سوزان: ههههههههه يا بت امرك مقضي ساااهلة انتي عارفة يا هيام انا ما عملت كدا من فراغ انا خالتي دي نجضتني نجاااض
هيام: كيف عليك الله ههههه
سوزان: في القومة و القعدة يا بايرة انتي البعرسك منو و انتي شينة و مافيك شي و كلام كتير هي معتبراهو هظار لكن انا كان بنزل على زي النار في قلبي
هيام: هههههه هي يعني بتهظر
سوزان: ياخ دا كلو هظار المراة عقدتني عديل كدا.. اها يوم بس لقيتها ليك قدااام راجلها قالت لي البايرة و فكت الضحكة أنا كالعادة ابتسمت ليها و عاينت ليك لي راجلها ياخ طويييل و اخدراني و سمح قلت ليها خير راااجلك زاتو كان ما عرستو
هيام: و اهلك رايهم كان شنو
سوزان: بري امي والله قربت تقاطعني لكن اقنعتها
هيام: و هو كان موقفو شنو
سوزان: والله كان بريد الخالة جنس ريدة لكن على منو
هيام: ههههههه اكعب نوع اها و جبتي كيف
سوزان: يابت الراجل زي الجبل حاولت بي جاي بي جاي أبى كلو كلو و حظرني و بقى ما بسلم على لمن عرف قصدي و غلبت معاهو كلو كلو و لي درجة يوم مشيت ليهو في البيت بعد خالتي جاتنا في البيت و لبست لي قلينا خفيييفة
هيام: .انتي غايتو ما بسالك ههههههههه اها
سوزان: يابت مشيت فتح لي قلت ليهو خالتي قالت لي جيبي لي عدة الجبنة و طبعا خلاني عادي دخلت و فكيت ليك التوب
هيام: وااااي اها هو طبعا انهار
سوزان: وحياتك ولا اتاثر عارفني قاصدة لكن حسيت بيهو اتوتر لمن شافني و انا اعجبك اشيل و اترتر بي جاي و بي جاي عاملة فيها بفتش و هو قاعد برة في الصالة و بعدها طلعت و لا سيدنا يوسف ولا سالني
هيام: اجي دا فيهو انة اكيد
سوزان: لالا يا اختي انا متاكدة وواثقة
هيام: ههههههه انتي قادرة
سوزان: ما لقيت حل غير اني امشي للشيخ
هيام: اجشششش شيخ شنو يابت
سوزان: عديل مشيت لي شيخ والله عمل لي حاجة براااهم اتطالقو و انا دخلت في النص و كسبت
هيام: ياااااا بت ؟ 😨
سوزان: و الله جد. عاد اعمل شنو ما غلبت اعمل شنو اسي خالتي اعاين ليها بي قعر عيني و هي ميتة بالمغسة
هيام: و الشيخ دا وين
سوزان: ههههههه بتمشي انتي ؟
هيام: انا شكلي برضو ما عندي حل
سوزان: لالا تمام بوديك انا بي نفسي
هيام: خلاص يا زولة بينا تلفونات
سوزان: بكرة دي كان قلتي امشي معاك بمشي
هيام:خلاص تمام بكلمك لو لقيت طريقة طلعة من البيت
سوزان:تمام
هيام الطريق كلووو تفكر في الشيخ دا و حيحلحل كل مشاكلها و امورها كلها بتسلك و بتظبط .....رجعت البيت .....هبة و حسن بشارة قربهم من بعض و حببهم في بعض اكتر و كانو مبسوطين و حاسين الدنيا مافيها غيرهم ..... هيام بعد فترة قالت لي امها انا ماشة الاقي صحبتي
امها: يابت انتي صحبتك دي شنو الجديدة الطالعة لينا بيها دي
هيام: يا امي بجيبها ليك تشوفيها عشان تتطمني
امها: سمح ما تتاخري طيب
هيام: كويس
هيام طلعت مشت وقفت للمواصلات .....
هيام:سوزي انتي وين ؟
سوزان:انا في الاستوب الفلاني تعالي منتظراك
هيام:طيب انا جاية
اتلاقو و مشو للشيخ ....اسمو شيخ حسون .....لقو البيت الساكن فيهو مليااان ناس و غالبيتهم نسوان .....قالت ليها إلا ننتظر دورنا.
هيام:لكن انا خايفة نتاخر
سوزان:لالا ما بتتاخري اصبري
بعد ساعة كدا جا دورهم .
هيام:سوزي معليش عايزة ادخل براي
سوزان:اجي انا جاية معاك من هناك عشان تقولي لي كدا
هيام:خلاص يا سوزي عليك الله انا عايزة ادخل براي
سوزان:تمام يا اختي على راحتك
دخلت هيام للشيخ
شيخ حسون:هلا وسهلا
هيام:مرحب يا شيخنا
شيخ حسون:انما انا عبد من عباد الله
هيام:تمام
شيخ حسون:عايزة شنو الجابك شنو للسجم دا
هيام:بسم الله سجم شنو
شيخ حسون:الجابك ترتكبي جريمة زي دي شنو
هيام:جريمة يا شيخ دقيقة
شيخ حسون:اولا قبل كل شي عايز اقول ليك حاجة بقولها لي كل ناسي
هيام:اتفضل
شيخ حسون:كل شي بحصل بمشيئة الله تعالى مافي شي بحضل ساكت و انا كان باريتيني بمرقك من الملة و كل البحصل بإذن الله يعني كلو من عند الله ما عندي شي انا
هيام:إن الله غفور رحيم
شيخ حسون:كلامك دا ما تقولي لي انا قولي لي الله بعدين
هيام:كويس
شيخ حسون:اللهم بلغت اللهم فاشه
هيام:خلاص يا شيخ اقول
شيخ حسون:قولي و امرك مقضي باذن الله ......
يتبع....