من عرفتك بدء عمري زاد النبض في صدري سرقتك بضحكتك عمري

"البارت السادس"

بعد يومين
يوم المزرعة
غرفة حنين
حنين :كيف يعني ما تصلت لكم
العنود :لا ما تصلت اتوقع انشغلت وما قدرت تتصل وانتي تعرفين توقيتنا غير عن توقيتهم
حنين :بس صار لها 6 ايام من سافرت انا خايفه عليها
العنود :لا تخافي اكيييد هي بخير
حنين :إن شاء الله يارب تكون بخير أقول العنود اذا اتصلت لكم عطوني خبر
العنود :اوكي خلاص انتي روحي وستانسي واذا اتصلت بنخبرك
حنين ببتسامه :مشكورة يالعنود
العنود :ولو العفوو
حنين :اوكي يلا باي
العنود: باي
دخلت سديم
:كنتي تكلمين احد
حنين :ايه العنود
سديم :اهاا اخبارهم ؟
حنين :تماام الحمد لله
سديم :اوكي حنون يلا بنمشي
حنين :اوكي
اخذت شنطتها ولبست عبايتها ومشت
وتوجهوا كل العائلات الى المزرعه
اول ماقربو من المزرعة
سديم :حنين حنين ناظري هذي هي مزرعتنا
حنين وهي تناظر بدهشة :وااو شكلها حلووة وفخمه
سديم :ما شفتي شي اذا دخلنا بتشوف العجب وراح تتعرفي على عيلتنا
ناظرت حنين شكل المدخل كان في قمة الفخامه مثل الممر تمر فيه السيارة ومن على اليمين واليسار كله ورود بألوان مختلفة واشجار تظلل الممر لين وصلنا للبوابة الرئيسة وكان كذا شكلها

سديم بسرعه نزلت وسحبت حنين الي مندهشة من شكل المزرعه
سديم : بنروح اول بنحط اغراضنا في الجناح الخاص للبنات
اول ما وصلنا فتحت فمي من كبر الجناح كانت مكونه من صاله كبيرة وموجود فيها بلازما وكنب كلاسيكي وغرفتين غرفة كبيرررة مررررة وفيها 10 اسرة والغرفة الثانيه خاصة بالملابس والميك آب وحمامين ومطبخ صغير للأشياء الخفيفة
حنين :ليش كل هذي الاسرة كم انتو البنات ؟؟
سديم :امممم مع اختي 9 بس السرير العاشر ابوي اشتراه امس خصيصاً لك
ابتسمت حنين على حنيت ابو سديم وبعدها نزلت دمعه تذكرت فيها ابوها بسرعه دارت ومسحتها بدون لا تحس سديم ابتسمت لها وقالت :يلا فرجيني المزرعه
سديم بفرح :اوكي يلا مشينا
وصارت سديم تعرف حنين على المزرعه وحنين مندهشة كانت المزرعه مررررررررة كبيرة وفيها 3 برك بركة تطل على جلسة حلووة مررة مثل هذي الصورة

