نزلت الطائرة لارض بريطانيا
في البحر
كان واقف يناظرة بسرحان
اسامه :ليش لييييش يا اسرار لييييييش
وبعدها صرخ بقوة وبألم وبقهر كل شي انتهى خلاص كل شي انتهى
:اسامه
وقف قلبه وهو يسمع الصوت
ضحك بسخرية :حتى صوتك يطاردني لهنا
:اساامه
التفت لوراء وانصدم من الي يشوفها قدامه
همس بصدمه :اسـراار !
ابتسمت له وقالت :اسفة لاني تأخرت
اسامه :انتي حقيقة ولا حلم
ابتسمت وقالت :حقيقة ..اسامه تقبل رجعتي المتأخرة لك
ابتسم بفرح وتقدم لها بسرعه وسحبها لحضنه وقال :لاتتركيني مرة ثانيه
اسرار :اقتلني اذا تركتك
ضحك و زاد في حضنها وهمس لها
وسع عينها بصدمه وتباعدت عنه وقالت :أيـــش
ابتسم وقال :تتزوجيني
ناظرت في عينه تبي تعرف اذا كان صادق ولا لا
وسعت عينها بصدمه لما شافت الصدق في عينه
:راكااان وين رايح
راكان :بطلع
الجوري :ترا انا موجودة
راكان :وشنو يعني
الجوري :شنوو شنو يعني انت اليوم اجازة والمفروض نطلع مع بعض
مو تطلع وتتركني
راكان :اووووة يالجوري انت كل يوم تقولي نفس الكلام ما مليتي
الجوري :وياليتــك تفهمه
راكان :اوووف اوووووف انا اطلع احسن لي
طلع وسكر الباب بقوة فز منها قلب الجوري الي صار ينزف حزن
طلعت لغرفتها وهي تبكي ورمت نفسها على السرير
بس سكتت بسرعه وهي تسمع جوال يرن
ناظرت في جوالها بس مو هو التفتت لجوال راكان وانتبهت انه هو
قامت من على السرير ومسحت دموعها ومسكت جوال راكان
ناظرت في الاسم واستغربة *صديق عمري*
طق قلبها بسرعه ودخل الشك في قلبها (يمكن تكون بنت لالا شنوو بنت
...بس هو تغييير علي كثيييير )
وبعد تردد كبير ردت
:الووو راكااان ..وينك لي ساعه انتظرك تحت ...الوووو راكااان
ارتجف كل جزء في جسمها وهي تسمع الصوت للحين مانست صوته
ولايمكن انها تنساه .....بس كييييف وليييييييش رقمه عند راكان
دخل البيت بعد ما اكتشف انه نسا جواله وركب بسرعه ياخذه فتح الباب
وانصدم وهو يشوف جواله في يد الجوري
راكان :الجوري
ناظرت فيه بصدمه وطاح الجوال من يدها وهمست :ليـــش !
