عند البحر
صقر :قول لي على حل ياخووي يريحني
جراح :الحل الافضل لك انك تقبل بالزواج منها وحاول تحبها واذا ماقدرت ولقيت الي كنت تحبها تزوجها الشرع حلل اربع
ناظر فيه وقال :وتتوقع ابوي بوافق اتزوج عليها
جراح :قول له عن شرطك صحيح إني ما احب هذا الشي بس اذا كذا بيرحك سوه
تنهد صقر وناظر في البحر وقال :يصير خيرر
يوم جديد
جلست بتعب من البكي الي بكته امس ناظرت في النافذة المفتوحه وقفت وسكرتها وبعدها رجعت جلست على السرير بسرحان ونزلت دموعها كل ماتذكرت الموقف الي صار لها مع مشعل
رنيم بصوت مبحوح من البكي :آآآه يامشعل ليش حبيتني انا بين كل البنات ..انا مثل اختك ليييش سويت كذا ليييييش
ورجعت تبكي لين انطق الباب سكتت ومسحت دموعها وبسرعه دخلت الحمام غسلت وجها وراحت فتحت الباب
سلطان :صبااااح الخيييرر لأحلا اخت
ابتسمت وقالت بصوت مبحوح :صبااح النوور
سلطان بأستغراب :رنيم فيك شي ؟؟
رنيم :لا مااافيني شي
سلطان :تكذبي على اخوك عينك وانفك احمر وصوتك مبحوح باين انك تبكين
رنيم :لا بس دلع بنات لاني متزاعلة مع صاحبتي
سلطان :هذا هو السبب ؟!
رنيم ابتسمت وهزت راسها
سلطان :اوكي ابيك بموضوع
رنيم :شنو
سلطان دخل وجلس على الكنبه الموجودة بالغرفة وقال :نويت اخطب
رنيم بفرح :احــلــــف !!
سلطان :ههههه والله
رنيم :وميــــن سعيدة الحظ الي بتاخذك
سلطان :جنى بت عمتي
رنيم :صــــــــــدق والله كنت اتمناها لك احسها تنااااسبك
سلطان ابتسم بفرح وقال :حتى امي كانت تبيها لي
رنيم :ومتى راح تخطبها ؟
سلطان :والله ودي اليوم بس اول بسوي شي وبعدها بخبر امي عشان تتصل لهم
رنيم :ونااااااسه بتصير جنووي مرت اخوي متحمسه حييييييل
طق قلبه بسرعه من تخيلها مرته ابتسم بفرح وقال :يلا انا بطلع
رنيم :اووك
_______________________
في بريطانيا
كان في المطبخ يسوي له كافي ولاسرار بعد <<اول مرة يسوي لها شي
ناظر اتجاه غرفتها بأستغراب وقال :غرريبة لييش للحين ماصحت
طق قلبه خووف عليها وتوجه لغرفتها بسرعه وطق الباب وصار ينادي عليها
كانت جالسة على السرير ولامه رجليها بين ذراعه وتناظر في الباب وهي تسمع صوته وهو يناديها
كانت للحين في حالة صدمه ودموعها تنزل بهدوء وتهمس :لاا لاااا
اسامه :اسرااار انتي جالســـه ...اسرااار .....اسرااااار ....اسراااااااااار
مسحت دموعها وقالت :نــعم
تنهد براحة وقال :صرتي احسن ؟!
