الكل صار يركض ويختبأ في أي مكان ماتقدر تشوفهم فيه
الجوري : 9 10 اناااا جيــت
عند حنين :انا لازم اختبأ في مكان ماتقدر تشوفني فيه بس ووووين انا ما اعرف الاماكن الموجودة في المزرعه افف خليني امشي واشوف وين اختبأ
*
*
سديم :ههههه اكيد انا الي بفوز دامني اعرف كل شي في هذي المزرعه اوكي الحين لازم اسرع قبل لا تشوفني
*
*
الكل تخبأ وبدت الجوري البحث
الجوري :هههه اشواق شفتك
اشواق لما شافت الجوري صارت تركض والجوري تركض وراها لين مسكتها
الجوري :كنت متوقعه انك اول وحدة بشوفها
اشواق :اففف
الجوري :تأفففي على كيفك انا بروح اشوف الباقي
اشواق :اففففففففففف
عند مرام
آآآآآآآآآآآآآآآآآآآآآآه
دارت وصرخت :ووووجع
:هههههه شنو تسوين هنا
مرام بعصبيه :وليدوووه ياثقل دمك شنووو تبي
وليد:مابي شي بس ليش جالسه هنا وكأنك مختبئة عن احد
مرام :يا شين القااااافه ياااناس
وليد:اذا ماقلتي لي بصرخ
مرام: هههههاااي خوفتني الحين
وليد:اوكي بكيفك انا حذرتك
اخذ نفس وبعدها :مرررررررررام شنووووووووووو تسويـــــن هنااااااااااااااااااااااا
مرام من الصدمه والي زاد الطين بله انها لمحت الجوري بسرعه قفزت وحطت ايدها على فمه
وليد فتح عينه بصدمه من قربها ومن حركتها الجريئة
مرام لما شافت الجوري بعدت تنهدت براحه وناظرت في وليد الي لازالت ايدها على فمه ناظرت ايدها وانصدمت بعدت بسرعه عنه وناظرت فيه
وليد كان فاتح جزء من فمه ويرمش بسرررعه مو قادر يستوعب
مرام ناظرت فيه باستغراب :شفييييك اوكي خلك هنا انا بروح اشوف لي مكان ثاني اختبئ فيه
لما بعدت تنهد بأرتباك وهز راسه بسرعه ومشى
عند جنى ولمى
لمى :تتوقعين مسكت احد
جنى :مادري بس سكتي لاتشوفنا
:اوووه التوأمتين هنا
لفو ثنتينهم للصوت الي مستحيل ينسونه
سلطان ابتسم :شنو تسوون ؟
جنى :احنـ ...
قاطعتها لمى :احنا نلعب لعبت الاختباء
جنى سكتت ونزلت راسها
سلطان :اهاا ومن الي تصيدكم ؟
جنى :الجـ..
لمى :الجوري
جنى سكتت وقررت انها ماتتكلم احسن لها
سلطان :اهاا اجل اتركم لاتشوفكم ويصير بسببي اوكي يلااا بااااي
لمى :بااااي ..وه شحلاته مو جنوي
جنى :خلينا الحين منه اخاف تشوفنا والسبب هدرتك
:وصدق شفتكم والسبب هدرتكم
جنى بقهرررر :شفتـــــي افف خسرنا
الجوري :تأففو مع اشواق يلا قوموا قدامي
لمى :ههههه ليش اشواق خسرت
جنى :هههههه هذا المعروف في اشواق تخسر في كل شي اول وحدة
عند نوف
نوف :ياااااربي نواف روح راح تشوفني والسبب انت
نواف :اوكي بس بدليك على مكان ما راح توصل له
نوف :صدق وووين ؟
نواف تعالي معي
الجوري :مااايحتاج تروح معك لاني شفتها
نوف تخبت بسرعه وراء نواف
نواف :اذا قدرتي تلمسينها يعتبر مسكتيها
الجوري :اوكي راح امسكها وتشوف
نواف مسك يد نوف وصار يركض فيها والجوري تركض وراهم
نوف وهي تركض :نوااف اتعبت خلاص خلها تمسكني
نواف :لا ما راح اخليها تمسكك
الجوري وهي تركض وراهم :وقفوووووو قلت لكم وقفوووو راح امسكك يانوف يعني راح امسكك
عند حنين :يااااربي انا في وين حمد لله إنا الحين نهار ولا كان مت من الخوف احس كأني بعدت كثير اففف وووين انا حتى مو عارفه كيف ارجع
تثاوبت حنين وماحست على نفسها ونامت على الحشيش تحت الشجرة الكبيرة
*
*
*
نواف :شكلنا ضيعناها هههه
نوف :الحمد لله
نواف ناظر في عين نوف
نوف ارتبكت ونزلت عينها
نواف :توني اكتشف انك جميله كثيرررر
نوف :لا والله يعني كنت مفكرني قبيحه
نواف :ههههه لا بس الحين احلا
قرب منها اكثر
نوف بلعت ريقها وغمضت عينها بخوف وتوتر منه
مسكت ايد نوف وقالت :مسكتك ههههههههاااي
نواف :الجوري !!
