كان شادى واقف مع الشباب بيقرروا يعملوا ايه لغاية ما استقروا انهم هيستنا البوليس عشان هم مش مسلحين
بس كل ده اتغير لما شادى سمع صرخة ساره من جوا الفندق ساب الشباب وجرى اتجاه الفندق ولقى حديده اخدها معاه وكمل
قابله اتنين ع الباب واتشابك معاهم اتصاب بكدمه تحت عينه الشمال ف الوقت ده جه بقية االشباب وخلصوا منهم
وحمدوا ربنا ان ماحدش من الى جوا حس باللى حصل ودخلوا الفندق اللى كان متكون من 3 ادوار وسمعوا تانى
ساره بتصوت وبتستنجد بأى حد ينقذها من اللى هى فيه سرع شادى من خطواته والشباب وراه وقعدوا يمشوا
ورا الصوت لغاية ما وصلوا للدور التانى ولقوا اوضه مفتوحه وشادى من غير اى تفكير دخل الاوضه بسرعه
واول واحد قابله اداله بالحديده ع دماغه ووقع اغمى عليه قابله اتنين تانيين بس ماعرفش يوصل لحد فيهم ودخل
تالشباب وكلهم اشتبكوا بس شادى سابهم ودخل اوضه كانت جوا الاوضه دى لقى سالى قاعده على كرسى
وبتدخن بكبرياء وساره مرميه ع الارض مربوطه من رجلها وايدها وعينها متغميه بقماشه المفروض انها كانت
بيضا بس دم ساره اللى نازل من دماغها خلاها حمراسالى اول ما شادى دخل وقفت بصدمه ورمت السيجاره
سالى:شادى؟؟!!
شادى:ايه ماكنتيش تتوقعى انى اعرف مكانك
سالى بصت لساره وبعد كدا ابتسمت بخبث:انت لما جيت اثبتلى انك لسه مانستنيش ولا نسيت ايامنا
وراحت ناحية ساره وشالت االقماشه اللى ع عينها ساره اول ماشافت شادى اطمنت وحست انها خلاص تمام
سالى:احب اعرفك يا ساره ع الاوضه اللى كانت بتجمعنى انا وحبيب القلب وطبعا مش محتاجه اقولك كنا بنعمل ايه
بصت ساره لشادى بصدمه وبعد كدا بقرف ولفت وشها الناحيه التانيه وبدات دموعها تتجمع ف عنيها بس منزلتهاش
كانت ف الوقت ده تعبانه جدا ومرهقه وحاسه انها دايخه حتى انها مش قادره تتكلم مش قادره تعمل حاجه
ف الوقت ده دخل البوليس وطبعا قبضوا ع سالى بتهمة خطف ساره والتعذيب اللى كان واضح من اثار ضرب
والضربه اللى ف راسها كانت ساره خلاص جابت اخرها وفجأه الرؤيه عندها اتشوشت واخر حاجه شافتها خيال
وهو بيجرى عليها ويلحق جسمها قبل ما تقع ع الارض وساعتها ساره استسلمت لتعبها وغمضت عينها
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
فاقت ساره لقت نفسها ف اوضه مستشفى والبنات حواليها ودموعهم ع خدهم
ساره:بتعيطوا ليه يا فقر
مريم بصوت مبحوح ومناخيرها حمرا من كتر العياط:حمد الله ع السلامه يا ام6 السن
روفيده:وحشتينا يا كلبة البحر
رولا من غير ما تتكلم حضنتها وهى بتعيط
ساره بصت لرنا لقتها بتعيط وهى ساكته هى وندى
ساره:وانتم ايه مفيش اى رى اكشن
ندى:هخرج اناديهم عشان يطمنوا عليكى
وخرجت ندى لقت الشباب كلهم ع قاعدين ع كراسى الاستراحه
بصت ناحية ياسين وحست انه كان واحشها وانها كانت خايفه عليه
لما مشى مع الشباب عشان يدوروا ع ساره بس نفضت الافكار دى من دماغها
وافتكرت انها ع زمة سيف لسه وكمان ماكنتش حبه تعترف بالمشاعر دى بينها وبين نفسها حتى
ندى:ساره فاقت
شادى قام بلهفه ومستناش حد ودخل ع ول
ودخل الباقى وراه ساره اول ما شافت شادى افتكرت كلام سالى وابتسامتها اختفت
شادى لاحظ ده ومارضيش يعلق الباقى حس ان الجو متكهرب بينهم فحبوا يسيبوهم
يتكلموا مع بعض وفعلا بدأوا ينسحبوا وخرجوا كلهم من الاوضه
*****************************************************************************************
لما خرجوا من الاوضه كل واحد اخد مراته ونزل بيها الكافيتريا
