في بيت ابو ماجد
ام ماجد بفرح حضنت وليد وقالت له :مبرووك مبروووك وافقوا
احساسه كان مزيج من السعادة ومن الالم
ابو ماجد :الحين بقى التحليل ابيكم لو تحللو اليوم ونشوفها في نفس الوقت ونجهز كل شي بسرعه ويكون العقد بعد يومين
وسع عينه وقال :بهذي السرعه
ابو ماجد :ايه احسن نبي الامور تصير بسرعه
وليد :انشاء الله راح اروح للتحليل
دخل غرفته وطلب الدكتورة دينا
طقت الباب بهدوء ودخلت :السلام عليكم
رعد :وعليكم السلام تفضلي
جلست وناظرت فيه بسرحان
رعد :اذا راح تضلين تناظرين فيني ما راح نخلص
نزلت عينها
رفع راسه عن الملفات الي بأيده وقال :تجهزي بعد ربع ساعه عندنا عملية خطيييرة وابي يكون عقلك فارغ من كل شي وتركيزك فقط في المريض
رفعت راسها وقالت :ادري انك مصدوم بالي قالته اسيل عن حبي لك
ناظر فيها بهدوء وقال :مو هذا موضوعنا الحين
دينا :ايه احبك
رفع عينه لعينها وقال :دينا ..
دينا :انا اسفة حاولت امنع نفسي من حبك بس ماقدرت للحظات كنت اكره نفسي فيها لاني تمنيت لو تموت اسيل
وسع عينه بصدمه :ديناااا !!!
دينا :انت اول حب في حياتي صعب يكون اول حب في حياتك ويفشل هه غبيه مو
ناظر فيها بحنيه وجلس بالكرسي قبالها
تجمعت الدموع بعينها بألم وقالت :اسيل مثل اختي وتألمت من الي صار بسببي كانت تعرف بحبي لك و وصتني عليك قبل لا تروح .... انا راح اترك هذا المستشفى لازم انساك وانسا كل لحظة صارة لي معك هنا
مسحت دموعها الي نزلت وقالت :عن اذنك
وقف بسرعه ومسك ايدها وقال :لاتروحي وتتخلي عن حلمك بسببي سبق وتخلت انسانه عن حلمها بسببي لا تكرريها ارجووك
تفاجأة منه اول مرة يكلمها بالطريقة هذي
رعد :هذا حلمك لا تخسرية بسببي ليييش صرتي ضعيفه كذا انا اعرفك اقوى من كذا !
دينا :رعد انا مقدر استمر اشوفك كل يوم واتظاهر ان مافي شي صار
رعد :فكري زين قبل لا تاخذي قرار تندمي عليه بعدين وفي من هو الي احسن مني وراح تلاقينه وتحبينه
ابتسمت له وتوجهت للباب
رعد :وين بتروحي وقت العملية الحين
دينا :كان ودي احظر العملية بس عقلي مو معي انا اسفة
رعد بعصبيه :ديناااااااااااااااا
التفتت له بسرعه
رعد :اذا كنتي تبي تصيري دكتورة وتنقذي الناس لازم يكون عقلك معك دائما ولا راح تموتي كثير بسببك انتي دكتوووورة افهمممممي
دينا :لما تركت اسيل هل كان عقلك معك ؟
رعد :انا تركتها قبل لا اصير دكتور
دينا :يعني مافكرت فيها بعد ماصرت دكتور
رعد سكت ولا عرف كيف يرد عليها
دينا :انا الحين في وضع مايناسب اني ادخل غرفة العمليات الدكاترة بعد بشر يادكتور رعد
دارت وفتحت الباب وطلعت من الغرفة
تنهد بضيق وطلع من الغرفة متوجه لغرفة العمليات
طلعت وهي مو عارفة شنو تسوي وفي الاخير طلعت من المستشفى متوجهه الى بيت اسيل
في بيت ابو صقر
سديم :شرايك نروح السوق ماباقي الا 10 ايام للزواج ولا جهزنا شي
حنين بتوتر :خاايفة مررة ياسديم
سديم ابتسمت وجلست بجنبها وحضنتها وقالت :لاتخااافي انا معك
حنين :يعني على طول ثاني يوم الزواج بسافر معه بروحنا
ضحكت عليها وهزت راسها بأيه
حنين : وكم راح نبقى هناك
سديم :مدري لانا هو عنده شغل هناك ويمكن شوي يطول
حنين تنهدت بحيرة
سديم ابتسمت وقالت :يلا بلاتضيع وقت ..صحيح رانيا جابت لنا مجلة عشان نشوف التصميم الي نبيه لك ولازم يخلصوة في يومين مافي وقت
حنين :صدق رويني اياه
سديم :اوكي دقيقة بجيبه
راحت سديم وجابته وصاروا يتصحفون المجلة ويعلقون ويضحكوا ويقترحوا
نزلت من السيارة وهي معصبه من حركته البايخه
لحقها بسرعه وقال :حبيبتي رنوووي شفييييك
رانيا دخلت بيتها وراحت بتركب الدرج بس وقفت من مسكت محمد لايدها
محمد :ممكن تفهميني شنوو فيييك
رانيا :الي فيني انت
محمد بأستغراب :اناا ..ليش شنو سويت ؟!!
رانيا بقهر :والي صار في المطعم
محمد :قصدك الورقة الي طاحت من عند الرجال
رانيا :لا تقول طاحت انا شايفتنه متعمد يرميها بالقرب مني وانت شنووو سويت حضرتك قمت وعطيته الورقة وقلت له "وهي تقلدة" يالاخوو الورقة طااحت من عندك ..وانت شايف انه كان متعمد يرميها بالقرب مني
محمد :ليش انتي سيأت ظن كذا الرجال طاحت من عنده وانتي فاهمه انه يعاكسك
رانيا بقهر :اوووكي ولو كان صدق يعاكسني شنو بتسوي
محمد :بكلمه بقول له ان هذا الشي عيب الي يسويه
رانيا صرخت بقهر :اااااااااااااااااااااااا وركبت فوق وحقرت ندائه لها
محمد :شفيهاا ذي !! <<تبي اشوية غيرة منك
:متى قلت لي بسافر
:بعد 11 يوم تقريبا
بعصبيه :مااابي بالتقريب ابي بالضبط
:بعد 11 يوم
:احجز لي على نفس رحلتهم ونفس الفندق وكل شي فااااااهم
:ان شاء الله طال عمرك
:قرب اليوم يا استاذ صقر هههههههااااااااااااااااااااااااي
:شنوو تبين
وقفت ودارت لها وابتسمت وقالت :اخبارك اسيل سمعت ان العملية كانت ناجحه
اسيل :تسلمين
دينا :اسيل اناا .....
اسيل :اذا كان الموضوع الي جيتي عشانه يتعلق بالي صار فأنا ما ابي اسمع شي
دينا :لا لازم تسمعين لانك جالسة تظلمينا
اسيل :اظلمكم ؟!!