اسرار :ايه الحمد لله
اسامه :يلا ترا سويت لك الفطور
ابتسمت بخفة وقالت :طيب بجي الحين
اسامه ابتسم وراح يحط الفطور على الطاولة
غسلت وجها وطلعت من الغرفة وتوجهت للمطبخ ناظرت فيه وهو يحط الفطور تنهدت بألم وقالت :صبااح الخيررر
اسامه ناظرها وابتسم :صباااح النووررر
اسرار :غررريبة سويت لي فطوور
اسامه :اممم يعني مليت وانا افطر بروحي كل يوم قلت تفطرين معي
ابتسمت بحزن وجلست على الكرسي
ناظر فيها بأستغراب وجلس على الكرسي وقال :فيك شي ؟انتي للحين تعبااانه ؟؟
اسرار :لا موو تعباانه
اسامه بخوف :شرايك نروح المستشفى بعد الفطور
اسرار : لا مااابي اصلا مو تعبااانه
اسامه بشك :لا يكون من الي قلته امس
ناظرت فيه بصمت
اسامه تنهد ونزل راسه وقال :اسف ادري ان ما كان لازم اقول لك بس حبيت تعرفي كل شي
اسرار :ممكن اسألك سوال
اسامه :تفضلي ؟
اسرار :لو رجعت لك الي تحبها راح ترجع لها
اسامه سكت وسرح اشوي وبعدها قال :لا
المها قلبها وقالت :اجل ليش للحين تحبها
اسامه :اسرار انتي الحين فطري
اسرار :لا ابي اول تجاوب على اسألتي
اسامه تنهد وناظر في عينها وقال :مدري ولا ابي اجاوب
اسرار :انت تفكر فيها للحين
اسامه :اسرار مو وقت هذي الاسئلة فطري انتي الحين
اسرار :لا ما راح افطر لين تجاوبني انت للحين تفكر فيها
اسامه :انا جيت هنا عشان انشغل عن التفكير فيها بس مافي فايدة ولما جيتي صرت افكر فيها اكثر بسبب تشابه التصرفات بينكم
اسرار ابتسمت بلا شعور
ناظرها بأستغراب وقال :ليش تبتسمين
انتبهت لنفسها وقالت :لا ولاشي بس ابي اسألك سوال اخير
اسامه :اخر سوال ؟
اسرار:ايه
اسامه :اوكي سألي
اسرار :تحب منو اكثر انا ولا هي
سكت فترة وقال :هي تعرفت عليها 3 سنين بس انتي 3 شهور
اسرار :يعني هي
اسامه :اسرار ارجووك مااابي أي سوال عنها هي ماضي وانتهى
اسرار حز في قلبها تنهدت بألم
اسامه :اممم انا الي ابي اسأل الحين
اسرار ابتسمت وقالت :شنو
اسامه :انتي حبيتي قبل
ناظرت في عينه وقالت في قلبها (ايه حبيت وحبيته للمرة الثانيه بدون لا اعرف انه نفس الشخص وهو الحين قدامي )
اسامه :اسرار
تنهدت وقالت :ايه حبيت
انصدم من جوابها الي ماتوقعه وقال :صــدق ؟!
اسرار ابتسمت بألم وقالت :ايه صدق
اسامه :اوكي كلميني عنه
اسرار :هو كان مثل حيااتي و روحي مثل طيبته ماشفت ومثل حبه ماشفت ماقدر اوصفة بكلمات
اسامه بغيرة :اجل ليش تحبيني دامك لهدرجة تحبينه
اسرار :لانك تشبهه
تفاجأ من كلامها وقال :للحين تحبينه
اسرار بتعب :انا تعبانه اسامه مقدر اجاوب عليك الحين
سكت اسامه وهو يفكر في كلامها
_______________________
حضن ولده وقال :مبرووووووك مبروووووووك صقر وصدقني ما راح تندم
صقر :بس يبه انا عندي شرط
ناظر فيه بأستغراب وقال :شنو شروطك
صقر :انك ماتمنعني لو بغيت اتزوج وحدة ثانيه
انصدم من شرطه وقال :بس ليش يا صقر
صقر :يبه هذا من حقوقي اعتقد
سكت اشوي ابو صقر وبعدها قال :انا واااثق لما تتزوجهاا بتبعد هذي الفكرة عن عقلك
صقر ابتسم وسكت
ابو صقر :شرايك يكون العقد بعد يومين
وسع عينه بصدمه وقال :ايييش
ابو صقر :انت بتروح بعد سبوعين فرنسا ولا يمدي نسوي شي على الاقل نعقد الحين ونسوي العرس بعد 10 ايام
وسع عينه اكثر وقال :بس يبه ...
