قلوب على وشك الانكسار (خذلان)

بارت 34

بقلمي
الكاتبه غدير الحيدري
....
مسائكم كاكاو نوتيلا طبعا
اللي لعبت نفسهه من التأخير
اخذي ابره بلاستين
ترا مفيده هههههه
دكتورتكم غدير الحيدري😀
قرائه ممتعه
....

المك يقسم القلب نصفين
فكيف ستحمل روحي اوجاعك
..

حسن:كاااااااريس تعالي

بقيت صافنه
هذا شيريد
معقوله يتعاركون علمودي
نزلت اركض
ومخليه ايدي ع كلبي
شفت خالو كاعد
وحسن واكف يم الدرج

كاريس:نعم شكو ؟
حسن:اليوم شافج واحد من طلعتي من المكتب

بقيت فاتحه عيوني

كاريس:شتقصد مداافهم
عباس:حسن لتكبرهه
كاريس:شنو منو الشافني
حسن:من طلعتي رجال طويل دخل للشركه شافج

تذكرت ذاك اللي عمره بنهاية الاربعينات

كاريس:اي بس واحد كبير بالعمر ولابس زي رسمي

اباوع لحسن ضرب ع الميز
ونتر

حسن:كلت بمكتب العقارات متداوميين ميصير وانت يابه خليتهه تداوم فهمني شلون وي هذا ازااال

صفنت ازال؟
منو هذا

كاريس:شنو خالو مداافهم
عباس:روحي خالو هذا حسن مكبرهه للسالفه
حسن:شلون تكبر اكلك شافهه فهمني شلووون
عباس:ازال ماعنده شي يمي مجرد صديق ويانه يجي فتره ويروح لتطوخهه بعدين كاريس مكتبهه جوه مو يمهم لتبقه تهووس
حسن:شوف شحيسوي هذا عود من يصير شي كلي لان اعرف ازال ميسكت

باوع عليه حسن

حسن:وانتيييي اني مو منبهج الا يخلص الدوام يلا تطلعين لو تحبين المشاكل
عباس:ولككككك حسن سد حلكك وكافي تتجاوز

انسحبت واني كمية حزن جبيره بداخلي
مافهمت منو ازال
شنو الغلطانه بي ياربي
صعدت فوك
دخلت للغرفه
تمددت ع السرير
اخ ياامي لو انتي يمي
اوجاعي كلهه تزول
دخلت سالي للغرفه

سالي:مفروض يخلون شباك بغرفتي هاي مو حاله

وكفت ع الشباك وتصيح ع منير
هواي عدهم انفتاح
يمكن لأن كانو عايشين بالخارج
صعد خالو
وسالي كعدت
دخل للغرفه وخزرهه

عباس:انعل ساعتج السوده شبيج تصرخين منا شنو انتي متعرفين الانوثه مخلف ولد اني
سالي:هو منير اطرش
عباس:لا انتي صوتج عالي امشي ولي لغرفتج يلا
سالي:والله منير اذا ماراح جاب صديقتي هسه هسه ازعل عليكم كلكم
عباس:دطلعي يلا

طلعت سالي
كمت من فراشي
ابتسم خالو

عباس:يلا كاريس امشي نتغدا
كاريس:خالو مو جوعانه
عباس:لالا لازم تاكلين
كاريس:خالو منو ازال؟

ابتسم وغمض عيونه بأطمأنان

عباس:مجرد عميل من عملاء المكتب معليج بحسن يضخم السالفه