من عرفتك بدء عمري زاد النبض في صدري سرقتك بضحكتك عمري

"البارت الخامس والعشرون"

البارت الخامس والعشرون

سمعت صوت الجرس يرن ورن وراه قلبها مسكت قلبها بأيدها بأستغراب وشافت الخادمة راحت تفتح الباب
سديم :انتظري انا بفتح انتي روحي لشغلك
هزت راسها بالطاعة وراحت
تقدمت سديم من الباب وفتحته بس صارت وراء الباب لما حست بأنه رجال
سديم :نعم اخوي تبي شي
طق قلبه بسرعه وقال :ممكن تنادين على طلال
سديم :انتظر لحظة
صعدت سديم بسرحان هذا الصوت كأنه تعرف صاحبه بس من يكوون
سديم شافت طلال وهو نازل وبسرعه نادته
طلال التفت لها وابتسم :هلا
سديم :في واحد ينتظرك برا
طلال :ايه ادري يلا فمان الله
سديم :مع سلامه
________________
تعدلت ونزلت بفرح له معنها عرفت بكل شي وبحبه لوحدة ثانيه وانه مغصوب عليها بس للحين تحبه واهم شي عندها انه معها ولها
ملك :اسفة تأخرت
ناظر فيها من تحت لفوق و فتح بين شفتيه من انبهاره بجمالها بعدها استوعب نفسه وبسرعه دار وجه وقال :خلينا نمشي الحين
ابتسمت ومشت وراه من اليوم الي قال لها عن كل شي وهي مقررة ومصممه انها تخليه يحبها ويعشقها وينسى حبه لوحدة ثانيه
ركبوا السيارة بهدوء ناظرته ببتسامه وقالت :وين بنروح
جراح :لمطعم مو انتي تبين تطلعين
ملك : يب يب
جراح :ملك
طق قلبها بسرعه من ينطق اسمها تصير في خبر كان :لبيه
جراح ناظرها بطرف عينه ورجع ناظر الطريق وقال :انتي للحين مصرة ما تتركيني
ملك ابتسمت وقالت :تذكر لما قلت لي عن الي تحبها بكيت كثير في ذاك اليوم بس قررت انسيك اياها وانا واثقة اني اقدر
جراح بحزن :يعني ما تبين ترجع لي سعادتي
تألمت من كلامه الي حسسها انها سبب تعاسته
جراح :انا اسف بس سعادتي مو معاك
خنقتها العبرة وقالت :ممكن ترجعني البيت
جراح :ملك انا مو قصدي اضايقك
ملك ابتسمت وناظرت فيه :ادري بس انا ابي ارجع البيت
جراح :لا ما راح نرجع راح نكمل طلعتنا
ملك :ارجوووك جراح رجعني
جراح :ما راح نرجع
ملك سكتت وناظرت النافذة ونزلت دموعها بهدوء
جراح (انا اسف يا ملك بس قلبي مو ملك لي عشان اقرر احب منو وفكري مومعاي فكيف تبيني افرح آآآآه ياااسديم شلونك الحين اكييد كرهتيني والله ابيك انتي مو غيرك )
التفت لملك ورجع يناظر الطريق وفكرة مو معه

_________________

ركبت تركض لغرفته دخلت بسرعه وصفعت الباب
مشعل :وووووووووجع
رنيم :مشعل الحق
ارتبك من نطقت اسمه وقال :شـ شـنو
رنيم :بنسافر واخيرا
مشعل وقف :حلفـــــــــي
رنيم :والله بعد يومين
مشعل: مع من و وين
رنيم :تذكر لما قررتو تسافروا وللحين ما سافرنا والسبب مشاغل الشركة
مشعل :ايه
رنيم :الحين فضوا واخيرا عمامي ونقدر نسافر طبعا لطلب ابوك بنسافر 3 ايام مكة وبعدها بنطير لبريطانيا
مشعل :يــــس واخيرا بنشم هواااء
رنيم بغباء :ليش انت الحين تشم الهواء اجل كيف تتنفس
مشعل : طووول عمرك غبيه
رنيم :انت الغبي تقول اشياء مو منطقية ولا تفرح كثير لانا الشباب مابيروحو
مشعل :شنوووووووو
رنيم :عمامي مو راضين لانا البنات بيكشفوا ولا يبون احد يضايقهم
مشعل :افهم من كلامك ان الي في بريطانيا مو رجال
رنيم :شدخل
مشعل :مدري عنك يعني بس يتغطوا عنا ويكشفوا عند الغريب
رنيم :وانت شنو حاررنك
مشعل :لانهم بيحرمونا من الطلعه والسبب انتوا
رنيم :مو شغلي روح كلم الكبار
مشعل :والشباب موافقين
رنيم :وتتوقع انهم بوافقوا اكييد بيقلبوا الدنياء فوق تحت خاصه انها اول سفرة جماعيه
مشعل :انا بروح اكلم ابوي كيف يسافروا ولا ياخذونا
رنيم :اوكي بكيفك بس هاا ترا البنات بيتوطون في بطنك اذا خليتهم يغيروا رايهم
مشعل :غبيه انتي غبيه اجل انا بروح لابوي ليش مو عشان يغير رايه
رنيم :اوكي بكيفك الصراحه انا ودي تروح معنا لاني بزهق من دونك
مشعل ابتسم وقال :لهدرجه غالي عندك انا
رنيم :اقول لا تاخذ بروحك مقلب سواب تروح او لا بستانس شنو ناوي علي اكدر نفسي عشانك
<<<<<<<<<<<<تحطـــــــــــــــــــــــم
مشعل :مالت عليك
طلع وصفع الباب بقوة
رنيم :وووووووووووووووووجـــــــع