ومرت الاياام ليـــن جاء يوم .....
:لا يمه انا ما ابي اروح
ام صقر :ليش ؟!
سديم :انا تعباانه ومالي خلق اروح اعراس
ام صقر :هذا صاحب اخوك واهله جاو لنا في عرس اخوك عيب مانروح
لهم لما صار عندهم مناسبه
سديم بأختناق :يمـــه قلت ماااابي ارووووح موو غصب
ام صقر بعصبيه :لا غصب هم عزمونا و واجب علينا نروح ولا تتحججي
لي والحين بسرعه روحي غيري ثيابك وحطي لك ميك آب خفيف
صعدت سديم لغرفتها ودموعها متجمعه في عينها كيف تحظر عرس
الشخص الي حبته كيـــــف
في باريس
الوضع مثل ماهو ماطلعت من الشقة من ذاك اليوم وطول الوقت بس تبكي
اما صقر فكان يطلع للشغل ولا يرجع الا لوقت متأخر
يعني صاروا نادر يشوفوا بعضهم
:والله كان ودي اكون معك في هذا اليوم ياخووي
جراح :ولا يهمك اخوانك بيحضروا وبتصير كأنك حاضر
سكت اشوي صقر وبعدها قال :تخوني
جراح بأستغراب :شنوو مافهمتك ؟!!
صقر :زوجتي تخوني
بصدمه :أيـــش انت متأكد
صقر :ايه
جراح :وكيف عرفت
صار صقر يحكي له كل شي صار معه
جراح :وانت على طول حكمة عليها انها تخونك ..انزين ممكن هذول ناس
يبون يفرقوا بينكم فكر اشوي انت عندك كثيييراعداء وممكن يكون من احد
منهم
صقر :بس السلسلة كيف عرفوا بوجودها في اشياء مو معقولة وتثبت انها
اكيييد تخوني
جراح :ماتقدر تحكم عليها لين يكون عندك دليل مقنع بأنها تخونك
سكت صقر اشوي وبعدها قال :انا اسف جالس اشكي لك همومي واليوم
عرسك
جراح :ولوو انت اخووي اذا ماشكيت لمن تشكي
صقر ابتسم وقال :الله لا يحرمني منك يا جراح ..الحين يلا بسكر وانت
روح شوف امورك
جراح :طيب يلا فمان الله
صقر :فماان الكريم
سكر صقر من جراح وصار يفكر بالي قاله جراح
طقت الباب السكرتيرة ودخلت :استاذ صقر لديك بعد نصف ساعه اجتماع
وقف صقر واخذ جاكيته وركض بأتجاه الباب وقال :القي كل مواعيدي
اليوم
السكرتيرة :بس ....
وطلع صقر يركض وهو ندمان بالي سواه مع حنين
ماجد :طلال خلاص ابي يوم يمر بدون لاتجيب طاريها
تنهد طلال بضيق وقال :محد حاس فيني لانهم ماجربوا شعوري
سكت اشوي ماجد وبعدها قال :قووم نروح العرس تغير نفسيتك اشوي
طلال :والله ماودي اروح احس نفسي منسده من كل شي
ماجد :خلاص طلال يكفي الي تسويه في نفسك
تقرب منهم اسامه وقال :فيكم شي
ابتسم له ماجد وقال :لا بس الاخ ملان يروح العرس معنا
اسامه :وليش ملان قوم يلا مايصير هذا صاحب العيلة بعد يلا قوم
لاتكسر بخاطرة يلا قوم
ابتسم و وقف معه
ماجد فتح فمه وقال :يالنصااب الحين صار لي ساعه احاول معك ولما جاء
اسامه وبكم كلمه قالهم قمت بسرعه
طلال :هههههه ترا ابطل ما اروح
ماجد :لا لا الله يخليك مالنا خلق نقنع اكثر يلا خلونا نروح
ابتسم لهم اسامه وقبل لا يمشي ناظر البحر وابتسم بحزن وهو يذكر
ذكرياته معها مشا معهم بس بدون روح لانا الروح عندها
الهنوف :بنات ما تلاحظون إن اسرار متغيرة من رجعت
العنود :ايه وكل مرة اشوفها سرحانه
حور :تتوقعون شنو فيها
سلمى :اذا جات نسئلها
العنود :ما اعتقد راح تقول شي
رن جوال سلمى وناظرت فيه وقالت :هذي اسرار
حور :يلا ردي عليها بسرعه
سلمى :الوو
اسرار :هلا سلمى ..امم انا اسفة بس ما راح اقدر اجي لكم
سلمى :ليش ؟!