دينا :ايه الي شفتيه كاان ..
قاطعتها وقالت :يمكن صحيح فسرت الي شفته غلط بس لما شفت ملامح رعد المرتاحه والفرحانه تالمت لاني كنت اتصور انه ينتظرني بشوق وفكرة معي و باله مشغول شنو صار فيني ..هه ولا حتي بحث عني ولا سأل
دينا ضغطت على ايدها وهي تذكر كلام رعد (ابي يكون هذا الشي سر بينا لا تقوليه لاسيل )
اسيل جلست ودموعها تنزل :انا تعبت من هذا الحب خلاص مستحيييل ارجع له .....تدرين شنو السبب في اصابتي لهذا المرض .....كان بسبب كمية الحبوب الي اخذتها في محاولة انتحار بسبب تركه لي هه
وسعت عينها بصدمه :أيــش ؟!
اسيل :حنا خلاص انتهينا يمكن كذا افضل لنا لانا ابوة ما راح يوافق علي اكيييد
انقهرت دينا وقالت :انتي مجنوووونة تتخلين عنه بهذي السهولة وهو الي ضحى بحياته عشانك
اسيل بأستغراب :مافهمتك شنو تقصدين !
بلعت ريقها وقالت :المتبرع الي تبرع لك بكليتك كان هو الدكتور رعد
وسعت عينها بصدمه وعدم تصديق
دينا كملت :انا وعدته ما اخبرك ويضل هذا سر بس ماقدر ماااقدر تدرين شنو صار له لما قلت له انك رحتي سافرتي جن وصار يبكي اول مرة اشوفه بهذي الحالة
نزلت دموعها بألم وقالت :ليييييييش ما قالي
دينا :لانه كان واثق انك ما راح توافقي على هذا الشي
نزلت دموعها بغزارة وصارت تبكي تقدمت لها دينا وحضنتها وقالت :لا تخلي الشي الي صار في الماضي يتكرر و رجعي لرعد
حضنتها اسيل اكثر وقالت :مااا راااح انسى معروفك معي طوووول حيااااتي
ابتسمت لها وقالت :يكفيني تكونو سعيدين وترسمي الابتسامه على وجه رعد لانك الوحيدة الي تقدر ترسمها بشكل حلووو
ابتسمت لها بحب وطيبه
يوم جديد
الكل راح السوق بعد ماعرفوا بنتيجة التحليل السليمه والكل بدء يتجهز لبكرة
في المستشفى
كان باله مو معاه ومن انطق الباب رفع راسه بسرعه
فتحت الباب ودخلت وابتسمت له
انصدم من وجودها و وقف بسرعه وهمس :اسيل
ابتسمت له وتقدمت وقالت :اشتقت لك
ابتسم بخفه وتقرب منها وقال :وانا اكثررر
في بريطانيا
اسامه :راح اشتاق لك
ناظرت في عينه وبعدها بعدتها وقالت :وانا بعد يا اسـ امه
ناظر في عينها وقال :لا تطولي
اسرار بألم :لا تنتظرني اذا طولت في الرجعه
اسامه :شنو قصدك
اسرار :ولا شي بس لا تنتظرني اذا طولت
اسامه :كم راح تظلي هناك ؟
اسرار :4 اياام
اسامه :اممم
اسرار :اسامه
اسامه :هلا
اسرار :كيف راح تتعرف على حبيبتك اذا شفتها
اسامه :ليش تتكلمي عنها كثير الايام الي راحت
اسرار :بس عندي فضول
اسامه :كلمة وحدة هي تعرفها اذا قالتها راح اعرف انها هي
اسرار :شنو هي
اسامه بسرحان :هي تعرفها
سكتت اسرار وهي تناظر في ملامح اسامه الي سرح فيها
:فصلت فستان العرس
ناظر فيها وابتسم
ملك ببتسامه :انتظر متى يجي هذا اليوم بفارغ الصبر
جراح :باقي سبوعين صح
ملك :نو باقي 18 يوم
جراح :ملك
ملك :لبيه
ابتسم لها وقال :خلينا نأجل العرس
ملك بصدمه :ليييش !!
جراح :صديقي الي مثل اخوي بسافر ويمكن تاخذ سفرته شهر او شهرين
ملك :وتبيني انتظر شهر او شهرين عشان صاحبك
جراح :بس حنا من خطبنا هذا الشهر الثاني يعني ماطولنا مافيها شي
ملك :لا مابي اطول وحنا مو ناقصنا شيل يش نطول فترة الخطوبة
جراح :اوكي بكيفك خلاص
ملك ابتسمت وقالت :شرايك نطلع للبحر اشوي
ابتسم لها وهز راسه بأية
عند ناس ثانيه
:الجوري شرايك مانطول فترة الخطوبة
الجوري بخجل :عادي حبيبي سوو الي تبيه
راكان ابتسم وقال :اجل شرايك نكون مع نواف اخوك
الجوري :والله فكرة حلوة
راكان :اجل خبريهم واخذي رايهم بالاول
الجوري :اوووكي حبيبي
يوم جديد
الكل توجه لبيت ابو نواف
حضنتها بسرعه وقالت :واااااي مووو مصدقة احد يقرصني عشان اصدق ان مرووم بتصير مرت اخوي
قربت منها سديم وقرصتها بقوة والكل ضحك عليها وهي تصرخ بألم
اشواق :يانحسسسه سدموووه عورتيني
سديم :انتي الي طلبتي
اشواق :صدق نحسه
جنى :رنووم حبيبتي ليش صوتك مانسمعه
رنيم بضيق :مافيني شي بس انا بنزل ولا تتأخرو خلو البنت ترتاح اشوي قبل كتب الكتاب
وطلعت
الكل ناظر في بعض بأستغراب
لمى :هذي موو رنيم موو ؟!
