قلوب على وشك الانكسار (خذلان)

بارت 32

بقلمي
الكاتبه غدير الحيدري
...
The end
الجزء الاول
جمعه مباركه وقرائه ممتعه
🌹🌹

لقائي بك
اشبه بلقاء السفن البحريه
تراطمنا سويا
وتراطمت كل الموازين
قربي منك
يزيدني حنينا لك
يزيدني الما لفراقك
اين كنت؟
كيف اتيت
كيف اتيت يا سر نجاتي
..
صرخت خالي
وركضت
ارتميت بحضنه وصرت ابجي
شهكت واني اوصف شعوري
شميت بي ريحة سند
ريحة امي اللي افتقدتهه
بقيت ابجي بحضنه
رفع راسي بيده وباسني

عباس:يابعد خالج شلونج

مسح دموعي وهمست

كاريس:خالو اشتاقيتلك واشتاقيت لماما والبابا
عباس:يابعد خالج كافي دموع قبل 6 اشهر رجعت للعراق ودورت عليج وعمامج الكلاب ماكالو وين انتي وسألت اقاربكم بالموصل وكالو متزوجه بكربلاء وبقيت ادور عليج لحد مااجيت

التفت وباوع ع رامي

عباس:وتلكوني بالمشاكل شبيج بنتي شكو وهذا العار شمسويلج

شفته يباوع ع ايمن
همست

كاريس:خالو الكل خذلوني واذوني حتى انت مافكرت بنت اختك ماسألت عنهه
عباس:خلي هذا الكلام بعدين
الشيخ:اكعد ياابو حسن خلي نتفاهم

كعد خالي وكعدت يمه
وبده الشيخ يسولفله قصة مجيئي لبيتهم
وزواجي من رامي
ولحد ماوصل لقصة ايمن

عباس:اسمع منج خالي
كاريس:خالو اني ورامي كانت علاقتنه مو زينه وحملت واجهضت والسبب خيانته المتكرره الي ماانكر ان كلهم زينين وعاملوني مثل بنتهم بس ابقه مو بنتهم ايمن الحقير تمسكن وطلب مليونين واني عاملته بأخوه وردت اسحب من مالي الخاص بس هو مايقبل رامي يعرف لان سبق وكانت بينهم مشاكل نطيته الفلوس وكل الكلام المسجله هو محاورتي ويا بشأن المبلغ بعد فتره اجه وسحبني وجميله زوجة ابنهم المرحوم اللي سبق ولزمتهه وي رامي بوضع حرج صارت تتهمني بشرفي وايمن طلع تسجيل صوت واني مكايله هيج ولا عندي شي يمس شرفي والله

شهكت ولزم ايدي خالو
واباوع رامي صافن
بوجهي

كاريس:اجو الكل وشافو الوضع ومحد صدكني ورجعت لبيتي اللي اشتريته بفلوس بابا وماما وبعد كم يوم اجه الشيخ ويا رامي والسيد وطلكنه

اباوع ع خالي صار وجهه احمر من الغضب
وكف وسحب ايمن من ياخته

عباس:راح تعترف لو اصيح لحرسي يكسروك
ايمن:لا لا هذا اتفاق بيني وبين جميله زوجة ابنهم حتى اني احصل ع كاريس وجميله تاخذ رامي والتسجيل مفبرك وسويته يم شخص يعرف بهيج اشياء بس حتى نفرق رامي وكاريس هاي خطه وكاريس بريئه منهه

دفره خالي وصاح

عباس:خلي يسمعوك اللي اتهمو بنتي بشرفهه
ايمن:كاريس بريئه