البارت السادس عشر
يوم جديد وصباح حلوو في ارض بريطانيا
جلست بنشاط كل يوم تحس بحياة احسن من اليوم الي قبلة يمكن بسبب احساسها بأنها بترجع بعد يومين ناظرت النافذة وانصدمت ان الشمس مو واضحه شكلها جلست بكيرر
قامت غسلت وجها و توضت وصلت وبعدها اخذت لها دش سريع يزيد به نشاطها طلعت من الغرفة وهي تناظر بساعة ايدها :باقي 3 ساعات على الجامعه اوووف يااربي شوو اسوي الحين
راحت المطبخ وعملة لها كافي وصارت تغير في القنوات ملل مافي شي جتها فكرة تطلع تتمشا اشوي وتسوي رياضة
توجهت للباب بس بسرعه تباعدت عنه وهي تذكر الي صار لها قبل كم يوم تنهدت بضيق وردت تجلس على الكنبه :صدق اني غبيه بطلع بروحي ولا كأن شي صار لي قبل فترة لولا الله ثم ريان كان رحت فيها ضحكت بسخرية وكملت :حتى ما شكرته وبدل الشكر صرخت عليه صدق اني غبيه
:زين عارفة انك غبية
وقفت بسرعه بصدمه ودارت له
ريان وهو يشرب من الماي ويجلس على الكنبه :شنو مصحيك بدري ؟
اسرار :وانت ايش لك دخل وبعدين لا تقول عني غبيه
ريان ببرود :بس انتي الي قلتي عن نفسك انك غبيه
اسرار بقهر :اقول الي اقولة انت مالك دخل
وراحت غرفتها وصفعت الباب بقوة <<مسكين هـ الباب كل قهر اسرار تحطه فيه
___________
تقلب مليووون مرة مو عارف ينام خلاص كلامها للحين في عقلة ونبضات قلبه مو راضيه توقف
جلس من السرير وقال بتعب :والنهاااااية ما بتطلعي من راسي يااااارنيـــم والله تعبت شفيني مو قادر انام وطول الوقت افكر فيها ..افف لا اكيد بس اليوم ايه ايه انا بس منصدم من الي قالته ايه ايه
ورد ينام يفكر انه اخر يوم ولا يدري انه اول يوم بدء اليوم
__________
نزلت تشرب موية بعد ما لبست عباتها
دخلت المطبخ وتذكرت الي صار لها في اول يوم لها هنا تنهدت وفتحت الثلاجه خرجت منها موية وصارت تشرب بس وقفت فجأة لما سمعت صوت باب الصالة يتسكر
ماحست بنفسها الا بالصاله
دخل والدنياء تدور فيه مو قادر يوقف حس توازنه يختل بس فجأة احد مسك ايده ويسنده عليه ناظر فيها وقال بهمس كلام ما فهمته بس الي فهمته انه يقول اسم بنت بس ما ركزت بالاسم لانها خايفة بس متدري من شنو من صقر الي ماسكتنه ولا من احد يشوفها بهذا الوضع ولا من وضعه ولا من طقات قلبها
جلسته على الكنب الي في الصاله الكبيرة وراحت بسرعه المطبخ تجيب له موية
صار يشرب بس للحين يحس بدورة في راسه ومو مركز في الي ماسكنه رشة على وجهه اشويت ماي عشان يصحا وبعدها بدء يحس بتحسن بس كان يبي ينام
حنين :لا لاتنام هنا قوم فوق
صقر :لا تتـ ـركيـ ـني
حنين انصدمت بس عرفت انه ما يقصدها وقفته بصعوبة و صارت تمشي معه لين وصلو المصعد هنا تورطت تخليه بروحه ولا تركب معه
حنين :ياااربي شسوي
فتحت المصعد ودخلته فيه وهو جلس وبعدها ضغطت على الدور الثاني وطلعت من المصعد وراحت تركض من الدرج عشان توصل بسرعه له
وصلت في الوقت الي تفتح فيه المصعد راحت وساعدته بالخروج وبعدها وقفت محتارة
حنين :وين الحين غرفته
ناظرت فيه وحسته شبه مغمي عليه
بدت تتوتر اكثر لو احد شافها في هذا الموقف بيفهمو غلط
ناظرته مرة ثانيه وسرحت فيه وطقات قلبها صارت سريعه مثل البرق بلعت ريقها و وخرت عينها عنه كان قريب لها مرررة وحرارة انفاسه تصدام وجها
حنين برتباك :ااا ..انت وين غرفتك
صقر بعد اشوي وهو يحس بصداع في راسه من كثر السهر والتفكير والشغل والضغط الي فوق راسه
صقر وهو يحس ان الشاشة مشوشة عندة :منو انتي
حنين :ياااربي جن هذا لا يكووون ..يووو استغفر الله شنو اقول انا شكله تعبان ... استاذ صقر وين غرفتك
صقر :عند الصاله الي في الطابق الثاني
حنين وهي تكلم نفسها :هذا حتى ما يدري حنا في أي طابق
مسكته مرة ثانيه لين وصلوا لغرفة صقر
فتحت الباب ودخلت بس وقفت فجأة عن المشي وهي تناظر جناح غرفته الكبيرة :وااااااااااو
بعدها انتبهت لنفسها و وصلته لسريرة
جت بتمشي بس هو مسك ايدها وقال :لا تتـ ـركيـ ـني ..اناااا ماانسيـ ـتك
حنين وسعت عينها بصدمه وحاولت تبعد يدها عنه بس هو كان ماسكها بأحكام
ناظرت فيه بتوتر وقالت :مو انا الي تنتظرها انا حنين