راكان ناظرها بحزن وقال :الجوري بفهمك كل شي
نزلت دموعها وقالت :انت صديقــــه ... انت تدري انه كان زوجــي موو
نزل راسه بحزن وقال :انا اسف
تقدمت له بأنكسار وقالت :شنووو كنت تبي بالضبط من زواجناا
سكت ولا عرف يرد عليها
صرخت بقوة وبكي قالت :انتـــــــــــــــــ شنووووووووووووو تبـــي منــــــــــــــــــــــــــــــي بالضبـــــــــــــــط
وطاحت على الارض منهارة وتبكي
قرب منها راكان وحاول يحضنها بس هي كانت تدفعه عنها ماتبيه يلمسها
هذا كله كان تحت سمع ناصر
سكر الجوال بألم ما كان يبي يأذيها ولا يألمها بس كان يبي ترجع له
ناصر :سااامحيني يالجوري سااامحيني
لما حست انه خرج طلعت من الغرفة وراحت تشوف لها شي تاكله
لها فترة مو ماكله شي
صارت تبحث بالثلاجه ولا حست بالي دخل و وقف وراها
حنين :ياااارببببي مافي شي اكله
دارت وشهقت بقوة وهي تناظر عينه
بلعت ريقها وقالت :كنت جووعــ ـانه
صقر :بكرة راح تكون رحلتنا وراح نرجع البلد
حنين بفرح :صدق
صقر :هه فرحاانه ...اسمعي احذرك من الحين يا ويلك اذا قلتي شي لسديم
او لااي احد لانه انتي الي راح تنفضحي بعدها
حنين :اذا كنت تفكر اني خنتـ ـك ليش ماتطلقني
صقر :ودي والله بس مو بيدي ابوي ما راح يرضى
نزلت راسها بألم من رده
صقر :والحين البسي بنطلع ناكل شي رافت بحالك
حنين :حاظر
في بيت ابو صقر
سديم :اففف ملل ملل ملللللللللللللللللللللل
توجهت للبلكونه وفتحتها
سديم :والله الجوو حلوو ..أنزل للحديقة احسن لي
نزلت سديم وصارت تتمشى في الحديقة
سديم :كيف راح انساااه ياااربي
جراح :كيف راح انسااهاا
سديم :اتمنى التقي بشخص ينسيني اياه للابد
رفع راسه جراح وناظر في ملك الي تحضر الاكل :يمكن هي الشخص
الوحيد الي راح ينسيني اياه ولازم احبها
رفعت راسها وانصدمت من الي قدامها :مـ ـاااجد
ناظر فيها بصدمه وهمس :سديم
وسعت عينها وقالت بسرعه :دوور
ماجد حس بنفسه وبسرعه دار
سديم :شنوو تسوي هناا
ماجد بتوتر :هااا ...جاي لطلال
سديم بلعت ريقها وقالت :بناادي عليه
وراحت سديم داخل بقوة وقلبها صار مثل الطبل
ابتسم لما تذكر شكلها وحط ايده على قلبه وقال :احبهااا والله احبــهاااا
في بريطانيا
عند البحر
اسرار :اسامه انت تتكلم من صجك !
اسامه :ايه ليش مستغربة
اسرار :لانا هذا الشي صعب يصير
اسامه :مافي شي صعب
اسرار :بس انت محجوز لبت عمك
اسامه :بس انا ما ابيها
اسرار :يعني راح تكلمهم
اسامه: لاتخافي من هذي الناحيه راح اقنعهم ولا ما راح اتزوج
اسرار :متى ؟
اسامه :اذا تبين اليوم اكلمهم
ضحكت بخفه وقالت :لا خلها بعدين شوف يعني هذا الاسبوع زين
اسامه :يلا خلينا نروح الشقة
اسرار :هااا ..
اسامه :شفيك
اسرار :لا بس ..احم يعني ...شرايك تطلع بشقة بروحك
اسامه :ليش ؟
اسرار بخجل :شنوو ليش
اسامه لما استوعب ضحك بقوة وبعدها قال :يعني الحين صرت رجال
والمفروض مانسكن مع بعض
اسرار بخجل :لا موو كذا بس يعني كنت غبيه ومتسرعه وبعدين ما كان
عندي فلوس لاسكن بمكان ثاني بس الحين تغير الوضع
اسامه :وتبيني انا الي انقل لشقة ثانيه
اسرار :انت تقدر بس انا لا
اسامه :اوكي بس الحين في هذا الليل وين تبين اروح
اسرار :اممم شوف لك في فندق اليوم
اسامه :ترا مو جالس على بنك
ناظرت فيه وقالت :لااااه الحين صار مو جالس على بنك ..اجل شوف دبر
نفسك اسكن مع احد من اصحابك لين تدبر شقة
اسامه :يصير خير الحين يلا قومي نروح
اسرار :وانت
اسامه :بوصلك بس وبدبر نفسي
اسرار :كسرت خاطري بس مابيدي شي
اسامه :هههههه ترا بنام بالشقة انا وانتي دبري نفسك
اسرار :يوووة محد يمزح
عند صقر وحنين
حنين :وين راح نروح
ما رد عليها ومشا ومشت وراه
وصلوا لمطعم
حنين ابتسمت بفرح لانها ميته جووع لها كم يوم ما تاكل زين والسبب هو
طلب لهم صقر وجلس ولما جابوا الطلب
وسعت عينها وهي تشوف الاكل كله عند صقر
حنين :واناا !