الجوري :شفيهاا متغيرة كذا
مرام :انا لاحظت من زماان بس قلت يمكن متعاركة مع مشعل وبيرجعوا مثل العادة
حنين :صايرة غير عن قبل ماتتكلم كثير ولا تضحك الابالموت وحتى ما صرنا نشوفها تجي البيت
سديم :أي والله حتى مشعل مايجيب طاريها ولاشي
اشواق :انتوا مالاحظتوا انها صارت تتحجب عن شباب العيلة
سديم:أي والله حتى عن مشعل ياااربي هذيل اكييييد فيهم شي ومخفين علينا
الجوري :شكلها هذي المرة مو تعارك بسيط
جنى :ايه عورت قلبي مو متعودة اشوفها كذا
لمى :أي والله
اشواق :خلاااااص بنات ضيقتوا صدر مرت اخوي خلوها اشوي ترتاح ويلا نزلوا
الكل صار يتحلطم ونزلوا لتحت
اشواق :يلا حبيبتي ماجد عطاني رنه عشان ننزل وياخذ موافقتك الشيخ وتوقعين
مرام :قلبي صار مثل الطبل
اشواق :ههههههه اوك قومي حبيبتي انا معك
قامت معها ونزلت وبخوف وتردد غمضت عينها وقالت
:موافقة
الكل صار يبارك لها ويحضنها لين جاء وقت دخولها على وليد هنا لزقة في اشواق وقالت :ماله داعي يشوفني
اشواق :ههههههه ترا اخوي ما يعض
مرام ضحكت ومشت معها بخوف وتوتر
انفتح الباب و وقف ورفع راسه وانصدم من جمالها بلع ريقة وتقدم لها وباس جبينها
وبعدها طلعت اشواق مع تعليقتي حلوة منها
ضحك على خبال اخته وناظر في مرام وقال :اخباارك مرام ؟؟
مرام بتوتر :بخيـ ـر
وليد :مبرووك
مرام :الله يبارك فيك
وليد :اممم والله مو عارف شنو اقول ههه
ابتسمت بخجل
وليد :امم ماشاء الله عليك حلوووة كثييير
احمر وجها خجل منه وقالت له :تسلـ ـم
وليد :اوكي ممكن تعطيني رقمك
مرام من التوتر نست رقمها فأعطاها وليد رقمه <<طبعا الثاني مو الي يكلم منه البنات
ابتسمت واخذت الرقم بخجل وتلامست ايدهم ببعض هنا طق قلبهم بسرع مثل الطبل
بعد 3 ايام
حضنوها بقوة وصاروا يبكون
اسرار ضحكت عليهم وقالت :خلاص عاد مو اول مرة ارجع لبلدي
ريم :راح توحشينا
اسرار :وانتوا اكثر
بدر :خلاص عاااد بنات ترا هي مو رايحه بدون رجعه
ناظرت فيه اسرار وناظرت في البنات وابتسمت لو يعرفوا انها رايحه بدون ماترجع شنو راح يسوو
الكل سلم عليها وحضنها
امجاد :متأكدة ماتبين نروح معاك للمطار
اسرار :لا حبيباااتي
شهد :لا تقطعي
فيصل :بنااات تراها 4 اياام بس وراجعه لكم
ريم :تعودنا على وجودها دوووم معنا
اسامه كان فقط يناظرها من بعيد
رفعت راسها والتقت عينها بعينه ابتسمت له وركبت التاكسي على طول
غمض عينه بقوة مايبي يشوفها تروح
قبل يومين
في الشقة
اسامه :اسرار
التفت له
اسامه :افتحي ايدك
فتحت ايدها ودخل شي فيها وسكرها
اسامه :البسيها دووم وخلينا نذكر بعض من خلالها
فتحت كفت ايدها ولقت سلسلة حلوة ابتسمت ورفعت راسها له وقالت :شكرا
سديم :حنين
حنين :هلا
سديم :انتي جلستي مرة مع صقر بعد يوم الخطوبة
حنين نزلت راسها وهزت بلا
سديم :ليش
تذكرت الي صار امس لما طلعوا طلال من المتشفى
الكل كان يستقبلة وهي من ضمنهم بس كانت تبي تشوف صقر الي ماجلست معه ولا مرة ولا كأنها خطيبته
دخل صقر وهو ماسك بأيد طلال
ابتسمت من شافت صقر بس هو راح باله انها فرحانه من شافت طلال
وصل طلال للكنبه وناداها
وراح للمطبخ
دخلت وهي فرحانه انه طلبها
صقر بعصبيه :انتــــي على شنوووو تخططي ؟!!!!
انصدمت وقالت :مافهمتك
صقر تقرب منها وصار يناظر في عينها الخضراء وقال :اسمعيني ابيك تعرفي شي واحد ترا انا ما اخذتك رغبة فيك ولا حب فيك ولاحتى شفقة فيك بس اخذتك لانا ابوي اجبرني على هذا الشي ولا انا ما ابيييييك فاهمه ماااااااااا ابيــــــــــــــــــك
انصدمت لدرجة انها ماقدرت تتكلم طلع من المطبخ وصقع في كتفها
وخلاها تعاني من الالم
صحت على شوت سديم
حنين :ولا شي سديم بس بسبب التحضير للعرس ماقدرت اشوفة وهو في الشركة اغلب وقته
سديم :بس لازم تشوفوا بعض قبل الزواج
حنين :انا مرتاحه كذا
سديم :اوكي براحتك
في بريطانيا
دخل الشقة وتنهد بضيق وهو يشوف المكان رجع هادئ
توجه لغرفتها وفتحها ودخل فيها وصار يناظرها ببتسامه نزل راسه ورفعه وتوجه بيطلع وسكر الباب بس فجأة فتحه بسرعه وتوجه لاكباتتها بصدمه انها ماخذه كل شي كـــــل شــــــــــي
اسامه :بس هي 4 ايام ليش اخذت اغراضها كلها باعد افكاره عنه وتوجه للصالة وانتبه لورقة على الطاولة ملفوفة تقرب لها وحملها وطاح شي منها
نزل على الارض وانصدم انها القلادة الي اعطاها لاسرار :بس كيف انا قلت لها خليها معك ليش هي هنا ....يمكن نستها لا لا مانستها لانها محطوطة داخل هذي الورقة بلع ريقة
وفتح الرسالة
كان مكتوب فيها
الى حبيبي اسامه حب حيااتي
اتمنى ان لا تنزعج مني ولا تحزن بسببي ولكن هذا هو الافضل لنا
انا ذاهبه الاان ولن اعود مرة اخرى الى هنا لا تسألني عن السبب فأنا
عاجزة عن بوحه ولا تلمني لم اكن اريد لنهايتنا ان تكون هكذا ولكن لابد ان نستجيب للقدر
لقد احببتك اكثر من كل شي لم استطع ان اخذ هذه القلادة لاني اريد ان
انسا واريدك ان تنسا انا اعلم انك تتألم الاان للمرة الثانيه ولكن انا لست لك
ولا انت لي
سامحني سامحني يا اسامه للمرة المليووون اتركك انا اسفة
احبـك اسوومي
وسع عينه على اخر كلمة كتبتها صارت الورقة ترتجف بأيده وجسمه مو قادر يوقف اكثر طاح على الارض منهار القوى يناظر في الكلمة والجملة الي قبلها كشفت نسها بس بطريقة غامضة
نزلت دمعه من عينه وهمس :هـ ـي اسـ ـرار ..!!!
