف:لعد وين؟
مراد:هيج بمكان هادئ او بيتي تجين
طيف:مراد شبيك لتخوفني منك شنو مكان شنو بيتك انت شايفني وحده من الشارع
مراد:طيييف شحجيت اني ليش تفسرين كولشي غلط كتلج اشوفج بيتي يعني نتكلم مو مثل تفكيرج راح لبعيد
طيف:يعني وين يروح مثلا
مراد:مااعرف وين يروح بس احسج خبره
تخبلت من كلامه
طيف:مراد كافي بعد لتخابرني
مراد:شبيييج
طيف:شنو هذا كلامك ليييش هيج ماخذ نظره عني
مراد:كافي حبي لانظره ولا شي اتشاقه وياج حب
طيف:روح مراد كافي
مراد:طيفي
طيف:كافي كافي عوفني
مراد:اخليج ترتاحين بعدين اتصل اوك
طيف:لتتصل
مراد:اهوو ع الدلال بلي اتصل معليج انتي هي حبيبتي واخابرهه
طيف:باي
سديت الخط وبداخلي ضوجه
شنو هيج يعاملني ويحجي وياي
نزلت شفت كرار طالع يمشي بسرعه
وعيونه حمر
ركضت عليه خفت لايسوي بلوه
لزمته
طيف:كرار ويييين كرار
باوعلي وعيونه تصب دموع
كرار:رايح عليهه طيف لازم افهمهه واكلهه مااقصد من كتلت ابوهه ماادري الرصاصه تطيح بي
طيف:ولك كرار يكتلوك والله اكعد احلفك بالعباس
طلعت رنا ودفعتني
رنا:وين ماخذته تريدين ينقتل
طيف:اني داامنعه مااريده يطلع
كرار:خلوني اروحلهه طيف مداتحمل
رنا:لك يمه اكعد مابيه حيلك والله
كرار:كاااافي تعبت يابشر تعبتتتت
كعد بالكاع مسحت وجهه
حضنته وبده يبجي
احسه مكسور من الداخل
بجيت ع حاله اخذته للغرفه
نام ع ايدي وهو يون
كرار:ماادري شلون هيج صار مااعرف ومااقصد والله طيف اتصلي بيهه حاجيهه داموت مداتفتح خط اكيد عرفت اني اللي قتلت ابوهه
طيف:اهده كرار اهده ع كيفك اوعدك هسه اخابرهه
تركته بالغرفه وطلعت
اتصلت بيهه اول رنه مفتحت
ثاني اتصال انفتح الخط
طيف:الو سهر
مها:اني مو سهر اني زوجة اخوهه الجبير شكو بكل عين صلفه متصله بعد مااخوج الحرمه كتل عمي تتصلين ايا قليلين الاصل
طيف:خليني احجي وي سهر كلامي وياهه مو وياج
مها:شتريدين منهه عوفيهه بضيمهه الله لايوفق اخوج الساقط الدايح ولا يوفقكم يا....
بقت تغلط وتدعي بعدت الفون عن اذني
ماكدرت اتحمل دعواتهه
طيف:بس افهميني اني ماطالبه شي بس اسألج عن حالة سهر
مها:سهر من شافت ابوهه مكتول وعرفت الكاتله اخوج وكعت وصارلهه يومين ماصاحيه عايشه ع المغذي وبعد لاتكربون صوبنه لا اكول لسامي اخلي يذبحهه
سدت الفون بوجهي
سهر
بعد كل شي حلو مضى
وكل لحضه جميله عشتهه ويا
صار مصدر خوفي
صار جتالي
كتل ابويه
لييييش؟
بعد ماشفت منظر ابويه لطمت
وملخت نفسي
اشوف الكل يصرخ
وصياح الاطفال ملئ البيت
اخذو ابويه وطلعو
طلق وهوسه انكلبت الدنيا
واني املخ بروحي
ماهديت ولا لحضه
وجه ابويه متروس دم
كل مااتذكره اصرخ بفجعه
لليل اجتي اختي علا من الناصريه
وكفت كدامي وشبعت لطم
تأثرت اكثر الكل
لأن ابوي هو سندي
وبغيبته راح تلعب بيه الايام
اشوف امي متمدده ودموعهه تنزل بغزاره
اصرخ وادعي ع القاتله
لحضه وسمعت القاتله محبوبي..!!
