من عرفتك بدء عمري زاد النبض في صدري سرقتك بضحكتك عمري

"تابع البارت الرابع والخمسون"

بعد مرور اسبوع

في بيت ابوصقر

حضنتها بقوة وهي تبكي وتقول :كلميني كل يوووم وطمنيني اذا وصلتي
حنين بحب :اكيييد و راح ازعجك من الاتصالات
ابو صقر :انتبهي لنفسك يابنتي واي شي تبينه لا يردك الا لسانك واذا
مارتحتي عند جدك تعالي لهنا نحطك بعيونا
توجهت له وباست راسه وقالت :عمررري ما راح انسى فضايلك علي
انت بحسبت ابووي الله يرحمه
ابو صقر :الله يرحمه
ام صقر تقربت من حنين وحضنتها بحنان وقالت لها :سااامحيني يابنتي
ماقدرت اهتم فيك ولا اعطيك الحناان الي فقدتيه من امك
حنين ببتسامه :لا يا خالتي لاتقولي كذا هذا ماضي وندفن الحين حنا في
اليوم
رانيا :لاتنسينا وتواصلي معنا
حنين :اكيييد ما راح انساااكم انتووا عيلتي
مشعل :توصلي بالسلامه وسامحينا على القصور
حنين ابتسمت وقالت :الله يسلمك وماقصرتوا معااي
سديم :من متى تعرف تقول كلام عدل يا مشعل
مشعل :من قبل لا اعرفك
سديم :ايييه بااااين
رانيا :ههههه شكلكم بترجعوا مثل اول
ابتسمت لهم حنين وبعدها ناظرت في طلال وكأنها تنتظر منه كلمه
ناظر فيها بألم وقال :توصلي بالسلامة
حنين :الله يسلمك
باعد عينه عنها لانه حس بأنه راح ينفضح وما راح يقدر يكتم اكثر
ناظرت الدرج ونزلت عينها بحزن
ابو صقر انتبه لها وقال :سديم وين صقر خليه ينزل يودع زوجته
حنين :لا لا عمي ماايحتاااج انا تأخرت بعد ولازم امشي الحين
ام صقر :حتى لو كنتوا على خلاف لازم تسلمي عليه قبل لاتروحي
سكتت حنين هي تبي تشوفه ومشتاااقه لشوفته بس خايفة تتألم لما تشوفة
وتترك كل شي وترجع له
صعدت بسرعه سديم وفتحت باب غرفته وقالت :صقر انت جالس هناا
وحنين راح تروح الحين !
صقر :ماابي اشوف احد ممكن تطلعي
سديم :بس ابوي قال انك لازم تنزل وتودعها حتى لو كنتوا على خلاف
صقر :اناا تعبااان ولا ابي انزل فأرجوووك طلعي وسكري الباب
سديم :هذي اخر فرصة لك يا صقر لاتخسرها
طلعت وسكرت الباب بحزن ونزلت لعندهم وقالت :صقر ماايقدر ينزل
لانه تعباان اشوي
ناظرت في سديم بخوف وكأنها تبي تطمأن عليه
سديم :لاتخاافي ارهاق ويروح منه
نزلت عينها بحزن وقالت :الحين اودعكم تأخرت كثييير
سلمت على الكل وناظرت فيهم نظرة اخيرة وطلعت من البيت و ركبت
السيارة ومشت فيها متجهه للمطار

صعد بسرعه الدرج بعصبيه كبيييرة من صقر
فتح باب الغرفة بقوة وناظر في صقر المستلقي على السرير ومغمض عينه
توجه له وسحبه من قميصة وعطاه بوكس اسقطة على الارض
ناظر فيه صقر وهو عارف ليش سوا كذا
طلال بقهر :انــــــــــــت شنوووووو عقلك وووووين رااااح البنت كانت
تنتظرك تحت تتمنى تشوفك قبل لاترووووح وانت جالس هنااااااااا
اذاا انت مااااااتبيييييييييهااااا اناااااااا ابييهاااااا بس للاسف هييي تبيــــــــك
استحملت كثيييييييييييير بس لهناااا وبس جرحتهاااااااا كثيييييييييييييييير
وحتى في وقت حزنها ما وقفت معها تركت هذا الجرح ينزف وينزف
حنين مااااتستاهل الي تسووويه فيهااااا اذاا كنت تبيها فقووووووووووم
الحين والحقهااا قبل لاتروووووح
ناظر في اخوة بحزن
طلال :اناااا في الحالتــــــييين مابتكون حنين لي فالاحسن انهااا تكون
سعيدة مع الي تبيييه ...عندك فرصة ياصقر لاتضيعهاااا
وقف بسرعه وركض طالع من الغرفة ومن البيت كله
ركب سيارته بسرعه وسررررع بأقوى ماعنده زادت دقاات قلبه بأشتياق
وخوف وحب