هز براسه لا كيف يصييييير شنووو هذي الصــــدفة
صار يتذكر كل شي كان المفروض ينتبه له من البداية
نفس الاسم
نفس العمر واليوم
نفس المنطقة
نفس الصفات
تذكر يوم الي حكى لها عن اسرار حبيبته الاوله كيف صارت وكيف دخلت الغرفة بتعب وصدمه
تذكر كلامها
"اسرار :ممكن اسألك سوال
اسامه :تفضلي ؟
اسرار :لو رجعت لك الي تحبها راح ترجع لها
اسامه سكت وسرح اشوي وبعدها قال :لا"
تذكر يوم الي قالت عن حبيبها الاولي
تذكر نظرات عينها له
رجع قراء اخر كلامها وقام بسرعه وطلع من الشقة يركض وهو ماسك الورقة وقف بسرعه تاكس وقال :من فضلـــــــك زد السررررعه سوف تذهب الطائرة
حط ايده على قلبه وقال :لا لاتروووحي انااا ابيييييييك والله موو قادر انسااااك ارحمييييني ارجوووووك
ناظر في الساع هيبي الوقت يوقف نزلت دمعه حارة على خدة التقى بها شافها وحبها وعشقها للمرة الثانيه
أنه أول طارق على باب القلب ، قبله كنا لا نعرف عنه أى شئ ، لا نعرف شكله ولا نعرف شئ عن زيارته لنا أثناء الليل أو عند غروب الشمس .. هو الأجمل والأعنف أنه " الحب الأول " الذى عندما نسمع هذه الكلمة أو نقرأها تهتز قلوبنا ونسبح فى خيال واسع الى تلك الأيام الجميلة حيث المشاعر النبيلة التى لم تلوثها الأيام
نتذكر عندما كنا نسهر الليل فى كتابة خطاب غرامى ثم تلقى به فى طريق من تحب فتأخذه بعد أن تلتفت يميناً ويساراً ، أو عندما نعترض طريقه كى تلتقى العين بالعين ونتبادل الأبتسامات بعفوية بمشاعر صادقة قلما تجدها
أنه الحب الوحيد الذى نلجأ الليه فى أوقات اليأس والحزن
ولكن هل هو وهم أم حقيقة يقول أبو تمام
نقل فؤادك حيث شئت من الهوى ** ما الحب الا للحبيب الأول
كم منزل فى الأرض يألفه الفتى ** وحنينه أبداً لأول منزل
كلنا يعرف هذه الأبيات لكن ما مدى صحتها البعض يراها وهماً والعض يراها حقيقة
ناقش إحسان عبد القدوس هذا الأمر فقال " فى حياة كل منا وهم جميل يسمى: الحب الأول . لاتصدق .. فإن حبك الأول هو حبك الأخير!!
وقفت فجأة في وسط المطار الكبير دارت راسها وغمضت عينها بقوة كانت تتمنى يجي ويمنعها نزلت راسها بألم وكملت طريقها
نزل من التاكسي وصار يركض بسرعه ويصرخ بأسمها "اسرار يا اول حب حبيته "
وقف في وسط المطار وصار يلتفت يمين ويسار يدور مو عارف وين راح يلاقيها في هذي الزحمه
اسامه وهو يتنفس بسرعه :اسرااار لا تروووحي ارجووووك
جلست في مقعدها على الطائرة وناظرت من النافذة نزلت منها دمعه مسحتها بسرعه وغطت وجها بأيدها وماقدرت تتحمل اكثر وصارت الدموع تنزل بسرعه
ناظر للوحه الي موجود مواعيد اقلاع الطائرات وسع عينه وهو يشوف إنها بطير بعد 3 دقائق
راح يركض بسرعه اتجاه المدخل بس مسكوه الامن ومنعوه من الدخول
اسامه :دعـــوني ارجووووكم
:سوف تقلع الطائرة بعد دقيقتان لا نستطيع إدخالك وبدون تذكرة ايضا
اسامه :الا تعرف من انا ادخلني بسرررررعه
:انا اسف ليس بأستطاعتي شي
هز براسه بلا وطاح على الارض منهار القوة : لاتروووحي
بدت تتحرك الطائرة وبدء قلب اسامه بالانكسار للمرة المليون
________________________
كان ينتظر منها اتصال من زمان بس للحين مافي أي اتصال
:لو انا الي ماخذ رقمها كان احسن لي اففف ....صحيح اشواق اكيييد عندها رقمها
اما عند مرام
: اتصل ..لا ماتصل ....اتصل.... لا ماتصل
وليد :اشواقي حبيبتي
اشواق :بدت المصلحه ...شنوو تبي
وليد :عطيني رقم مرام
اشواق :ليش انت ما اخذت الرقم ؟!
وليد :هههه لا شكلها من توترها نست رقمها وانا عطيتها رقمي بس للحين ما اتصلت
اشواق:اكيييد ياذكي مابتتصل لانها بنت وتستحي تبدي اول
وليد :اجل ليش اخذت رقمي
اشواق :لانك انت الي عطيتها
وليد :افف خلصي يلا عطيني الرقم
اشواق :اول قول لو سمحتي يا اختي العزيزة ممكن رقم ..امم ايه ..حبيبتي مروم
وسع عينه وقال :اقول جيبي الرقم بسرعه بلا شروط
اشواق :ما راح اعطيك اياه الا اذا قلتها
تأفف وقال :لو سمحتي يا اختي ..العزيزة ممكن رقم ......احم حبيبتي مرام
اشواق :لا مروم
وليد :اقول خلصي وعطيني
اشواق :افف اوكي عطني جوالك انا الي بسجله لك
وليد :حلفي عااد بسرعه عطيني اياه
اشواق :اوكي سجل ...05
وليد صار يسجل الاسم وبعدها رفع راسه و وسع عينه "غراامي"
صار الجوال يرتجف في ايده وهو يشوف رقم مرام مسجل عنده بأسم غراامي الي ما مسحه للحين بلع ريقة وقال :عيدي الرقم علي
استغربة منه وعادته
جلس على الكرسي الي في الغرفة وهو مو مستوعب
وفجأة بسرعه قام وتوجه لغرفته
قفل الباب وتسند عليه وصار يذكر
في الالعاب في لندن
لما دخل وراها في البيت المسكون وسمع صوتها
الرسالة الي رسلتها انها في مكة في نفس الوقت الي هو كان هناك
طقات قلبه من يشوفها
كلامها عن عيلتها
كل شي كل شي
:هي نفسهـ ـااا ...مرام ...غرام !!!