اسرار :لا بس تعباانه اشوي
سلمى :سلامتك حبيبتي ..اذا تبين راح نجي لك احنا
اسرار ابتسمت وقالت :لا حبيبتي مايحتاج
سلمى :طيب حبيبتي ماتشوفين شر
اسرار :الشر مايجيك
سكرت سلمى وناظرت في البنات وقالت :ما راح تجي
كانت جالسة بروحها في البيت وتنتظر رجعته تنهدت بضيق
: من تزوجنا صار مهمل لي ولا يرجع الامتأخر ولا صرت اسمع منه كلام حلو ولا يهتم فيني مثل قبل ....شنووو صار له شنوووو صاااااار
رن جوالها وشافت المتصل ردت بسرعه عليه بفرح وقالت :هلا حبيبي
راكان :هلا ..امم انا اسف مابنقدر نطلع مع بعض اليوم لاني معزوم على
زواج ومابقدر نطلع سوا
الجوري بضيق :بس انت وعدني إن اليوم بنكون مع بعض وبترجع من
وقت
راكان :والحين قلت لك ما اقدر خليها يوم ثاني
الجوري :ومتى هذا اليوم
راكان :خلاص جوري لاتسوين منها سالفة
الجوري :اسوي منها سالفة !!
راكان :اوهوووو انا الغلطان إن اتصلت وخبرتك عشان لا تنتظريني
وسكر الخط في وجها
ضغطة على الجوال بقوة لدرجة كانت ودها تكسرة من الضغط عليه
الجوري ودموعها تنزل :ليش تغيرت لييييش
راكان سكر بحزن وقال :انا اسف ياحبيبتي
:لمتى راح انتظر واقول لها الحقيقة إني اعرفها وهي تعرفني
:وليد حبيبي شفيك سرحاان
رفع راسه لها وفتح فمه من جمالها
مرام بخجل :ليش تطالعني كذا
وليد ابتسم :من جمالك
ابتسمت بخجل وجلست بجنبه وقالت :هذا اخر اسبوع تشوفني فيه
وليد بصدمه :ليش
مرام :مو باقي غير اسبوع على زواجنا لازم ماتشوفني عشان تشتاق لي
وليد :انا اذا مر يوم اموت من الشوق لك والحين تبين اسبوووع ماااا
اشووفك فيه !!
مرام ضحكة وقالت :اصبر بس اسبوع
وليد :ولا يوم
مرام :يلا عاااد
وليد :لا يعني لا
مرام :والله بزعل منك
وليد :يووووة يعني مصرة
مرام :ايه مصرة اكثر مما تتوقع
وليد :بس راح تشوفي راح اطلعها فيك يوم الزواج
مرام :شنو بتسوي يعني
وليد :لا خليها مفاجأة
:افففف اففففف ليش صاااايرة اشتاااق له ولصوته ....بس لا لا ما راح
اكلمه بعد الي صار منه ..بس والله اشتقت له كثير ....لا يكووون انا
حبـ ... هههههه لا اكييييد لا مستحيييييييييييييل هو مثل اخوي ايه مثل
اخوي
طق الباب ودخل
رفعت راسها وقالت :شنوو تبي
سلطان :رنووم حبيبتي ابي اطلب منك طلب
رنيم :شنوو
جلس على الكرسي وقال :اممم ابي نسوي خطة
رنيم :خطة شنو وليييش
سلطان :انا بفهمك كل شي ...اسمعي انا ابي اخطب جنى بس جنى ماتبي
الحين
رنيم :ليش ؟!...وبعدين كيف عرفت ..انت تكلمهاااا !
سلطان :يوووة الحين خليني افهمك واتركي نفسك من كيف عرفت
رنيم :اوكي كمل يا حظي
سلطان :اسمعي ابيك لما تجتمعوا قولي للبنات انكم خطبتوا لي
رنيم :بس حنااا ماخطبنا لك !!