صقر :عديميين الشرف ما ياكلوا
ضغطت على كفها بقهر وناظرت فيه وهو ياكل
صقر (انا صحيح مو جوعاان بس ابيك تموووتي من القهر )
بعد الاكل طلعوا من المطعم وحنين تتالم من الجوع
:حنيـــن
التفتت وشافت واحد متجه لها بسرعه وحضنها
وسعت عينها بصدمه هذا منووو و شنووو يبي لا ارجوووك مو نااقصة
مصايب
صقر وسع عينه بصدمه وبدء الشرار ترجع لعينه
وبسرعه باعده عنه ومسكه من قميصة بقوة وصرخ قدام الناس
:منووووووووووووو انت
الرجل :انت الي منووو
صقر :اناا زوجها ياحقيييير
وسع عينه الرجل بصدمه وناظر حنين وقال :مووو قلتي لي راح تطلقي
من هذا الانسان
صقر هنا وصل حده وناظر فيها بشرارة
حنين صارت تهز راسها بلا وكأنها تنفي الي يقولة هذا الشخص
صقر ماتحمل وطاح في الرجال ضرب مو صاحي لدرجة الناس التمت
وحنين صارت تبكي وتبي تبعد صقر عنه لانها خايفة يتورط صقر
وهم في الغربة ولا تدري إن حركتها هذي تزيد غضب صقر الي
فهمها غلط
الجوري :ليييش يا راكااان بعد ما حبيتك صدمتني كذاا ليييش
راكان :انا ما كان ودي ااذيك بس ..
الجوري :عشان صديقك نسيت قلبك
راكان :الجوري اناا ..
الجوري قاطعته وقالت :انت تفكر اذا طلقتني وخطبني مرة ثانيه ناصر
راح اوافق !؟
راكان : بس انتي تحبيه
الجوري :لا ما احبه هذا كان زماااان
راكان :بس هو يحبك للحين ويبيك
:راكان طلقني
رفع راسه بسرعه بصدمه وقال :أيـــش !
الجوري :طلقني انا مابي اعيش مع شخص تزوجني لمصلحة
راكان :الجوري انا ..