فجأة رن جواله وهو يشوف اسم غرام الي يظهر له تردد في البداية انه يرفعه بس بعدين حب يسمع الصوت ويقطع الشك باليقين
:الوو
تجمد مكانه نفس الصوت هي نفسهااا
مرام بستغراب :الووو
بلع ريقه واخذ نفس وقال :هلا
مرام ابتسمت لما رد بس فجأة انتبهت للصوت وبسرعه ناظرت الرقم لما تحققت انه وليد تنهدت براحه ورجعت تتكلم وقلبها يطق من صوته
__________________________
نزلت من الدرج وطق قلبها بسرعه وهي تشوفه صاعد لفوق ناظرها وحقرها متجه لغرفته بس وقف لما نادته
دار لها وقال :نعم
حنين بتوتر :كنت ابي اقول لك إنا عمي صار يشك وحتى يسألني اذا صار بينا شي لانه مما يشوفنا مع بعـ ـض
صقر نزل كم خطوة وتقرب منها حيل
تجمدت مكانها وتحس إن الاكسجين اختفى
صقر :وشنو المطلوب مني ..امم اتظاهر يعني إني احبك
رفعت راسها بسرعه له بصدمه وقالت :لهدرجة تكرهنـي
صقر تقرب اكثر وهمس في اذنها
وسعت عينها بصدمه ومشا عنها
وصارت كلمته تتردد في مسامعها
اكثر مما تتوقعين
اكثر مما تتوقعين
اكثر مما تتوقعين
نزلت دمعتها بألم ومسحتها بسرعه ودارت بتنزل بس وقفت وهي تشوف طلال يناظرها بشك تقرب اشوي منها وهي تباعدت
تألم قلبه من حركتها بس معها حق لازم تكون هناك مسافة فاصله بينهم
طلال :فيك شي
هزت راسها بلا
طلال :لا تخبين علي اعتبريني مثل ...غمض عينه وقال :اخـ ـوك
ناظرت فيه وقالت ببتسامه :شكرا طلال على وقفتك معي لما تشوفني بهذي الحال
ابتسم لابتسامتها
حنين :لا تخاف مافيني شي دامكم حولي انا بخير
ابتسم لها بحب
وهي ابتسمت له ونزلت
تنهد براحه لما شاف ابتسامتها وكمل طريقة لفوق
توجه لغرفته بس كان متفاجئ من وجود صقر ينتظرة
طلال :تبي شي
صقر :لا بس حبيت اذكرك الي كلمتها من اشوي تكون زوجتي اتمنى انك ماتنسى هذا الشي
طلال :وانت بعد اتمنى ماتنسى انها زوجتك وامانه عندك
ودخل غرفتة وترك صقر متفاجئ من كلامه
__________________________
بعد 3 ايام
يوم عرس
صقر & حنين
سديم قفزت على سرير حنين وحضنتها بقوة
:ياعرووووووووسة قووووومي
جلست حنين تضحك وقالت :الساعه كم
سديم :12 الظهر يلا قومي
حنين :اوكي اتصلتي على اسرار
سديم :يب يب تقول الساعه 1 ونص بتكون هنا ..انتي قومي وصلي واخذي لك دش وتغدي والساعه 2 الكوافيرة بتكون هنا
حنين :اوكي يلا قمت
دخلت عليها اسرار وحضنتها بقوة وقالت :كيفك يا عروووس
ضحكت بحب لصديقتها وقالت :بخيير وانتي اخبارك امس قلتي بتجين تسهري معنا وماجيتي
اسرار :اسفة بس صار عندي ظرف
حنين :اهاا اوكي ...صحيح اممم انتي خلاص ما راح ترجعي لبريطانيا
اسرار هزت راسها بلا
حنين :اسرار انتي من جيتي وانتي حزينه ومضايقة ليش ماترجعين اذا القدر جمعكم مرة ثانيه يعني انكم لبعض
اسرار :لا ياحنين انا سألته لو رجعت الي تحبها راح توافق قال لي لا
حنين :طبعا بقول لك لا لانه قال لك انه يحبك كيف تبين يقول لك انه بيرجع لها وهو مايدري انك هي نفسها
اسرار :اجل ليش حبني
حنين :لانه كان يشوفك نفسها عشان كذا حبك للمرة الثانيه
اسرار :بس حتى لو قلت له ما راح نكون لبعض
حنين :بس انتي ماجربتي عشان تحكمي
اسرار :مابي اجرب وبعدها اتركه ويتألم اكثر هو الحين مايعرف اني هي نفسها
حنين :يعني خلاص قررتي ماترجعي
اسرار :ايه انا واسامه مو لبعض ..تنهدت بضيق وقالت :خلينا الحين نسكر عن السالفة وخلينا فيك
ابتسمت وقالت :الكوافيرة راح تجي الساعه 2 ...بس ابي ازور امي قبل
ناظرت اسرار الساعه وقالت :باقي ربع ساعه وراح تجي
حنين تنهدت بحزن
دخلت سديم وبتسمت وقالت :لاتخافي كنت عارفة انك تبين تزوري امك
عشان كذا طلبت من مشعل يوصلنا نروح بسرعه ونرجع واتصلت للكوافيرة وقلت لها عشان تتأخر اشوي
حنين بسرعه راحت حضنت سديم وقالت :شكــــرا سدووووووم
سديم :ههههه العفو بس يلا بسرعه عشان نقدر نلحق قبل لا ترجع امي وتكتشف
ابتعدت حنين عنها وقالت :ليش امك مو موافقه ؟!
سديم :امم يعني بتقول انه يوم عرسك المفروض مانطلع ولا شي وبتمنعنا الحين يلا بسرعه جهزي
حنين بفرح :اوكي دقايق واكون عندك
اسرار :بروح معكم
سديم :اكيد راح تروحي يلا مشعل اتصل لي مرة ثانيه
حنين :خلصت
سديم :هههههه ما شاء الله من متى صرتي سريعه
حنين :ههههه عن الحسد
_____________________
في جامعة بريطانيا
فيصل :اقول بدر اتصلت لريان تشوف شنو فيه له 3 ايام ما جا الجامعه
بدر :اتصلت له بس مايرد
فيصل :انت تعرف وين سكنه
بدر :انت تعرف ريان من عرفناه وهو مايقول أي شي عن حياته الخاصة ولا حتى وين يسكن
ريم غريبة ريان غايب 3 ايام
شهد :ايه غريبة تتوقعوا صار له شي
ريم :لا ان شاء الله ما صار له شي
شهد :امجاد ...امجــاد ....امجــــااااد
امجاد :هلا
شهد :شفيك ؟!
امجاد :هااا ... لا ولا شي (ياااربي شنوو فيه من راحت اسرار اختفى هو الثاني يوووة شنو فيني افكر بهذي الطريقة )
__________________
في المستشفى
حنين باست راس امها وقالت :يمه اليوم عرسي ...
ناظروا فيها اسرار وسديم بحزن
حنين كملت والعبرة خانقتها :يمه قومي وافرحي فيني لا تنامين في يوم عرسي وقومي زفيني .....نزلت دمعتها بألم وكملت :يمه راح تكوني معاااي دووم
سديم ما تحملت وطلعت برا العنايه
اسرار حضنت حنين الي بدت تبكي بكاء يقطع القلب
بدت التحضيرات والكل في حاله ازعاج وفوضة
دخلت بسرعه اسرار وسديم لحنين لما سمعوا انها خلصة كل شي
فتحوا الباب بسرعه وقالو :حنيــــ .............