سلطان :انا طوول عمري كنت احسك ذكيه بس في هذي الحظة اكتشفتك
على حقيقتك
رنيم خنفست بوجها وقالت :ترا ما راح اساعدك
سلطان :يوووة امزح معك شفيك ماتتحملي المزح
رنيم رفعت حاجب وقالت :للمصلحه بس
ابتسم بقوة لها وقال :انا ابيك تسوي كذا عشان الست جنى تحس على
نفسها وتكلمني
رنيم :اهااا يعني انتوا تكلموا بعض بس بسبب انها ماتبي تتقدم لها الحين
صرتوا ماتكلموا بعض
سلطان :ايييه عفيا عليك الحين اكتشفت إن احساسي صحيح وانك ذكيه
ياحبيبتي
رنيم :احم احم اعجبك ..خلاص اترك الباقي علي
سلطان :انا اعتمد عليك
رنيم :ولا يهمك خلها علي
دخل بسرعه الجناح وصار ينادي عليها
من سمعت صوته خافته ولزقة في الجدار وهي خايفة انه يطلع معه شي
جديد الحين
طق عليها الباب :حنين اطلعي اشوي
مشت لعند الباب بتردد وفتحته بس من شافت ابتسامته نست كل شي
ضربة وسبه وحبسها في الشقة صارت تناظر عينه بسرحان بس انتبهت
لما نادها اكثر من مرة
صقر :لهدرجة انا حلووو
نزلت راسها بأحراج
صقر :اوكي يلا تجهزي راح نتمشى اشوي
حنين ناظرت عينه تبي تتأكد من الي تسمعه بس ابتسامته تدل على انه
يتكلم من جد
ابتسمت بفرح وقالت :ثواني بس بلبس واجي
صقر :لاتتأخرين ولا راح اغير رايي
حنين :لا ما راح اتأخر
ودخلت بسرعه ولبست وطلعت له
ناظر فيها وباعد عينه عنها وقال :يلا مشينا
طلعوا من الفندق وصاروا يمشون بجنب بعض وايدهم تتقارب لبعض
رفعت راسها وناظرت فيه وابتسمت بحب (ياليت كل يوم اشوفك بهذا
الرواق )
صقر (لازم ابدي من جديد ..طفلتي لازم انسااك دامك ماتذكريني و
عشتي حيااتك ..اتمنى لك السعادة لاتنسيني طفلتي )
ناظر فيها وشاف الابتسامه الي من طلعوا من الفندق وما فارقتها
صقر :ساامحيني
التفتت له وقالت :قلت شي
صقر :هااا ..لا ماقلت شي .... بوديك مكاان اكييد راح تحبينه
حنين (هذاا شنوو صااار فيه لا اكيييد مو هو اكييد بدلوه )
وقف تاكسي وركبوا فيه
وبعد ربع ساعه وصلوا
نزلت وهي مندشة ومو مصدقة الي قاعد يصير تحس نفسها في حلم
ومااتبي تصحا منه
حنين بدهشة :الملاهي !!
صقر ناظر فيها وبعدها ناظر في الملاهي وقال :ابي اليوم نفرح بدون لا
يعكر علينا شي
ابتسمت وصارت تمشي معه بفرح
ودخلوا للملاهي وصاروا ينتقلوا من لعبه للثانيه
حنين (ياااربي اذا كان هذا حلم فماا ابي اصحا منه )
اليوم اكتشفت حنين شخصيه ثانيه لهذا الجامد اكتشفت انه عنده روح طفل
اول مرة تلاحظ هذا الشي فيه
صارت ضحكتها تتعالا المكان وتناظر فيه وتشوف ابتسامته الي ما راحت
صارت تركض وتروح للعبه ثانيه وتلعبها
صقر :تبين حلاوة شعر بنات
ناظرت فيه بصدمه بس بعدها ابتسمت وهزت براسها
ابتسم وتوجه واخذ لهم اثنين وصاروا ياكلونه
دمعت عينها ونزلت الدمعه ماقدرت تتحمل ناظر فيها واستغرب وقال
:ليش تبكين
حنين :لاني مو مصدقة الي قاعد يصير الحين
ابتسم وقال :لا صدقي
حنين :صقر
طق قلبه بشكل غريب وناظر فيها
حنين :اناا ..ما خنتـ ...
صقر :خلينا الحين مستانسين وانسي هذا الموضوع الحين
حنين :طيب
في القاعه
دخلت سديم وهي تجر الآمها وحزنها الليلة بتحضر زفة حبيبها
جلسوا على الطاولات وانطفأة الانوار لتدخل
ملك بثوبها الابيض
ولتدمع عينا سديم حزنا
رانيا :ما شاء الله جمييلة العروس
ام صقر :ايه ما شاء الله
سديم :انا بروح الحمامات (اكرمكم الله )
رانيا بهمس لامها :شفيها سديم مو على بعضها
ام صقر :والله مادري يابنتي اختك ماتقول شي لي ..بس شاطرة تقول
لبنت الفقر حنين
رانيا :يممممه حنين الحين صارت مرت ولدك وللحين مو متقبلتنها
ام صقر :لانها ما كانت برضاي عشان اتقبلها
رانيا :يمه انا اعرفك زين انتي ما يهمك الفلوس ..بس مادري ليش
دائما تكرهين حنين وتقولي بسبب فقرها بس انا احس إن في سبب ثاني
ام صقر :سكري عن سالفتها الحين وخلينا نشوف بنت حلوة لطلال اخوك
رانيا :تبين تخطبين له ...هو يدري يبي يعني
ام صقر :مافي احد مايبي يتزوج والحين طالعي معي نشوف وحده احسن
من حنين الفقر
تنهدت رانيا بضيق من كلام امها
دخلت بسرعه الحمام وصارت تبكي بشده والم مو قادرة تتحمل اكثر من
كذا ...
