من عرفتك بدء عمري زاد النبض في صدري سرقتك بضحكتك عمري

"البارت الثامن والعشرون"

أن تفقد أحداً

معناه أن تكون العين بلا فائـدة .. حيـن تستيقظ ولاتـرى من تحب وقد أختفى من حياتـك
معناه .. ليس الألم في رحيل من نحب .. ولكن الألم في رحيـل أرواحنا معهم

جلست من النوم بتعب طول الليل تبكي ولا هدئت الا لمن كلمتها حنين وخبرتها بوجودها في بريطانيا تحمست لفكرت انها بتشوفها اليوم وقامت بسرعه تجهز ناظرت الساعه وابتسمت بفرح بقا نص ساعه وتلتقي بتوأم روحها
لبست بسرعه وناظرت نفسها في المراية سحبة قبعتها وطلعت من الغرفة التقت به عند باب غرفتها وكأنه ينتظر خروجها
اسرار :تبي شي
ريان :هاا ..لا
دار وراح للمطبخ استغربة منه بس ابتسمت وطلعت
التفت لما سمع صوت الباب يتسكر ابتسم ونزل راسه وقال :صدق غبي ليش وقفت عند باب غرفتها

____________________

حنين :سديم بسرررعه تأخرنا
سديم وهي تناظر بساعة يدها :حنين بقا نص ساعه تقريبا
حنين :ههههه والله مو قادرة اصبر بسرعه يلا
سديم :اوكي اوكي بس بلبس القبعه
حنين :امم اتصلتي لطلال قلتي له
سديم :يب يب هو الحين ينتظرنا تحت
حنين :اوكي يلا سرعي
سديم :خلصت يلا نروح
توجهوا للمصعد وانتظروا دقيقة وبعدها فتح لهم باب المصعد
دخلوا فيه بس قبل لا يسكر جاء واحد يسرع وفتح المصعد قبل لا يغلق ناظرو في الي فتح المصعد وانصدموا انه
سديم بهمس :جراح
رفع راسه ولتقت عينه بعينها وبسرعه باعدت نظرها عنه لانها لو طولت بتنزل دموعها
دخل المصعد وقلبه في كل ثانيه تزيد طقاته
كانت وراه بس مو حاسه بطقات قلبه السريعه كانت تحاول بس تمسك دموعها عن النزول
حنين ناظرتا بحزن وبعدها ناظرت في جراح بغضب
فتح باب المصعد بس قبل لا ينزل
: سامحيني
طلع من المصعد تارك سديم مصدومه
ناظرت فيها حنين وقالت :سديم
سديم :ليه يبيني اسامحه
حنين :سديم حبيبتي امسحي دموعك تراه ما يستاهل دموعك الغاليه
رمت سديم نفسها على حنين وحضنتها وبدت تبكي بصوت حزين وصوت يألم حبها الاول انكسر ولا قدرت تعيش ايامها بسعادة على طول فرقهم القدر
تسكر المصعد وتوجه للطابق الارضي

عند جراح نزلت دمعته على خده بأنكسار وقف عند باب غرفة صقر يناظر بالفراغ الي قدامه يحس الدنياء ضيقة به
طلع من الغرفة واستغرب وقوف جراح عند باب غرفته
صقر :جراح
جراح دار بسرعه ومسح دمعته وبعده دار لصقر وابتسم له وقال :شرايك نطلع اشوي
صقر ابتسم لصديقة الي باين عليه الضيق والهم والحزن بس ماحب يسأله لانه يبيه هو الي يتكلم بدون لا يسأله

__________________

طلال :كان طولتوا اكثر ترا تو الناس
ابتسمت حنين بضحكة وقالت :اسفين
ناظرها بسرحان وعشق وخاق عليها وقال :لا عادي يلا نروح
توجهوا للمكان الي متفقين عليه وهو ساعة Big Ben

حنين :الو اسرار انا وصلت للمكان انتي هنا ولا بعدك ماوصلتي
اسرار :انا وصلت من 5 دقايق تقريبا
حنين :اوكي وين انتي في ناااس كثيررر هنااا
اسرار :ههههه ايه اكيييد امم انا عند كيف اشرح لك انت في وين انا بجيك
حنين :والله انا مضيعه بس قريب مني واحد على دراجة
اسرار :هههههه هذا شرح
حنين :ههههه ايه صح قدامنا حافلة لونها احمر
اسرار :وشنو بعد
حنين :في الجهه المقابلة في كوفي شكله نايس
اسرار :هههههههه اوكي خلاص عرفت وين انتي دقايق واجيك
سديم :شنو قالت لك
حنين :تقول عرفت وين انا الحين جايه هي
طلال :انتي اول مرة تجين مو
حنين ناظرت فيه وابتسمت وهزت راسها بايه
طلال (ياااربي ليه لازم تبتسم احس سديم بتكتشفني والسبب ابتسامتها الي تدوخ فديت قلبها )
حنين :كأنها طولت
اسرار يب
حنين صارت تمشي بهدوء وتناظر الناس بتأمل وتبتسم كل بلد لهم صفات تميزهم عن الاخرين سبحانك يااارب العالمين
ابتسمت وهي تناظر في السماء الصافية والغيوم الخفيفة والنسيم الخفيف والهواء المنعش
صدمت فجأة بشخص وطاحت على الارض وبسرعه توجهوا لها سديم وطلال
حنين تألمت ورفعت راسها تبي تشوف منو الشخص الي صدمته بس تفاجأة من الشخص الي تشوفه كان رجل كبير سن باين عليه في السبعينات بس هيئته ومشيته ونظرته تبين العكس وكأنه في الاربعينات وقفت بسرعه واعتذرت منه بس تفاجأة من اسلوبة الي باين منه عدم الاهتمام
ناظرها بهدوء وبعدها مشا ناظرته وين رايح شافت اثنين لابسين بدل رسميه سوداء ونظرات سوداء ومعضلين ومثل المكروفون ملفوف على اذنهم وموصل لفمهم ونظراتهم تروح يمين ويسار وكأنها تراقب
فتحوا له باب السبيارة بس قبل لا يدور التفت لها بلعت ريقها بخوف وبعدها دار ودخل السيارة وركبوا الاثنين قدام
باعدت نظرها عنه لما سمعت صوت اسرار وهي تركض وتناديها
دارت لها وبسرعه ركضت لها وحضنتها ونزلت دموعها بشوق
اسرار :وحشتييييني يااابطة
حنين :وانتي اكثر
سديم راحت بسرعه لهم وحضنت اسرار بشوق
اما طلال تباعد اشوي عشان ياخذوا راحتهم