انت عمرى

هتجوز غيره

نزلت رنا من بيتها وراحت على بيت روفيده
روفيده فتحتلها وبصتلها باستغراب لان رنا كان وشها باين عليها انها متعصبه وحزينه فى نفس الوقت
روفيده: ازيك يا رونى عامله ايه
رنا بهدوء عكس اللى باين على وشها: تمام يا روفى بقولك مازن هنا
روفيده: اه نايم جوه
رنا: ممكن ادخله
روفيده اكيد هو نايم فى اوضته اتفضلى
دخلت رنا سلمت على الاب والام ودخلت اوضة مازن
مازن كان نايم فى اوضته
دخلت رنا وكانت متعصبه ورزعت الباب والباب لما اتفتح جامد اتخبط فى الحيطه عامل صوت عالى
رنا اول لما عينها وقعت عليه راحت لفت وشها الناحية التانيه وبتشتم فى نفسها انها ما خبطتش ولا حتى بعتت روفيده تصحيه
عند مازن كان نايم وصحى على الباب لما اتخبط فى الحيطه
مازن بخضه:ايه فى ايه
رنا بعصبيه وخجل وهى لسه مدياله ضهرها: البس حاجه الاول وبعدين نتكلم
مازن بص لنفسه كان لابس بنطلون بس من غير تى شيرت
مازن ضحك على كسوفها: وايه يعنى ما نتكلم كدا اصلا الجو حر
رنا بعصبيه طفوليه: انت قليل الادب يلا البس حاجه عشان اعرف اكلمك
مازن: تؤ مش هلبس انا حرااااان
يلا قولى ايه السر اللى خلا مراتى حبيبتى تزورنى الصبح كدا
رنا افتكرت هى جايه ليه راحت اتعصبت ولفت ليه ونسيت انه من غير تى شيرت
رنا لسه هتتكلم راحت لفت وشها تانى
وقالت بعصبيه: مازن البس يا اما همشى
مازن ضحك جامد اووى ولبس التى شيرت
مازن: لبست اهو مالك بأه يا ستى
رنا بصتله وطلعت الورقه اللى شيرين ادتهالها وادتهاله
مازن مسك الورقه: ايه دى
رنا: اقرا وانت تعرف
قرأ مازن بصدمه
مازن: رنا انتى مصدقه اللى فى الورقه ده
<<<<<<<<<<<<<<<<<<<<<<<<<
عند مريم لما مهند مشى من عندها
قعدت تعيط انها ازاى مش وثقت فيه
قامت لبست بسرعه وراحت البيت
اول ما نزلت من التاكسى لسه داخله العماره لقت مهند نازل فى وشها ومعاه شنكة سفره وقف يبصلها شويه وعدا من جنبها ولا اكنها واقفه اصلا
مريم لفتله وبصوت غالب عليه الدموع: مهند استنى بالله عليك
مهند وهو مديها ضهره: نعم يا مريم فى حاجه لو فى حاجه بسرعه عشان ميعاد طيارتى
مريم: وهو سفرك ده طلع فجأه يعنى
مهند ببرود: لا عرضو عليا السفر وانا اللى رفضت رفضت عشان واحده فاكره انى زانى
مريم: انا اسفه يا مهند بس بالله عليك ما تسافر عاقبنى اى عقاب تانى غير ده
مهند: خلاص مينفعش انا حجزت واتفقت مع الشركه
مريم: وهتغيب اد ايه
مهند: شهرين او اكتر مش عارف على حسب الشغل
مريم: هتبعد عنى شهرين
مهند تجاهلها ومشى
مسكت مريم ايده اللى ماسكه الشنطه
مريم: مهند ماتسبنيش
مهند: سلام يا مريم وخلى بالك من نفسك
وشال الشنطه ومشى
مريم قعدت على السلم ودخلت فى نوبة عياط طويله
#########################
خلص الشهر وروفيده خلاص جهزت انها تسافر
وجه ياسين يشوفها قبل السفر
ياسين: خلى بالك من نفسك ها
روفيده: حاضر
ياسين: روفيده احنا اصحاب صح
روفيده بتردد: اكيد
ياسين: انتى مغصوبه عليا
روفيده بتوتر: لا ليه بتقول كدا
ياسين: لا كنت بسأل اوك تروحى وتيجى بالسلامه
روفيده: الله يسلمك
وسلم على جوز خالته
روفيده كانت هتسافر مع باباها ومامتها كانت قاعده مع مازن
مشى ياسين وجم البنات مريم من ساعة ما مهند مشى جسم من غير روح
حتى متصلش بيها طول المده دى كلها
رولا كانت قاعده وسطيهم
رولا: انا عايزه اقولكم حاجه
ساره: ايه ها ايه ايه
رنا: اهدى يا بت خليها تتكلم ايه يا رورو حاجة ايه دى
رولا: استعدو للمفجأه