عند الرجال
طلال :مبروووك مبروووك
جراح :الله يبارك فيك وعقبالكم شبااب
ماجد :احنا الثلاث اخر شي بنتزوج
اسامه :هههههه أي والله
جراح :وين مشعل ما جاء معكم
طلال :لا مادري وش فيه صاير ماله خلق احد ولا يطلع كثير معنا
جراح :اهاا وباقي الشباب وينهم
ماجد :جاين في الطريق
جراح :اسامه انت بترجع بريطانيا
اسامه :ايه ان شاء الله
كان واقف عند باب بيتهم متردد يدخل ولا لا بس في الاخير طق الجرس
ودخل
فتحت له الخدامه وقال لها :نادي على رنيم
الخدامه :تيب
دخل المجلس وجلس
نزلت رنيم بتأفف ولبست حجابها وفتحت الباب
رنيم :نعم بقيت شي اخ مشعل
تنهد بضيق وقال :ممكن ماتكلميني بهذي الطريقة
رنيم :وكيف تبيني اكلمك بأي طريقة
مشعل بعصبيه :رنيـــــــــــــــــــــــم
وقف قلبها من الخوف اول مرة يصرخ عليها
مشعل :انا جاي بقول لك كلمتين وطالع ...يمكن صحيح صعب تنسين
الي صار بس انا من اليوم بعتبرك فقط بنت عمي واتمنى تعتبريني مثل
ولد عمك وبس
رنيم :ليش شنوو الي تغير
مشعل :الي تغير إني مليت من نظراتك لي وابي ارتاح
رنيم :وتقدر
مشعل :ايه اقدر
رنيم :وليش ماسويت كذا من البدايه ولا خبرتني بشي
مشعل :كان بكون اصعب علي لاني بشوفك كل يوم وبتكوني قريبه مني
رنيم :اوكي سوو الي يريحك
مشعل :راح ابدي بكرة اشتغل في شركة ابوي و .... وعشان انساك راح
اكلم امي عشان تخطب لي
رفعت راسها بسرعه بصدمه وقالت :بس بكيرر تخطب الحين
مشعل :لا مو بكير في نااس كبري وخطبوا الا اذا كنتي ماتبيني اخطب
رنيم :هاا ..لا اصلا انا مو مهتمه وبعدين مالي دخل فيك سو الي تبي
ابتسم مشعل وتقرب منها وهي ابتعدت اشوي على وراء
مشعل :لاتخافي ما راح اسوي لك شي ...والحين يلا انا بروح ....مع سلامه يا بنت عمي
رنيم ضغطت على كف يدها وقالت :مع سلامه
ام صقر :رانيا قومي شوفي اختك وين اختفت المعرس بيدخل وهي للحين
ماجات
رانيا :اوكي
وقفت رانيا الا بجيت سديم
رانيا :هذي جات
ام صقر :وين رحتي سديم
سديم :الحمامات
ام صقر :كل هذا الوقت
سديم :ايه يمه انا تعبانه وابي لو نرجع
ام صقر :انا اتصلت لطلال وهو الحين بجي لنا بس المعرس الحين بيدخل
تغطي
ضغطت على كف يدها بقوة وبألم قالت :إن شاء الله
تغطت سديم ودخل جراح الي ما كان متوقع وجود سديم هنا
ناظرت فيه بألم ونزلت دمعتها ما تحملت تشوفه متوجه لغيرها
(آآآآه يا جراح نسيتني ونسيت كل شي بينا ...جرحتني يا جراح وهالجرح
ما راح يطيب )
دخل جراح وباس راس امه وتوجه معها لملك الي كانت واقفه بأنتظارة
تقدم وقلبه يتقطع في كل خطوة تمنى تكون سديم هي الي واقفه قدامه
وتنتظر وصولة ابتسم مجرد ماتخيل انها سديم وصار يشوف سديم مكان
ملك
سديم (ومستانس بعد هه اكييد وش كنت انتظر منه انه يكون حزين
لانه ما نساني ويتمناني بدلها )
وصل جراح لها وناظر في عينها بعدها حس على نفسه الي قدامه ملك مو
سديم
باس جبينها بألم و وقف بجنبها
سديم (يكفي يكفي خلاص حرقة لي قلبي حس فيني انا هنا هنااا)
طق قلبه بسرعه حط ايده على قلبه وصار يناظر في الموجودين
ناظرت فيه ملك بأستغراب وخوف
ملك :فيك شي ؟؟!