طبعا ياسين وندى فضلوا لوحدهم وياسين ارتبك جدا
وهى كمان ارتبكت بسبب المشاعر اللى بدات تحسها
ياسين:تعالى ننزل نشرب حاجه تحت لانى هلكان جدا
ندى بصتله لقت ف جرح جنب حاجبه اليمين وكان لسه بينزف
ندى:ياسين انت بتنزف
ياسين حط ايده ع الجرح وابتسملانه حس انها خايفه عليه من نبرة صوتها
ياسين:ده جرح بسيط متاخديش ف بالك
ندى:ياسين انت دكتور وفاهم كويس يعنى ايه جرح ده لو اتلوث هيدلك ف متاهات
ياسين بابتسامه:خايفه عليا
ندى بتوتر:اكيد انت صاحبى وأخويا يعنى اكيد خايفه عليك
ياسين:صاحبك واخوكى وبس
ندى اتهربت من الاجابه وقالتله:هروح انادى ممرضه تيجى تطهرلك الجرح
مسكها ياسين من ايدها ووقفها:ردى ع سؤالى يا ندى صاحبك واخوكى وبس؟
ندى:ماينفعش يا ياسين اللى انت عامله ده انت ناسى انى متجوز وع زمة غيرك
ياسين ساب ايدها:معاكى حق انا اسف
ومشى وسابها وهى كانت حيرانه ومش عارفه تحدد مشاعرها
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
ف الوقت ده ف الاوضه كان الجو متوتر وماحدش منهم اتكلم
لغاية ما ساره قررت تكسر الصمت ده وتنهى الموضوع
ساره:طلقنى
شادى بصلها بصدمه:مستحيل انتى كدا اتهمتينى وحكمتى عليا من غير ما تسمعينى
ساره:هتقول ايه تانى يا شادى ها؟ هتقول ايه ما ست هانم بتاعتك قالت كل حاجه
شادى:وانتى صدقتيها
ساره:سؤال واحد يا شادى روحت معاها الفندق ده قبل كدا ولا لا
شادى:روحت بس اسمعى بس
ساره:اسمع ايه انتى استسهلت انك تعمل القرف ده انا عارفه ان
حياتك كانت بايظه بس توصل للدرجادى يبقى طلقنى احسن
اللى خلاك تشوفها سهله قبل الجواز اكيد هتكون سهله بعده
شادى:انا ماعملتش كدا يا ساره وبصى الحوار كله انى كنت ف
مره كنت قاعد معاها وسكرت طينه وهى اخدتنى ودتنى الفندق بس
بمجرد ما دخلت الاوضه نمت وماحصلش حاجه من اللى ف دماغك
دى وع فكره عمرى ما فكرت اعمل كدا ابدا هى دى الحقيقه عايزه
تصدقى صدقى لو مش عايزه انتى حره
واداها ضهره ووقف يتفرج ع الناس من الشباك
وهى كانت الحيره هتجننها تصدق عقلها اللى بيقولها ان سالى صح
ولا قلبها اللى بيقولها ان شادى معاه حق وانها لازم تثق ف كلامه
وقررت تسمع كلام قلبها وقامت من ع السرير رغم الدوخه اللى هى حاسه بيها
وراحت وقفت قدامه وقعدت تتأمله لانه كان واحشها جدا
ساره:ع فكره عملت كدا عشان بغير عليك وماكنتش متخيله الى هى قالته
شادى:طيب
ساره لقته لسه مبوز وشكله زعلان ففكرت شويه
وبعد كدا حطت ايدها ع الجرح اللى ف راسها
شادى:ماك يا ساره فيكى ايه
ساره:حاسه بدوخه شديده شويه
شادى شالها وحطها ع السرير تانى
شادى:استنى هروح اجيب دكتور
ساره منعته انه يكمل ومسكت ايده
بصلها شادى,ساره:بحبك ع فكره
شادى بصلها بعتاب
ساره:خلاص بقى
شادى:انا اللى مزعلنى انى كنت فكرك بتثقى فيا اكتر من كدا
ساره:بثق فيك والله بس الكلام كان تقيل حبتين
قعد جمبها وحضنها ساره وشها احمر من الكسوف
ساره:احم شادى افرض حد دخل
شادى:ما اللى يدخل يدخل انتى مراتى
ساره ضحكت وسابت نفسها تستمتع باللحظه دى
%%%%%%%%%%%%%%%%%%%%%%%%%%%%%%%%%%%%%%%%%%%%%%%
عدا ايام والكل بيتجهز لفرح مريم ومهند وقرر سيف ان يكون فرحه هو وروفيده كمان معاهم
وفعلا بدأوا يجهزوا وجه يوم الفرح خرجوا العروستين بأحلى صوره وكان سيف طلق ندى قبلها
وياسين حاول يوصل لقلبها كتير وهو مايعرفش انه سكن فيه فعلا وقرر قرار وقال انه هينفذه
