من عرفتك بدء عمري زاد النبض في صدري سرقتك بضحكتك عمري

"التاسع والاربعون"

سديم :تو الناس بناات لاتروحوا
العنود :شوفي الساعه صارت 11 لازم نروح
حنين :والله ماودي تروحون
حور :المرة الجاية ان شاء الله
سلمى :يلا بنات مع سلامة
الهنوف :نشوفكم على خير ان شاء الله
سكرت الباب ودارت لحنين وقالت :حنون شرايك نروح بكرة السوق
حنين: :سديم انا ودي اروح ازور امي
سديم :طيب خلاص نروح بكرة لخالتي والي بعده السوق شرايك
ابتسمت بفرح وقالت :شكـ ....
:سديم متى ناوويه تناامين
سديم :الحين يمه ..يلا حنوون نروح ننام
ام صقر :روحي انتي سديم وحنين ابيها بشغله
سديم :شنوو يمه تبين منها
ام صقر خزرت في سديم وقالت :مو شغلك روحي الحين انتي
ناظرت في حنين الي ابتسمت لها وهزت براسها
راحت سديم وقلبها مع حنين
ام صقر :اما انتي ابيك الحين ترتبين هذا المجلس وبعدها تروحي المطبخ
في اغراض ابيك ترتبينهم اماكنهم ولاتنسين تغسلين الصحون والملابس
اما الارض فسامحتك بها اليوم
ابتسمت لها حنين وقالت :ان شاء الله خالتي
ام صقر بعصبيه :مليوووون مرة قلت لك لاتناديني بخالتي
نزلت راسها وقالت :ان شاء الله
ام صقر :والحين يلا روحي شوفي شغلك وقولي للخدم يتركوا الي بيدهم
وانتي كملي عنهم
حنين :ان شاء الله
راحت ام صقر وظلت حنين تنظف البيت مثل كل يوم بدون لحد يدري

صقر :انا لازم اروووح لها لازم اعتذر لها عن كل شي اليوم اكتشفت
اني ظلمتها وانها بعد البنت الي ادور عليها لازم اصلح كل شي
جراح :هذا الي كان لازم يصير من زماان لاتضيع وقت و روح لها
بسرعه

في بيريطانيا

نزل راسه بضيق وقال :اسرار اهلي ما وافقوا على زواجنا
تنهدت بضيق وقالت :شنو راح نسوي الحين
اسامه :لاتخافي راح نكون لبعض اكيييد ..بس اذا اهلي كانوا مصرين
على رايهم راح اتزوجك حتى لو بالسر
اسرار :لا اسامه مانبي نوصل لهذا الشي
اسامه :والحل يعني بعد الي مرينا عليه بـ ...
اسرار :لا يا اسامه لاتقول كذا للحين عندنا فرصة

دخل بسرعه البيت وتوجه للجناح بس وقف فجأة بصدمه لما سمع صوت
من غرفة طلال
وقف وصار يسمع
:ماااقدر مااااقدر انساااهاااا ...حنين صارت كل شي بحيااااتي ...ادري
ادري انها زوجة اخوي بس مو بيدي انا الي عشقتها اول كنت اتضايق اذا
شفتها تبكي وانا عارفة انه هو السبب كان يجرحها قدام الكل بكل برود

تراجع على وراء بصدمه وعينه صارت تدور حواليه اخوووي يحب
زوجتي يحب حنين الي تعبت وانا ابحث عنهاا ....يااااربببي شنو اسووي
هو معه حق انا عاملتها بقسوة وضربتها وشتمتها بس هو كنت اشوف
نظراته الحنونه لها ..حنين شكله القدر ما راح يرحمنا
دخل الجناح بتعب كان راح يعترف لها بكل شي ويعتذر منها بس كلام
طلال حطم كل شي كان راح يبنيه
وقفت من شافته وقالت :تبي احط لك عشاء
ناظر فيها بألم وقال :ماابي عشاء
حنين :بس انت من الصباح طالع ولا اكلت لك شي
صقر :قلت لــكـ ماااااااااااابي عشاااااااء ماتفهميــــــــــن
انصدمت من عصبيته الي بدون سبب
حنين :ياااربي شفيه هذاا