الجوري :ايه الجوري مو قلت لك اني بمسكها
نواف :اختي حبيبتي سوي نفسك كأنك ما شفتيها وخليها معي
الجوري :هذي المصالح ما تمشي معي يلا نوف معاي
نوف ناظرت في نواف بحزن وراحت معها
نواف بقهر :هذي اخت هذي
****
في الجامعه عند اسرار
امجاد: يعني بعد 5 ايام بتسافرين والله راح اشتاق لك
اسرار :وانا بعد بشتاق لكم حيييل
ريم :عاد لا تقطعين اتصلي لنا
شهد :بس اسرار لازم تسوين البحث الي طلبوه منا قبل لاتسافرين
اسرار :ايه راح اسويه اليوم ما راح اطلع من الجامعه الا وانا مخلصته
امجاد :اذا تبين أي مساعده حنا في الخدمه
ابتسمت لهم وسكت لفترة بس ماطال سكوتي لاني انصدمت لما سمعت ريم تقول :شرايكم بنااات نروح شقة اسرار نسوي جلسه بناتيه وفي نفس الوقت عشان نودعها
شهد :والله فكرة حلوووة
امجاد :أي والله شرايك اسرار
اسرار بخوف :لالالالا ما اقدر
شهد باستغراب :ليش ؟؟
اسرار :هااا ...لانا الشقة عفسه ما ابيكم تشوفونها
امجاد :مافي مشكله احنا مو اليوم بنجي شراايكم بكرة بنات
ريم :ايه حلوو بكرة
اسرار :اسفة بنات بس ما اقدرى
امجاد :يعني طريدة من الحين
اسرار :لا مو قصدي بس ....
شهد :لا بس ولا بطيخ بكرة بنجي لك شرايكم في الليل الساعه 7
ريم :ايه حلوو
امجاد :اجل خلاص اتفقنا بكرة الساعه 7 حنا عندك
اسرار تورطت ومو عارفة شنو تقول وخايفه من ريان اذا عرف بالموضوع شنو بسووي
ريم :يلا بنات انا رايحه تبون شي
امجاد :سلامتك حبيبتي
شهد :وانا كمان بروح يلا شااااو
امجاد :باااي ....اسرار شفيك ساكته
اسرار (ما تدرون بالورطة الي ورطتموني فيها ):لا ولاشي
امجاد :اوكي حبيبتي انا بروح الحين تبين شي
اسرار :لا سلامتك
اسرار جلست تفكر شنو بتسوي في هذي الورطة تنهدت بخوف وقررت انها تسوي البحث وبعدين تفكر شنو بتسوي
************************************************** ********
الجوري تناظر في البنات
الجوري :بقى بس سديم وحنين انا بروح اشوفهم
جنى تكلم لمى :تتوقعين مين الي بتفوز
لمى :اممم اتوقع حنين لانها كل تفوز
جنى :ههههههه أي والله
نوف :اصلا كنت بفوز لو نواف ما شافني
مرام :ايه ايه باين تراء انتي من طخت اشواق الفوز ما يقرب منكم
اشواق :اففف لزوووم التحطيم
الكل :ههههههههههههههه
************************************************** *********
جلست من نومها مفزوعه وناظرت المكان الي هي فيه خافت كثير وهي تذكر كيف ضاعت والي خلاها تخاف اكثر انها صارت ليل والمكان مظلم وقفت وهي تحاول ترجع بس مو عارفة من وين الطريق جلست بيأس وبدت دموعها تنزل بخوف وبدت تنادي بصوت نزيل لانها خايفة بس مافي احد يسمعها
:شنوو يعني ماشفتوهااا
الجوري بخوف على حنين :والله ماشفتها دورت كثير وفي كل مكان بس ماشفتها
سديم حطت ايدها على فمها وقالت :لايكون صار لها شي
جنى :سديم لا تفاولين على البنت ان شاء الله مافيها شي
سديم :كيف مافيها شي وحنا من بدينا العب ساعتين مرت ولا احد شافها والجوري تقول دورت في كل مكان يعني اكييييد صاير لها شي
نوف بخوف :يااااربي استر بنات خلونا ندور عليها كلنا