وحاولت اكثر تفك ايده بس هو سحب ايدها وطاحت عليه
حنين :آآآه
بعدها استوعبت انها في حضنه وبسرعه قامت وصارت تركض متوجهه لغرفتها
اما صقر نام ولا يدري ايش سوا
___________
جلس محتار فسخ شماغه وباله مشغول كلم امه وحاول انها تتراجع بس هي ما وافقت شنو يسوي هو مايبي يصير بينه وبين بيت خالته حساسيات بس هو ما يقدر يعيش مع وحدة وقلبه مع وحدة ثانيه
رما نفسه على السرير وتنهد بضيق وقال :لا ما راح ينتهي حبي كذا لا حبي راح يعيش معي طول العمر ما راح اخلي احد يهدمه وهو توه يبتدي آآآآه ياليت تصير معجزة وما اخذ غيرها
سمع طق الباب واذن لها بالدخول
ام جراح بابتسامه :انت ما نمت للحين
جراح :لا يمه لسا الحين بنام
ام جراح :اجل اسمع البشارة
جراح بخوف :شنوو
ام جراح :بنت خالتك وافقت ولازم تروحوا بكرة للتحليل فأبيك تنام بكير
فتح عينه حدها و وقف بصدمه وقال :لا يمه لا انتي تعرفي اني ما ابيها وابي غيرها
ام جراح :اسمعني وانا امك صدقني بت خالتك جوهرة وما تنعاب وراح تحبها بعد الزواج صدقني
جراح :يمه انتي شنو تقولين انا مقدر اعيش مع وحدة وقلبي مع الثانيه
ام جراح بعصبيه :اسمعني يا جراح هذي بت اختي وغاليه علي ما ابيك تأذيها وانت راح تاخذها يعني راح تاخذها سمعتني ولا اعتبرني لا انا امك ولا اعرفك
وطلعت وتركته بصدمه مو قادر يطلع نفسه منها
____________
رمت نفسها على السرير وصارت تبكي تحس انها سوت شي غلط وكان المفروض ما تساعده بس كيف ما تساعده وهو الي نقذها مرتين مسحت دموعها بقهر وقالت :ليش ابكي هو اصلا ما يدري مين الي وصله لغرفته اكييد بينسا ايه اكيييييد بس ليش كذا حاله ومن كان يقصد ...هههههه لا لا ما اتخيل انه يحب مستحيل هذا قلبه حجر و ....
قطعت كلامها بسبب طقات قلبها الي صارت تسرع من لما تذكرت وجهه وهو قريب منها حيييل
:ياااااربي ايش صار لي ليه قلبي كذا
___________
طلعت لما حست انه صار وقت روحتها للجامعه ناظرت فيه كان يلبس جاكيته الجلد سرحت فيه للحظة بس على طول بعدت عينها عنه
دار وناظرها وقال :تجهزي اليوم وشوفي مين الي بفوز
اسرار :اكيييد فهد
ريان ضحك بسخريه وناظر فيها مرة ثانيه وقال :انصحك شجعيني ولا راح تفشلي اذا خسر فهد
اسرار :ما راح افشل لانا فهد راح يفوز ولعلمك اصلا انت باين على وجهك الخسارة
ضحك مرة ثانيه وقال :لهدرجة تحبينه
انقهرت منه وطلعت من الشقة تنتظر المصعد يوصل وقف بجنبها وبعدها ركبوا المصعد بس فجأة وقف المصعد
اسرار بخوف :شنوو صار
ريان :لا تخافي راح يشتغل الحين مرة ثانية
اسرار :ومن قال اني خايفة انا بس ما ابي اكون معك في مكان واحد هذا الشي يقرفني
رفع حاجب وناظرها بصدمه وقرب منها وهي رجعت لين لصقت بجدار المصعد تقرب اكثر واكثر وحط ايد وحده على جدار المصعد وقرب راسه منها وناظر عينها وقال :لهدرجة تكرهيني
اسرار رفعت عينها له بصدمه هي اصلا ما تكرهه بس ما تحب تعامله بلطف
لحظة صمت وبعدها قالت :بعد عني
ريان :والي يقول ماني مبعد لين تجاوبيني
اسرار :على شنو
ريان :لهدرجة تكرهيني
ناظرت فيه وصارت عينها بعينه وانفاس كل واحد منهم تضارب الثاني بس فجأة تحرك المصعد بشكل يخوف ومن خوف اسرار حضنت ريان الي حاوط ايده عليها بصدمه
اسرار بخوف :لالا مااابي اموووت
ريان مسح على شعرها وقال :لا تخافي انا معك ما راح نموت
اسرار حضنته اكثر بخوف نور المصعد صار يطفي و يولع واهتزاز في المصعد
اسرار :يااااربي ساااعدنااا
ريان بعدها عنه وراح يطق الباب بقوة عشان احد يسمعهم
ريان صار يتكلم بـ البريطاني :هل من احدا هنااااا
اسرار جلست في زاوية المصعد تبكي
ريان التفت لها وقال :لا تبكي راح نطلع ان شاء الله
اسرار والي زالت تبكي :ياااااارب مالنا غيرررك ياااااربي انقذنا ياااارب انقذنا
ريان والي لازال يطق الباب :النجـــــــــــدة هل من احد هنااااا
سكت وكأنه تذكر شي بسرعه طلع جوالة بس للاسف مو موجود شبكة
:يااااااااااااربي شنو هالحظ
اسرار وهي تبكي :ريان
طق قلبه بسرعه هذي اول مرة تنطق بأسمه ناظر فيها