ابو صقر قاطعه :مافي وقت ياصقر و التجهيزات كلها بتكون علي
تنهد صقر بضيق وهز راسه بالموافقة وطلع من المكتب وهو خايف من قرارة
صار يمشي بسرحان لين انتبه لدخول طلال
طلال ببتسامه :هلا صقر غررريبة للحين ما رحت الشركة
صقر (مدري ليش احسك تحبها ) :هلا الحين بروح بس كان عندي موضوع مع ابوي
طلال :اهااا اوكي انا بعد برجع الحين بس نسيت ملف مهم باخذة وارجع
صقر :اهاا اجل اشوفك في الشركة
ابتسم طلال وركب لغرفته
ركب من الدرج وبعدها ناظر اتجاه تحت وقال فيه نفسه :ياااربي ليش ابوي كان يبه مدري ليش احس قلبي ناغزني
دار بروح لغرفته بس وقف فجأة وهو يشوفها طالعه من غرفتها ابتسم وقال :صبااح الخير
ناظرت فيه وابتسمت وقالت :صبااح النووور
ابتسم ودخل غرفته
عندها راحت غرفة سديم دخلت وانصرعت من سديم الي صرخت بقهر ورمت الجوال بالارض بقهر
تقدمت بسرعه لسديم وقالت :سديم حبيبتي شنوو فيك
سديم بقهر :وااااحد غبي صااار له اكثر من اسبوع يرسل لي رسايل حب وخرابيط وعذاب ولا راضي يوقف حتى مرة تكلمت وقلت يوقف وهددته بس مافي فااايدة حتى انه مايرد على رسايلي يحقر وبس يرسل مسجات حب
حنين :لا تخااافي هذااا واحد يتلعب فترة وبعدها بمل لاتخااافي انتي
سديم :لا هذااا مو واحد يلعب هذا واااحد يعرف كل شي عني اسمي عيلتي عمري هواياتي وامنياتي كل شي كل شي يااا حنييييين
حنين خافت عليها وقالت بشك :لايكووون جراااح
سديم :لا ما اعتقد هذي مو طريقته ولا تصرفاته هذا شخص ثاني
حنين :اوكي انتي اهدئي الحين هو بس يبي يخوفك انتي حقريه
سديم جلست على السرير بقهر وقالت :تعبت والله تعبت
حنين :سلامتك من التعب حبيبتي لا تقولي كذا ..خليناا منه الحين
سديم ابتسمت وقالت :بتروحين اليوم بيت عمي ابو رعد
حنين :ليش ؟
سديم :بنروح لنوف يقولون حددو متى العرس
حنين بفرح :صــــــــدق
سديم : يب يب
حنين :متى ؟
سديم :بعد شهر تقريبا
حنين :ونااسه بس كيف كذا فجأة
سديم :نوااف وما ادراك مانواف
حنين :الله يوفقهم
سديم :امييييين ياااارب
_____________________
ملك :امم جراح
جراح :هلا
ملك :شرايك يكون العرس بعد شهر
التفت لها بسرعه وقال :اييش
ملك :يعني احس احسن مو حلوو اذا كانت فترة الخطوبة طويلة
جراح تنهد وتذكر كلام سديم الي يدل انها خلاص ماتبيه
نزل راسه بألم وقال :سووي الي تبينه
فرحت وحضنته من على جنب
اما جراح فكان مثل الجماد ماتحركت فيه ولا شي
تباعدت اشوي وقالت بحزن :انت مو مستانس
جراح :مااتقدري تاخذي قلب واحد هو مع غيرك
انقهرت منه كل مرة يجرحها بهذا الكلام :يجي منك اكثر يا ولد الخالة ...ولا حتى احترمت مشاعري
ناظرها وقال :بس انتي بعد ما احترمتي سعادتي
ملك نزلت دموعها ودارت راسها عنه وقالت :راح يجي اليوم الي راح تعرف إن سعاادتك مو معها
____________________
ابو رعد :ليش سافرت بدون لا تخبرني
رعد بتعب :يبه خلاص انا هنا الحين
ابو رعد بخوف :فيك شي ليش ملامحك كذا
رعد :لا بس بعدني تعبااان من السفرة
ابو رعد :روح نااام انت الحين
رعد :يبه
ابو رعد :نعم
رعد : ابي اتكلم معك في موضوع
ابو رعد :شنوو هوو
رعد :ابي اتزوج
تفاجأ من كلامه بس فرح وقال :واخيييرا صرت تفكر زين
رعد :بس يبه هذي المرة انا الي بختار الي ابيها
ابو رعد سكت اشوي وقال :انزين بس منو تكون هذي البنت ومن بنته
رعد :هي مو من نفس طبقتنا حالتها المادية متوسطة من عايلة ال.....