مرام :اوكي يلا كل وحدة تروح مكان وتدور عليها والي يشوفها يتصل للثاني واذا ما شفناها راح نضطر نقول للشباب
اشواق :اوكي خلونا نبدأ
صار الكل يدور ويناديها بس الي ما توقعوه ان حنين راحت بعيد بعيد
بعد ساعه
سديم تبكي والبنات يهدونها
رنيم :خلاص انا بروح اقول للشباب عشان يدورون عليها في الاماكن البعيدة من المزرعه
شوق :تتوقعون راحت بعيد
رنيم :يصير الحين انا بروح اقول للشباب
راحت رنيم تركض للشباب ودخلت المجلس وقالت بصوت عالي :شبااااااب حنين ضاعت ولا ندري وينها نبيكم تدورون عليها معنا
طلال من سمع بسرعه قام يركض ولحقه ماجد وباقي الشباب
صقر تأففف :وهذي من جات وهي مسببه لنا مشاكل
جراح بعصبيه :صقررررر !
صقر :خلاص خلاص لا تعصب ماني متكلم بس لا تجبرني اني ادور معكم لاني مستحيييل ادوور عليها
جراح :بكيفك انا قايم ادور معهم
مسك جواله وصار يحوس فيه ولا هامه الي صاير براء
************************************************** *********
ماجد وهو يركض وراء طلال :طلااااااااال طلااااااااال انتظر
طلال وقف وقال :حنين ضايعه يا ماجد ضايعه هي ماتعرف شي هنا
ماجد :اوكي كلنا بندور عليها بس انت اهدء اشوي ماراح تعرف تشوفها وانت في هذي الحاله اخذ نفس وذكر الله وراح نلاقيها بأذن الله
طلال تنهد وقال :ان شاء الله
في جهة ثانيه البنات يدورون والشباب بعد والكل يناديها
سديم وقفت عن الركض وبدت تبكي حطت ايدها على وجهاا صار لهم 3 ساعات يدورون ولا شافوها
كان مار قريب منها وسمع بكائها قرب منها وقال بشك :سديم !!
رفعت راسها وشافته زاد بكائها وهي تذكر انه يبي يخطب
جراح بخوف وجرئة :سديم شفيك ؟؟!!
سديم :انـ ـا خااايفـ ـه على حنيــن
جراح :لاتخافي راح نشوفها يعني وين بتكون اكييد ماطلعت من المزرعه
سديم :بس صار لها 3 ساعات ومحد شافها اكيييييد صار لها شي
جراح :لا تفاولين على البنت ان شاء الله بنشوفها
سديم :ان شاء الله
جراح ابتسم وقال بجرئة :وانا لعيونك بدور عليها ولا راح اوقف لين اشوفها او يجيني أي خبر عنها
سديم ماقدرت تنطق بأي حرف من الصدمه
اما جراح تركها وبدء البحث عن حنين لعيون سديم
عند حنين بدت تمشي وتحاول انها تدور على الطريق الصحيح
حنين :ياااربي كيف بعرف الطريق الصحيح وانا مو شايفه شي من الظلام
بدت تفقد الامل والدموع رجعت تنزل من جديد وانينها بدء يرتفع والخوف زاد صارت تمشي وتمشي و فجأة .............................
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآه
الكل سمع صوت الصرخه العاليه الي زاد من خوف الكل
طلال بخوف :ماجد هذي حنين
ماجد بخوف :لا يكون صار للبنت شي !!
طلال زاد خوفه وراح يركض اتجاه الصوت
اما سديم الي حطت ايدها على قلبها والثانيه على فمها ومو عارفه شنو تسوي لانها ماقدرت تعرف في وين موقعها
نوف :هذي صرخة حنين شنوو صار فيها !!
الجوري :يااااربي استر !!
عند مشعل ورنيم
رنيم :من وين متجه الصوت ؟؟!
مشعل باستغراب :ماااادري مزرعتنا تنتهي لهنا وبس والصوت الي جاي ابعد من هنا !!