اسرار :سااامحني اذا في يوم غلطت بحقك واذا يوم ضايقتك وسامحني على عصبيتي معك وعلى كل شي غلطت بحقك ..انا سعيدة اني تعرفت عليك وسعيدة بالصدفة الي جمعتنا
ريان ناظرها وراح لها نزل لمستواها وقال: وانتي بعد سااامحيني على كل شي بذل مني ..ابتسم وقال :وانا سعيد بعد بتعرفي عليك
رفعت راسها له والتقت عينها بعينه
فجـــــــــــــــــــأة
______________
طق الباب ودخل شافها نايمه بس هو حاس انها جالسة
جلس على السرير بجنبها
وقال :بنتي نوف ادري انك تسمعيني
غمضت عينها بألم
كمل :صدقيني هذا لمصلحتك نواف مستحيل تكوني له ..نوف احيانا لازم نتخلا عن اشياء نحبها عشان الي نحبهم لازم يكونوا سعيدين ..انا ادري ان نواف والنعم فيه وشاريك بس كيف تاخذي واحد ابوه رافض بقووة مافكرتي ان في يوم راح تأذين ابوة
فتحت عينها وهي عاطته ظهرها :ليش ما تقول عمي
ناظرها بصمت
دارت له وكملت : يبه لا تخلو الشيطان يلعب في راسكم انتو اخوان وما يصير الي قاعدين تسوونه
ابو رعد :هو الي بدء وهو الي لازم ينهي الموضوع
نوف بقهر : راح تظلوا كذا هو الي بدء هو الي غلطان هو الاصغر ولازم يعتذر قبل ..ليش محد يتنازل منكم وبدي في الاعتذار ليش كبريائكم كذا ليش ليش
وقف وطلع من الغرفة اما نوف بكت لين نامت
____________
انفتح باب المصعد وفزوا اثنينهم من مكانهم
الرجل :نتأسف على هذا العطل الذي حدث
ريان :الحمد لله يااارب الحمد لله ياااااارب
اسرار والدموع نزلت من الفرح :الحمد لله والشكر لله
طلعو من المصعد وصار يمشون متوجهين لمحطة الباصات
كانت تمشي وراه وابتسمت بحمد لله انها قدرت تطلع من المصعد تذكرت الكلام الي قالته لريان راحت له بسرعه و وقفو عند محطة الباصات
اسرار :ريان
طق قلبه بسرعه هذي شنو فيها كل حين تقول اسمي قلبي مو متحمل :هلا
اسرار :ابيك تنسا الي قلته لك في المصعد يعني احم انا اصلا مو سعيدة بالصدفة الي جمعتنا بس قلت كذا عشان تسامحني لما اموت
فتح عينه بصدمه وقال بقهر: وانا بعد مو سعيد بكوني معك
فتحت عينها وقالت :نعم نعم
حقرها وركب الباص وهي لحقته وكملت عراكها معه في الباص
_____________
جلس من النوم يحس راسه مصدع حاول يذكر الي صار امس بس ما ذكر شي
:آآآه من الي جابني هنااا
تنهد وقام غسل وجهه وصلى
لبس الشماغ والعقال ورش من عطرة المفضل
ونزل شافهم متجمعين على الفطور جلس بعد ماحب راس ابوه وامه
طق قلبها بسرعه ياااربي شنو صار فيني نزلت عينها عنه وبعدها رفعت عينها وانصدمت ان طلال يناظر فيها بنظرات غريبة (شنو فيه كذا يناظرني )
طلال (ليش تناظرين صقر ليش ليش )
ام صقر :اقول عبد الرحمن
ابو صقر :هلا
ام صقر :شرايك نسافر نغير جو
سديم :أي والله فكرة حلووة
ابو صقر :توكم راجعين من المزرعه ومغيرين جو
ام صقر :لا حنا نبي نسافر برا السعودية
ابو صقر :والله مدري بشوف على وضع الشركة وبأخذ اجازة بس عااد مو الحين انتظروا كم اسبوع لين اعدل وضعي
ام صقر بفرحة :عساااك ذخر لناا ياااارب ..بس هاا بس انا وانت والاولاد يعني مانبي احد غريب
وناظرت حنين
طلال بسرعه ناظر حنين خاف انها انجرحت بس شافها تاكل ولا كأنها سمعة شي
ابو صقر :اكييييد بس حنا
سديم بحزن :يبه وحنين
ام صقر :اتوقع سمعتيني لما قلت مانبي احد غررريب نبي ناخذ راحتنا
ابو صقر :افاااا يا نورة حنين منا وفينا وهي بحسبة بتي يعني ماهي غريبة
ام صقر :لا ماهي بتك لا هي من دمك ولا من دمي ولا تقرب لنا من أي ناحيه
ابو صقر وهو يناظر حنين الي تاكل ولاكأن صاير شي :اذا تبين السفر حنين لازم معنا
صقر ناظر حنين وابتسم بسخرية ورد ياكل
ام صقر تركت الملعقة وقامت بعصبية ومشت
سديم انقهرت من امها بس ما تقدر تقول شي بس ابتسمت لابوها بشكر
ابو صقر حب يغير التوتر :هاا وين تبون تروحوا
سديم بحماااس :كندا
طلال :لا فرنسا احسن
سديم ناظرت مشعل بأستغراب مو عادته انه مايدخل نفسه ويعترض ويسوي هوشة
سديم :هلوووو مشعل نحنا هنا في وين سارح
ناظرها بملل وقال :شنو تبين
سديم : شفيك ؟؟
مشعل :مافيني شي خلصي شنو تبين ؟
سديم :وين تبي نسافر
مشعل : صدق فاضيه
وقام ركب غرفته
فتحت عينها بصدمه وقالت :شفيه ذا جن ؟!