ابو رعد تنهد وقال :معني ما ابي لك وحدة انزل منا مستوى بس انا الي غصبتك في المرة الاولة وشفت نتيجت تصرفي والحين لك حريت الاختيار
حس ان الالم الي كان فيه من اشوي راح بسرعه حب راس ابوة وايده وقال :الله لا يحرمني منك
ابتسم لولدة وقال :لهدرجة تبيها
رعد ابتسم بخجل وقال :واكثر من ما تتوقع
_______________________
كان جالس بسرحان مايدري لمن يشكي المه الوحيدة الي تعرف اسرارة هي رنيم وهي الي تخفف عليه الحين المشكله وحزنه والمه هي رنيم
الي يحس انه خسرها
جن لما خطر على باله انه يخسرها وبسرعه قام ولبس وراح بيت عمه ابو سلطان
طق الباب وفتحته الخدامه و طلب يشوف رنيم بس بدون لاتعرف من الي يبيها <<الوضع عااادي عندهم
نزلت رنيم بملل وراحت للمجلس فتحت الباب وانصدمت من الي قدامها
دار وشافها وقال :رنيم
رنيم بقهر :انت شنوووو الي جااابــــك هناااا !!
مشعل بألم :رنيم انااا اسف والله غصب عني
رنيم :انت ماتفهم مو انت تقول اني مو مثل اختك ليش تطلب تشوفني وتجي بيتنا بعد الي سويته امس انت مااااا تستحي
مشعل بألم :رنيييم لا تقسين علي اكثرررر ترا عااااانيت كثيرررر وانا اخبي هذا الموضوع عنك واحاول اني ارجع مثل قبل بس ماقدرت مااااااقدرت
رنيم والدموع تنزل من خدها :اناااا اكررررهــــــــك اكرررررررررررهـــــــــــــــــــك ولاااا ابــــــــــــــــي اشووووفك خلاص خلااااااااص
مشعل تقدم لها وقال :رنيم اناا ....
رنيم قاطعته :بس ولا كلمه ماااااابي اسمع منك ولا شي يكفي الي صاااار امس لاتخليني اكرهك اكثر
مشعل حز في خاطرة وقال :لهدرجه كرهتيني
رنيم :واكثرررررررررررر انت هدمت كل شي كل شـــــــــي اطلع براااااااا .اطــــــــــــــــــــــلع برااااااااااااااااااااااااااااااا
مشعل ناظر فيها بأنكسار وطلع بسرعه بألم وحزن وانكسار
رنيم طاحت على الارض تبكي بألم خسرت شخص كانت تعتبرة مثل اخوهاا وصديقها وتوأمها وكل شي كانت تتخيل انه بيوقف بجنب خطيبها يسلم عليها ويضحك معه ويقول له عن شطانتها وهبالها كانت تتخيل ان اولادها بنادونه بخالي كانت تخيلاتها ابعد من كل شي كان بس انكسر كل شي امس
______________________
ابو ماجد :هااا ياولدي ماجد شنوو قلت
ماجد :لا يبه ماابي اتزوج الحين
ابو ماجد :انت تبي تصير لي مثل صقر
ماجد ابتسم وقال :لا بس مافكر الحين بالزواج انا اقول احسن زوجو وليد عشان يعقل
ابو ماجد :أي والله معك حق هذا ابيه يعقل عن حركاته
ماجد :اجل زوجوة
ابو ماجد :اصلا هو محجوز من صغرة لبت عمك مرام
ماجد :صدق اجل زوجوهم
دخل وليد وناظرهم وقال : كـأنكم تتكلمون عني