الفرح كان مليان سعاده وكل اللى فيه كانو فرحانين جدا وشادى وساره كانوا بيخطوا لفرحهم
ويتخيلوه سوا ولكن فيه قلبين مشتاقين ومش حاسين بالجو اللى حواليهم خالص
ندى كانت قاعده بتتفرج ع العروستين ولقت ياسين جه قعد معاها
ياسين:انا جاي اقولك انى خلاص هسافر تانى وماعدش هدايقك تاننى وحبيت اقولك انى بحبك
ندى بصتله بصدمه:مسافر؟مسافر فين؟وامتى؟
ياسين:راجع كندا تانى اكمل ماجستير ودكتوراه هناك وطيارتى بكره الصبح ع الساعه 10 اتمنى تيجى
تسلمى عليا يمكن لاخر مره
قال كدا وقام مشى وسابها مصدومه وتعترف لاول مره انها وقعت ف حبه
بصت عليه لقته مشى من الفرح كله رجعت مكانها تانى وهى نفسها تروح عشان تعيط براحتها
وخلص الفرح وكله روح ع بيته
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
تانى يوم ندى صحيت من النوم اللى هى ماعرفتش تنامه بسبب التفكير
بصت ف الساعه لقت الساعه 8:30 قامت بسرعه دخلت اخدت شاور
واتوضت وصلت الضحى ولبست ونزلت بسرعه واخدت اول تاكسى لمطار
ياسين كان خلاص داخل المطار وفقد الامل خااالص انها تيجى بس سمعها بتنادى
عليه لفلها بسرعه لقاها جايه بتجرى عليه واول ما وصلتله حضنته هو كمان حضنها
ندى:ماتسافرش خليك معايا انا ماقدرش اعيش من غيرك
ياسين بفرحه:يعنى انتى .....................؟؟
ندى:ايوه بحبك ومش هسيبك تسافر حتى لو غب عنك
ياسين حضنا ولف بيها وكان حاسس ان الدنيا مش سيعاه
###################################################
بعد مرور اعوام
كانو متجمعين كلهم ف الفيلا عند سيف
البنات قاعدين مع بعض
والشباب مع بعض
والاطفال يلعبون من حولهم
رولا وادهم بقى عندهم بنوتين توأم ريناد وجيلان
ورنا ومازن بقى عندهم مروان وروان
وسيف وروفيده عندهم بنوته كيوت اوووى اسمها فتون
ومهند ومريم عندهم نهر
وساره وشادى عندهم وعد
وياسين وندى عندهم رغد
وهم قاعدين لقوا خالد جه وكانوا بقالهم سنين ما شفهوش
بس الدهشة اتملكتهم لما لقوه طلع مسدس ووجه ليهم
خالد:انتم مش احسن منى ف حاجه
سيف:اهدى يا خالد ماينفعش اللى انت بتعمله ده فى عيال واقفين
خالد:انا هقتلهم واحد واحد قدامكم
شادى:انت عايز ايه يا خالد
خالد:عايز انتقم منكم ع سنين عمرى اللى قضيتها ف السجن
مازن:وهم ذنبهم ايه انك شمال
خالد بصله:انا هوريك الشمال ده هيعمل ايه
ووجه المسدس ناحيته وضرب
ف الوقت ده رنا كانت اتسحبت وراحت كلمت البوليس
والاطفال بيعيطوا من صوت الرصاص
ورنا رجعت مكانها عشان خالد مايحسش
لقت مازن واقع ف الارض وكتفه بينزف
خالد لسه هيضرب رصاصه تانى ع سيف
حس بمسدس موجه ليه من ورا
الضابط:ارمى سلاحك يا خالد احسنلك يا اما الطلقه هتكون ف راسك
خالد رمى المسدس من ايده واخده البوليس
والاسعاف اخدت مازن ونقلوه المستشفى
####################################
بعد يومين
خرج مازن من المستشفى لان الرصاصه كانت سطحيه
ورجعت حياتهم طبيعيه فيها طبعا مشاكل طبيعيه بس كانوا بيحلوها مع بعض بهدوء
وف يوم رجع سيف من الشغل لقى فتون ف اوضتها بتتفرج ع التليفزيون باسها
ودخل لروفيده المطبخ
سيف:وحشتينى
روفيده:وانت كمان وحشتنى
سيف:لسه بتحبينى زى زمان
روفيده:واكتر كمان ده كل يوم بيعدى بحبك اكتر
سيف:طب انا بالنسبالك ايه
روفيده:انت عمرى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خلصت اخييرا انت عمرى واسفه لو البارت شكله منعكش بس بكتب من ع الكمبيوتر
فمختلف حبتين وبشكر كل اللى تابعونى وشجعونى