من عرفتك بدء عمري زاد النبض في صدري سرقتك بضحكتك عمري

"البارت الواحد والثلاثون"

البارت الواحد والثلاثون

أن تفقد أحداً

معناه أن تقوم بإعادة طباعـة الحروف التي سقطت من كتاب الأجل
وأن تحاول التكيف مع وضع قلبك الجديد الذي أصبح مربع الشكل !!

في المطعم الصيني
صقر :ليش ما تاكلين مو انتي جوعاانه
حنين بخجل لوجودها معه بروحها :لا اكل
صقر :انا بروح احاسب وانتي اكلي براحتك
ناظرت فيه لين اختفى وبدت تاكل بسرعه وتشررب
حنين : كح كح
شربت بسرعه ماي ورجعت تاكل بسرعه <<ماتووب
رجع صقر ومن شاف منظرها مات ضحك بس بسرعه تباعد لاتشوفة
صار يناظرها ويبتسم على شكلها المضحك
صقر :احم احم
حنين توقفت عن الاكل وناظرت فيه
صقر :خلصتي
حنين :ايه الحمد لله
صقر :اجل خلينا نروح

_________________

:اسرااااااار
دارت وابتسمت له وقالت :هلا فهد
فهد :اسف تاخرت عليك
اسرار :لا عادي
فهد :يلا نروح
اسرار ابتسمت وهزت راسها بالموافقة
ركبوا السيارة
كان يراقبهم بضيق والم ولا يدري شنو سبب المه هذا
دار ورجع للشقة فتح باب الشقة ودخل
يحس انه راح يختنق فتح زرار قميصة الفوقي ورما نفسه على الكنبه وباعد خصلات شعره عن عينه وتنهد بضيق والم
اسامه بضيق :يااااربي ليش احس نفسي بختنق من اشوفها تبتسم لغيري ...لا لا لايكون حبيـ ـتهااا ......
اعتدل في جلسته وعينه تدور في المكان بصدمه :لا لاااااا ليش حبيتهااا ليش ....اسرار (نطقها بحزن وكان يقصد فيها اسرار الي يحبها في الماضي ) : اسرار ... ليش تركتيني ليــــــــــــــــــــش والله اتعذب كل يوم بغياااابك ياااروووحي ليش ماتطلعي من عقلي ومن قلبي ....آآآه والحين حبيت وحده لها نفس اسمك ولها نفس تصرفاااتك هه احياانا اتخيلها انتي وانسا نفسي معها ليـــن حبيتها ..بس هي ماتحبني ليش مكتوب علي اخسر دايما في الحب

عند اسرار
كانت تناظر الطريق من النافذة وسرحانه في ريان (افف ياااربي احس اني ضايقت كثيرر ليش اسووي كذاا معه ....لا يكوووون .....حبيتـ ـه)
فهد ناظرها وابتسم بخبث ورسل رساله بدون لاتحس
اسرار (بس كيف حبيته وانا للحين مانسيت اسامه ولا قادرة انساه ولا اقدر ابعده عن عقلي وقلبي ودموعي ماوقفت لليوم من البكي على خسارتي له آآآآآآه يا اسامه لو تدري عن الي يصير معي لو تدري اني للحين احبك هه اكيد عااايش حيااتك ونسيت كل شي عني )
نزلت دمعتها لا اراديا ومسحتها بسرعه قبل لا يشوفها فهد
فهد :راح اوديكي مطعم راح تاكلي اصابعك وراه
ناظرت فيه وابتسمت له
وقفت السيارة عند مطعم لا يقل فخامة عن المطعم الي قبلة
فهد :يلا نزلي
نزلت اسرار وصارت تناظر المطعم بدهشة
ابتسم فهد وقال :انتظريني هنا بدخل اتأكد من الحجز وارجع لك
هزت راسها ودخل هو
راح فكرها لريان شنو يسوي الحين تحس قست عليه كثير تنهدت بضيق وناظرت الناس ابتسمت للحين تحس مو متعودة على هذا الوضع
لفت نظرها سيارة سوداء وقفت بسرعه قريب لها ونزل من 3 اشخاص لابسين اسود واشكالهم تخوف تقدموا لها وهي من انتبهت انهم قاصدينها تراجعت على وراء بسرعه بس كان واحد اسرع منها ومسكها وحط المنشفة على انفها وفمها
حست الدنياء بدت تسود ومو قادرة تصرخ او تحرك شي من جسمها حست بأن نهايتها قربت نزلت دمعه من عينها وهمست :يااارب ساااعدنـ ـي
وبعدها صارت الشاشة كلها سواد
ركبوها السيارة بسرعه واختفوا عن الانظار
كان يراقبها وابتسم بسخرية وانتصار وقال :روني يا اسامه شنو تقدر تسوي الحين