بقلمي
الكاتبه غدير الحيدري
...
لااعلم شعوري ماهو؟
وانا بين يديك
الدنيا تضيق بشده
وترميني في احضانك..!
لا اعلم بكمية الحب الذي يدور بيننا؟
الاحاسيس اللتي تربكنا
وحتى النظرات!!
كانت كفيله ان توقعني بك
..
اصطدمت بي..
حوط ايده ع خصري
وبقه يباوع بعيوني
ماكنت اعرف شنو الشي اللي يصير
احس بروحي ضايعه
تايهه
اريد اوخر عنه بس مااكدر
شي يربطني بي بغض النظر عن ايده
خله كصته ع كصتي
وغمض عيونه
بقيت صافنه
لحظات تخطف الانفاس
ابتعد عني بهدوء ومسح وجهه
واني بديت اتنفس
احس هسه النفس يلا بدا يدخل لصدري
خفت هواي منه
باوعلي وابتعدت حتى امشي
لزم ايدي..ونترت!!
كاريس:كااافي شتررريد؟
رامي:مااريد شي اهدي
كاريس:عوف ايدي
رامي:خلص عفتهه
ترك ايدي وباوع بعيوني
رامي:اكو شي اشتريته الج واريدج تقبلي
كاريس:شنو؟
رامي:تعالي وياي
مشه ومشيت ورا وصلنه لغرفته
بقيت واكفه برا مدخلت
رامي:شبييج ترا ماسويلج شي ههه
دخلت للغرفه بكل ثقه
كاريس:طبعا لان متكدر تسوي شي اصلا
ابتسم وفتح كنتوره
رامي:كولشي اكدر اسوي
طلع علبه صغيره وتقرب يمي
رامي:وهاي اللي بركبتج صار لازم تنزعيهه
لزمت الصليب بيدي
تذكرت هذي ذكرى من امي وابويه
رجعت ليوره
كاريس:رامي هاي من بابا وماما مااكدر
رامي:لانج صرتي مسلمه ميصير تلبسين صليب تكدرين تحتفظين بي لكن ميصير تلبسي
كاريس:احسه ينطيني امان
رامي:كاريس كتلج تحتفضين بي تضمي بعدين اني جايبلج شي ينطيج الامان
كاريس:هههه شنو هو
رامي:ذبي الصليب وتعرفين شنو
ذبيته للصليب ولزمته بيدي
فتح العلبه وطلع
مداليه ذهب ع شكل قراءن
ابتسمت
كاريس:قرااءن
رامي:شمدريج
كاريس:يمعود اعرفه ههههه
رامي:يلا لبسي هذا هديه مني
كاريس:لالا هذا ذهب وهيج مااكدر اخذه منك
رامي:كاريس كتلج هديه والهديه لاترجع
كاريس:هههه من صدوك شكرا
باوعلي وابتسم
لبست المداليه وفرحانه بيهه
كاريس:حلوه
رامي:تخبل
كاريس:رامي شكرا ع كولشي تسوي الي مااعرف شلون ارد هذا الجميل
رامي:هههه روحي نامي اكره الرسميات
كاريس:هههه تصبح ع خير
رامي:كوكي
باوعت عليه بغرابه وضحكت
كاريس:كوكي منو
رامي:انتي كوكي ابقي اضحكي ضحكتج حلوه
كاريس:ياااي خجلت
رامي:هههه
طلعت من غرفته واني فرحانه
يوم بعد يوم احس شي بداخلي دايتغير تجاهه
وحتى هوه تصرفااته غريبه ويايه
معقوله اكو شعور حلو انولد بينه
رجعت للغرفه
وبعد تفكير طووويل نمت
حسيت الصبح ع صوت المي بالحمام
باوعت طيف ماكو
اكيد داتسبح
غسلت وغيرت ملابسي
واباوع للقراءن يجنن بركبتي
لحضه وفكرت يمكن بابا زعل لأن غيرت ديانتي
لا لا حتى لو يزعل اني عندي اعتقاد تام
اني على صح
ومستحيل يدخل الشك بكلبي
فكرت بعمامي
يمكن نسوني وبطلو يدورون عني
اكيد اصلا
واني خلص راح ازاول حياتي هنا
الضاهر انكتبلي قدر جديد بمحافضة كربلاء
ابتسمت واني اتذكر رامي
مااعرف هالايام احس نبضاتي تزيد من ينذكر اسمه..
معقوله احبه!
اي معقوله ليش لا؟
وحتى هو من نظراته مبين يحبني
نفس هذي النظرات بابا كان يباوع لماما
لازم اتأكد من مشاعري اكثر
وماراح اتردد ولو لحضه بحبي اله
طلعت طيف من الحمام شكلهه تعبانه
كعدت ع سريرهه
YOU ARE READING
قلوب على وشك الانكسار (خذلان)
Romanceالكاتبه غدير الحيدري كراحلة انا..! عن بلادي وتائهه كطير مهاجر قد ترك ملجأه وهرب وكروح هائمه بجلمود صخرا لايشعر بها الم يكفي خذلانا الم يكفي وجعا انا تائهه بين افكاري المتشتته اريد وطنا وامانا اريد حضنا ينسيني الهموم معا قلوب على وشك الانكسار (خذلان)