ابو ماجد:ايه يا ولدي قررت ازوجك قبل اخوك
وسع عينه بصدمه وقال :اييييش لا انا مااااابي
ابو ماجد :انتو شنو فيكم خايفين من الزواج ترا مو سجن هو
وليد :بس انا مااابي ولا افكر في الزواج الحين
ابو ماجد عصب وقال :بس انا خلاص ابي ازوجك عشان تعقل وارتاح وبعدين ليش ماتبي تتزوج
وليد سرح اشوي وبعدها قال :مااابي وخلاص
ابو ماجد :ترا والله اريح لك وبعدين العروس جاهزه ومو غريبة وما اعتقد انك بترفض
وليد :ومنو هذي
ابو ماجد: مرام بت عمك
وليد انصدم وسكت يفكر
وليد (فكر زين يا وليد ترا غرام تركتك وانت لازم تنساها وتتزوج وحدة تنسيك اياها ومرام اكيييد راح تنسيني غرام )
وليد :خلاص يبه سو الي تبيه
فرح ابو ماجد وقال :الله يهديك ياولدي و يوفقك
________________________
في بريطانيا
اسرار :مابتروح الجامعه
اسامه :لا اخذت اليوم اجازة
اسرار ناظرت فيه بسرحان ولما حست بأنه انتبه نزلت راسها بسرعه بألم
(آآآه ياااا اسااامه للحين مووو مصدقة انك نفسه كيف القدرجمعنا مرة ثااانيه )
خنقتها العبرة وقامت دخلت غرفتها
اخذت جوالها واتصلت على حنين
عند حنين من شافت الرقم ابتسمت وبسرعه ردت
:هلا وغلا بأسووور حبيبتي
اسرار :هلااا بيك وحشتييييني حنووون
حنين :وانتي اكثر ..شنو مسوية واخبااارك ان شاء الله احسن
اسرار :الحمد لله بخير
حنين بأستغراب :فيك شي صوتك متغير
اسرار ماتحملت وبكت
حنين بخوف :اسرار شنوووو فيك خوفتيني عليك
اسرار هدئة اشوي وقالت :حنين ...رياااان ....
حنين بأستغراب :منو رياان
اسرار :الي كان معي لما انخطفت
حنين بأستغراب :مو هذا اسمه اسامه
اسرار :ايه توني اكتشف اسمه بس ..
حنين :شنو فيه
اسرار ببكي اكثر :طلع هو نفسه اسامه الي كلمته وحبيته وتركت بلدي عشان انسااه وابتعد عن ذكرياااتي معاااه
حنين بصدمه :أيــــــــــش كيف عرفتي ؟؟!!!
اسرار :هو قالي قصته وكل شي قاله كان من قصتي والمواصفات وكل شي وتأكدت حتى من اسم عيلته الحقيقية ...آآآآآآآه يا حنين تركت البلد عشااان انساه ويطلع لي هنااا معي و حبيته للمرة الثااااني مووو قادرة اصدق
حنين :والحين شنووو راح تسوين
اسرار بألم :راح ارجع خلاص البلد ولا راح ارجع هنا
حنين :شنوو انتي متأكدة من قرارك
اسرار :ايه
حنين :بس شنو بتقولي لهم
اسرار :راح اقول لهم اني بنزل البلد كم يوم وبرجع
حنين :ولا راح ترجعي
اسرار :لا ما راح ارجع خلاص تعبت
حنين :القدر جمعكم مرتين يمكن يكون الله كاتب انكم تكونو حق بعض
اسرار :لا هوو ما راح يرجع لي لو اعترفت
حنين :وشنو عرفك
اسرار :انا سألته
حنين :والله مدري وش اقول لك يا اسرار بس الي تحسينه زين سويه