ماسمعها كان يدور عليها هو متأكد انها هنا قلبه حاس بوجودها
نزل عينه بألم وضحك على نفسه (اناا شنووو اسوي ..حتى لو شفتها
شنو راح اسوي )
رفع عينه بالوقت الي رفعت بها عينها والتقت بعينه المشتاقه
دمعت اكثر عينها بألم وكأنها تعااتبه
جراح (سديم !)
سديم (جراح)
جراح (ليش جيتي لييييييش )
سديم (عشان ازفك لعروستك)
جراح (لاتبكيـــن لاتبكيــــــــن بسبببي قلبي يتقطع لا تألميني اكثر
...مسحي دموعك انا ما استحقها منك)
سديم (هذي اخر دمووع راح تنزل عشانك )
جراح (سااامحيني سديم سااااامحيني )
سديم (ياليت اقدر اسامحك علقت قلبي فيك وفي النهاية تتركني !)
جراح (والله غصب عني )
سديم (انت انتهيت من حياااتي خلاص)
جراح (سديم انا احبـــــك والله احبك ولا نسيتك ولا لحظة )
سديم (تأخرت كثيييير يا جراح اتمنى لك السعادة مع عروستك ..تصدق
عروستك حلووة وتستحق منك فرصة)
جراح(سديم ارجووووك ارحميني من نظراتك هذي )
سديم (انت نسيتني وتخليت عني بسهولة )
جراح (لا والله ما نسيتك ولا تخليت عنك انا ابيييييك )
سديم (جراح جرحك ما راح انساه ..اتمنى لك حياة سعيدة مع ملك)
جراح (سدييييم حراااااام عليك لا تألميني اكثر من كذا )
سديم (الوداااع)
جراح (سديم ...سدييييييم ):سديم
ناظرت فيه ملك بصدمه وناظرت اتجاه المكان الي يناظر فيه وانصدمت
انها بنت وكانت طالعه من القاعه بسرعه
ضغطت على كف يدها وقالت بهمس :مانسيتهاا موو ..
ناظر فيها والدنيا مسودة فيه وده لو يموت بس تسامحه سديم
ملك بخنقة نادت على امها وقالت انهم يبون يطلعوا خلاص
توجهوا للسيارة وركبوا فيها ولا تكلموا بولا كلمه لين وصلوا للفندق
ونزلوا وكل واحد المه اكبر من الثاني
من دخلت الشقة على طول توجهت للغرفة وسكرت الباب عليها وصارت
تبكي بحرقة وبحسرة
وجراح ما كان احسن منها حال نزلت دموعها المحبوسة وتذكر نظراتها
الاخيرة له
جراح صرخ بقوة وبألم وده لو يرجع الماضي اشوي ليغير كل شي صار
معه
سمعت صرخته وزاد بكائها حسرة حبت شخص ماحبها وليوم عرسها
يذكر اسمها
عند سديم الي من وصلت البيت صعدت بسرعه للغرفة وصارت تبكي
بحرقة وحسرة كل شي انتهى اليوم خلاااص ماتقدر تكووون له ..
حبها اليووم انتهى
في باريس
مسك ايدها وهم راجعين للفندق ناظرت فيه بصدمه وبعدها ابتسمت
بسرعه
ولما وصلوا للشقة فتح الباب ودخلوا بس انتبه لظرف كان موجود تحت
الباب اخذه وفتحه وحنين قدامه تناظر في الظرف
حنين :شنو فيه الظرف
صقر :الحين بشوف
فتح الظرف وطلع منه صور
صقر وسع عينه بصدمه وضغط على كفه بقوة ورفع عينه لحنين الي
امتلت نار منهاا
تراجعت على وراء من شافت عينه الي كأنها بتنقض عليها مثل الفريسة
وبلعت ريقها وهي تحس إن الفرحه ما راح تكتمل اليوم
نهاية البارت