والبركة الثانيه داخليه للبنات والبركة الثالثة للرجال واسطبل كبيررر للحصنه وارض كبيرررة مرررة لسواقة الدبابات و4 مطابخ واحد للرجال و واحد للنساء و واحد خارجي والاخير في جناح ابو سديم وام سديم و 5 اجنحه واحد لبو سديم وام سديم و واحد للبنات و واحد للأمهات و واحد للرجال و واحد للشباب
ومجلسين كباار مرررة وصالة رئيسة كبيررة وفيها درج كبيررر يؤدي للطابق الثاني وعلى الجنب اصنصير و غرفتين غرفة للشباب للعب البلياردو والسوني وخرابيط الشباب وغرفة لمشاهدة السينما
واخر شي وقفنا قدام باب مسكر بقفل
ناظرت سديم بستغراب وقلت :و شنو هذاا ؟؟
سديم :لا تسأليني لاني انا بكبري ما اعرف الي اعرفة انه ملك لصقر ولا يرضى احد يدخل فيه بس شنو الي داخله الله اعلم ونصيحه مني لك لا تقربين لها لانه اذا احد قرب لها يعصب
حنين استغربت بس ما هتمت
بوووو بوووو
سديم :صوت السيارات شكلهم جاو يلا تعالي بعرفك عليهم
مشيت وناظرت خلفي استغربت من نفسي ليش احس اني شفت هذا المكان من قبل ضحكة على نفسي ورحت وراء سديم الي صارت تنادي علي
سديم وهي تحضن نوف :يا هلا وغلا توه ما نور المكاان
نوف :منور بوجودك ..اا سديم ما عرفتينا
سديم :اعرفك على حنين صديقتي
نوف :اهاا حنين الأمريكية
سديم باستغراب بعدها استوعبت وضحكة :ههههههههه اكيييد رنيم الي قالت لك
نوف :ههههه ايه ترا قالت للكل ما خلت احد ما قالت له
حنين ابتسمت لهم بسكوت
بعد لحظات وصل الكل
بين ضحكاتهم نزلت دمعتي على خدي بسرعه درت ومسحتها تمنيت يكون لي اهل اضحك معهم ولا احس بالغربة بينهم ليت ابوي وامي حولي ويقولون لي حنا هلك حنا عزوتك ما راح تحتاجين لاحد دامنا معك آآآه اشتقت لكم وينكم فقدتكم
سديم حست فيها فحبت تغير لها الموضوع :حنون
حنين :هلا
سديم: بعرفك عليهم
حنين :اوك
سديم وهي تأشر على نوف :هذي نوف بنت عمي خالد طيبة حيييل عمرها 20 سنه تحب ولد عمي وهو بعد يحبها بس ..
ناظرت فيها حنين باستغراب :بس شنو
سديم :عمامي مختلفين يعني كيف اقولك ابوها وابوه من زماااان متخانقين وللحين فيه حزازات بينهم حتى لو اجتمعوا في مكان ما يكلمون بعض
حنين :ليش ما يكلمو بعض ؟
سديم :اخو نوف خطب اخت نواف بس الاثنين ما كونوا يبون بعض يعني انغصبو على بعض وبعد فترة من الخطبة انفسخت الخطوبة واخو نوف قال انه هو الي ما يبيها يعني رمى على نفسه المسؤولية عشان لا تتأذى بت عمه ويروح فكر الناس لبعيد وبعد كذا تعاركوا عمامي ولليوم متصالحو
حنين :من متى وهم على هذي الحالة ؟
سديم :امم تقريبا من 3 سنوات طبعا اخت نواف تزوجت بس الحين تطلقت من سنتين
حنين : وين اخته ابي اشوفها
سديم :شفتي هذي الي تكلم امي
حنين :ايه
سديم :هذي هي اسمها الجوري بت عمي احمد وعمرها 23سنه
حنين باستغراب : ليش تطلقت ؟
سديم :والله مادري ما احد يدري غير اهلها وبعد طلاقها ساءت الخلافات بين عمامي وكأن عمي يرمي السبب على اخو نوف
حنين :اهاا
سديم :اما هذولا بنات عمتي حصة التوأم الي على اليمين اسمها جنى هذي طيبه حيييل وهادئة وجميلة ما شاء الله عليها اما الي جنبها فهي اختها لمى يتشابهون كثير ولا تعرفي تفرقي بينهم بس احنا لانا تعودنا عليهم فنعرفهم وخاصة إن لمى تحب الفرفشة والضحك والوناسة وعمرهم 18 مثلنا يعني
حنين :الصراحة موب قادرة افرق بينهم ههههههه
سديم :ههههه أيه في البداية صعب بعدين تقدرين تفرقين بينهم ..شوفي ذيك هذي اخت الجوري اسمها مرام تموووووت على اخوي صقر عمرها 19 سنه وتحب الكشخة وتمشي وراء الموضة والي جالسة بجنبها بت عمي محمد اسمها اشواق عمرها 19 مثلها بالضبط وهي بعد تمموووت على صقر اخوي ويسوون أي شي عشان نظرة منه بس للأسف صقر مو من النوع الي يعطي وجه
حنين (مدري شنو شافوا فيه عشان يحبوه !!)
سديم :واختي طبعا تعرفينها ورنيم بعد تعرفينها وانا هي التاسعة
حنين :اهااا
الحين بعرفكم عليهم افضل
نوف بنت نعووومه وخجولة وجميله شعرها اسود قصير لرقبتها وقاصة قصة الفراولة طالع مرررة حلووو عليها عينها سودة سواد الليل وبشرتها ناعمه وبيضاء رشيقة بس فيها قصر بس مو كثيرر وعمرها 20 ثاني جامعه تدرس طب
الجوري بنت حلووة تحب زوجها رغم انه طلقها بس ما نسته طيبه وخوااافه كثير شعرها لنص ظهرها بني غامق وعينها بني غامق وبشرتها حلووة مايلة للبياض عمرها 23 سنه
مرام اختها طيبة تهتم بجمالها كثيرر اممم حلوة بس مو كثير يعني معقولة وعينها بني فاتح وشعرها قصير لكتفها بني فاتح تحب صقر من كان عمرها 14 سنه وتكلم اولاد بس للتسلية
اشواق بنت جمالها عادي فيها غرور عينها مايله للبني الفاتح وشعرها بني غامق وبشرتها حنطية فيها طول عمرها 19 تمووووت في شي اسمه صقر وهي مع مرام يخططون دووم عشان يلتفت لهم بس ما في فايدة
رنيم بنت حيويه تحب الضحك والمقالب عمرها ما فكرت بالحب ما تهتم بشكلها كثير تعتبر مشعل اخو الي ماجابته امها متعلقة فيه حيل جميله شعرها لأخر ظهرها تبي تقصه بس مشعل مو راضي يقول كذا احلا <<ولي امرها وانا ما ادري المهم لونه عسلي على بني و عينها رمادي غامق ومايله للبياض لها خدين موردين رشيقة وقزمه اشوي عندها اخو واحد
واخيرا
اختي رانيا وسبق شرحها
ام سديم :بناات يلا الغداء حطيناه قوموا اكلوا
البنات :اوكـــــــــــــي
الكل قام واكل وبعدها رجعوا للسوالف
لمى :حنين كم عمرك ؟
حنين :18 بعد شهر ادخل 19
جنى :اهاا يعني قدنا
الجوري : سمعت انك الاولة على المدرسة
حنين اكتفت ببتسامه حلوة
نوف :ما شاء الله شاطرة وجميلة مو ناقصك شي
حنين (ناقصني اكبر شي امي وابوي )
سديم :خلاص احرجتو البنت
اشواق بغيرة :انا احسها عادية مافيها شي مميز
الجوري بأحراج :هههههه اشواق تحب تمزح وااجد
ناظرتها حنين بس ما هتمت لكلامها