وقفوا مدهوشين من الي قدامهم تقربت منها سديم وقالت :امم منو انتي
ضحكت حنين وضربة سديم بخفة
اسرار :وااااااااااي لا موو مصدقة انتي اختـــي حنين
حنين ضحكت وضمتهم ثنتينهم
بدو سديم واسرار يقروا على حنين ايات عن الحسد وكل حين يناظرون فيها بأعجاب ويضحكوا ويحضنوها
في قاعة الزواج
كان المكان مزدحم والكل لابس احلا الفساتين
في غرفة العروس
حنين بأرتباك :اسرار شكلي حلووو
اسرار :حرااام عليك كم مرة اقول لك احلا من الحلوو وبعدين انتي ما شفتي كل من دخل عليك قال ما شاء الله وانتي للحين مو واثقة
حنين :ههههه اوكي خلاص ما راح اسأل مرة ثانيه
فجأة انفتح الباب بقوة وتراكضوا البنات لحنين وصرخوا بقوة من شافوها
ضحكت حنين على اهبالهم وحضنتهم بفرح وصارو يباركون لها
صارو يسولفون ويضحكون بس قطع عليهم صوت سديم
سديم :بناااات يلا بدون طرده لبراء يلا العروس بتدخل الحين
سلمى :يلا بنات خلونا نروح لا تضربنا سديم
سديم :ههههه يلا بسرعه ماببي اشووف احد هنا حتى انتي اسرار يلا وراهم
اسرار :سدووم حرام عليك تفرقين بين اختين
سديم :ههههه زوجة اخوي ماتبيك يلا انزلي انتي وياها
حنين :ههههه خلاص بنات انزلو الحين انا نازلة بعد
نزلو البنات وبقت سديم مع حنين تشجعها
سديم :يلا حنوون قومي
حنين بخوف :مو قادرة اقووم
سديم :ههههه اجل اذا جاء صقر بيدخل شنو بتسوين
احمر وجها وقالت :خلينا ننزل احسن
سديم :ههههههه فديت الخجلان
بدت الاضواء بالانطفاء وبدت الموسيقة بأصدار نغمات هادئة رومنسيه
وتوجهت الاضواء لملكة الحفل *حنين*
بدت تنزل على الدرج بصوت النغمات الرائعه واندهاش الجميع من جمالها المدهش
الكل بدء يصلي على الرسول وانظارهم ما تباعدت عن حنين
الي كانت متوترة وخايفة بس من تلمح شلتها تضحك على حركاتهم و يروح عنها التوتر والخوف
من وصلت الكل راح لها وصار يسلم عليها ويبارك لها ويحضنها
جلست حنين بفرح وهي تحس إنا امها بجنبها وتبتسم لها ناظرت في الضيوف ببتسامه وبعدها ناظرت في عمتها واستغربة انها مبتسمه وتكلم وحده
سديم جات لها بسرعه وجلست بجنبها وهمست لها :تخيلي وحده تقول لامي ما شاء الله مرت ولدك حلوة تبارك الله وسألت اذا عندك اخت تبيها لولدها ههههههه ولو تشوفي وجه امي كيف صار ابتسامتها وصلت لاذنها من الفرحه الكل يمدح فيك قدام امي
حنين :ههههه صدق زين والله يمكن تتقبلني الحين
سديم :يب يب
اسرار :اقول انتي قوووومي دووم معها خلينا الحين بجنبها
سديم :يااااااربــــي غييييييرة
حنين :هههههه الله يخليكم لي ولا يحرمني منكم
جنى :رنيم فيك شي ؟
رنيم بتعب :لا مافيني
جنى :اجل ليش وجهك مصفر كذا لك فترة مو على بعض
رنيم :لا بس تعبااانه اشوي ...عن اذنك
وقامت طلعت برا تشم هواء ناظرت السماء ونزلت دمعتها اشتاقت له بس
خلاص كل شي انتهى الحين ماتقدر تسوي إنا ماصار شي وترجع تعتبرة
مثل اخوها
:رنووم شنو تسوين هنا
مسحت بسرعه دمعتها ودارت وابتسمت :ولاشي
تقربت منها وقالت :انتي تبكين ؟!
رنيم :لا ...بس انتي شنو تسوين هنا
رانيا :انتظر مشعل بجيب اغراض
رنيم من سمعت اسمه توترت :اهااا ..امم انـ ا بدخـ ـل داخل
رانيا :انا من زمان ماشفتك مع مشعل ..صاير شي بينكم
رنيم :هااا ...لا ماصار شي
رانيا :لاني اشوفه هو بعد مو مثل قبل وحتى ضعفان مدري شنو فيه ..انتي الوحيدة القريبة له ...عااادي اطلب منك تسأليه شنو فيه
رنيم : ... ممادري انا الحين مشغولة اسفه
راحت بتدخل بس قبل لاتدخل سمعت صوته
مشعل :رانيااا
التفتت له رانيا وتوجهت له ببتسامه
ابتسم لها ولف راسه لما حس بحركه و وسع عينه لما شافها اشتاااق لها حيييييييل
همس :رنيم
التفت رانيا للمكان الي يناظر فيه وشافت رنيم تناظر فيه
استغربة الوضع غرررريب بينهم وكأنهم مايعرفو بعض
رنيم درات عنه ودخلت بسرعه وهي حابسه دموعها (اخوي يحبني كيف استوعبها هذي ياااربي يكوون حلم ويرجع كل شي مثل قبل )
رانيا :مشعل
مشعل نزل راسه بألم مد ايده الي فيه الاكياس وقال :هذي هي الاغراض
ودار يرجع
رانيا :مشعل ....مشعـــل .......مشعـــــــــل
مارد عليها وصار يمشي بسرحان والم افتقدها كثيرر
عند الرجال
طلال :ياليتني مت في الحادث ولا اشوفها مع اخوووي
ماجد :طلااااال انت ليش تقول كذا وليش صرت ضعيف كذا
طلال بخنقه :مقدر استمر واناظر في صقر
قام وطلع برا ولحقة ماجد
التفت صقر لهم وانتبه لتصرف طلال (ياااربي يكون حدسي خطأ وما اكوون اخذت حب اخوي )
ماجد :طلال ...طــــلال انتظر
وقف طلال وهو حابس دموعه في عينه
طلال :ماجد قولي اني في حلم وانها مو زوجة اخوي الحين قول لي انها بترجع البيت وماتروح الفندق معه وتسافر بعدها معه قولي اني في حلم
نزل راسه ماجد بحزن وحط ايده على كتف طلال وقال :مو كل شي نبيه نحصل نصيبك مو هذي البنت نصيبك اكيييد موجود في مكان وراح يجي اليوم الي يجيك فيه
طلال :بس انااا ابيهاااااااااا....