طلال بأستغراب :غررريبة
ابو صقر :الحين ما قلتو لي وين تبون
سديم :كندا
طلال :فرنسا
ابو صقر :وانت صقر وين تبي ؟
صقر :سلامتك يبه ما ابي اروح
ابو صقر :لا والله لتروح ايه ما بي احد يجلس هنا كلنا بنروح
صقر :صدق يبه مابي
ابو صقر :يا نروح كلنا يا نبقا كلنا
ناظروه طلال وسديم بقهر لانه بيخرب عليهم
ضحك وقال :اوكي الي تشوفه بس ما ابي احدد مكاان الي بتودوني فيه انا قابلة
ابو صقر ابتسم وناظر حنين وقال :وانتي حنين وين تبين
بفرح انه سألها عن رايها قالت بسرعه : مــكـة
مدري ليش حسيت كلهم تفشلوا لانهم ما خطر في بالهم يمكن لانهم راحوا قبل بس انا ولا مرة رحت مكة
ابو صقر :والنعم في الي اخترتيه هذا هو الكلام الصح
صقر :يبه بس امي قالت تبي برا السعودية
ابو صقر :وفي احد يرفض الروحة لبيت الله
صقر :اوكي انا ماشي تبي شي يبه
ابو صقر : لا سلامتك
حب راسه وراح بس لما وصل للباب دار وناظر حنين الي كانت تناظرة (لا لا اكيييد مو هي الي وصلتني الغرفة بس ليش كل حين احس انها هي)
_____________
بدء السباق في بريطانيا
1 2 3 انطلاااااااااااااق
والكل صار يسابق يوصل قبل
القاعه كانت مليااانه بالكراسي والمردفعات
امجاد :ريــاااان رياااااااان ريااااااااااااااااااااان
شهد تكلم ريم :ماشاء الله على امجاد من بدء السباق وهي تشجع ريان
ريم :هههههه متحمسه الاخت بس ليش بس تشجع ريان لا يكون تحبه
شهد :ههههههه يصير انا شاكة من زمااان
اسرار بس تناظر وفي داخلها تتمنى ريان يفوز لانها ماتبي تروح مع فهد ما تدري ليش احيانا تخاف منه واحيانا تحسه اطيب من ريان
امجاد بحماااس :بنااااااات شوفووو ريان اول واحد
ريم :ترا بعده ما يخلص السباق وبعدين شوفي فهد وراه على طول
وفجأة الكل قفز وصرخ بقوووووة من الحمااس
واسرار ابتسمت بفرح وقالت بدون لا تحس :يس فااااز ريااان
ناظرت فيها امجاد بس بعدت شكوكها وهي فرحانه وحضنت الكل من الفرحه وراحوا يركضوا لريان
امجاد :مبررررررررررررروك ريااااان
ريان ببتسامه وهو يتنفس بسرعه والماي ينزل من جسمه :الله يبارك فيك
وصار الكل يبارك فيه الا اسرار الي بس كانت تبتسم ومستحيه من ريان لانه مو لابس
ريان رفع حاجب وقال :ما راح تباركي لي يا ..... ونطقها بصعوبة :اسرار
اسرار التفت له وطقات قلبها تسرع مثل الطبول هذي اول مرة ينطق اسمها وقالت :هاا ايه مبروك
ابتسم وقال :الله يبارك فيك
فهد بوز وقال :محد بارك لي ترا انا المركز الثاني
ابتسمت اسرار وقالت :مبرووووك فهد
ابتسم لين بانت ضروسه
ناظرها ريان بقهر اصلا مايدري ليش انقهر
تجمعوا عليه الاجانب والي يعرفهم وصاروا يباركون له ويسألوه شنو بسوي في الساعه الي يطلب فيها الي يبي
ريان ناظر اسرار وقال :ابي في هذي الساعه اخذ اسرار
الكل انصدم وناظرو في اسرار المصدومه وفي فهد المقهور وفي امجاد الي باين عليها انها بتبكي من القهر
اسرار بلعت ريقها وقالت :بس انا مابي
ريان :مو بكيفك كل الي في الجامعه لازم يوافقوا على أي شرط اقولة لاني فزت
ناظر ساعته وقال :الحين الساعه 3 تجهزي بلبس واجيك
اسرار ناظرت فيهم وانحرجت يااااربي شنو بقولو الحين عني
شافت امجاد وهي تمشي بحزن لحقتها بسرعه وقالت :امجاد انا ادري انك تحبي ريان بس والله انا مو ذنبي هو اكييد سوا كذا عشان يقهر فهد صدقيني لا يروح بالك لبعيد
ابتسمت وقالت :لا تخافي اسرار انا ادري مو ذنبك انا عارفة اصلا ان ريان ما يحبني بس شسوي قلبي مو راضي يتركه
حضنتها اسرار وقالت :صدقيني هو الي بيندم لانه ضيع جوهرة مثلك
ابتسمت لها وقالت :عن اذنك بروح ارتاح اشوي
راحت واسرار ضلت تناظرها تنهدت بحزن
ومشت راجعه لهم
_____________
في المستشفى
رعد وهو يمشي وقف فجأة واتجه اتجاه الي يشوفة وقال بأستغراب :جراح
ناظر فيه وابتسم له ابتسامة ضيق والم :هلا رعد
رعد :عسا ماشر شفيك هنا
جراح بألم :جاي اسوي تحليل الزواج
رعد بصدمه :صدق
هز راسه بأيه
رعد :ايا الخاين ولا تقول لنا نفرح فيك
جراح :كنت ناوي اقول لكم بس اذا طلع التحليل
رعد :الله يتمم على خير الا اقول صقر يدري
جراح :لا مايدري بس لا تقولة انا بقولة ولا بيذبحني
رعد :هههههه اوك يلا سلام
ابتسم له وجلس على الكرسي الي في الانتظار بحزن آآآه ياسديم سااامحيني
اما رعد دخل غرفته وطلب الدكتورة دينا
رعد :شنو صار بالمريضة اسيل
بقهر منه : رحت لها بيتهم وحاولت معها بس مافي فايدة بس انا ما بيأس
رعد بترجي :لا تتركيها حاولي معها
