انت عمرى

شيطان احب ملاك

عند سيف من ساعة ما شاف روفيده وهى مبتغبش عن باله
دايما بيفكر فيها
سيف لنفسه
( ايه يا سيف انت حبتها ولا ايه لالالالا حب ايه هو انت بتاع حب وكلام فارغ وبعدين كل البناات شمال بس البنت دى مش زى بقيت البنات
انت عبيط يا بنى بتحب واحده متعرفش اسمها
احسن حاجه اقوم اكلم سوزى اسهر معاها النهارده
بس هى كانت قموره اوووى برضو رجعت تفكر فيها قوم يا سيف كلم سوزى وطلعها من دماغك)

اخد شاور ولبس ونزل يسهر كالعاده
..............................................
عند روفيده قررت تدخل تكلم مازن عشان مش عاجبها
روفيده خبطت على الباب
مازن: ادخل
روفيده: مساء الخير على اللى مطنشنا وقاعد لوحده
مازن: معلش يا روفى مخنوق شويه
روفيده: ايووووووه مخنوق ليه بأه
مازن: مفيش
روفيده: هتخبى على روفى
مازن: روفيده انا هخطب بنت من الجامعه معايا شوفتها النهارده وشدتنى ليها هتقدملها ونبقى نتعرف على بعض فى فترة الخطوبه
روفيده: بتحبها
مازن: هى بنت كويسه ومؤدبه
روفيده باصرار: بتحبها
مازن: انا معرفهاش عشان احبها
روفيده: هتخطب واحده مبتحبهاش
مازن: اكيد لما اخطبها هحبها
روفيده: اوك يا ميزو اهم حاجه راحتك هسيبك انا ترتاح
مازن: تصبحى على خير
روفيده وانت من اهله
وخرجت وقفلت الباب وراها
مازن بص للسما وقال يا رب وقال ااه مكتومه محدش سمعها غيره ودموعه مقدرش يحبسها اكتر من كدا ونزلت على خده
مازن لنفسه
( انا اسف اسف يا حب حياتى مضطر اعمل كدا لازم انسى حبك لازم لانى معتقدش انك بتحبينى)
........
فى الوقت ده فى اسكندريه بنت واقفه بتصلى وبتدعى ربنا ان حبيبها مازن يكون من نصيبها وهى دموعها على خدها لان قلبها مقبوض وحاسه بخنقه
...................
عند روفيده نامت وحلمت
(ان هى فى مكان ضلمه ووحش بس جه واحد شكله وحش كان معاها فى نفس المكان شد ايدها وكان بيحاول يخرجها
واول لما خرجو للنور لقتو عسول اوووى غير المسخ اللى كان معاها جوا فى الضلمه)
ابتسمت روفيده وهى نايمه وكملت نوم
...................
فى اوضه الاب والام
الام(سهير): تفتكر روفيده هتوافق
الاب(محمد): لازم توافق
الام: بس ده موضوع صعب وبالذات ان احنا حطناها قدام الامر الواقع
الاب: انا ابوها وانا ادرى بمصلحتها
...............................
انتهت الحلقه
يا ترى مازن بيحب مين
ويا ترى ايه حكايه حلم روفيده
ويا ترى ايه الموضوع اللى الام والاب كانو بيتكلمو فيه
ويا ترى سيف حب روفيده ولا مجرد اعجاب لانها حاجه جديده
مستنيه اراءكم