قاطعته وقالت :مو انت تزوجتني عشان تطلقني ...الحين تقدر تطلقني
راكان :مو هذا الي ابيه
ناظرت في عينه
راكان نزل راسه وتنهد وبعدها رفع راسه وقال :انا احبـك يالجوري .....ماقدرت اوفي بوعدي لصاحبي وما احبك ..... ومو قادر اتركك واخليك لغيري
الجوري :بس مع ذالك راح يجي اليوم الي تطلقني فيه عشان صاحبك
سكت راكان وقامت الجوري لغرفتها تلم اغراضها
رانيا :سدووم لازم ننفذ الخطة اليوم
سديم :اوكي اجل انا بتصل للشخص واخليه يتوجه للمجمع وانتي روحي
مع زوجك الغبي للمجمع نفسه
رانيا بعصبيه :سدييييم
سديم :اوكي اوكي ..المهم روحي بعد ساعه وراح يكون كل شي تماام
رانيا :شكـــرا حبيبتي
سديم :العفووو
:صقررررر ارجوووك بــــــعد عنه رااااح يموووووت
صقر :انتــــــــــــــــــي اسكـــــــــتي لا اقتلك ورااااه
التموا الناس عليهم بس محد قرب منهم بسبب خوفهم من شكل صقر
الي تحول لحيوان مفترس
بعد خناق طويل وصلت الشرطة بس لمكانت صقر المعروفة تركوه يمشي
اما الشاب الثاني سحبوه معهم
سحبها من معصمها بسرعه وتوجه لاقرب تاكسي وركب فيه
حنين صارت تبكي بشدة
حنين : والله مـ ـاااعرفـ ـ
ضغط على معصمها اكثر وناظر في عينها والشرار يطلع منه
سكتت بخوف وهي حاسه انه بكون اخر يوم في حياتها
نزلها بقوة من التاكسي وصعدوا لجناحهم
فتح الباب وبسرعه رماها على الارض وقفل الباب وتوجه لها وهي تحاول
تبتعد عنه
سحبها من شعرها وقربها لانفاسه وقال :خسارة فيش حتى الضرب
وتفل في وجها ورماها على الارض
صقر :قذرة وكذابه وعديمة شرف
كانت الكلمات اقسى من ضربه لها
حنين :بس بس خلااااااص اذا كنت مفكرني كذا انا الي راح اطلب من
عمي إن ننفصل
صقر :حلوو بس مو الحين ابي اتلذذ بتعذيبك وبعدها ارميك مثل الكلاب
حنين ماستحملت وعطته كف طلعت معها قهرها والمها منه
ابتسم بسخرية ومسك ايدها بقوة وقال :هذي ا
لمرة راح يكون عذابك غير
ناظرت في عينه بخوف وارتجف كل جسمها من عرفت بشنو يفكر
بلعت ريقها وقالت :ما راح اخليك تلمس شعره مني
ابتسم بسخرية وقال :مو انا الي احد يتحداني
قرب منها وصارت تبعد بسرعه عنه بخوف بس ماقدرت تهرب منه
بسرعه لانا مسكها بسرعه وحملها لغرفته بين صرخاتها وبكائها
رماها على السرير وقرب منها وهي تترجاه وتبكي بألم وضيق وحسرة
في السوق
رانيا :اففف اففففف
محمد :شفيـــك
رانيا :انت ماتشوف هذا من جينا وهو يمشي ورانا
محمد :يمكن ذوقة مثلنا ويدخل نفس الاماكن
رانيا: استغفر الله يعني ساعه كامله وهو يلاحقنا وتقول ذوقة مثلنا
الرجال :عطينااا وجه يا حلووو
رانيا شهقت وقالت بسرعه :سمعت سمعت شنو قال وقولي بعد ذوقة مثلنا
محمد :لاحول لله طيش شبااب
رانيا :راح تتركه
محمد :يعني شنو تبين اسوي له خليه يسولف مع نفسه
رانيا شهقت مرة ثانيه وقالت :هذا يغمز لي بعد ..روح تصرف سوو لك
شي
محمد :يعني شنو تبيني اسوي اضربة مثلا
رانيا :اكييييد هذا يتغزل في زوجتك
تنهد وراح للرجال وقال :يالاخوو عيب عليك انت عندك خوات
الرجال :هاا ..ايه
محمد :روح تيسر وحافظ على نفسك وترك عنك هذي السوالف
الرجال استح على وجهه ومشا وهو مصدوم من رده
رجع محمد وقال وهو مبتسم :خلاص تفاهمة معه
رانيا خنقتها العبرة وقالت :رجعني للبيت
محمد بستغراب :ماتبين تشترين شي
رانيا :قلت لك رجعني للبيــــــــت
محمد بصدمه :تبكين ! ليش شنو فيك
رانيا :مافيني شي بس ابي ارجع ممممكن
محمد :اوكي يلا نرجع
مشت رانيا ودموعها تنزل مافي انسان كذا مافيه غيرة على زوجته