اكو انذل من هيج شعور
اكو اصعب من هيج الم
كان وجع يخترق روحي
كل لحضة عذاب مريت بيهه سببهه كرار..؟
وكعت من طولي ورحت لعالم ثاني
عالم اظلم احتظني
وفتح جروح هواي بداخلي
اتسائل
ليش القدر خلاك تموتني عليك
وليش موتي صار ع ايديك
وليش كل لحضه حلوه مرت
واني اسولف بيك
كلشي انتهه
واني انتهيت..!
بطلعة من لا رجوع له
وكأن الحياة رسمت عالم ملون
وقدر مؤلم سكب السواد
وصرت عتمه
وروحي ضلمه
وكل احساسي تبنج
استفقت من نومتي الطويله
نايمه بغرفتي
والمغذي ع ايدي
واسمع مها ترزل وتحجي
شفتهه شايله فوني
اعصابي رخت وبقيت حالي حال المشلوله
اجت يمي باوعتلي وصفكت
مها:هاااا ست الحسن كعدتي ابشرج ابوج مات سكن المكبره بسبب حبيبج الفاشل المورجال حابس روحه موووو اذا ماكتلو اني اكتله بيدي واخليج تلحكينه للمكبره
كان هذا اول سهم اتلقاه
واحس بروحي ضعيفه
خاويه لدرجة المووووت
بقت دموعي تنزل واون ومحد يسمع ونيني
شصار بيه؟ وشصار بيك
الدنيا عافت هلي وناسي
ومرمرتني بين اديك
شلون حتمر الليالي
واني اعرفك ماتنام
شلون كلبك كدر ينسه
وكدر يتركني بحطام
يجتالي شلووون نتلاكه
وانه ادري وانت تدري
الهوه اليخنك يمرني بسبب عشاكه
بقيت محطمه
مااعرف شنو مصيري
ليش كرار كتل روحي
ليش سلب احاسيسي
مو جنه ناويهه عرس
وبدله وقميص وفرح
شو هسه كلهه تغيرت
تجازيت بس بالوجع
وبجرحي رشة ملح
احساس يخنك
احساس مدمر
بيمن افكر
بروحي اللي سكنت النجف
لوبيك
عليمن اخاف
ع روحي لو عليك؟
وكعتني بحفره سوده
ونه اظنهه كبر ليه
وكعتني بديرة غربه
وخلصت جروح العليه
الحياة غير منصفه دوما
بلمحة بصر تهجر روحك القديمه
ابتسامتك المفعمه بالحياة
احساسك المرهف
تنطوي على ساتر الذكريات
كم حاولت ان اكون لك
ملك يديك
شيئ يفتح الامل بك
حاولت ان اكون ابتسامتك
انسيك تعبك وحزنك
انسيك نفسك
لكنك ببساطه خذلتني
قلبي سيكسر
هل قلبك راضي
احساسي تهشم
هل ضميرك قانع
لماذا علقتني بك؟
لماذا سجنتني بمشاعرك؟
لماذا اسرت بعينك
يصعب على روحي بعد ذلك الحب ان تنساك
يصعب على مشاعري ان تهوى غيرك
يصعب علي ان اتركك وحيدا
ماذا افعل انا تائهه
دلني اليك
وقل لي ماهو سبل النجاة
انقذني منك
مرارا وتكرارا اقولها
احبك بشغف
واكرهك حد الحب
كاريس..طيف..رنس..سهر..
مشاعر متألمه
...
شنو سر اختفاء كاريس؟ ووين راحت؟
تفاعلو اذا شفت التفاعل قوي انزللكم بارتات مفاجئه
اذا اكو تفاعل اذا ماكو اعوفكم ع البارتات اليوميه
انتظرووونا