قلوب على وشك الانكسار (خذلان)

بارت 12

بقلمي
الكاتبه غدير الحيدري
......

مساء الكاكاو 🍫
..
من تضيق عليك السبل
تلتجأ للمجهول
المجهول...!!!
مكان متعرفه وين
قد يكون مهجور بالنسبه الك
او يكون موطن اهتمامك...
مسحت وجهي بتعب
القلق يحتلني
واني كاعده بالشارع ع الرصيف
تذكرت..
ضاقت عليه كل الطرقات
كمت احسهم مو يمي
نظرات هشام الوسخه زادت
صرت احسه ينظرلي كفريسه
يريد بأي وقت يمسكهه
ويفرغ مطامعه بيهه
لازم اهتم بروحي واعيش
لشوكت ابقه مرتبطه بيهم
اكل هبطاات والم
وبسس
اما رامي
رامي بوحده الم الي
استغليت فرصة انشغال الحراس
لملميت اغراضي والمستنداات وطلعت
طلعت الى حيث لااعلم
بس جنت اشوف المستقبل كدامي
جنت اشوف روحي المسجونه اللي تحررت
طلعت للشارع ودايخه
افتر راسي
وامشي بسرعه
خوفي لايحسون بعدم وجودي
خوفي لايلزمني رامي
سألت رجال جبير

كاريس:عمي وين الطريق اللي يودي لصحن الحسين
:بنتي خلصي هذا الشارع بطوله وبعدين روحي للجهه اليمنه مدري اليسره وتوصلين

باوعت عليه بأنزعاج
اوووف هو اني هم حضي جابني عليك
مشيت مثل ماكال ورحت جهه يمنه
صار الامام كدامي
بقت دموعي تجري
وادعي بداخلي
اتمنى لو انتزع كل همي يمك
وصلت لهناك الامام الحسين هواي اكو يمه زوار
دخلت للأمام العباس
واني ابجي
احس الكل يباوعون عليه
واني ابجي بحركه
زرت الامام ولزمت الشباك بقوه
تذكرت رامي واهاناته الي
شهكت بقوه
ابتعدت وكعدت قريب من الامام
بقت عيوني ع الضريح وابجي
شكيتله كل همي
مر وقت طويل واني كاعده
قضيت الليل بصحن الامام العباس ع
والصبح
طلعت بين الحرمين
منظر الحمام وهو يحط بسلام
بالقرب من امام الرحمه
نسمات الهوه البارده
ترست داخلي امااان
اكلت بسكت وشربت حليب
مو جوعانه هواي
تفكيري كله يم رامي ويم الحجيه وطيف
يمكن هسه ملتهين بشغلة كرار
اني عالة عليهم
من البدايه لازم اعوفهم
دخلت للحسين ع
وزرت وبجيت ودعيت هواي
دعيت براحة البال الي
بطمأنينيه وامان
بملجأ اخ صرت مشرده بعدج يايمه
ماعندي خيمه بابا
دعيت لأهلي هواي
تمنيت اموت وانجمع بيهم بأقرب وقت
مر وقت وساعات هواي
اشوف الزوار يدخلون ويطلعون
ياالله ع جمال الحضره
جنه وراحة نفسيه
عطر غريب يتخلل بأنفاسي
صليت صلاة المغرب وجعت
وصرت احس معدتي وبطني توجعني
طلعت برا حتى اكل صار هواي ماماكله
اشتريت لفة وبديت اكل
الناس تفوت وتطلع
يضحكون ويسولفون
ابتسمت ع جمال منظرهم
كملت اكل وبطني بعدهه توجعني ودخت
مشيت لازم اشوف مستوصف او شي وجعي زاد سألت وتوجهت لمستوصف
احس وجعي يزيد اكثر
كعدت ع الرصيف
دنيا ليل
غمضت عيوني بخوف
...
رجعت للحاضر
كاعده
لابيه اروح مستوصف
ولا بيه اكعد هنا
الوجع سيطر عليه وردت اوكع
كاعده بنص شارع
والسيارات تمر
وين صفه بيج الدهر
صرتي مشرده
اخ والله نار اهلي افضل من جنه اعيشهه بدونهم
حسيت سياره وكفت يمي
وشخص نزل
رفعت راسي بتعب باوعتله
كان رامي..!
هذا وين لكاني؟
وشجابه؟
باوع عليه بغضب
جرني من ايدي بقوه وصعدني بالسياره بدون كلام
يمشي بسرعه واوردته مبينه
وكفني بمنطقه ضلمه
كل لحضه تمر اكول هاي نهايتي
راح اموت اكيد
وجعي مستمر بس خوفي صار اقوه
نزل ونزلني من السياره
باوعت منطقه فارغه مثل البريه
دفعني ع السياره وحصرني
يباوع ونظراته خزره
صار قريب حيل مني