رنيم :بس كيف يعني تقصد انها طلعت من المزرعه !!
مشعل :مادري بس الحين خلينا ندور يمكن نلاقيها
*
*
*
عند اسرار
توجهت لمكتبة الجامعه وهي تفكر كيف بتقول لريان ان البنات بجون لها بكرة
وفجأة ...طااااااااااااااااااخ
اسرار طاحت على الارض ومسكت جبينها الي تعور من الاصطدام
:ااااه رفعت راسها تبي تشوف شنو هذا الشي الي اصطدمت فيه
فهد بخوف :انا اسف مو قصدي انتي بخير
اسرار :فهد! ابتسمت له وقالت :لا عادي انا بعد مانتبهت
فهد ببتسامه :تبين شي من المكتبه
اسرار :ايه عندي بحث وابي اخلصه قبل لا اسافر
فهد :اهاا اجل بساعدك في البحث
اسرار بأحراج :لا مايحتاج
فهد :بس انا مصمم
اسرار عبرت عن شكرها ببتسامه
*****************
عند حنين الي طاحت من المنحدر
حنين :آآآآآه رجلي تألمني آآآآآآآآآآآآآه
وبدت بالبكاء :يـ ـمه يبـ ـه اهئ اهئ آآآآآآآه آآآآآآآآآآآآه شنـ ـووو اسوووي ياااااربي اهئ اهئ
حاولت تقوم بس كل ما قامت طاحت مرة ثانيه صارت تدور على شي عشان توقف صارت تدور يمين يسار لين لقت عصا اخذت العصا وحاولت توقف لين قدرت تمشي اشوي اشوي وهي تبكي بس فجأة حست انها بطيح وتوازنها اختل غمضت عينها وهي خايفه من السقوط بس هو كان اسرع منها ومسكها من خصرها وطاح راسها على صدرة
حنين بدون لاتحس حضنته وهي تشعر بالامان وبدت تبكي مثل الاطفال
كان واقف مصدووم من الي شافه حس بأحساس غريب نزل راسه بحزن و رجع وصورتهم ما فارقت عقلة ..
*
*
*
*
جراح توجه بسرعه لسديم عشان يخبرها انهم لقو حنين
سديم بفرح :صـــــــــــــدق حمد لله ياااارب حمد لله اجل بخبر الكل
راحت تركض بس وقفت فجأ وقالت :بس مين الي خبرك
جراح :اتصل لي طلال وقال انهم لقوها
سديم :حمد لله
دار جراح بيمشي بس وقف لانه سمع سديم تناديه
جراح :هلا تبين شي
سديم بخجل :شكرا
وراحت تركض عشان تخبر الكل اما جراح ابتسم بفرح وحس ان حياته تغيرت 180 درجة
***********
بعد ساعتين من البحث
اسرار :يــــس واخيرا خلصنا
فهد :بكون تقرير حلو طبعا لاني تركت بصماتي عليه
اسرار :هههههه يا واثق بس على العموم شكرا وتعبتك معي اعذرني
فهد :لا ولووو احنا اصحاب ولا شوو
ابتسمت اسرار وقالت :أي شي تبيه قولي انا في الخدمه
فهد :اممم يعني تبين تعطيني هدية للمساعدة
اسرار: تقدر تقول كذا
فهد :اجل انا عازمك الليله على العشاء ومافي مجال للمعارضة
اسرار بصدمه :هاااا
فهد :ههههههه شفيك حسيت إن بسوي جريمه
اسرار :لا فهد اسفة ما اقدر
فهد :ليش ؟! ..انتي ماتثقين فيني
اسرار :لاااا مو قصدي كذا
فهد وهو يمثل الزعل :لا قصدك
اسرار تورطت :اوكي اوكي بس مانتأخر يعني ابي قبل 9 انا في الشقة
فهد :اكيييد اصلا انا بعد ابي ارجع قبل 9
اسرار ابتسمت :اجل اوكي اتفقنا الحين انا بروح
فهد :اوكي كوني جاهزة الساعه 7 بمر عليك
اسرار خافت وقالت :لا لا لا مايحتاج تمر علي انا بوقف عند محطة الباصات
فهد :بس أي محطه ؟
اسرار وهي مستعجلة :الي عند محل الساعات يلا باي
وراحت بسرعه تركض
فهد :انتظرررري أي محل ساعات
ضحك عليها وعلى شرحها