من عرفتك بدء عمري زاد النبض في صدري سرقتك بضحكتك عمري

"البارت الرابع"

هلاا...اترككم مع البارت🌿.

ايطاليا
في الليل
وبالتحديد في غرفة اسرار
:يااااااربي شنو سويت انا صدق غبيه ..والله لو درو اهلي راح يرجعوني وياليت بس يرجعوني مايندرا شنو راح يسوون فيني ...صدق إن عنيدة
ههههههه ماكذبت حنين لما سمتني عنيدة و احب التحدي ...يووووو حنين قالت لي اتصل عليها كيف نسيت يووو وين الجوال بعد ايه هذا هو
اتصلت على حنين بيتهم بس مافي احد يرد
اسرار بستغراب : ماتوقع الوقت عندهم الحين متأخر ..يمكن عندهم 2 الظهر بس ليش ماترد الله يستر انا قلبي من امس خايف الله يستر
طلع صوت بطنها الي مات من الجوع اسرار حطت ايدها على بطنها وقالت :يووو انا من 3 ايام ما اكلت شي زين كله شبسات كله بسبب النحيس الي براء
تذكرت قبل 3 ايام لما دخلو الشقة شنو صار

وصلنا الشقة و كل واحد طلع المفتاح بيفتح الباب
ريان :بعدي انا الي بفتح الباب
اسرار :لا يكون نسيت إن الشقة هذي حقي بعد
ريان :لا والله أقول وخري انا الي بفتح وبلا عناد
اسرار :مابي انا الي بفتح
ريان:لا تصيرين ياهل وبعدي
اسرار :وليش مو انت الي تبعد
ريان :لاني الرجال
اسرار :لا والله
ريان :أي والله
اسرار:اجل مابي ابتعد والي بتسوية سوه انا مو خايفة منك
ريان :اوكي أنتي الي حرضتيني على الي بسويه
اسرار :يعني شنو بتسوي ؟ّ!
ريان بحركة سريعه دفها وفتح الباب وسكرة وراه
اما اسرار طاحت على الارض وبسرعه قامت وهي معصبة اخذت المفاتح الي طاح منها وفتحت الباب ودخلت وهي معصبه
ريان ناظرها ومسك ضحكته وقال:أقول شوفي الصالة بتكون مشترك والمطبخ بعد وفي غرفتين وحدة لك والثانيه لي وفي كل غرفة حمامها الخاص
اسرار :اوكي بس لازم نحط شروط للسكن
ريان :اكييد
طلع ورقة وقلم وقال :اول شرط كل واحد يهتم بشوونه الخاصة ولا يدخل بخصوصيات الاخر
اسرار:ثانيا ما احد يزعج الثاني
ريان :ثالثا كل واحد يحترم الثاني ولا يغلط عليه
اسرار :رابعا ولا واحد يسئل اسئلة غير مرغوب في الاجابة عنها
ريان :خامسا كل واحد يهتم بنظافة الشقة ونظافته الشخصيه
اسرار:سادسا ولا احد يجيب احد غريب في البيت
ريان :سابعا كل واحد يساعد في دفع الاكل و الاشياء حقت الشقة
اسرار :ثامنا يوم عليك ويوم علي نجيب الاغراض حقت الشقة
ريان :تاسعا ولا واحد منا يتأخر براء الشقة الساعة 9 يكون في هنا
اسرار رفعت حاجب : ليش إنشاء الله
ريان :اولاً عيب البنت تتأخر خاصة انها في غربة ثانياً هنا ينامون بكير يعني الشارع بسرعه يفضى
اسرار: اهاا اوكي الشرط الاخير هو اذا احد منا خالف شرط من هذي الشروط يتخلا عن الشقة وتصير للثاني
ريان :اوكي انا موافق والحين انا بطلع بروح المطعم
اسرار :وانا ايش دخلني علشان تقول لي
ريان :لا بس انا عارف انك اكيييد جوعااانه حيييل لانك توك واصلة
اسرار بتوتر :لا انا مو جوعانه اصلا انا تعبانه بقوم انام
ريان ضحك وقال :هههههه اوكي
اسرار سكتت من ضحكته الي جمدتها مكانها