اما في غرفة صقر
جلس على سرير اخوة بألم وقال :هذا الي كان لازم تسوويه ياصقر من
زمااان
رجعت ذاكرته قبل 3 اياام لما عرف ان حنين هي نفسها الي عاشت معهم
هنا وهي نفسها الي حبها بس كانت تحب صقر ...
طلال بحزن :وللحين تحبينه حتى وانتي ماتعرفي انه نفسه

:اخطب لك سديم ..والله هذي الساعه المباااركة انا اصلا من زماان حاطه
عيني عليها ..اليووم راح اتصل واخطبها لك واخيرا بفرح فيك

في بريطانيا

اسرار :أيـــش
:بنتي الولد زين وسألنا عنه وكل شي وهو مهندس وما شاء الله عليه
اسرار بألم :بس يمه انا مو مستعدة للزواج بعدني
ام اسرار :ليش يابنتي الولد مافي ولا عيب
اسرار تنهدت بضيق وقالت :عطيني فكرة افكر
ام اسرار :طيب اخذي راحتك بنتي بس لاتطولي
اسرار :ان شاء الله يمه
سكرت من امها وهي مو عارفة شنوو تسوي ...اساامه خطب وعقده
قريب ...وانا بظل مع ذكرياتي !
هزت راسها بلا وبسرعه اتصلت لامها
:هلا اسرار فيك شي
اسرار :يمه اناا موووافقة
ام اسرار : أيــش ..بس توك ..
اسرار :يمه مو انتي قلتي انه ولد زين ولا فيه ولا عيب
ام اسرار :ايه قلت
اسرار :خلاص اجل انا موافقة
ام اسرار :طيب والتحليل كيف بكون
اسرار :انا راح احلل هنا وبرسل لكم فاكس
ام اسرار :زين اجل برد عليهم بس مو اليوم لا يقولوا مو شايفين خير ..
يلا حبيبتي انتبهي لنفسك
:ان شاء الله يمه
سكرت من امها بحزن وقالت :كل واحد ياخذ نصيبه ...كيف صرنا بهذا
الوضع يا اساامه

:شنووو بعد 4 ايااام
:ايه شفيك كذاا مصدوم
اسامه :بس يمه مو كأنه بدري
ام اسامه بأنزعاج :لا موو بدري وانا عارفة ليش انت تبي تأخرر العقد
بس لاتخاف ما راح يصير شي والحين ابي اجهز لخطوبتك
نزل راسه بضيق وقال :كل واحد ياخذ نصيبه ...هذا هو قدرنا يا اسرار !

نزلت من السيارة وبسرعه ركضت لاتجاه البوابة لانها تأخرت كثيير
دخلت البوابة بس قبل التفتت لوراء وناظرت المكان تبحث عنه يمكن
يجي وتشوفة لاخر مرة
نزلت راسها بألم وكملت طريقها

نزل بسرعه ودخل المطار وهو يبحث عنها شاف القائمة حقت الطيران
و وسع عينه بصدمه ان الطيارة الحين راح تمشي
ركض بسرعه يدور البوابة بخووف
ركض اسرع وهو يشوف البوابة
حاول يدخل بس مسكوة العسكر
:لوو سمحت ماتقدر تدخل قبل ماتعطينا التذكرة
:ارجوووك لازم اشوووف احد لازم اوقفة
:اسف بس هذا هو القوانين
حاول يفلت منهم وهو يصررخ بأسمهاا

في الطائرة جلست على مقعدها وناظرت من النافذة بحزن
تذكرت الرسالة وفتحتها مرة ثانيه تقراها ..لفت انتباها اشي وكأنه يتكلم
عن طفولتها
حنين بهمس :منو هذا الطفل الي تعلقت فيه ولا قدر ابووي ينفذ وعده لي
ضغطت بين حواجبها وكأن بعض الذكريات تهاجمها
فتحت عينها بسرعه وبصدمه همست :صــقـر !!!

يعني هذي مو احلام
يعني هذي حقيقة
صقر انت حبي الاول !