نزلت دموعه ومسحها بقهرر
ناظر فيه بحزن وماعرف شنو يسوي لصديقة واخوة
عند الحريم
الكل فرحان والي يرقص والي يتكلم ويضحك والي جالس مع حنين
تقربت لها ونظراتها كلها كره
:مبروك ياعرووس
رفعت راسها و وسعت عينها بصدمه هي وسديم
سديم :نهـى
نهى :واااو شكلكم منصدمين ههههاااي لاتخافوا ما راح اسوي شي
وتقربت لحنين وهمست بأذنها :بس بعدين راح تجيني تبوسي رجلي ندم
تباعدت عنها وقالت :والحين يلا باااي يا حلوو
ناظروها البناات بأشمئزاز من لبسها وحركاتها ومشيتها وكلامها
سديم :شنوو قالت لك هذي الحقيرة
تنهدت حنين وقالت :لاتهتمين لها ماتقدر تسوي شي
سديم :صدق ناس ماتستحي لها عين تجي بعد تسلم
تقدمت لهم ام صقر وقالت :يلا راح يدخل صقر
هنا صارت حنين ترتجف من الخوف
اسرار :حبيبتي حنووون هدي لاتخافي ما راح ياكلك
حنين ابتسمت لاسرار
وصار الكل يلبس
بعض دقائق بدت اصوات الزغاريط والموسيقة الرومانسيه ودخل بهيبته الي فزت لها قلووب البنات
وقفت وهي تناظرة وضاغطة على وردتها بتوتر
اول مرة راح يشوفها بدون حجاب اول مرة بكون قريب منها حيييل اول مرة راح تكون معه بروحها
تقدم لها ولما صار قريب مرة باس جبينها وهمس في اذنها بجمود :مبروك
صحيح انه كان جامد بس كانت مشاعر حنين ظاهرة وفرحانه
بعد دقائق دخلوا الغرفة وبدت المصورة بطق الصور
حنين (ياااربي هذي تبي تموتني شنو هذي الصور الجريئة )
المصورة :لو سمحت ممكن تجلس على الكرسي
جلس على الكرسي
المصورة :امم جلسي انتي عليه يعني تكوني في حضنه وهو على الكرسي
حنين وسعت عينها بصدمه وقالت :لا لا مااابي
المصورة :عاادي حبيبتي هذا زوجك
حنين :لا بليييييز مااابي
ناظر فيها صقر وسحبها من ايدها وجلسها على حضنه بين صدمتها وناظرت في عينه بصدمه رفع عينه وناظر في عينها وابتسم
هنا حنين راحت فيها من ابتسامته بلعت ريقها وصارت ترمش بسرعه
والتقطت الصورة
المصورة :اوكي الحين وقفي يا ست حنين وانت يا سيد صقر صير وراها وحضنها من ورا
سوا مثل ما طلبت وصار حاضنها من ورا اما حنين متجمده مكانها
المصورة :اوكي بس لو سمحتي ابتسمي اشوي
بلعت ريقها وابتسمت بخفيف وراسها على صدرة
والتقطت الصورة
المصورة :الحين واجهوا بعض ست حنين رفعي راسك للسيد صقر وغمضي عينك وانت يا سيد صقر نزل راسك لها وقرب من شفايفها
فتحت عينها بقوة حنين وناظرت في المصورة بقهر ودها تروح وترفسها من القهر
صقر ابتسم على جنب ورفع راس حنين بأيدها وناظر في عينها وتقرب وناظر في شفايفها
اما هي غمضت بسرعه عينها وتقرب اكثر صقر ونزل عينه على شفايفها
والتقطت الصورة
المصورة :اوكي هذي كانت اخر صورة
تنهدت براحه وناظرت في صقر الي يبتسم ورافع حاجب
توجهوا للفندق بعد ما ودعت الكل وبكوا وحضنوها وتباعدت عنهم بالمووت
بعد 10 دقاائق وصلوا للفندق
نزلت حنين من السيارة وركبت وراء صقر
فتح الشقة ودخلت اول
صقر :انا بروح اطلب لنا العشاء وانتي غيري على ما اخلص
هزت براسها بمعنى اوكي
وراحت للغرفة وقفلت الباب
تسندت على الباب وتنهدت بضيق كان يقدر يتصل من هنا وهم يجبونه بس هو اصلا يبي يبتعد عن المكان الي انا موجوده فيه
تنهدت مرة ثانيه وراحت تطلع لها ملابس
بس وسعت عينها لما شافت الملابس اكثرها مو ساترة
بلعت ريقها شنو تسوي الحين اكييد بفكرها متعمده ومو هي الي عدلت هذي الشنطة
تنهدت واخذت لها استر شي فيهم
كان عبارة عن ثوب حرير يوصل لفوق الركبة بشوي وماسك بخيط وفتحت الصدركانت واسعه
حنين :ياااربي كيف اطلع كذا
صارت تدور على شي يستر اشوي وشافت وشاح اخذته وحطته على اكتافها
اخذت نفس وفتحت الباب
شافته جالس يشاهد التلفاز بسرحان ولا منتبه لوجودها
ناظرت فيه بسرحان وهي تتمنى تعيش معه بسعادة و راحه بس مو باين من عينه
حس بوجودها ورفع راسه لها وابتسم بسخرية على لبسها وباعد عينه عنها وقال :مطولة وانتي تناظريني
استحت وراحت جلست بالقرب منه
صقر :اكلي العشاء وبعدها نامي هنا
ناظرت بسرعه فيه بصدمه وقالت :شنوو!
