قلوب على وشك الانكسار (خذلان)

بارت 22

بقلمي
الكاتبه غدير الحيدري
....
مرحبا
مشتاقتلكم هوايه
كل حرف اكتبه يرجع الي
واذا اريد اكتب خاطره مو مالتي انوه واكتب ملاحضه عنهه
...

غضبك لم يغير من قراري شيئا
نيران رغبتك لن تنرسم على جسدي المتعب
وحتى صراخك لم ينفع
لاتحكم بقراراتك المنبوذه
وتطبق قوانين العاشق على من كشفت خذلانك
لا تحاول ان نرجع كالسابق
فلنقل
اني تمكنت من نسيانك
لاتلون الايام ربيعا
فقد كشفت ان خريفا الوانك
...
رنس

قررت بلحظة غضب
اني موافقه ع حمزه
اباوع قائد صار وجهه ميتفسر
وكلهم انصدمو
باوع قائد بثقه وابتسم

قائد:شيخنه شو خابره بله كدامي وكله ان رنس موافقه خليني اسمع رده هااا وافتح سبيكر خلي الخاتونه تسمع

كان يحجي بثقه
وخفت من نبرته
رفع بابا الفون واتصل بعمي
وقائد يباوعلي من جوه ليفوك
كنت لابسه دشداشه
حتى ماانتبهت ع روحي من دخلت عليهم

الشيخ:الوو ابو سامر شلونك خويه
:هلا ياشيخ الحمد الله
الشيخ:خويه رنس وافقت ع الزواج من حمزه
:شنو القصه شيخ حمزه قبل كم يوم تعارك وياي لان مجبور ومايريدهه واجانه قائد البارحه وكال خاطب بنتكم وانتو ناطينه وانه كلت قائد خوش ولد ويحافظ ع رنس وبنتهه

احس انصعقت من الصدمه
وقائد يباوعلي ويبتسم
غلق بابا الفون بغضب وصاح

الشيخ:قائد لحد هسه محترمك ومقدرك وانت رجل جبير شلون هيج تتصرف
قائد:ماتصرفت شي غلط وهي الحقيقه رنس ماتصير الغيري
رامي:لحضه لحضه شو انت ماخذ راحتك وتحجي بأختي كدامي قائد انت اكبر مني لتخليني اغلط بحقك
الشيخ:انه مو طرطور وانت تتصرف بكيفك روح قائد ماعندك مره يمي
قائد:شسالفه شيخ شبيك انكلبت ضدي
رامي:انتبه لتصرفك هذي مو عمله تسويهه تتصرف من شورك
زهره:قائد رنس صغيره والحياة كدامهه هي كل عمرهه 28 سنه وانت 40 سنه وانه ماانطيهه الك روح اتزوج اللي تناسبك
قائد:ترا اني داخللكم بالحلال وعيب هيج تحجون وياي يعني يكون افضل من رنس تتزوج حمزه اللي مايريدهه
رامي:انت ماالك حق احنه اللي نتصرف
قائد:انه اترخص لكن والله وبعالي سماه مااكون رجال من ضهر رجال اذا مااخذتج يارنس

وطلع حتى بدون مايسلم
باوعت ع اهلي اعصاب
صيحت وكلبت الدنيا عليهم
احس نار كلبي متبرد
مسويني كيكه يقسمون بيهه
لو جائزه الكل يريد يفوز وياخذهه
تعبت هواي وبجيت هواي
الى متى ابقه ساكته
والناس تقرر عني
الى متى ابقه رنس الضعيفه
كعدت بالغرفه ابجي
واجتي طيف تواسيني
اباوع حالتهه اسوء من حالتي
خليت راسهه بحضني وصارت تشهك

رنس:طيوفه شبيج
طيف:اني تعبانه رنس
رنس:شنو المتعبج بنوتي

باوعتلي وشهكت

طيف:رنس اني دااعاني اني اريد امييي
رنس:كافي دموع كومي يلا انتي قويه وجبيره
طيف:مابقت قوه والله
رنس:طيف انتي واكعه بشي