دينا :انا مدري ايش قصتكم بس ارجووك لا تعامل المرضى بهذي الطريقة هم يحتاجو تعاطف منا وامل وابتسامه لا تقول كل شي وتكسر كل امل لهم
رعد :هذا هو تعاملي مع المرضا ما احب اعطيهم امل واخر شي يتكسر لانهم اصلا بعانون اكثر لما نخبي عنهم اشياء المفروض يعرفونها ويحطون الف حساب لها
دينا :انا مو معاك في هذا حتى لو ما تبي تخبي عنهم أي شي حاول تشرحه لهم بحنيه بطيبة بأمل مو بجفا وجرح وكأن الي قدامك مو انسان يحس وينجرح
رعد بدء يعصب على فلسفيتها وقال :مو انتي الي تعلميني كيف اتصرف مع مرضاي وبعدين انتي الي هنا تتعلمي مو انا
دينا انقهرت من طريقة كلامه الي ينرفز وقالت :عن اذنك وطلعت بقهر
تسند على الكرسي وقال :آآآه يا اسيل اتمنى ما تفقدي الامل وتتعالجين
نهاية البارت
البارت السابع عشر
رنيم :اووهوووووو علينا شفيك كل ساكت
ناظر فيها وبلع ريقة نزل راسه وقال :رنيم ليش لابسه كذا
ناظرت في لبسها بأستغراب :ليش شنو فيهم
مشعل :انتي مو ملاحظة انه فاسخ اشوي
رنيم بقهر :لا لا انت اكيييد جنيت من متى تدقق على ملابسي وشنو البس وشنو لازم البس
مشعل :حتى لو كنت اعتبرك اختي وانتي نفس الشي بس مو انه تلبسي كذا قدامي
انصدمت من كلامه اول مرة يكلمها بهذي الطريقة :شفيك شنو صااار لك
واشرت بأصبعها السبابة على عقلة وقالت :هذا صار له شي انت ابد مو طبيعي
مشعل انقهر وقال :اووهوووو انتي الي ماخذة راحتك بزيادة وانا مافيني شي بس احسك زوتيها بلبسك هذا
رنيم :انا الحين طالعه واذا رجع عقلك مكانه نادني
وطلعت من غرفته بقهر وراحت غرفة سديم تجلس معها ومع حنين
وهذا هو كان لبسها
مشعل حط ايده الثنتين على راسه ورجع شعره على ورا وقال :شفيني ليش قلت لها كذا هذي اول مرة اقول كذا اصلا هي دووم تلبس كذا بس انا ما اعلق اصلا ما انتبه بس شنووو صااااااار فيــــــــــــني
دخلت وصفعت الباب بقوة من قهرها
سديم :وووووووووووجـــــــع ترا والله ابـــــي الباب
جلست بقهر
سديم :غريبة مشرفه هنا شكلك متهاوشة مع الاخ
رنيم بقهر :تخيلي شنو يقول لي
سديم وحنين :شووو
رنيم :يقول إنا لبسي فاسخ من متى يتكلم عن لبسي
سديم :هههههههههههههههههههه
حنين :مع احترامي لك يا رنيم بس صدق معه حق لبسك فاسخ خاصة انه مو اخوك
رنيم :بس انا اعتبرة اخوي وهو نفس الشي وهذا الشي من حنا صغار
حنين : حتى لو تعتبروا روحكم اخوان بس الشرع ما يعتبركم اخوان لا انتي من دمه ولا هو ولا حتى اخوك من الرضاعه
رنيم سكتت حست ان كلام حنين صح بس شنو تسوي هي تعودت تلبس كذا وبعدين هي ماتعودت ان مشعل يتكلم عن ملابسها
___________
دخلت عليها المجلس بعد ما عرفت انها جت لها
اسيل بابتسامه :هلا دينا تفضلي
دينا جلست بابتسامه وقالت :انتي اكيييد عارفة ليش جايه مو
اسيل هزت راسها بأيه
دينا :اسيل ابيك ما تيأسي والله لمصلحتك وبعدين انتي تبين امك تبكي حسرة على شبابك
اسيل :دينا انا اذا ابي اتعالج ما راح اتعالج عند الدكتور ..... رعد
دينا :انا مدري شنو السبب بس صدقيني الدكتور رعد مشهور وعنده خبرة ومن اكثر الدكاترة الي انقذوا مصابين واجد مثل حالتك طبعا بعد الله سبحانه وتعالى
اسيل تكلمت بدون لا تحس :تعرفي شعور إنا يكون عندك شخص تعتبريه كل حياتك صارت ملكه وما تقدري تعيشي بدونه وفجأة يتركك وانت بأمس الحاجه له ويروح يخطب وحدة ثانيه والحجة هي ابوه اغصبه
نزلت دمعتها وكملت :تخيــــلي 4 سنين بين حب وعشق وكل واحد عارف انه للثاني و واثق فيه فجأة وبدون سابق انذار يختفي املك في الحياة
وبعد 3 سنين تشوفيه ولا كأنه صاير شي كيف كيف يا دينا تبيني اتعالج عند واحد كنت بموووت مليووون مرة والسبب هو ....ولا انسى موتت ابوي كان هو السبب فيها
انصدمت من قصة اسيل الي ما توقعتها وانقهرت في رعد الي حتى ما سمعت القصة منه
دينا :لا تستسلمي بسبب حب انتهى و مات اسيل انتي قوية لا تضعفي بسبب هذا الحب لازم تبيني له انك مو مهتمه فيه وإن الي صار نسيتيه وطويتي صفحته .....اسيل انتي لازم تتعالجي اذا مو عشانك عشان امك
ابتسمت لها وقالت :انتي انسانه وااجد طيبة واتمنى إن الدكاترة مثل طيبتك واصرارك وتمسكك وعدم يأسك .....دينا اقدر اجي من اليوم عشان اتعالج
دينا بفرح :ايه ايييه اكييييد تقدري
اسيل بابتسامة امل :شكرا لك دينا
دينا :العفوو ماسويت شي هذا واجبي
________
في الليل
في بيت ابو سلطان الساعه 9 الكل كان موجود ويضحك و يسولف
حنين :لمى وين جنى
لمى :الليلة حفلة خطوبة صاحبتنا
سديم :اهااا خسارة ماجت بس انتي ليش جيتي موصاحبتك بعد ؟!