صقر ناظر فيها ورفع حاجب وقال :ليش كنتي مفكرة اني بنام معك
حنين الي صدمها مو انها ما راح تنام معه الي صدمها هو انها بتنام في الصالة وهو الي في الغرفة (صدق ماعنده ذووق كيف يخليني انا هنا وهو داخل )
اخذت نفس وقالت بجرائة :وليش مو انت الي تنام هنا وانا في الغرفة
ناظر فيها بسرعه ورفع حاجب وابتسم بسخرية وقال :تبيني انا انام على الكنبه وانتي واشر بسبعه السبابه وكمل : تنامي داخل
حنين انقهرت من طريقته الاستحقارية وقفت وقالت :بس انا مابي انام هنا
صقر ببرود :موو بكيفك
انقهرت وقالت :لا بكيفي
وراحت تركض للغرفة ودخلت وقفلت الباب قبل لا يوصل صقر لها
انصدم من تصرفها وقام بسرعه لها
تسندت على الباب بخوف وحاطه ايدها على قلبها :غبيه غبيه ليش تصرفت كذا
فز قلبها لما طق صقر الباب بقوة
صقر :افتحـــي الباااب
حنين بخوف :ما راح افتحه
صقر بعصبيه :حنين والله اذا مافتحتي الباب راح تشوفي شي ماشفتيه
حنين بخوف :يعني شنو راح تسوي
صقر :حنييييييييييين لا تختبري صبري
حنين اترعبت منه وقربت للمفتاح بس تراجعت وصارت تكلم نفسها
:لا ياحنين انتي قوية لاتسمعي لكلامه لاتصيري ضعيفة
صقر صرخ بقوة فزها من تفكيرها
حنين فزت من صرخته بس شجعت نفسها وقالت :ما راح افتحه
وتوجهت للسرير و رمت نفسها عليها بخوف وحاولت تنام بين صرخات صقر
صقر :والله لتشوفين ياحنين
وراح للكنبه ورمى نفسه عليها بقهر :منو هي عشان تعصيني
في مكان ثاني
محمد :طالعه قمر حبيبتي
رانيا :تسلم حبي تخيل اليوم وحده جات لامي تسأل عني تبيني لولدها <<تبيه يغار اشوي
محمد :هههههههه ليش هي ماتدري انك مو متزوجه
انقهرت من ضحكته وقالت:لا بس ما لبست دبلتي
محمد :ليش
رانيا :بس كذا
محمد :اهاا اوكي براحتك حبيبتي
رانيا بقهر :يعني عادي ما البسها
محمد :هي مجرد خاتم يعني ما احس انه لازم تلبسينه
رانيا :اجل ليش تلبسه انت
محمد ببتسامه :لاني كل ماشفت الخاتم اتذكرك وابتسم
كانت تبي تبتسم وتحضنه بس مسكت نفسها لانها منقهرة منه
محمد :فيك شي حبيبي
رانيا :انت ليش ماتغار
محمد :هاا على شنو اغار
رانيا بقهر :يعني الحين اقول لك وحده تبيني لولدها وانت عااادي عندك وتضحك بعد
محمد :لانه صدق شي يضحك وبعدين ليش اغار وانتي مابتزوجينه اكييد لانك زوجتي
انقهرت اكثر وقالت :بس سمعت عنه ما شاء الله جمال ومال واخلاق يعني مو ناقصنه شي
محمد : الله يكثر منهم ان شاء الله بس انتي لاتحسدين الرجال
انقهرت اكثر هي جالسة تمدح في رجال وهو ببرود يقول لا تحسده
قامت وركبت الدرج وهو مستغرب من تصرفها
محمد :رنوووي خلينا نسهر ليش مستعجلة على النوم
دارت وناظرت فيه بقهر وطلعت فوق
محمد :ليش تناظرني كذا لايكون زعلتها <<لا اكيييد ما زعلتها
عند سديم
كانت تبكي مستفقده حنين
مسحت دموعها لما شافت مسج جاها اخذت الجوال وفتحت المسج وبقهر
رمت الجوال على الارض وهي تبي تعرف منو هذا الي يرسل لها هذي الرسايل
سديم :منووو انت منوووووو انت
اما طلال
كان عند البحر يبكي ايه يبكي الم وحزن وضيق
بس صاحبه ماتركه مثل هذا اليوم
سكر الجوال وحطه في جيبه وتقرب لصاحبه وقال :طلال صدقني راح تلاقي الاحسن منها
طلال :آآآآه يا ماجد احس اني بموووت ودي اروح واخذها واهرب فيها
احس اني اختنق ومو قادر افكر بشي
ماجد :طلال انت لازم تنساها
طلال :كيف كيـــــــــف
ماجد :تزوج
ناظر فيه بصدمه وقال :كيف اتزوج وقلبي مع وحده ثانيه
ماجد :هذا الشي الوحيد الي ممكن ينسيك المك وبعد الزواج انا واثق انك بتحبها وتنسى حنين والي جاب حنين
طلال :لا انا ما افكر بالزواج الحين خاصة اني مو في وضع يسمح لي
اتزوج ...تصدق ساعات اتمنى من كل قلبي ان يكون بينهم خلاف وتطلق
واتزوجها بعدها
انصدم من تفكيرة وقال :طلال انت مو كذا لاتسوي من نفسك انسان حقيير
طلال بحسرة :بس اناااا ابيهااااا ابيهااااااااا ....هو الي ما يبيها هو الي
يجرحها
ماجد :بس هي تبيه لو ماتبيه كان رفضته
طلال بقهر اكثر :ليش هو دائما حتى في طفولتي لما حبيت الطفلة الي
عاشت معنا ...هي كانت تحبه ومتعلقه فيه ...والحين رجع الزمان يذكرني
ماجد حزن على صاحبه كيف بطلعه من هذا الوضع وكيف راح يقدر ينسيه المه
جلسة من الجوع مو عارفة شنو تسوي ميته جوع بس ماتقدر تطلع خايفة
يكون صاحي
ناظرت الساعه لقتها 4 الفجر اخذت نفس وفتحت الباب بهدوء وناظرت
الصاله لقته نايم تنهدت براحه ومشت على اطراف اصابعها تبي توصل
للمطبخ بس تجمدت مكانها لما حست بجود احد وراها
دارت بخوف ومن شافت صقر الي واقف وراها بلعت ريقها بخوف
وناظرت في عينه الغضبانه
صقر :على بالك اني بعدي هذي الحركه
ناظرت فيه بخوف بس انصدمت من الطراق الي جاها وكانت بتسقط بس
رفضت السقوط بروحها وسحبته من ثوبه وطاح وراها
صار فوقها بصدمه رفع راسه وناظر في عينها الخضراء وخديها
المحمرين من الخجل
سرح بعينها لا شعوريا لين حس بنفسه وقام عنها بسرعه وتوجه للغرفة
على طول وقفل الباب وحط ايده على قلبه الي صار مثل الطبل
هز براسه بسرعه عشان يصحا وراح للسرير ورمى نفسه ونام
اما حنين للحين ماصحت من الصدمه ونبضات قلبها تتسارع
جلست واخذت نفس وبلعت ريقها وهي تذكر عينه الساحره وقربه منها
وقفت بسرعه وهي تحاول تنسي نفسها وبعدها حست بحرارة الكف الي
على خدها لمست خدها بألم وتنهدت بضيق
في الصباح الساعه 9
جلسوا وتجهزوا وكانوا يتحاشون النظر لبعض وتوجهوا لبيت ابو صقر
عشان يودهونهم ويروح للمطار
في بيت ابو صقر
حضنتها بقوة وصارت تبكي وحنين تهديها
سديم :اخذووني معكم
ضحكت حنين وقالت :ودي والله
رانيا :اقوول يالزقة تباعدي اشوي بسلم على مرت اخوي
سديم :ماااابي
رانيا مسكت سديم وباعدتها غصب وسلمت على حنين
توجهت حنين لام صقر وباست راسها وبعدها لابو صقر وباست راسه
ابو صقر :هالله هالله ياصقر بحنين تراها مثل بتي
صقر :ان شاء الله يبه لاتخاف انت
ناظرت فيه حنين وقالت في قلبها (يصير خير لو سمعت كلام ابوك )
ناظر فيها وقال (لا تحلمين اني اعاملك زين )
مشعل :يلا صقر راح تطير طيارتك
صقر :اوكي بس وين طلال
ام صقر :من امس ما رجع للبيت يقول هو مع ماجد وللحين ما جا
صقر تنهدت وقال :اوكي سلموا عليه لاني ما اعتقد عندي وقت اتصل عليه
رانيا :ان شاء الله يلا تروح وترجع بالسلامه
وصاروا يسلمون عليهم وطلعوا متوجهين للمطار
نهاية البارت
...................
بارت طوييييل ٦٠١٦ كلمة تستاهلون☹💜✨