لمى بتوتر :هاا ايه بس راح اعوضها في عرسها
اشواق :اقول رنيم متى راح تحطوا البوفيه ترا والله جعت
رنيم :ياااربي عليك كأنك مفجووعه من الاكل لك سنه ما اكلتي صدق مجاعة افريقيا
الكل :هههههههههه
اشواق :بااايخه
مرام :صدق اشواق ترا امتنتي يعني يبي لك رجيم
اشواق :خليت الرجيم لك والله انا حبيبتي انسانه ما احب احرم نفسي من الاكل
سديم :صدق بنات نسيت اقول لكم راح نسافر عما قررريب
وصارت ترفع وتنزل في حواجبها عشان تقهرهم
رانيا :افاااا يالنحسه ولا تقولي لي
سديم :حبيبتي انتي تزوجتي وصرتي برا البيت
رانيا :صدق نحسه
الجوري :ههههههه و وين بتروحو
سديم :مكـــــة
نوف :واااو من زمااان مارحت مكة والله نفسي اروح
مرام :وانا بعد
رنيم :شرايكم بنات نلزق فيهم نسويها سفرة جماعية
سديم :مو لله عشان الاخ بتروحي
رنيم :يووو ليش انتي سيئة ظن كذا انا بروح لاني اشتقت للكعبة ولشوفتها
حنين :صدق بنات والله بكون وناسة اذا رحتو معنا
اشواق :خلاص اجل كل وحدة تكلم اهلها وتقنعهم ونروح سوا سوا
مرام :البنت قلبت هندي
اشواق :ههههه بايخة ما ضحك
مرام :و احد طلب منك تضحكي
اشواق حقرت مرام وقالت لرنيم :وبعدين يعني صارت الساعه 9 ونص ترا الكل جاء تنتظروا مين
ام سلطان :يلاااااا بنات قووومو عشاء
الجوري :يلا قومي لا تموتين علينا جاك الفرج
ضحكو الكل وقامو للعشا
___________
ريان وهو يكلم اسرار: يلا مشينا
اسرار مشت معه وقالت :ما يصير ناخذهم معنا ؟
ريان :لا ما يصير
اسرار وهي تشوفة يأشر على التأكسي : ما بنروح بالباص
ريان :طبعا لا
اسرار :انزين وين بنروح
ريان :اركبي وانتي ساكته صدق ثرثارة
اسرار ركبت وصارت تناظر الطريق بهدوء فكرها مو معها
ريان :اسرار انزلي وصلنا
يا الله ما حسيت بالوقت ولا بطريق نزلت وناظرت المكان انصدمت انها مدينة ملاهي كبيررررة
:واااااااو
ناظر فيها وابتسم وقال :يلا تعالي ندخل
دخلوا وصاروا يناظرون أي لعبة يركبونها
اسرار ( آآآآه ياااربي كنت اتخيل مع اسامه ان في يوم من الايام نجي مدينة الملاهي ونلعب كنا بس نتخيل ونتمنى تصير بس الحين صارت لي بس مع واحد ثاني )
ريان بابتسامه :شرايك في هذي العبه <<كان يأشر على قطار الموت
شهقت بقوة اسرار وقالت : لا لا لا هذي تخوف
ريان رفع حاجب وقال :ما توقعتك تخافي من لعبه
اسرار انقهرت وقالت بتحدي انا ما اخااف ومستعدة اركبها
ريان :اجل يلا مشينا
ركبوا فيها وزاد توتر كل واحد فيهم مو من الخوف بس من قربهم لبعض
بدت العبه وبدت ترتفع لفوووووق لين وصلت للقمه هنا اسرار تمسكت بيد ريان الي ناظرها بسرعه وصرخت صرخة انفجرت منها اذن ريان
نزل بسرعه القطار وكل واحد صار يصارخ
بعد 3 دقايق وقفت العبه
نزلت منها وهي حدها خايفة
ريان :هههههههه طلعتي جباااااااااااانه
اسرار :من قال
ريان :انا
اسرار وهي تناظر في لعبة البيت المسكون وناظرت فيه وقالت :خلنا ندخل هنا
ريان بكل مرح :اوووكي
دخلوا و اسرار اشوي وتلزق في ريان من الخوف بس تقاوم خوفها عشان لا يقول انها تخاف بس لما حست بأحد لمس كتفها صرخت بقوة وصارت تضرب الشخص بشنطتها بدون لا تناظرة
فتحت عينها لما حست ان الصوت تعرفة ناظرت فيه وحطت ايدها على فمها وقالت :اسفة اسفة ريان مو قصدي فكرتك وحش
ريان وهو ماسك راسه بألم :وحش في عينك كسرتي راسي
اسرار بأحراج :اسفة اسفة بس انت ليش حطيت ايدك على كتفي
ريان :لاني انتبهت لحشرة على كتفك
صرخت صرخه ثانيه هزت مدينة الملاهي بكبرها وصارت تقافز
ريان :ووووووجـــــــــــع شكلك تخافين من الحشرة اكثر من الوحوش
اسرار توقفت بأحراج وبعدها طلعوا
ريان :تبين آيسكريم من باسكن
اسرار :يب يب ابي على توفي
راح واشوي رجع ومد لها الآيسكريم بس هي ما مدت يدها عليه و كانت منزلة راسها
ريان :هلووو شفيك لا يكون متأثرة من الي صار
اسرار :لارد
ريان خاف عليها ورفع راسها بس انصدم انها تبكي
ريان :انتي تبكين لايكون من الحشرة
هزت راسها بلا الي بكاها ابعد من هذا الي بكاها هو
اسرار بفرح :اسامه خلنا نتخيل إن حنا رحنا الملاهي
اسامه :هههههه اوكي
وبدء التخيل معهم دخلوا البيت المخيف ومسكت يدة وركبت القطار وحضنته من الخوف وبعدها لما خلصوا لعب
اسامه :تبين آيسكريم من باسكن
اسرار : يب يب ابي توفي وانت
ابتسم وقال :مثلك
رجعت للواقع ورفعت راسها لريان ناظرته وسرحت فيه (ياليتك تنقلب اسامه لو للحظة حتى لو كنت ما اعرف شكله)
ريان :اسرار فيك شي
مسحت دموعها وهزت راسها بلا
ومشوا للسيارة بهدوء
وقفو عند مطعم وباين عليه فخم حتى افخم من المطعم الي وداها فيه فهد
اسرار :خلنا نروح باين ان المكان غاااالي
ريان :عاادي لا تخافي معي الي يكفي
اسرار بقهر (دام معك الي يكفي كان شريت لك شقة ثانيه )
ريان :يلا ندخل
______________
الكل خلص من العشاء وجلس يسولف
لمى :بنااات من تبي موية بقوم اجيب لي
الجوري :انا ابي
اشواق :مي توو
لمى :اوكي
راحت تجيب موية اصلا هي مو عطشانة بس قالت يمكن تشوفه بالصدفة وصدق احساسها لانها شافته
لمى بصدمه تمثليه :اسفة فكرت مافي احد هنا
سلطان نزل راسه وقال :لا مافي مشكله
جت بتروح بس وقفت فجأة لما نادها بس مانادها في نفس الوقت << !!
سلطان :جنـى انتظري
دارت راسها بصدمه له
سلطان تقرب لها وهو مازال راسه نازل وقال :انتي جنى مو
كانت بتقول لا انا مو جنى بس الغيرة اشتعلت عندها والفضول فقالت :ايه
سلطان بفرح :ممكن اخذ من وقتك اشوي
لمى :ايه عاادي مافي مشكله
سلطان :جنى انا ...
______________
في مجلس الرجال
رعد تقدم وباس راس عمه ابو نواف
ابو نواف بجفا :ايش عندك
رعد :انا ادري يا عمي انك ما تحبني بس انا لازم اخبرك
ابو نواف :عن شنو
رعد :في دكتور اعرفة زين وخوش رجال ومعروف ومن عيلة معروفة وهو شاطر في عملة ومخلص اول امس جاني وقال لي انه يبي يتقدم لبتك الجوري وانا قلت له بكلمك و اعطيه خبر عشان يجي يقابلكم
ابو نواف :وهذا الدكتور مثلك ولا لا
رعد فهم ايش قصده :انت اذا شفته احكم عليه
ابو نواف :خلاص خله يجي بكرة الساعه 8 ونص واشوف
رعد ابتسم وقال :ان شاء الله
نواف :رعد ممكن اشوي
رعد قام معه وراحوا اشوي بعيد
نواف :رعد في شي صاير
رعد ابتسم وقال :لا بس في واحد اعرفه متقدم لاختك الجوري
ابتسم وقال :اهاا بس انا مو قصدي عن الموضوع الي كلمته ابوي ...انا اقصد احم في شي صاير في بيتكم لانك مو طبيعي احس في شي ولا حتى عمي << كان يبي شي يوصله لحالة نوف
رعد سكت لما فهم عليه ورفع راسه وقال :نواف اممم ...نوف تقدم لها واحد وابوي يبيها توافق بس هي رافضة
نواف بصدمه :أيــــــــــش ...رعد انت تمزح مووو انت عارف اني ابي اختك وانا اولا من الغريب
رعد :عاارف يانواف بس للحين ما صار شي وان شاء الله مايصيرشي
نواف بجراءة :لا مستحيييل ما راح اخلي احد ياخذها مني
ابتسم رعد وقال :وانا بعد ابيها لك لاني اثق فيك وانت ولد عمي بس قول ان شاء الله مايصير شي
نواف والصدمة لازالت على وجهه :ان شاء الله ان شاء الله
_______________
الساعه 12 ونص في بيت ابو نواف
ابتسمت بفرح لبتها الي ظلت مصدومة وساكته بدون أي تعليق
ام نواف :مبروووك يابتي والله مو عارفة اوصف فرحتي
ابو نواف :بس للحين يا حصة ما وفقنا وبعدين يمكن يطلع يشبة رعد مو هو صاحبه
ام نواف :لا ان شاء الله بكون احسن من رعد ومن ناصر بعد
حست بتوقف نبضات قلبها من ذكرت امها اسمه مسكت قلبها وقالت بهدوء
:مايحتاج تسأل يا يبه لاني مابي اتزوج خلاص
ابو نواف :يابتي لاتخلي الي راحوا يأثرو عليك
الجوري :لا يبه هم ما اثرو بالعكس بسببهم صرت اقوى بس انا ابي اعيش معكم معززة ومكرمة عفت الزواج وسنينه
ام نوف :يابتي ترا مو سهل نحصل لك رجال زين و كل المواصفات زينه لاتنسي انتي منفصلة من ولد عمك و من زوجك السابق والناس كلامهم ما يرحم
ابو نواف ناظر في ام نواف وعطاها نظرة يعني ماله داعي هذا الكلام
رد ناظر في الجوري بحنان وقال لها :يبه الجوري انا بسائل عنه واذا طلع زين ابيك تفكري زين عنه ولا تستعجلي واخذ راحتك بس ابي اذكرك بشي البنت مالها الا بيت زوجها وحنا يا بنتي ما راح نظل لك للابد
الجوري :عسى يومي قبل يومكم يبه لا تقول كذا
ابتسم وكمل :لا تبيني للناس انك انكسرتي بالعكس بيني لهم انك قوية والي مايبيك ماتبينه
الجوري باست راس ابوها وقالت :بفكر يا يبه بفكر
وراحت لغرفتها وسرحانها لبعيد
____________
ناصر :ما رد لك خبر
راكان وهو سرحان بحاله :لا لاسى بكرة بشوفة واسئلة
ناصر بابتسامه : الله لا يحرمني منك ياخوووي
راكان رد له الابتسامه : ولامنك
ناصر :راكان بطلب منك طلب واعتبره اخر طلب
راكان :انت تامر يااخوي مو تطلب
ناصر :احفظها زين ولا تأذيها مثلي ابيك تعطيها الحنان الي فقدته ابيك تعاملها وكأنك مو منجبر عليها بسببي
ابتسم راكان وقال :تم وانت ما جبرتني يا خوي انا الي وافقت بإرادتي
ابتسم له وناظر في النافذة بسرحان (آآآآآه يالجوري سامحيني ظلمتك )
وراحت ذاكرته لبعيد للايام الي بدء يشك فيها وكل يوم يشوف رساله من واحد في جوالها او باقة ورد تنرسل لهم ورسالة عليها حب وغرام بس هي كانت تنكر وتقول :والله ما اعرف شي عن هذي الرسائل ولا من مين
صبر وصبر لين انفجر ودخل البيت وهو يصرخ بأسمها
طلعت من المطبخ بخوف وقالت :شنووو فيه
رما على وجها الاوراق وقال بصراخ :يالخااااااااااااااااااينـــــه
اخذت الاوراق بصدمه وزادت صدمتها لما شافت المكتوب بخط ايدها ناظرت فيه والدموع نزلت من عينها
ناصر :مووو هذاا خطــ أيـــــــديك
شهقت وقالت :انت فاااهم غلط خلني افهمك الموضوع
سكتها بكف قوي وطاحت على الارض وهي تبكي بصدمه منه
ناصر :شنووووووووووو تفهميــــــــــني شنووووووووووووو
الجوري ببكي يقطع القلب :والله مظلووومة والله مظلووووومة
ناصر عصب اكثر وانفلت الكلام من لسانه وقال :انتي طالق طالق طاااااااااااااااااااالق
وطلع من البيت وتركها بصدمتها ودموعها
وبعد كم شهر جاتله مكالمة من بنت
البنت :الوو
ناصر بأستغراب :مين معي
البنت :انت ناصر
ناصر بأستغراب اكثر :ايه بغيتي شي اختي
انصدم من ضحكتها الساخرة
البنت :ههههههههههههههاااااااي والله وطحت في الفخ يا اخ ناصر وطلقت زوجتك المظلوومه بس تصدق انا عن جد فرحاااان كثيررر تدري ليش لاني كنت اكره زوجتك وتمنيت هذا اليوم لها وصار الي بغيته يوووه وصحيح قبل لا انسى لعلمك انا خدعت زوجتك بأني احب شخص وابي اكتب له رساله بس خطي مو حلوو طبعا هي رفضت بس بسبب اصراري ودمووعي الحلووة صدق انها غبيه حفرة قبرها بنفسها هههههههههههههههه
وسكرت الجوال وهو منصدم بس بعدها استوعب وصار يصارخ في الجوال وكأن احد يسمعه طاح الجوال من ايده ونزلت دموعه من الندم وبعدها بكم يوم سافر برا البلد عشان ينسا المه بس ماقدر
وهذي هي قصة الجوري وناصر
____________
دخلت غرفتها وصارت تبكي وتبكي تذكرته حست انه معها في كل شي وان الي كان يلعب معها اسامه مو ريان والي راحت معه المطعم كان اسامه مو ريان حست بأختناق مو قادرة تنساه حتى لو تناسته ماتنساه راحت وفتحت النافذة تنهدت بقوة ومسحت دموعها وقالت : بكرة راح ارجع للبلد الي انت فيها ودي لو اسمع صوتك او اشوفك اوحتى اسمع خبر عنك والله اشتقت لك والله
اما في الغرفة الثانيه انسدح على السرير وراح لسرحانه لبعيد نزلت دمعته بس بسرعه مسحها وضحك بسخريه وقلب للجهه الثانيه وغمض عينه بقوة عشان ينام ولا يفكر في الماضي
_____________
وقف عند البلكونة ودموعه على خده :لا مستحيييل تكوني لغيرري ما راح اخلي احد ياخذك مني وعد يانوف وعد ما اخلي احد يلمسك غيري انتي حياااتي كيف اتخلا عنك
_____________
رنيم جلست على السرير بزهق :اففف شفيه ذا مايرد على اتصالاتي
مشعل :لا لا لاترد ..ياااااربي اشفيني ليش مابي ارد عليها لييييش ابي افهم ليش تغيرت كذا ليش ابي ارجع مثل قبل
ضغط على نفسه ورد
رنيم :واخيرا رديت
مشعل غمض عينه وقال :شنو تبين
رنيم بأستغراب :تستظرف حظرتك
مشعل :رنيم ترا مو فاضي لك
رنيم :لا لا انت اكيييد جنيت
سكر الجوال في وجها ورما نفسه على السرير يبي ينام ولا يفكر فيها لو على الاقل ثانيه وحدة
رنيم بصدمه :لا جن الولد
نهاية البارت
..............
توقعاتكم
شنو مصير جراح وشنو بصير لسديم اذا درت ؟؟
الجوري هل بتوافق او بتكتشف انه صاحب ناصر ؟؟
طقات قلب حنين سنو سببها ؟؟
شنو الكلام الي بقولة سلطان للمى الي يفكرها جنى ؟؟
مشعل وتصرفاته الغريبة هل بيكتشف سببها ورنيم هل بتكتشف وتبادله شعورة ولا لا ؟؟؟
اسيل شنو قصة موت ابوها ؟؟
نواف هل بسوي شي زلا ما بيقدر ؟؟
لا تنسوا الفوت والكومنت✨~